сметка – Вистина.мк

Марија Луиса Тодоровска остана „(електро)шокирана“: EВН и скрати од бакшишот, ама не и од сексуалното задоволство (ФОТО)

Антонио Димитриевски — Wed, 24 Jan 2024 10:44:04 +0000

Македонската пејачка Марија Луиса Тодоровска откако добро се „нафатира“ за Новогодишните празници и деновите потоа, целокупното заработено материјално добро реши да го складира во посебна кутија... За рози! Зашто нивниот мирис Марија го обожава... Навика стекната на работа во кафеана! Арно ама, како што е редот, секогаш мора да има некое непишано правило, некој ѓавол кој ќе ти го поремети раатот, па така и на пејачката се најде некој што непланирано и чепна во кутијата без да ја праша за да и набере понекоја „роза од букетот“! Ова и тоа како ја изнервира битолчанката со скопска адреса, која повеќето од денот го преспива, а ноќта заради природата на работата ионака не е дома. Имено, иако власта и ЕВН најавија поевтина струја и помали сметки, но пејачката кога ја доби последната сметка за потрошена електрична енергија, доби алергија. Сумата беше со таков квантен скок, кој кај Марија Луиса предизвика „електрошок“! Откако онака шокирана и накострешена малку се присобра, зашто ЕВН решил „да ја изгаси“, фолкерката беше решена да не им премолчи! Мобилниот врака и ја фотографираше сметката која ја сподели на своите Инстаграм приказни, на кои реши струјаџиите да ги казни со тоа што јавно ги прозва и им се закани: „Алооооо ЕВН, дали сте нормални јас сама да потрошам толку струја не е реално“ - ги прозва и вербално оние што се обидо да и „брцнат во џебот“ и безобразно да и чепнат од заработката на Марија Луиса Тодоровска. Сепак, сексапилната убавица реши уште еднаш да се преиспита за да утврди кој уред најмногу и троши?! Кој од домашните апарати е најголем потрошувач, па тргна од чиста логика дека најмногу би требало да троши оној уред, кој најмногу го употребува. Марија не е по готвењето, па секако не е шпоретот, фрижидерот не е голем потрошувач, бојлерот можеби, ама не во толкави количини... И тогаш и текна! Она што најмногу го користи од сите можни уреди е нејзината замена кога маж и недостига. Неговата замена во вид на играчка за слатки задоволства во секоја прилика и секое ќоше, нејзиниот силиконски пријател кого си го вика Тоше! Но Марија Луиса само што помисли, веднаш сфати дека попусто се расфрла со „грешни мисли“ за сметка на нејзиниот најдобар силиконски „интимен пријател“, кога тој всушност струја и не користи, туку своите „неограничени можности“ ги напојува со батерии! Така што EВН на Марија Луиса можеби и скрати од бакшишот, ама не и од она најслаткото, сексуалното задоволство! Фото: Инстаграм/luisa.todorovska

„Сметка со пет нули “: Аца Лукас ги шокираше сите со бројките за неговите телефонски трошоци (фото)

Слаѓана Атанасова — Mon, 06 Nov 2023 12:04:00 +0000

Фолкерот Аца Лукас заработил многу пари во животот, но во суштина никогаш не внимавал како ги потрошил. Тој раскажал дека мајка му Видосава се шокирала кога ја видела телефонската сметка на синот. Но ги насмеа сите со приказна за која од чиста среќа не видела една нула. - Мајка ми еднаш ја доби мојата телефонска сметка и почна да вреска. Бев пријавен на нејзината адреса некое време. Мајка ми ми се јавува и вика: „Дојде сметката за телефон“, и велам „Па дојде и што“, „Па како можеш да платиш 70.000“, се мислам, како 70.000, јас плаќав и 150.200. 220, 250 илјади. Знаеш, работа, роаминг, и велам да ја донесе сметката. Сметката беше 700.000. Таа не ја видела таа нула, воопшто не ја регистрирала, или воопшто не сакаше да помисли дека е можно на сметката да има пет нули - изјавил Лукаш на тамошните медиуми. Инаку, Аца Лукас неодамна имаше премиера на филмот снимен по животот на пејачот, каде што беа присутни и неговите колеги и семејството. Во публиката беа мајката на Аца, Видосава Вуксановиќ, како и најстариот син Лазар Вуксановиќ во друштво на сопругата Ана, атрактивна бринета со која се ожени минатата година. Во Арена беше и ќерката на Аца, Викторија, која фолкерот ја имаше од третиот брак со Соња Вуксановиќ, заедно со нејзината полусестра Софија Шашиќ, ќерката на пејачот Жељко Шашиќ и поранешната сопруга на пејачот. Инаку, Аца Лукас се женеше три пати, а детали за врската со сопругите се најдоа и во неговата биографија „Ова сум јас - Аца Лукас“. - Првата сопруга Цеца ми беше пријателка од детството, Наташа сакаше да живеам по нејзините принципи, а Соња се обиде да направи пудлица од мене - ја сумираше Лукас врската со трите о една реченица. Фото: Принтскрин/Милош Рафаиловиќ/ Дамир Дервишагиќ/

Кој треба да ја плати сметката на првиот состанок?

Слаѓана Атанасова — Fri, 09 Dec 2022 14:30:48 +0000

Порано беше едноставно – се претпоставуваше дека мажот ќе го плати пијалокот или вечерата на состанокот. Еманципацијата промени сè, па многу парови со трепет го дочекуваат крајот на состанокот, прашувајќи се кој треба да ја плати сметката. Ова е особено изразено кај нас, каде што повеќето луѓе сè уште со презир гледаат на западната навика да ја делат сметката на половина. Ако е прв состанок, ситуацијата е јасна – тој што го иницира плаќа. Дури и ако жената ја иницирала средбата, извадете го паричникот и покажете подготвеност да ја регулирате сметката. И на следните неколку состаноци се очекува машкото да плати. Од учтивост, девојките ќе ја стават раката во чанта и ќе се преправаат дека бараат паричник, но не дозволувајте тоа да ве измами. Дури и не расправајте, ќе оставите најдобар впечаток ако ја платите сметката додека е во тоалет. Ако не сте во најдобра финансиска позиција, првично изберете места што нема да бидат голем удар за вашиот буџет. Како што се развива врската, правилото е двете страни да учествуваат во плаќањето. Ако девојката никогаш не понуди да ја плати сметката, запрашајте се зошто е со вас. Извор: Попара.мк

Експерт објаснува: Зошто жените не треба да ја делат сметката со мажите

Христина Ѓоргиевска — Thu, 20 Jan 2022 13:15:40 +0000

Таа смета дека плаќањето на сметките треба да се врши согласно приходите Да бидеме искрени – би можеле да бидете во најсреќната врска на светот, отворањето тема за пари секогаш ќе ви биде незгодно. Во обид да избегнат напнат разговор за личните финансии, многу парови кои живеат заедно едноставно одлучуваат да ги поделат сметките на половина. Звучи фер, нели? Па, според финансискиот експерт Викторија Дивајн, ова може да направи лоша услуга на некои од вас. – Ако вие заработувате 40.000 денари месечно, а вашиот партнер 20.000 – Мислам дека не е фер да плаќате иста кирија, сметки или фиксни трошоци. Зошто? Затоа што, иако можеби е еднакво, не е фер. Иако можеби изгледа како најправеден начин паровите да ја поделат сметката на половина, Викторија нагласи дека овој пристап создава поголем притисок врз личноста која заработува помалку. Според Бирото за национална статистика, мажите заработуваат осум проценти повеќе од нивните колешки. Така, наместо да ги делите сметките на половина, Викторија препорача да ги поделите сметките со вашиот специфичен приход. – Значи, да ја нормализираме распределбата на трошоците по процент на приходи, а не 50/50 – додава таа. За да го направите ова, Викторија вели дека треба да го пресметате вашиот годишен приход, а потоа да го поделите со 12. Потоа пресметајте го заедничкиот приход со собирање на двата. – Сега поделете го приходот на секој поединец со оваа бројка од вкупниот приход и помножете со 100 за да добиете процент – додаде таа. Кое е вашето мислење – дали паровите треба да ги делат сметките на половина или да ги плаќаат според приходите? извор: попара.мк

„Јаделе, пиеле и не платиле ништо“: Емина Јаховиќ направила скандал во луксузно турско одморалиште

Слободанка Илиева — Mon, 11 Jan 2021 09:23:24 +0000

Се чини дека пејачката Емина Јаховиќ смета дека за неа не важат истите правила како за остатокот од светот! Имено, според турските медиуми, пејачката се нашла во центарот на скандал откако наводно одбила да ја плати сметката за дополнителни услуги што ги користела во хотел во турското одморалиште Годжек, ниту, како што се наведува, не им давала бакшиш на вработените. Како што изјави за турските медиуми една вработена во луксузното одморалиште каде престојувала Емина, пејачката сè уште не ги подмирила долговите кон хотелот, каде летувала со своето семејство. - Емина, како и секоја година, е на одмор со семејството од Србија во популарно летно одморалиште во Гоџек. Овој пат, Емина пристигна на одмор на крајот на летото, останаа таму неколку дена, уживаа во морето и сонцето и сè што нуди летениот одмор во хотелот. Сепак, оваа година ситуацијата не беше како сите претходни затоа што Емина ги стави сите вработени во хотелот во комплицирана ситуација на крајот на одморот - изјавил за турските медиуми извор од хотелот во кој престојувала музичката sвезда со своето семејство. Како што рече, пејачката наводно сè уште не ги платила сметките за дополнителните услуги што ги користела во хотелот.

View this post on Instagram

A post shared by Emina Jahovic (@yaemina)

- Јадеа, пиеја и не платија ништо. Не им оставија бакшиш на хотелските работници. Вработените во хотелот ја бркаа Емина за да ја наплатат сметката и имавме многу проблеми со тоа - рече еден од вработените во хотелот, а во оваа прилика Јаховиќ не се огласи за турските медиуми. Наместо тоа, по завршувањето на оваа приказна, пејачката се обрати до прекршочниот суд во Турција со барање да ја забрани веста „затоа што е понижувачка и ја нарушува нејзината репутација“, наведоа турските медиуми. Сепак, како што објави турскиот портал „Сабах“, судот го одбил нејзиното барање, бидејќи оценил дека тоа ќе ја загрози слободата на печатот во Турција.

Саша Поповиќ е најбогатиот пензионер во Србија? Еве колку пари му „легнуваат“ на сметка секој месец

Христина Ѓоргиевска — Tue, 14 Jul 2020 09:15:33 +0000

Саша Поповиќ од претходната година е пензионер и тоа најверојатно најплатениот пензионер во Србија. Откако својот дел од „Гранд“ го продаде на една странска компанија, Саша Поповиќ заработува плата од 200 000 евра на годишно ниво. Неговиот ангажман во „Ѕвездите на Гранд“ изнесува 5000 евра по емисија. Тоа значи дека во еден месец, во кој се емитуваат пет емисии од музичкото шоу, Поповиќ ќе заработи 25 000 евра. Саша сега се води како специјален советник за „Ѕвездите на Гранд“. Тој и понатаму го смислува целиот концепт, кандидатите, составот на жирито. Како генерален директор на „Гранд“ тој заработувал многу повеќе, но одлучил да го намали темпото. По повод финасиската ситуација се огласи и ПР службата на Поповиќ. „Што се однесува до бизнисите на Саша Поповиќ и Гранд само може да се коментира, но не и она што се однесува на неговите приватни работи“. Инаку, оваа година беа прикинати снимањата на Ѕвездите на Гранд, па една сезона ќе трае две години.

Зорица Марковиќ тврди дека Дарко Лазиќ е должен до гуша: „Пиеше цела ноќ, направи огромна сметка, а ништо не плати и си замина“ (ФОТО)

Антонио Димитриевски — Fri, 27 Dec 2019 11:00:48 +0000

Иако Дарко Лазиќ тврди дека ги вратил сите свои долгови, неговата колешка Зорица Марковиќ дементира велејќи дека тоа е далеку од вистината. Поточно, пред да влезе во „Задругаа 3“, Марковиќ откри дека фолкерот сè уште и должи пари. „Не сум во контакт со него, но го сакам како пејач. Жал ми е за сè што му се случи во животот. Сум го почестила сто пати, но тој не ме почитуваше, ме изнервира“ - се изјасни таа за пејачот. „Дарко дојде во мојата кафеана пред четири години и направи голема сметка, а не плати ниту динар. Тој вети дека ќе донесе пари другиот ден, а од тогаш поминаа четири години. Не е ни толку мала сумата, но мислам дека ако ме почитува, тогаш треба тие пари да ги плати. Јас нема да му барам камата, само нека го донесе она што го должи. Тој постојано ги менува своите телефонски броеви, му праќав пораки по блиски луѓе, а тој секогаш одговараше дека ќе ги донесе утре, но тоа утре до сега никако да се случи“ - додаде Зорица па му упати јавна порака на Лазиќ: „Ако прочита, нека се сети и нека го донесе својот долг. Не му го простувам ова, не за пари, туку заради почит. Јас не го очекував тоа од него“, рече Марковиќ.

Ова е вистината за тајната сметка на Шабан Шаулиќ

Христина Ѓоргиевска — Thu, 06 Jun 2019 07:58:44 +0000

Српските медиуми деновиве пишуваа дека наводно Шабан Шаулиќ имал тајна сметка каде што ги чувал парите од настапи, посебно од ромски свадби. Наводно, пејачот имал 2 милиони евра на тајна сметка во Германија, пишуваа медиумите. Семејството на пејачот ги демантираше овие пишувања. „Нека не остават нас и мојот татко на мир. Неодамна кажав сѐ што имам да кажам“ изјави Илда, ќерката на Шабан. Наводно пејачот бакшишот, посебно од ромските свадби ги чувал на тајна сметка. Така сакал да го осигура својот живот. „Нема врска со вистината. Шабан немаше никаква сметка, а не пак скриена. Плаќањата за настапите одеа на сметка на фирмата на неговата сопруга, Гордана му беше застапник. Колку требаше да работи за да успее да сокрие два милиони евра?“ изјави Јовановиќ за 24 сата. За потсетување, пејачот почина во февруари во сообраќајна несреќа во Германија.

Чиста сметка, долга љубов: Направете буџет за 2019 за доброто на врската

Горан Силјановски — Fri, 28 Dec 2018 12:40:37 +0000

Младите брачни парови добиваат најразлични совети кога ќе стапат во брак. „Комуницирајте и кога ви е најтешко“, „Вежбајте заедно и хранете се здраво“, „Патувајте колку што можете повеќе“… Но, една работа што се чини никој не ја спомнува се парите. Не за џабе постои изреката „Чиста сметка, долга љубов“. И самите знаете дека полесно се спие со платени сметки и полн фрижидер. Затоа, двојките кои се во брак или живеат заедно, треба да бидат реални и да разговараат отворено за нивните финансии. Чиста сметка уште на почетокот на годината ќе ви заштеди многу расправии и непроспиени ноќи. Можеби не звучи најромантично, но финансиите се реален и многу потребен елемент на врската, а тешко е да бидеш романтичен откако сте броеле пари за сметки или со ноќи не сте спиеле размислувајќи дали може да си дозволите одмор од еден викенд или од две недели. Редовни трошоци Правењето буџет звучи здодевно и ограничувачки. Ама не мора да биде така. Направете кафе или отворете шише вино и седнете со вашиот партнер за да ги испланирате вашите редовни месечни трошоци. Тука спаѓаат трошоци за домување, за храна, за облека, рати за отплата, месечни членарини… Откако ќе ја составите листата на трошоци, споредете ја сумата со вашите приходи. Ако имате вишок, тоа е супер, бидејќи значи дека може да тргнете нешто на страна како заштеда за одмор или нешто помало, како членарина за фитнес, на пример. Ако трошите повеќе отколку што заработувате, треба да ги намалите трошоците, како на пример за готова храна, јадење во ресторани, купување кафе за носење, членарини што не ги користите… можеби ова не ви звучи како големо заштедување, но кога ќе се собере, сумата не е незначителна. Правењето буџет не е погодување. Ако немате точна претстава за вашите месечни трошоци, ќе треба да потрошите малку повеќе време на овој дел од проектот. Заштеда Празниците се најдобро време да видите колку знаете да сте штедливи, не само во изборот на подароци и паметното планирање, туку и дали сте заштедиле пари што нема да мора да излезат од вашата последна плата во годината. Треба да имате заштеда за непланирани трошоци како поправки во домот или семејни настани (од свршувачки до погреби). Направете план како најлесно би можеле да штедите – на неделно, двонеделно или месечно ниво. Исто така имајте предвид кога и двајцата земате плата, за да може да ги распоредите давачките во текот на месецот. Најдете каде ви е дупката во џебот Некои трошоци се скриени или барем не ги доживуваме како голем трошок. Вимавајте кога, како и колку купувате храна. Што најчесто ви останува и го фрлате бидејќи се расипало од стоење? Што најчесто користите и е подобро да го купувате на големо? Ќе ги спомнеме уште еднаш членарините што не ги користите и пеналите што ги плаќате за задоцнето плаќање на сметките. Постепено научете да правите некои работи сами наместо за сѐ да викате мајстор или да плаќате професионалец (ова важи од маникир до местење полици и фарбање врати). Ако успеете да ги менаџирате парите во 2019 година како тим, ќе имате многу помалку стрес што значи дека ќе имате повеќе време и енергија за она што е најважно: да се сакате. Извор: kajgana.mk