социјани мрежи – Вистина.мк

„Ниедна хуманитарна акција нема да е успешна доколку за истата не се расчуе“- Елена Ристеска се дружеше со дечињата со атипичен развој (фото)

Слаѓана Атанасова — Tue, 17 Jan 2023 06:59:10 +0000

Елена Ристеска до неодамна поголемото внимание го имаше насочено кон козметичката линија и парфемот од нејзиниот бренд „Ера“, но се обидуваше да менаџира и млади македонски пејачи. Пејачката сега повторно се активираше на музички план, па пееше на предновогодишните забави, беше дел од новогодишната емисија заедно со нејзината колешка Каролина Гочева, а пееше и на Нова Година на плоштад „Македонија“. Таа неодамна издаде и песна по петгодишната пауза, токму кога славеше 20 години кариера, а тогаш изјави: „Во овие 20 години кариера секогаш несебично помагав“ - изјави тогаш на нејзиниот Инстаграм профил. Тоа го потври и сега кога пејачката изјави дека пред Новата година била дел и од еден настан со хуманитарен карактер и ги посетила дечињата со атипичен развој. Пејачката тоа го објави на социјалните мрежи со цел што повеќе да допре до луѓето бидејќи смета дека ако не се расчуе како да не се случило. Таа изјави дека не сака да зборува за хуманитарните настани бидејки звучи како „фалба“, но иако делата зборуваат сами по себе ако за тоа не се сподели во поновото општество јавноста нема да знае со што се соочуваат некои луѓе. Затоа смета дека ниту една хуманитарна акција нема да биде успешна доколу за истата не се расчуе. Затоа таа објави еден подолг текст на Инстаграм и напиша: „Нешто за кое што најмногу мразам да зборувам јавно се хуманитарните настани, затоа што во поновово општество би се сфатиле како “фалба”, всушност тие хумани дела треба да зборуваат сами за себе. Но, спортивнo на мојата желба, сепак ако за некои теми не проговориме јавно никогаш јавноста нема да знае со што се соочуваат некои луѓе. Ниедна акција хуманитарна нема да е успешна доколку за истата не се расчуе , макар по социјалните медиуми. Затоа ова што го споделувам е дружење со дечињата со атипичен развој, кое се случи пред новата година. Дечињата се дружеа преку заеднички вежби координирани од овие прекрасни луѓе, тренери по физичка култура, дефектолози, психолози, логопеди и волонтери. Нешто што е важно и за физичкото, но и за психичкото здравје кај сите деца, а особено кај овие дечиња на кои им е потребна и социјална интеграција. Убаво би било да ги чуете нивните судбини и да пробаме заедно да промениме нешто за општо добро, а најмногу за нив и нивните родители. Не заборавајте дека вие имате нормален живот, а на нив им се потребни многу финансиски средства и грижа за да живеат нормално. Да се освестиме. Да направиме да се чувствуваат сите дека припаѓаат на овој свет. Дека не се различни од другите. Затоа што сите сме исти. Сите сме луѓе. Ветувам дека наскоро пак ќе се дружиме.“

View this post on Instagram

A post shared by ELENA RISTESKA ERA (@elenaristeska_era)

А потоа и се запраша „Се прашувам колку од вас би го лајкнале постов и колку би го споделиле“. Но, се разбира со добар план, посветеноста и истрајноста секогаш резултираат со успех, а помошта од срце е најголемото богатство кое може да го понуди секој од нас. Фото: Пинтскрин/Инстгарам/elenaristeska_era

Откако во медиумите се појавија шпекулации дека се скарале Тамара и Елена, познатата пејачка се огласи и ја откри вистината

Христина Ѓоргиевска — Thu, 10 Oct 2019 07:06:20 +0000

Тамара Тодевска и Елена Ристеска важат за едни од најпознатите пејачки на македонската естрада, секоја успешна во професијата и со фанови кои ја слушаат нивната музика. Иако можеби поради професијата и музичката кариера тие треба да гледаат конкуренција една во друга, Тамара и Елена се добри пријателки. Често на социјалните мрежи може да видиме фотоготафии од заеднички дружења, забави, родендени. Заедно можевме да ги видиме на концертот на Влатко Лозаноски во „Арена 1“ во Скопје. https://arhiva.vistina.com.mk/radio-mileva/tamara-elena-risteska-karolina-raspeani-nameani-do-ushi-na-koncertot-na-lozano-ama-i-oblecheni-isto-foto/ Исто така, Елена ја поддржа Тамара на „Евровизија“ и тогаш истакна дека е горда на неа. Меѓутоа, деновиве „Слободен печат“ обајви дека наводно пејачките се скарале бидејќи повеќе не се следат на „Инстаграм“ . Исто така, беше објавена и фотографија на која се гледа дека двете пејачки не се следат на социјалните мрежи, па отаму започнаа шпекулациите дека не се во најдобри односи. Меѓутоа за да провериме дали пејачките се следат, го отвориме „Инстаграм“ профилот и забележавме дека двете пејачки се следат, односно дека Тамара ја следи Елена и обратно. Дали тие се отследиле или па заследиле, не знаеме.... Од друга страна, Елена во изјава за „Женски магазин“ ги демантираше овие пишувања и потенцираше дека не е скарана со својата другарка и колешка: - Скарани? Јас таква информација немам, првпат слушам. Последните пораки мои и нејзини се поддршка за сѐ што ѝ се случуваше, а од нејзина страна благодарност што сум тука за неа од кога сме се запознале. Некој сака да направи некаков хаос, но нема да му успее...кој и да е тој- изјави Ристеска за Женски Магазин.

„Досадни сте“: Тамара Тодевска од одмор „распали“ по социјалните мрежи

Христина Ѓоргиевска — Fri, 13 Jul 2018 07:33:10 +0000

Социјалните мрежи се повеќе земаат поголем замав кај луѓето, па се претвараат во виртуелни сушества. Покрај Фејсбукот, најактуелна социјална мрежа е Инстаграм која нуди најразлични опиции, од постирање на секојдневни фотографии, постирање на “кратки приказни“ кои се достапни 24часа, разновидни додатни апликации кои на корисниците им стануваат интересни и занимливи. Најновото на „Стори“ на Инстаграм е апликацијата „Поставете ми прашање“, со која може да поставувате прашање, а и да добиете одговор. Македонските јавни личности веднаш почнаа да ја користат оваа опција, па добиваа разновидни приватни и професионални прашања. Меѓутоа, македонската пејачка Тамара Тодевкса која моментално се одмара на море, распали по социјалните мрежи дека се досадни со новата опција на Инстаграм. “Дали сте досадни со “Прашај ме прашање“, напиша Тамара на социјалната мрежа, а потоа додаде дека има попаметна работа отколу да се занимава со тоа.

Инаку, Тамара е една од најактивните пејачки и многу често ги користи социјалните мрежи за да објавува од секојдневните активности. Тамара заедно со нејзиното семејство по вторпат се одмара на море од каде често споделува и фотографии. А нејзината сестра Тијана Дапчевиќ сподели една семејна фотографија.

Инаку, пејачката е бремена и заедно со сопругот ќе станат родители на нивното второ дете кое е машко. фото:Инстаграм