Платиле 12.000 долари за луксузно сместување – кога пристигнале на Ибица ги дочекал најголемиот шок во нивниот живот

Христина Ѓоргиевска — Wed, 02 Oct 2019 12:15:39 +0000

Британскиот пар кој преку „Airbnb“ резервирал луксузен пентхаус во популарното шпанско летувалиште, бил шокиран кога пристигнале на одморот. Тој апартман кој што го платиле 12.000 долари воопшто не постоел. Ијан и Дениз Фелтман од британскиот град Чисвик, очекувале турска бања и луксузен простор со приватен лифт во комплексот Лос Боас на Ибица. Ова сместување како понуда на „Airbnb“ имал вкупно 37 резервации и највисоки оцени. „Кога се појавивме на адресата, рецепционерот на влезот од зградата ни рече дека ВИП пентхаусот не постои. Додаде дека често таму доаѓале туристи кои очигледно се измамени и дека тоа е голем проблем“ - изјавил тој. “Домаќините“ напишале дека апартманот е пет френдли, па парот со себе на нивното романтично патување ги повеле и кучињата Рода и Хани. Овој пар признал дека малку се посомневале бидејќи една недела пред да тргнат на патување никој не им се јавил на телефон од адресата каде што резервирале. Кога сакале да ја откажат својата резервација, од компанијата им кажале дека можат да добијат повраток на пари дури доколку појдат на тоа резервирано место и доколку не го добијат сместувањето, па затоа морале да се упатат кон преубавата Шпанија. На крајот тие одвај нашле некое друго сместување бидејќи со себе ги носеле и кучињата. извор: точка.мк

smestuvawe – Вистина.мк

Платиле 12.000 долари за луксузно сместување – кога пристигнале на Ибица ги дочекал најголемиот шок во нивниот живот