снегулка – Вистина.мк

Дали знаете која е најголемата измерена снегулка?

Слаѓана Атанасова — Sat, 20 Jan 2024 07:30:16 +0000

Според Гинисовата книга на рекорди, најголемата снегулка била измерена во близина на Мисула, Монтана, уште во 1887 година. Според записот, таа била широка 38 сантиметри и дебела 20 сантиметри! Сепак, научниците се сомневаат во вистинитоста на тоа тврдење. Имено, снегулките се кристали кои се формираат со замрзнување на пареа и кои формираат симетрична форма со (најчесто) шест краци. Но, снегулката се нарекува и збир на кристали кои се поврзуваат еден со друг додека се спуштаат кон земјата, она што ние колоквијално го нарекуваме „снегулки“ или големи снегулки. Физичарот од Калтек, Кенет Либрех решил да истражи колку голема би можела да биде најголемата снегулка. Со години фотографирал снегулки кои се формираат во природата, а потоа се обидувал да создаде снегулки во лабораторија. Најголемиот што успеал да го „порасне“ бил со дијаметар од дури 2,5 сантиметри, но се распаднал под сопствената тежина. Од друга страна, најголемиот што го „улови“ во природа се појави во 2003 година во Онтарио, Канада. Со својот фотоапарат снимил „џиновска снегулка“ со дијаметар од речиси еден сантиметар, пишува ЗИМО. Тој предложил на тимот од Гинисовата книга на рекорди да ги одвои категориите, така што рекордот за најголема снегулка сепак останал оној од 19 век, а Либбрех се запишал со најголемиот „снежен кристал“. Научниците кои го проучуваат снегот истакнуваат дека всушност нема фотографски докази за огромната снегулка од 1887 година, но тој запис е заснован на описите на тогашните сведоци. Денешната модерна технологија им овозможува на научниците и фотографите да „фатат“ снегулка уште пред да падне на земја и на тој начин да направат спектакуларни фотографии кои откриваат дека секоја снегулка има своја деликатна геометрија. Снежните кристали имаат цела низа различни форми – од ситни игли до топчиња. И секако, секој од нив е посебен и единствен. фото: freepik Извор: 21 tv

Александар Петрески и Марија Цветановска ви ја подаруваат нивната новогодишна музичка – „Снегулка“ (ВИДЕО)

Антонио Димитриевски — Tue, 03 Jan 2023 12:43:16 +0000

Песните, не нибило никогаш познато зошто ги делат на оние за деца и ониое другите, за возрасни… Охриѓанецот Александар Петрески пак за неговата нова композиција „Снегулка“ вели дека е „детска песна испеана од возрасни“… Таа е новогодишна песна испеана од самиот Александар Петрески и Марија Цветановска – која во суштина личи новогодишна детска песна, балада испеана од возрасни вокали. „Кога бев дете, имав преголема желба за снег во зима. Посебно пред Нова Година. Се молев секогаш кога врнеше снегот да се задржи. Во моето рано детство тоа беше почеста појава. Никогаш нема да ги заборавам оние моменти, кога со другарите од училиште си одевме дома низ охридското кале. Посебно мила ми беше рутата низ чаршија навечер! Неколкуте тезги со новогодишни украси, отсликуваа волшебна бајка во невините детски очи. Се' уште во уши ми ѕвонат звуците од честитките… Сето тоа, за кое можам уште многу да зборувам, накратко го опишав во оваа новогодишна детска песна. Испеана е од возрасни вокали, како хибрид, кој би овозможил уживање и на децата и на возрасните. Иако идејата брзо ја реализирав, напорно на останатите финеси работев три месеци и по безброј изведби на кауч е веќе хит во мојот дом“, вели Александар Петрески. Музиката, текстот, аранжманот, продукцијата и мастерингот ги потпишува тој самиот - Александар Петрески, кој вели дека и е бескрајно благодарен на девојката со ангелски глас - Марија Цветановска. Зад преубавите пејзажи низ Германија и декоративните кадри стои Оливер Петкоски. Зад охридската приказна и видео продукцијата стои Климент Симоноски. „Мојата желба и моето мото се ''making history''. Посакувам што поголемо слушање и ширење позитивна и новогодишна енергија“ - порачува Александар Петрески канејќи ве да ја слушате неговата „Снегулка“ опеана и виуелизирана во видеото во продолжение: