социјални мрежи – Вистина.мк

„Не ми треба одмор“: Миа Костова нема да се откаже од социјалните мрежи (фото)

Слаѓана Атанасова — Thu, 01 Feb 2024 07:05:53 +0000

Работата на Инфлуенсерите која изгледа лесна и едноставна и носи одлична заработка, а за оние кои ја работат оваа работа е чиста забава и целосно уживање. Тоа сега го потврди и една од најпознатите македонски инфлуенсерки, поранешната водителка Миа Костова, која отворено призна дека си ја сака работата, но и условите кои ги има, а кои и дозволуваат секој момент да го исполни со она што таа го сака без оптоварување и трка со времето. Периодот на одмор сама го определува, а работата ја завршува со големо задоволство, без никаков товар. Кога вистинската личност ќе се најде на вистинското место лесно ќе ги покаже своите способности, квалитети и умеења и тогаш успехот е повеќе од загарантиран, а резултатот одличен. Па кога задоволството и работата се едно исто, никому не би му било тешко да оди и да работи. Така популарната Миа одговараше на прашања од следбениците на Инстаграм профилот, па во едно од нив ја откри вистината и тајната на успехот. - Дали ти доаѓа да одмориш од социјалните мрежи ? Онака да оставиш телефон некој период? - Најискрено не! Многу си ја сакам работата и многу ретко ја доживувам како терет. Или како нешто од што ми треба одмор. Кога сакам знам да здивнам ден два ама тоа не значи дека не сум тука, туку може само да нема сториња - јасна беше таа како и секогаш. Се разбира, нема ништо поубаво кога ќе се спојат задоволството и работата и се' оди како подмачкано и лесно како песна. Фото: printskrin/instagram/Miandria

Бoмбакис има одговор за самобендисаните нарциси на социјалните мрежи и нивните анимални потреби: „И гравот се срка со слика“ (ВИДЕО)

Антонио Димитриевски — Tue, 30 Jan 2024 08:55:18 +0000

Социјалните мрежи дефинитивно станаа „поле за натпревар на објава на глупости“. Врие од она што се нарекува: „Она од што паметниот се срами – будалата се гордее“, вели една стара поговорка, а по принциот на истата Фејсбук, Инстаграм ТикТок, па и Х станаа преплавени со самобендисани нарциси и нивните анимални потреби. Од тоа кој кај бил, што правел, што купил, што јадел, што пиел, каде спиел… Полнењето и прекривањето на телото - пуштени на најјако, остана само да почнат да го сликаат и споделуваат „празнењето“! Златна тоалетна школка, на неа даска од махагониј и кристално казанче, се веројатно следните инфлуенсерски достигнувања... Ах, да и... тоалетна хартија од кадифе и свила, да не заборавиме да ставиме! Каолку сето ова да звучи парадоксално и смешно, бидете убедени дека еден ден ќе се разбудите затечени и со ваква врвна егзотика на социјалните мрежи штом го вклучите мобилниот или компјутерот. Во меѓувреме додека некој „се*ко“ не се охрабри и ова да го направи, најчесто се фалиме каде и што сме јаделе. Суши, риба, морски плодови, лигњи , октоподи, ракови, шкампи и школки, па се до јастози и кавијар... За специјалитети од свинско-говедска па и јагнешка провиненција и да не говориме... Таму има жестока конкуренција! Од најлуксузни ресторани, локали и кафеани, до нај биртии и селски меани. Во целата таа гастрономскао - хедонистичко-нарцисоидна трка, битно е да се покаже каде и што се крка! Токму затоа одговор на сите овие самобендисани фотомајстори по социјалните мрежи, им даде со свој пример познатиот „картон креатор“ Бомбакис, познат по своите поенти и пораки испишани токму на парче картон! Само што овој пат картонот го оставил зад врата, па решил со вирално видео „да им го плесне“ в лице и да ги соочи со суровата вистина, дека не е исто она што го јадат дома и она што го вадат на виделина! Па затоа, кога веќе споделуваат, барем еднаш можат да го сликнат и она што го јадат дома, колку за промена! Или стравот од гравот е толку голем, што подобро да се скриеш кога го јадеш гравот, за да не те изеде срамот? Од „ку*чот“ и лажната слика за себе самиот што ги постираш, кога глумиш и се фолираш како се луксузираш?! А Бомбакис вика дека и... гравот се срка со слика!

View this post on Instagram

A post shared by Kristijan Stankovski (@bombakis)

Фотои видео: Инстаграм/bombakis

Игор Џамбазов го умреа: Лажната вест на социјалните мрежи ја распамети и наежи македонската јавност иако беше само обична глупост (ФОТО)

Антонио Димитриевски — Mon, 29 Jan 2024 08:25:12 +0000

Социјалните мрежи дефинитивно станаа „поле за натпревар кој поголема глупост ќе објави“. Врие од она што се нарекува: „Она од што паметниот се срами - будалата со гордост се фали“, па сме преплавени со тоа кој кај бил, што правел, што јадел, што пиел... Од самобендисани нарциси и „напумпани“ невести до лажни вести...! Меѓудругото и по некоја шокантна, како онаа најновата, која викендов на социјалните мрежи ја распамети и наежи македонската јавност иако беше само обична глупост! Човек да не знае дали да плаче или да се смее, дали е не дај Боже, веста навистина трагична или само трагикомична... За среќа, излезе дека е лажна и смешна, налик на „Викенд на мртовци“, комедијата во која една од улогите играше и главниот протагонист во оваа ситуација во која и самиот овој викенд се најде. Имено, Игор Џамбазов на социјалните мрежи викендов го умреа! „Фејк“ веста ја објавил некој недоветен или поточно „недоквакан“ кој се задскрива зад псевдоним или лажен профил - сеедно, ама затоа никако не е сеедно она што го пласираше, обзнанувајќи проштален статус покрај фотографијата на Игор Џамбазов со зборовите: „Почивај во мир легендо“! Освен што за миг ја распамети јавноста, па некои го протолкуваа како злобна намера, други сепак рекоа дека објавувачот „ги измешал лончињата“, со тоа што наместо фотографијата на покојниот маестро Александар Џамбазов кој почина деновиве пред две години, по грешка „плеснал“ слика на син му Игор! Како и да е, на ова веднаш се огласи македонскиот шоумен со свој одговор со кој ги демантираше и отстрани сите сомнежи дека се случило најстрашното, па на „објавувачот“ му возврати со следниве зборови: „Ќе почекаш малку пријателе. Само што изедов два чизкејка. Тешко дека бргу ќе се умира“ – му порача Џамбаз на „лажниот гробар“, а потоа покрај објавата сподели и свој статус: „Македонијо моја. Што се' немаш ти родено. Понекогаш ми е многу жал за тебе... Жив сум дечки, по обичај. Кога ќе бидам за умирачка, на стори ќе ставам. Без гајле. Систер, @tanjadzambazova полека сфаќам зошто си замина од тука...“ - стои во објавата на Џамбазов.

View this post on Instagram

A post shared by Igor Djambazov (@igordzambazov)

На оваа „лажна умирачка“ реагираа многумина,меѓу кои и мноштвио познати личности кои го прокоментираа овој „идиотски чин“ со кој некој сакал „да си поигра“ или „толку му сечел умот“, па со објавата на глупоста ја распамети јавноста. „Игор воскресна“ - напиша јутјуберот и подкастер, Стефан Лазаров. „Аман бре, нозе ми се пресекоа“ - објави пејачката Андријана Јаневска. „Леле, дали се нормални, бре?“ - јавно праша колешката на Игор, Весна Бејби Петрушевска. „Да си ни жив и здрав“ - му порача Елена Петреска која сега живее надвор од Македонија, на релација Белгија - Франција. „Цццццц...“ - загрижено споделила Тамара Тодевска. „Мене пред три години ме умреа. Секоја година сам помен си вадам“ - го тешеше „лажно покојниот“ шоумен, Пеце 0д „Суперхикс“.... Фото: Instagram/igordzambazov

Александар Тарабунов во временска машина: Пејачот се соочи со староста предвреме (фото)

Слободанка Илиева — Mon, 04 Dec 2023 08:35:05 +0000

Современата технологија во денешно време овозможува да видиме и направиме нешта кои порано биле незамисливи. Па така, ако некогаш дамите мораше да бидат нашминкани за да изгледаат совршено или помладо пред објектив од мобилен, тоа веќе не е потребно покрај многуте филтри кои ги овозможуваат постоечките платформи на актуелните социјални мрежи. Филтрите ги користат многумина, едни поради забава, а други со редовна пракса од секојдневието. Филтрите постојано се усовршуваат, а евен таков кој функционира како временска машина кон иднината во поглед на изгледот ја проба и пејачот Александар Тара. Го стисна копчето за старт, чекаше, чекаше се до далечната 2073 година, односно 50 години подоцна кога тој би имал дури 84 години. Оригинално и необично, а исто така и предизвукувачки за проба. Тара не сакаше да замине подалеку, доста му беше само блиц поглед на деветата животна деценија, па се врати назад на своите убави 34 години полни со свежина, енергија и виталност. фото: instagram printskrin/ aleksandartarabunov

„Силиконската девојка не го дои синот“: Сопругата на Љуба Перучица нападната на социјалните мрежи (фото)

Слаѓана Атанасова — Tue, 28 Nov 2023 12:04:55 +0000

Пејачот Љуба Перучица и неговата сопруга, водителката Катарина Колозеус неодамна го добија своето прво дете, синот кој го нарекоа Алексеј. По излегувањето од породилиштето и првата изјава на Катарина за самото породување, на нивните Инстаграм профили се појавија првите семејни фотографии. Низата убави коментари и најдобри желби прекинаа со негативните зборови кои поединци ги напишаа под сликите, а најмногу ја нападнаа и навредија новопечената мајка. „Морон кој не дои. Ужас. Модерна силиконска девојка“, беше навредливиот коментар што Катарина го доби и јавно го објави и одговори: „Веќе неколку пати добив вакви коментари, па се прашувам од каде кај луѓето такви глупости? Дали е тоа чиста злоба или се толку незадоволни од својот мизерен живот, па само бараат начин да се чувствуваат малку подобро?“, одговори Катарина, но не остана на тоа. „Не си ни родила, а веќе знаеш дека нема да го доиш детето? Зошто таква себичност?“, ѝ напишала друга жена. „Би ти напишала секакви работи во моментов, но ќе се воздржам. Срам да ти е што си го пикаш носот во туѓи работи, а особено треба да се срамиш да извиваш глупости и да измислуваш“, рекла Катарина. Фотo: Принтскрин/Instagram/ljubaperucica/Katarina_kolozeus

Сопругот на Антониа Гиговска отвори душа за бракот, улогата на татко, коментарите од јавноста… „Страшно ме вади од памет, стварно не капирам!“ (фото)

Слободанка Илиева — Wed, 11 Oct 2023 07:17:12 +0000

Роберт Спасенцовски, име кое доколку му се додаде префиксот „сопругот на Антониа“, веројатно за повеќето би било појасно за кого станува збор. Сепак, тоа на Роберт не му пречи, бидејќи тој реално и е сопругот на нашата позната пејачка со која неодамна се оставија во улогата на родители. Роберт е дипломиран музичар, негов прв инструмент е хармониката, постојано активен на сцена, но и во создавањето музика за себе која ја претставува под уметничкиот превдонимот Џокер. Изминатите месеци откако се заедно со Антониа, како сопружници и родители на наследникот Киан, за брачната двојка редовно осамнуваат наслови во медиумите, особено за нивната приватност. Токму за ова, Роберт проговори и откри дека во денешно време ретко кој би останал резервиран за социјални мрежи, па и тој, но најчесто останува без реакција дури и кога нешто не му се допаѓа. - Искрено не реагирам никако. Почитувам секакви мислења и секакви ставови –зборувам за искрени. Обично не читам, ама нормално на Фејсбук сум исто така активен и кога ќе налетам на некоја објава со 150 коментари, секој ќе ке погледне нели? Но, страшно ме вади од памет кога ќе прочитам, вулгарни коментари полни со омраза и толку погрдни зборови од некои возрасни жени, да не речам тетки, со фотографии со деца на нивните профилни и кавери.Си велам: „ Добро бе, па стварно не капирам?!“ Ама, небитно, на крајот од денот пак се смеам, и ќе продолжам да се смеам, вели Роберт во интервју за „Женски магазин“. Неодамна го прослави својот роденден, кажа дека подготвува нова песна која ќе биде изненадување за публиката, а откри и како се снаоѓа во улогата на татко. Повеќе прочитајте на линкот...

Како социјалните мрежи ги убиваат нашите врски: Експертите даваат објаснување

Слаѓана Атанасова — Wed, 05 Jul 2023 13:00:16 +0000

Здравите емотивни врски се несомнено еден од најубавите аспекти на животот. Меѓутоа, кога врската станува токсична, може да остави длабоко влијание врз нашата ментална состојба. Во денешната дигитална ера, каде што многу врски започнуваат на социјалните мрежи и каде, за жал, секој аспект од животот се споделува онлајн, овие платформи можат значително да влијаат на кревкоста на нашите односи. Тие станаа составен дел од нашите односи, вклучувајќи важни датуми како запросувања, годишнини, па дури и најави за раскинување. Поради ова, животот на социјалните мрежи понекогаш ни дава увид како некој се однесува и можеме да направиме споредба со некои други парови. Колку всушност има влијание користењето на социјалните мрежи врз емотивниот живот, партнерот и врската? Љубомора и несигурност Гледајќи го вашиот партнер како комуницира со други на интернет или коментира на објави, може да направи другата личност да се чувствува љубоморна и несигурна. Недостаток на приватност Понекогаш паровите може ненамерно да споделат приватни детали или интимни моменти кои треба да ги задржат за себе. Овој недостаток на приватност може да доведе до нарушување на довербата. Погрешна комуникација На онлајн комуникацијата недостасуваат интеракции лице в лице, што го олеснува настанувањето на недоразбирањата. Тонот и намерата може погрешно да се протолкуваат низ пораките, што доведува до конфликт или повредени чувства. Зависност Трошењето премногу време на социјалните мрежи може да доведе до занемарување на реалните односи. Ако едниот партнер е преокупиран со онлајн активности, тоа може да доведе до запоставување и недостаток на квалитетно време. Флерт или неверство? Несвесно, може да влезете во флерт или емотивно неверство преку допишување со луѓе на социјалните мрежи. Леснотијата на поврзување со другите и анонимноста на онлајн интеракциите може да ги направи примамливо некои да бараат внимание или да формираат врски надвор од постоечките врски. Извор: Попара.мк

Прво, па машко: Македонскот пејач кој важеше за „кршач на женски срца“ стана татко (фото)

Слободанка Илиева — Thu, 20 Apr 2023 07:32:09 +0000

Младиот и шармантен пејач Филип Пешевски на кој медиумите знаат да му го доделат епитетот „кршач на женски срца“, стана татко. Убавата вест ја сподели неговата колешка Антониа Гиговска која преку објава на кусите приказни на Инстаграм откри дека Филип добил наследник и им честиташе на тазе родителите. Прво, па машко за Филип и мама Ирина. Пејачот приватноста ја креиеше како змија нозете, па оттука тоа дека станал татко, е изненадување како гром од ведро небо. Медиумската експонираност Пешевски реши да ја тргне од својот живот, веројатно со големите животни промени, девојката, а сега и мајка на неговото дете. Ако некогаш го полнеше својот профил на Инстаграм со разголени фотографии од мускулестото торзо, сега тато Филип го затворил својот профил како приватен, исто и неговата избраничка, па оттука се поставува прашањето дали Пешевски освен што се тргна од социјалните мрежи и публиката на витуелен начин, планира да се тргне и од музиката. Сега родителските обврски за најубавото нешто кое може човека да се случи се пред него, а тоа што се стави во медиумска илегала, сега останува на „стенд-бај“. За потсетување, Филип Пешевски последно го гледавме со својот настап на „Макфест“, а исто така го издаде и синглот „ Тешко мене без тебе“ заедно со Лила Филиповска. фото:Инстаграм принтскрин/ирина фарина/Јутбуб/ Лила Филиповска/Антониа Гиговска

Скарлет Јохансон откри зошто не е активна на социјалните мрежи (фото)

Слаѓана Атанасова — Thu, 06 Apr 2023 09:13:28 +0000

Повеќето познати личности имаат милиони следбеници на социјалните мрежи и често споделуваат работи од приватниот живот со своите фанови, но Скарлет Јохансон не е една од нив. Актерката Скарлет Јохансон гостуваше во подкастот „The Skinny Confidential Him & Her“ и по тој повод раскажа зошто нема профил на социјалните мрежи. - Не можам. Моето его и мозок се премногу кревки. Јас сум како нежен цвет - рекла актерката, па кажала дека и онака е вознемирена без користење на социјалните мрежи, но еднаш, по сопствена волја, накратко имала профил на Инстаграм. - Имав Инстаграм три дена, а потоа сфатив дека потрошив околу 20 минути гледајќи во нечиј профил. Дознав дека оваа личност има пит бул и две ќерки и живее во Бурбенк. Си помислив: „Што? Само потрошив 17 минути од моето време. Сега чувствувам дека треба да се преселам во Калифорнија, да го добијам истото куче и да го променам животот на сите овие начини - се присети Скарлет. Јохансон смета дека социјалните мрежи лошо влијаат на неа, бидејќи се чувствува како да сака да живее туѓ живот, а не свој. Од горенаведената причина, вели таа, таа го избришаа Инстаграм, но понекогаш го користи TikTok како платформа за промовирање на нејзиниот бренд „The Outset“, кој го основа со Кејт Фостер. Да потсетиме дека Скарлет неодамна призна и дека на почетокот на кариерата се чувствувала „хиперсексуализирана“ и „категоризирана“. Таа еднаш изјави дека луѓето од филмската индустрија ја сметале за постара, што довело до тоа да не ги добие улогите што ги сакала. Фото: Принтскрин/Ројтерс

Исплива видео од Ана Николиќ за кое корисниците на социјалните мрежи тврдат дека пее пијана (фото)

Слаѓана Атанасова — Tue, 21 Mar 2023 09:53:13 +0000

На интернет кружи видео на кое се гледа како Ана Николиќ седи на сцената и се држи за глава за време на нејзиниот настап, поради што ја нападнаа дека пее пијана. Набргу потоа пејачката се огласи и на сите им одговори со брутална порака. Ана Николиќ важи за пејачка која публиката ја обожава, како поради нејзиното пеење, така и поради искреноста и духовитоста. Така сега, на нејзиниот профил Ана објави видео на кое обожавателите се шегуваат на нејзина сметка, а таа им возврати со иста мерка. Имено, на видеото кое кружи на интернет, може да се види Ана како седи на бината, ја држи главата и ја пее песната „Проверено“, а на споменатиот клип стои и натпис: - Објаснува што значи да се биде пијан како летва - напишаа корисниците на социјалната мрежа покрај видеото на Ана. Набргу потоа, пејачката им одговори во нејзиниот добро познат стил. - Ако така им е полесно... - напишала Ана. Фото: Принтскрин/Инстаграм/Папарацо лов