Како да знаете дали некој флертува со вас?

Христина Ѓоргиевска — Wed, 28 Oct 2020 14:15:42 +0000

Според ново истражување на Универзитетот во Канзас, четири од десет луѓе сметаат дека токму очите се најважната работа кога станува збор за заведувањето и флертувањето. Иако повеќето луѓе сакаат да се запознаваат во живо, истражување спроведено на 1.000 возрасни луѓе покажало дека 43 проценти од испитаниците повеќе заведуваат со очите на виртуелните состаноци отколку во состаноците лице в лице. Иако голем број луѓе попријатно се чувствуваат кога запознавањето се одвива преку социјалните мрежи, во живо привлечноста се зголемува за скоро 50 проценти. За само девет секунди контакт очи в очи доволно е да се оствари поврзаност, а сè повеќе од тоа дури 52 проценти од испитаниците го сметаат за чудно. Откриено е дека 3 од 10 луѓе повеќе се трудат да одржат контакт со очи преку камера, за да му покажат на соговорникот дека не го изгубиле интересот за разговор. Истражувањето е спроведено од фирмата Virgin Media, која се здружи со Адриен Картер, експерт за говор на телото, за да понудат насоки и совети на самците кои сакаат да воспостават трајни врски преку социјалните мрежи. „Ако успеете да ја совладате вистинската техника на кокетирање користејќи го контактот со очи, веќе сте на половина пад до вториот состанок“, објаснува Картер. Но, 22 проценти од испитаниците рекле дека погледот кон доле може да навести преран крај на романтиката, со избегнување на камерата или вртење на очите. Освен што ги користат очите за флертување, 48 проценти од испитаниците признале дека намерно избегнуваат контакт со очи во ситуации кога им е непријатно. извор: кајгана

Како да откриете дали вашиот партнер е со вас само затоа што не нашол некоја подобра?

Христина Ѓоргиевска — Mon, 04 May 2020 12:30:21 +0000

Никогаш не можете да бидете сосема сигурни во врската, но постојат некои показатели што укажуваат дека вашиот партнер не е премногу заинтересиран. Можеби тој припаѓа на групата луѓе кои немаат проблем да ја прекинат врската откако ќе се појави некоја подобра. За да не бидете жртва на таков однос, погледнете кои се предупредувачките знаци за таквиот површен однос.

1. Не разговарате за конкретни чекори за иднината

Ако вашите заеднички планови за иднината се секогаш многу површни или воопшто не постојат, време е да се запрашате во која насока се движи вашата врска. Незаинтересираноста на партнерот за заедничко вложување во иднината може да укажува на рамнодушност кон самата врска.

2. Се појавуваат инстинктивни сомнежи

Иако инстинктите ви испраќаат сигнали што најчесто се спротивни на она во што сакате да верувате, експертите предупредуваат дека е многу важно да ги земете предвид. Емоциите може да ве заслепат и да ве одведат во погрешна насока, додека инстинктите се верни показатели на нештата на коишто треба да обрнете внимание за ваше добро.

3. Не се труди да ве внесе во својот живот

Ако партнерот не покажува премногу интерес да ве внесе со својот живот, тој веројатно не е премногу заинтересиран за вас. Моментот кога треба да се загрижите е неговото одбивање да ве запознае со пријателите и со семејството.

4. Не постоите на неговите социјални мрежи

Пријателите на социјалните мрежи знаат сè за неговите омилени филмови, спортски клубови или музика, но не знаат ништо за личноста што му го украла срцето. Ако нема ниту една фотографија со вас, ова може да биде знак дека неговото срце и не е баш украдено.

5. Веднаш ви дава до знаење дека не сака сериозна врска

Понекогаш не треба да читате меѓу редови за да разберете колку му значите на вашиот партнер. Сериозниот партнер кој може да се занесе во чувствата нема да ви каже на почетокот на врската дека не се гледа со вас во иднина.

6. Нема длабоки разговори помеѓу вас

Разговорите што секогаш остануваат на површно ниво и немаат значителен ефект врз развојот на вашата врска се прилично јасни знаци дека партнерот се воздржува, можеби за отворање кон некоја друга.

7. Тој е покрај вас само кога тоа му одговара

Ако вашиот партнер смислува оправдувања за да не биде со вас кога ви е потребен, станува збор за човек кој не ги почитува вашите чувства. Ако ве поддржува само кога тоа му одговара, веројатно кон вас не чувствува толку силна љубов што е подготвен да ѝ ја даде на некоја друга. извор: кафепауза

со вас – Вистина.мк