снеже велков – Вистина.мк

Мими Марковски и „ортаците“ на гости кај Снеже Велков: Јутјуберот и „битолската екипа“ уште на пат кон Скопје со специјална песна во Југото „ја подбраа конкуренцијата“… од Спенџарска до Лазаров! (ВИДЕО)

Антонио Димитриевски — Mon, 11 Mar 2024 08:37:38 +0000

Она што е Стефан Лазаров за Скопје, тоа е Мими Марковски за Битола. Композитор, музички продуцент и јутјубер. Обајцата популарни македонски јутјубери. Овој вториов можеби се’ уште не толку познат како првиот, ама затоа е на добар пат да го стигне… или престигне!? Вообичаено, кариерата, приватноста, онаа на гостинот и на некои од познатите личности – нивни сограѓани и пошироко и релациите и оносите на гостинот со нив се тема на „шоферските муабети“ на Мими. Најчести гости и во Југото, а и надвор од него, разбирливо му се познатите битолчани или оние кои не се родени, но живеат во Битола… Или пак познатите кои се дојдени по работа и некој друг повод на гости во градот под Пелистер. Токму тој и неговата битолска екипа добија покана да дојдат на гости во ТВ шоуто „Нешто конкретно“ кај водителката Снеже Велков, што со задоволство ја прифатија. Од Битола за Скопје како поинаку, ако не со Југото, во кое Мими „го вози“ сопственото „драјв шоу“ во кое му доаѓаат познати ликови. Драјв затоа што Мими ги вози во неговото ЈУГО, испрашувајќи ги седнати на совозачкото седиште како на сослушување. Овој пат друштво му правеше битолската екипа, па за да биде патот полесно поднослив, позабавен, а и она што го смислија и добра најава за емисијата, јутјуберот и екипата ја „пеработија“ познатата песна „Ако одам во Битола“ на композиторот Петар Георгиев - Калица, ама овој пат по свој терк. Всушност, во нивната „Југо драјв - акапела“ изведба се сменети само зборовите во текстот кој е комплетно посветен на нивната домаќинка, ТВ водителката Снеже Велков! Патем, текстот симпатичен полн со комплименти за водителката, ама не и за „конкуренцијата“, ако така може да се наречат споменатите имиња во „верзијата“ на Мими и битолската екипа, во која уште на пат кон Скопје во Југото „ги подбраа“ Спенџарска и Лазаров! Веројатно морало некого, оти таква била замислата, да се направи „компаративна размена“, како што се пее во оригиналот. Па битолската чаршија е заменета со скопскиот хотел каде што се снима шоуто „Нешто конкретно“, Битола со водителката, а Солун и Стамбол со Спенџарска и Лазаров! Колку да е позабавно, поскокотливо и повозбудливо! На Снеже Велков комплиментите секако и годеа, па така Мими и Маркоски битолската екипа ја пречека... со трчаница во студио! Е, сега што на тоа ќе речат споменатите во стиховите од новата верзија на песната... е сосема друга работа!

View this post on Instagram

A post shared by Velkov Sneze (@velkovsneze)

Конечно, конкуренцијата е здрава работа, ако споменатите ги сметаме едни за други за такви, а и она што распенаите битолчани го смислиле иако е можеби малку „зајадливо“, многу повеќе е симпатично отколку навредливо и никако злонамерно! Како звучи нивната „Југо драјв акапела верзија“ насловена: „Ако одам кај Снежето“, проследете од видеото:

View this post on Instagram

A post shared by Mimi Markovski (@mimi4u16)

Фото: Инстаграм/mimi4u16/velkovsneze

Премлада за „теткица“, превозрасна за тинејџерка: Снеже Велков ќе ви објасни како изгледа жена по 42-та… или барем тие како неа! (ФОТО)

Антонио Димитриевски — Wed, 06 Mar 2024 08:37:21 +0000

Роденден е денот што го чекаме цела година... Особено кога сме деца, а потоа? Потоа кој како! Особено, која - како! Дамите најчесто се почувствителни на стареењето, најверојатно заради природата на женското тело, ама сепак повеќето знаат како да се носат со возраста. А кога ќе дојдат родендените, на дамите не им се бројат годините... Така е барем по бон-тон, иако новото време изроди нови правила, па веќе никој и не прашува за возраста. Ако естетиката и сексапилот на дамата ти „фаќа око“... Па за натаму - ќе видиме! Возраста едни ја маскираат со естетски зафати, други со козметички препарати, трети оставиле на мајката природа, па што дал Бог... А една од оние кај што и природата и Бог дале „нешто конкретно“ уште од старт па се' до денес и на лик и на дело, е македонската ТВ водителка и пилатес инструкторка Снеже Велков. Во духот - девојченце, во ликот „бејби - фејс“, премлада за „теткица“, сепак по лична карта (и од старите и од новите - сеедно) превозрасна за тинејџерка, славеше роденден. Годините не ги крие, па затоа Снеже Велков и самата решила „сликовито“ да објасни како изгледа жена по 42-та... Или барем тие како неа! Ова се нејзините 15-тина „оче наш“ заповеди, за кои се' уште цврсто се држи како за... За што и да е, важно што подолго да трае... „Малку за мудрување многу за лудување. Таман за посматрање и припазување. Уште млада за пензионирање, троа стара за глупирње. Таман за ресетирање и од насобрани ствари зачистување. Уште млада за апаратче за притисок, ама таман за апарат за кафе. Млада за бастун стара за на шипка, таман за сукало во кујна. Млада за на бања, стара за во када, таман за на море. Млада за пеги стара за акни таман за целулит. Млада за појас за кичма, стара за минич- таман за одело. Млада за на физикална стара за во игротека таман за на точак. Млада за старачки екскурзии стара за диско таман за на концерт. Млада за јавување кај Роберт на утринска стара за на Дајте музика таман за на Нешто Конкретно. Млада да заборавам неправдини, стара да памтам глупости таман да уживам во убавини. Млада да не дослушувам, стара да избувнувам таман да терам све у пи*ку матер. 42 Машла“ - споделила водителката. Нека ти е најсреќен, ти неверојатно „божествена“ жено! Фото: Фејсбук и Инстаграм/velkovsneze

Снеже Велков ги сподели одговорите на следбениците па откри по секоја цена: „Кои се најфаталниот маж и жена од македонската јавна сцена?“ (фото)

Слаѓана Атанасова — Mon, 19 Feb 2024 11:52:19 +0000

Имаме ли фатални мажи и жени на македонската јавна сцена е прашањето кое го постави водителката на емисијата „Нешто конкретно“, Снеже Велков на кратките приказни на Инстаграм каде што е активна и има голем број на следбеници. Иако на кратко се изненади од одговорите кои беа во контекст на тоа дека „се во едно нема“, подоцна се појавија и одговорите на кои јасно се гледаше дека не е така. - Неверојатно дека сите одговори ви се во овој контекст ... Стварно немаме фатани мажи и жени ? - напиша таа, иако при тоа не објасни дали се фатални зашто се неизмерно опасни или неодоливо пожелни? Сепак, нејзиното „стори“ за брзо време обилно се исполни, а омилените личности од обожавателите добија доста пофални зборови. Не е тешко да претпоставите за кои наши познати личности станува збор, а дел од нив експресно ги споделија одговорите и на нивните профили. - Елена Ристевска, убава харизматична, добар вокал, свој бизнис - кажаа за пејачката. Меѓу одговорите за најфатални се најде и пејачката Викторија Лоба. Во тој ред ја ставија и македонска ТВ презентерка и поранешна Мис на Македонија Татјана Стојановска. Миа Костова, дефинитивно - беше еден од одговорите. Брачниот пар, пејачката и харфистка Сара Мејс и радио водителот и маркетинг менаџер Димитар Атанасовски. Како и македонскиот актер Сашко Коцев. Дали се согласувате и вие со овие одговори секако е индивидуално, но од повеќето од посочените, овие личности се меѓу најфаталните од јавната мак сцена. Фото: printskrin/instagram/velkovsneze

И Вам „Денот на вљубените“ лесно може да ви се претвори во „ден на изневерените“, зашто мал е веков, тоа најдобро го знае Снеже Велков! (ФОТО)

Антонио Димитриевски — Thu, 15 Feb 2024 13:13:00 +0000

Толку очекуваниот, посакуваниот, озборуваниот 14-ти февруари, дојде и помина... Кој го славеше Свети Трифун, сам во двојка-тројка, со момче или девојка, кој Свети Валентин во љубовен пар или со цел тим... Кој како сака, претпочитува, љуби и милува, а во тоа не останаа покуси како што се гледа откако сами обзнанија и познатите македонски личности. За првиот празничен избор најчесто се пие и наздравува, оти популарно уште и го викаат „денот на виното“, а за вториот најчесто нешто се подарува, зашто е познат како празник на љубовта. Чија и каква - тоа е веќе друга работа! Нејсе, кога сме веќе кај Св. Валентин познатите и подароците и тие на своите сакани партнерки или партнери решиле нешто да им подарат. Кој поситен, кој покрупен подарок, кој само еден цвет, кој цел букет или повеќе нешта во комплет... сеедно! Важно е вниманието и желбата нешто да се подари, па тоа не мора да е платено со пари! Сепак, ако се одлучите нешто да купите, та била тоа некоја ситница со која ќе изразите љубов за Свети Валентин, постои ризик и Вам „Денот на вљубените“ лесно да ви се претвори во „ден на изневерените“, зашто мал е веков, а тоа најдобро го знае Снеже Велков! Имено, ТВ водителката и фитнес инструкторка шетајќи покрај дуќаните нешто да пазари за да го изненади сопругот за „Денот на вљубените“ налета на интересна понуда, која ја стави во тешка недоумица! Ако подарокот го пазари, да не биде погрешно сфатена дека оној што ја однел пред олтар и матичар го третира како папучар! Ако не го купи пак, од друга страна, и тоа има своја мана! И тоа тешка, зашто може да биде непростена грешка, и тоа најголема, за која која после може да се каеш довека и да ти биде криво, до крајот на твојот живот! Иако не дознавме Снеже Велков како постапи, поточно, за што се одлучи, сите видоа во каква недоумица беше ставена синооката убавица, пред каков „свршен чин“ за Свети Валентин. Затоа, колку и да си мислиш: „Абе ајде, јас знам колку вредам“, после ова оди и... „Ај речи, само гледам!“ Фото: Инстаграм/velkovsneze

Лејла Рамковска ја предизвика Снеже Велков: „Стани моме да заиграш“ или сите „стари девојки“ треба да се „затворат“… а можеби и „отворат“? (ВИДЕО)

Антонио Димитриевски — Thu, 08 Feb 2024 08:40:52 +0000

„Во здраво тело - здрав дух“, „Здрав живот - подолг живот“, „Движи се за да не заборавиш да одиш“, „Вежбањето го продолжува векувањето“... и уште еден куп други мудри мисли или само обични фрази - за кого како, кога е поврзаноста на физичката активност со квалитетот и должината на животот во прашање! И додека секој трга на своја страна, едни се ЗА, други велат - нема правила, умереноста или што би рекла „златната средина“ веројатно е вистинскиот одговор кога, кој и колку треба да биде физички активен и на кој начин. Или што би рекле - телото само ќе ви каже, ама умот треба тоа да го прифати! Едни од двете најпознати јавни лица кога се „здравите физикалии“ во прашање кај нас, секако се ТВ водителката и доскорешна пилатес инструкторка Снеже Велков и јога инструкторката Лејла Рамковска. Неодамна водителката, инаку позната по своите најразлични „егзибиции“ на социјалните мрежи, меѓу кои и овие за физичка активност, постираше тест видео со предизвик: „Дали си стар?“, на кое финтата е стоеечки на една нога да си ги обуеш чорапите и патиките без да стапнеш на земја со другата нога! За Снеже разбирливо тоа е „пи...н“ - пардон, „мачкина кашлица“, ама за многумина од нас е „невозможна мисија“.

View this post on Instagram

A post shared by Velkov Sneze (@velkovsneze)

Ова како да ја „боцна“ нејзината „опонентка за здрав живот“, само од различна провиненција, јога инструкторката Лејла Рамковска, која прифаќајќи го предизвикот на Снеже и самата ја предизвика задавајќи и нова задача и на неа и на сите други, со една своја јога вежба. А кога Снеже ќе ја „'рчнат“ во она што и е „слабост“, исто како да и брцнале во око. Па по принципот „око за око“, ТВ водителката јавно и порача на јога инструкторката: „Не ме 'рчкај, седи не ме знаеш“, или поконкретно јавно ја праша па и кажа: „Ме предизвикуваш? Ти не знаеш што е старост лудост“!? [video width="720" height="1280" mp4="https://arhiva.vistina.com.mk/wp-content/uploads/2024/02/CF4D4420B8DEFC5845F8F04061531982_video_dashinit.mp4"][/video] До душа ТВ водителката и екс пилатес инструкторка далеку од тоа дека е престарена, иако не е баш тинејџерка, ама така некако наликува и во физикусот и во физичките можности. Од друга страна, ниту асана јога мастерот Лејла Рамковска не е баш девојченце, ама далеку од тоа дека е стара мома. Така што по се' изгледа дека ниту овој, ниту било кој друг ваков вид на челинџ, не е проблем за ниту една од двете. Впрочем, Снеже Велков уште од прва покажа дека „стара или не“ нејзиниот предизик може како од шега да го изведе, а потоа и да го поведе „танцот на младоста“ со оро и песна на цел глас: „Стани моме да заиграш, да те гледам весел јас“! Или: „Чифтечанче за разгибаното Снеж(анч)е“! Оттаму нема сомнеж дека и предизвикот на нејзината јога соперничка, за неа нема да биде никаква пречка! Од друга страна ниту Лејла Рамковска нема проблеми со „кршење на снагата“ во различните јога потези, пози и движења. Без оглед на годините и возраста, Лејла е мајстор на јога позата. Тоа однеодамна најдобро го знае, а и може најдобро да го почувствува од многу различни аспекти и нејзиното помладо момче, пејачот и композитор Роберт Билбилов. Затоа предизвикот на едната кон другата и обратно, прашање е дали воопшто и има смисла, кога и за двете моми изведбата на туѓиот челинџ е толку лесна, што нештата ги прават „со песна“! „Стани моме да заиграш“ или... Сите „стари девојки“ треба да се „затворат“? - што би рекле „Фрајле“! Сепак е многу подобро кога ќе се... „отворат“! И фиктивно и фактички... И духовно и физички!

View this post on Instagram

A post shared by Velkov Sneze (@velkovsneze)

Фото и видео: Фејсбук/Lejla Ramkovska & Инстаграм/velkovsneze

Снеже Велков има проверен рецепт за љубовни шепотења: „Дојди ми со најава“ (ВИДЕО)

Антонио Димитриевски — Mon, 29 Jan 2024 09:48:48 +0000

Љубовта, тоа толку возвишено чувство по кое сите копнееме, без кое не можеме да живееме, по кое патиме, тагуваме, на кое безусловно му се препуштаме, во кое безрезервно веруваме, бескрајно уживаме... Остварена, неостварена, возвзвратена, невозвратена, среќна или тажна, вистинска или лажна... Ја има во сите форми и облици, ја има откако светот постои, а сепак никој не успеал до крај да ја разобличи. Да ја најде волшебната формула како некого да освоиш, да направиш да бидеш сакан, другиот да не може без тебе... Зашто, како што секој од нас е посебен, така е посебна и љубовта која ја даваме и примаме, која ја воспремаме и споделуваме, ја добиваме и губиме... Отааму и вечното прашење, постои ли универзална формула, проверен рецепт за среќна љубов? Иако сите знаат дека такво нешто речиси и да нема, македонската ТВ водителка и екс пилатес инструкторка Снеже Велков реши да демантира, па сподели проверен рецепт... за љубовни шепотења! Само што нејзиниот рецепт со „љубов во најава“е чисто од практична причина... Една или повеќе, ќе ви објасни Снеже, во својата љубовна беседа за споделување љубов... со најава! Дали и зошто е малку, ако љубовниот споделувач и дојде ненајавен, дали од страв да не ја најде неподготвена или има некоја друга причина за многу повозбудливи љубовни шепотања, јавно ќе ви раскаже најголемата македонска „ТВ љубовџика на веков“, романтичната и сензуална, Снеже Велков. Ова е нејзината тајна за радоста на исчекувањето, преточена во јавна поетска објава за љубов со најава: „Дојди ми со најава.. Кажи ми два дена претходно Кажи ми точен час и минути. Не доаѓај не најавен Не ме лишувај од радоста на исчекувањето Не ми ја одземај убавината на приближувањето на часот Не ми ги скратувај насмевките и срцебиењата при легнувањата Ниту возбудата од изгрејсонцето за денот кога ќе дојдеш е близу Ако дојдеш не најавен ќе ја имам само радоста во моментот. А малку е. Дојди ми со најава Да ме радува исчекувањето“

View this post on Instagram

A post shared by Velkov Sneze (@velkovsneze)

Фото: Инстаграм/velkovsneze

Не пливаше по крстот, зашто тоа не е тој празник, ама сатисфакцијата е поголема да се капеш на Бадник: Снеже Велков „на старост полуде“, ги измеша православните празници или побрза да ги слави Водици? (ВИДЕО)

Антонио Димитриевски — Fri, 19 Jan 2024 09:31:16 +0000

Македонската ТВ водителка и екс пилатес инструкторка Снеже Велков дефинитивно има ако не чудни, во најмала рака необични навики. Особено за поедини празници, кога навиката и преоѓа во ритуал, голем или мал - сеедно... Важно е да се остане посветен на замисленото и секако, да се реализира истото. Достојна на традицијата водителката остана и годинава. Летото оддамна заврши, новото е далеку, но не и за Снеже Велков. Празниците за и по Нова Година нудат низа неработни денови, што се згодна прилика да се замине некаде до дома, доколку се може. А кај Снеже очигледно се има и се може, па водителката за деновите на Рождеството Христово заврши на морето во јужното соседство. Прошетките крај брегот, благата морска клима и убавиот поглед на Егејското синило се доволни за сите да ги наполнат батериите, но не и за Снеже. Она што ја исполнува русокосата убавица е јануарска авантура во вид на зимско капење. Студената вода за сите смрзнувачка, за водителката предизвикувачка... Иако навидум слабичка и нејака, она што на сите други би им било тешка мака и ни за жива глава не би го направиле, таа го направи со невидена леснотија, па за миг русокоста и големата вода како едно се сплотија. Принципот едноставен, без многу филозофија: Одиш, влегуваш, се смрзнуваш, излегуваш... До душа, процедурата претходно малку покомплицирана, ама штом се сака - не е тешко. Го соблекуваш дресот, покажуваш мускули колку си „развиотка како мотка“, па правиш „Кип на слободата“ поза за селфи фотка, по што следи молитва за не дај Боже, па разгибување против грчеви и... Еден, два, три... Снеже им се фрли во прегратки на морските бранови! Но, неееее... Не пливаше по крстот, зашто тоа не е тој празник, ама сатисфакцијата е поголема да се капеш на Бадник! Снеже Велков со победнички кренати раце на излегување од ледената вода сподели бакнежи и ги остави сите во прашалници: Дали на старост полуде, случајно ги измеша православните празници или намерно побрза предвреме да ги слави Водици? Што и да е... “Нема голема филозофија, ама голема сатисфакција и насмевка и радост, а најважно чуството на победа“ - што би рекла водителката! За многу години и Бадник и Божиќ отпосле и сега Водици! Или се' на се' - Среќни празници!

View this post on Instagram

A post shared by Velkov Sneze (@velkovsneze)

Фото: Инстаграм/velkovsneze

„Да се разбереме…“: Важните совети на Снеже Велков ќе ве направат вистински победници (фото)

Слаѓана Атанасова — Thu, 18 Jan 2024 10:57:46 +0000

Вистинските совети доаѓаат од луѓе кои освен теоретскиот дел, на лице место тоа го покажуваат и со чист пример и лично искувство. А откако некој ќе го помине тој пат и ќе ги почувствува недостатоците кон успехот може да сподели и некој совет за другите. Таква сигурност почувствува македонската позната ТВ водителка и пилатес инструкторка Снеже Велков… „Да се разбереме... “ отсечно започна таа откако претходно имаше подготвено подолг текст кој изобилува со совети за како да станете вистиски победници во животот. Под фотографиите кои одбра да ги сподели со јавноста таа напиша: - Не посакувајте да ви оди сè какао подмачкано - Не посакувајте да ви тече мед и млеко - Не посакувајте "космосот" да ви ги тргне непријателите и пречките од патот - Не посакувајте од небо да ви падне совршен партнер, совршенa работа, совршен дом Побарајте си "космосот" да ви даде сила и моќ мудрост и истрајнoст - Посакајте да ви ги отвори очите да ја видите шансата - Уши да ја слушнете надежта - Итрост да ја откриете можноста - Мудрост да ја совладате неизвесноста! - Истрајност да ја издржите борбата! - Пркос да се кладите на себе! Оти победник се станува трчајќи по најтешката патека, качувајќи се на највисоката планина, преживувајќи ја наголемата бура Никој до сега не прогласил победник некој што се спуштил на мазна, празна,чиста и лесна лизгалка.. Да се разбереме: За лузерите се мечтаењата и очекувањата за победниците се борбите и исполнувањата.

View this post on Instagram

A post shared by Velkov Sneze (@velkovsneze)

Додека на крај сепак заврши со прашална форма „Се разбравме?'. Коментарите за кратко време почнаа да се редат и на нејзино задоволство сите беа потврдни: - „Да шефе“, „Да! Јасно!“, „Капа доле!“, „Така е девојче“ - беа дел од потврдите коментари. Но, едно е да се разбере, друго е во пракса… сепак убаво е да се знае како се станува вистински победник иако е тешко да се научи ако го немате тоа во себе. Фото: printskrin/instagram/velkovsneze

Кога Снеже Велков готви за Бадник: Македонската водителка сама си измисли рецепт овој пат, а еве го и крајниот резултат (фото+видео)

Христина Ѓоргиевска — Sat, 06 Jan 2024 08:03:23 +0000

Новогодишните и Божиќните празници се најубавите бидејќи целото семејство се собира дома и во семејна атмосфера се радува на овие денови. Македонската водителка и фитнес инструкторка Снеже Велков често знае да се најде во кујната и да направи разни специјалитети, а се тоа да го сподели на социјални мрежи со назнака: #КогаСнежеготви. Така и за Бадник, денот пред големиот празник Божиќ, Снеже направи бадникова магија. Имено, таа направи специјална пита, а на социјалните мрежи се пофали дека сама си го измислила рецептот. „Кога сама си замислувам рецепти најдобро ми излегуваат. Бадникова магија ја нареков ова слатка вкуснотија. Најдоброто од се' е дека е комплетно безбеден и јас да го јадам (со оглед на моите алергии на се' и сешто). Му се радувам ептен. Рецептот ми е од око: „Брашно околу 300гр.(Може интегрално пченично или обично)+пециво *Сок од јаболко 100% околу 500мл. *мешано суво овошје исечкано(грозје, урми, смокви, кајсии и сл.) *едно јаболко исечкано *зачини: цимет и каранфилче Измешајте со дрвена лажица,ставете на хартија за печење во тепсија и готово!?? Не се додава ни грам шеќер ниту масло“ - напиша Снеже во опсиот на фотографијата од крајниот резултат. Но, ако мислевте дека тука завршува нејзината празнична авантура по сопствена рецептура, бидете убедени дека сте во заблуда, зашто Снеже се' уште не ја завршила својата готвачка процедура. Имено, кога сме веќе кај јаболките, како бонус на рецептот следи уште едно кулинарско изнендаување во вид на слатко дополнување од водителката, пардон - од готвачката. Овој пат ова е „нешто (многу) поконкретно“ и без импровизација, а и не бара кој знае каква кулинарска вештина и имагинација и се вика божиќна „Фитнес туфахија“. „Посна Лесна Без шеќер а блага Лична како оригиналот ама без грижа на совест Не дебелее Милина Замената за шеќер е стевиа речиси без калории Протеинот и е од @herbalife_macedonia_official Ако немате мелени лешници можете и со ореви Декорирајте со сецкани бадеми или ореви Одзгора за шмек посипете со агаве или мед и... Нека Ви е наздравје!“ - порача вредната водителка од домаќински ков, Снеже Велков!

View this post on Instagram

A post shared by Velkov Sneze (@velkovsneze)

Веруваме дека задоволна од готвењето и следниот пат ќе измисли некој нов рецепт со кој ќе се пофали на социјалните мрежи. А и вие, пробајте па кажете, ако одлучите уште денес истиот да го подготвите! фото: Принтскрин/velkovsneze

Илина и Игор повторно заедно: Изразот на лицата покажа дека не им е сеедно, само остана дилемата дали меѓу нив дискретно има „нешто конкретно“? (фото)

Слаѓана Атанасова — Tue, 02 Jan 2024 12:40:58 +0000

Во најновото издание на емисијата на Снеже Велков „Нешто конкретно“ меѓу гостите се најдоа македонскиот актер и шоумен Игор Џамбазов и алпинистката и уметница Илина Арсова со која тој беше во врска, а јавноста е запознаена дека сега тоа е веќе минато. Дека тие останале во добри односи потврдија и сега кога заедно застанаа пред фотообјективот, а за фотографијата да биде комплетна им се придружи и водителката која реши да ги спои. Па, додека Илина на кратко се врати во Македонија Снеже искористи прилика и се сети да направи нешто конкретно со овие две персони во нејзината емисија. Нејзината покана со или без двоумење, сепак ја прифатиле, а дали поединечно биле известени дека ќе се најдат во студиото со поранешната љубов засега не е познато. Имено, на социјалната мрежа Инстагарам се појави видео кое сите ги остави во неверување. Илина и Игор повторно заедно во студиото позираа насмеани и прегрнати, со придружба на главната иницијаторка за оваа емотивно-носталгична средба.

View this post on Instagram

A post shared by zase.mk (@zasemakedonija)

Нивната љубовна врска и по разделбата сѐ уште буди интерес во јавноста и не е заборавена од никого, особено по заминувањето на Илина во САД. Обожавателите не беа сигурни во тоа што го гледаат и не веруваа дека случајно се заедно на телевизија, туку беа речиси убедени дека повторно се разгорело жарчето што се изгаси откако одлучија да се разделат на пријателски начин. Какви чувства се јавиле кај нив двајцата сега кога се сретнаа по долгиот период е нешто што се гледа на нивните лица, израз кој говори повеќе од сите зборови. Фото: Printskrin/Instagram/nestokonkretno1