„СМАТ“ потсетија и им посветија песна на децата жртви на политиката – „Во мојот град“ (ВИДЕО)

Антонио Димитриевски — Thu, 22 Nov 2018 13:23:16 +0000

Македонската метал-кор група „Смат“ (SMUT) го промовираше својот нов видео-спот за песната „Во мојот град“, кој е објавен на „Јутјуб“ каналот.

Владимир Митревски - Ѓуле ја потпишува режијата на видеото „Во мојот град“ кој е воедно и прв видео-запис од новиот албум на „Смат“ насловен: „Тие се насекаде“. Овој албум e петто студиско издание во досегашната, повеќе од 20-годишна кариера на бендот кој е основоположник на таканаречениот метал-кор стил и и важат за една од најценетите групи во овој дел од Европа.

Песната, како што велат, е посветена на луѓето кои сакаат да прикриваат убиства и ги користат тие убиства за своите маркетинг кампањи, а во нив невини жртви се децата.

„Запомнете ги Мартин, Тамара и децата од Смилковско езеро“ - порачуваат „Smut“.

Во видеото како специјална гостинка се појавува и македонската актерка Виолета Шапковска, а како е сето тоа спакувано проследете во продолжение. https://www.youtube.com/watch?v=Py0EkXpmszk

„Тие се насекаде“: СМАТ го „испукаа“ „Последниот куршум“ (ЛИРИК ВИДЕО)

Антонио Димитриевски — Tue, 01 May 2018 09:32:45 +0000

Македонскиот бенд „Смат“ ( SMUT) ја највуваат промоцијата на новиот албум „Тие се насекаде“ кој е снимен во студиото „Поларити“. За снимањето се погрижи Горан Ристевски, а миксот и мастерингот беше изработен од Греми номинираниот Ермин Хамидовиќ. За обвивката на албумот се погрижи пријателот на „Смат“, Васил Васев од Бугарија, кој е долгогодишен соработник на бендот и секогаш го доловува визуелниот аспект на „Смат“, кој за визуелната перспектива на новото издание објаснува: „Идејата зад насловната страна беше да се стават сите актери кои се директно поврзани со целата приказна вклучувајќи го и главниот лик Мерлин, кој е заштитен знак на бендот повеќе од 10 години. Повеќето бендови од овој стил ставаат костури, демони како симболика, но ние сакавме да ги ставиме вистинските ликови на актерите и лицата што ни се познати! Доловувајќи го сето тоа во амбиентот од легендарната слика ‘Тајната вечера’“.

Промоцијата е од отворен карактер и ќе се одвива во „Пасворд плејс“ (поранешно „Џуси бар“), наспроти италијанската амбасада во центарот на Скопје со почеток од 20.00 часот, на 9 мај, денот на ослободувањето од фашизмот. Од материјалот на овој албум на „Смат“, по првиот сингл – „Што ако ѓаволот си ти“ , ви го претставуваме вториот, насловен: „Последниот куршум“ заедно со лирик видеото за него: https://www.youtube.com/watch?time_continue=123&v=s6C66GPAwns

смат – Вистина.мк

„СМАТ“ потсетија и им посветија песна на децата жртви на политиката – „Во мојот град“ (ВИДЕО)

„Тие се насекаде“: СМАТ го „испукаа“ „Последниот куршум“ (ЛИРИК ВИДЕО)