службено – Вистина.мк

Актерката Кејт Винслет заврши во болнца во Хрватска (фото+видео)

Слаѓана Атанасова — Mon, 19 Sep 2022 07:34:35 +0000

Легендарната актерка Кејт Винслет пристигна во болницата во Дубровник откако се повреди за време на снимањето на филмот во комплексот Купари. Кејт Винслет во болницата во Дубровник дошла со црно комбе во придружба на неколку луѓе, пишува „Дубровачки дневник“, а според неофицијални информации, оскаровката ја повредила ногата на сетот. Актерката пристигнала на влезот на Итната помош, а потоа заминала на задниот излез. Купари е една од локациите каде се снима филмот за Ли Милер, чиј лик го толкува Кејт Винслет. Во актерската екипа се и Марион Котијар и Џуд Лоу, пишува „24 sata hr“. Ли Милер е воен фотограф за „Вог“, а Купари беше избран поради стариот хотел, односно урнатините од пред неколку децении, кои во филмот ќе бидат искористени како илустрација за Втората светска војна. Фото:Принтскрин/ Профимедиа

Дарко – Спејко има нова девојка: Нему топ моделите му се слабост… или оваа убавица му е само за „службено“?

Антонио Димитриевски — Thu, 27 Feb 2020 08:36:07 +0000

Неодамна Дарко - Спејко го смени изгледот. Но, не со естетска, туку со берберска корекција, па прво брадата, а потоа и долгата коса отидоа во „аут“. Нова фризура, нов имиџ, како да е нов човек... Познатиот кумановец сега изгледа сосема поинаку. Брадата полека ја врати, а новата фризура доби фризерски зафат познат како ондулација, па сега „Големиот Брат“ има виткана, кадрава или брановидна фризура, како сакате наречете ја... Спејко остана должен да открие што го натера на таква драстична промена на изгледот? Дали проблематичното одржување на долгата коса, потребата за промени од чиста здодевност или некоја женска сугестија го натераа кумановецот да смени имиџ, остана тајна. Како што остана мистерија и неговиот љубовен живот по распадот на врската со модната блогерка и модел, атрактивната струмичанка Љупка Митрова. Љубовна романса која толку беше изложена на увидот на јавноста, што можеше да се напише некоја нова, македонска верзија на „Ромео и Јулија“, ама... Спејко потоа официјално остана соло... Се слушаше се' и сешто за него, се појавуваа фотографии и од фотосесии и приватни со одредени девојки, ама офоцијално - и натаму ерген. Осамен пастув во потрага по својата нова ждребица! И токму кога помисливме дека кумановецот „стагнира“, се појави нова фотосесија и нова сомнеж. На неа Спејко со нова партнерка... Македонско девојче, добро познато на јавноста, а и нему. Убавата и слатка, а во истовреме привлечна и пожелна штипјанка, 23 - годишната Марија Јовева, македонски модел позната под уметничкото име Марис Џолин (Мaryse Jolene). https://arhiva.vistina.com.mk/radio-mileva/video-ovaa-seksi-shtipjanka-gi-budi-site-setila-nejzinoto-zeshko-video-kje-go-gledate-vo-zanes/ Сме ја гледале во реклами, модни фотографии, каталози, модни едиторијали, музички видеоспотови... Слатка и привлечна - облечена, жешка и возбудлива кога е соблечена, кадравата Марис е новата партнерка на Спејко, која заврши во неговите прегратките... Барем на модните фотографии на кои заедно рекламираат спортски парчиња облека. Но дали во погледите на обајцата има нешто повеќе од „професионален однос“ или сепак сето тоа е само работа. Спејко е добра прилика, шанса што не се пропушта ако ти се укаже, вистински магнет за девојките, а од друга страна младата штипска убавица е една од оние на кои тешко може да им се одолее. Особено што на Спејко манекенките и моделите му се „слабост“. Впрочем така се' почна и со Љупка... Спејко и Марис се знаат оддамна, уште од времето кога таа се појави во видеото „Осамнеа“ на неговиот неразделен „кумановски брат“ - Тајзи. Но, тогаш Спејко беше токму со Љупка... Сега е соло. Или можеби веќе не е? Можеби Дарко - Спејко има нова девојка? Рековме, нему топ моделите му се слабост... Или сепак, оваа убавица му е само за „службено“?

Починал по секс на службено патување, работодавачот мора да плати обесштетување

Христина Ѓоргиевска — Thu, 12 Sep 2019 12:00:23 +0000

Француски инженер починал на службено патување, по срцев удар, откако имал секс со непозната жена, па сега работодавачот ќе мора да му плати обесштетување на семејството, одлучи судот. Во февруари 2013 година, мажот минал ноќ со жена во хотел во местото Мен сур Лоар, а потоа е пронајден мртов во собата. Францускиот суд смета дека се работи за несреќа на службен пат, па на семејството на починатиот ќе му биде исплатен паричен надомест од страна на работодавачот. Тоа значи дека членовите на семејството месечно ќе добиваат 80 отсто од износот од неговата плата, сѐ до годината во која покојниот требало да се пензионира. Во образложението на првичната пресуда, меѓу другото, судот истакнува и дека сексот е една од секојдневните човекови потреби, веднаш до храната и хигиената. Работодавачот потоа поднел и жалба на пресудата, аргументирајќи дека односот со непозната жена не била негова професионална обврска. Жалбата била одбиена, зашто според законот, вработените на службеното патување имаат право на заштита, независно од околностите. извор: Плусинфо