случајно – Вистина.мк

Тијана (не)намерно ја ископира Антониа или нивната модна дизајнерката во недостаток на инспирација на пејачките им ја подметнала истата креација? (ФОТО)

Антонио Димитриевски — Wed, 31 Jan 2024 11:41:07 +0000

Естрадата има свои непишани правила, па покрај тоа што песната мора да ти биде хит за да биде слушана, однесувањето, ама и изгледот, имиџот, шминката, фризурата и модните креации ги прават пејачите и особено пејачките, познати, славни, популарни... музички ѕвезди! Од ова не отстапуваат ниту домашните пејачки, особено не оние од новата генерација, кои на секој нов настап, ТВ гостување, видеоспот... се појавуваат во нова модна креација! Некои си се сами на себе си кројачи, други посегнуваат по фабричка конфекција, додека трети остваруваат конекција со некои од веќе познатите македонски модни дизајнери комплетно препуштајќи им ја својата гардероба на нивната креативна имагинација и вештите шнајдерски раце!

View this post on Instagram

A post shared by IVA SPASOVSKA ATELIER (@ivaspasovskaatelier)

Една од оние која неретко специјално креира за македонските музички ѕвезди или поточно за естрадните пејачки е и модната креаторка Ива Спасовска. Така, Бојана Скендеровски, Лина Пејовска, Барбара Ракичевиќ, Лара Иванова, Антониа Гиговска, Тијана Периќ... се само дел од естрадните убавици чии модни креации ги препуштиле на вредните раце и острите ножици на кумановската дизајнерка. И сите тие имаат едно врзно ткиво, еден заеднички именител во својот страдно-моден изглед, па и во комплетниот имиџ, ако на тоа се додадат и разните парчиња накит и останатите модни аксесоари, за да изгледаат како некоја светска или барем регионална музичка дива, тука е нивната модна креаторка Ива! Арно ама, токму овие последниве две, Антониа и Тијана испадна дека или имаат апсолутно ист вкус, едната комплетно ја ископирала другата или нивната модна дизајнерка во недостаток на инспирација, на пејачките им ја „подметнала“ истата креација? Зашто, како поинаку да се објасни креацијата на Тијана Периќ во нејзиното најново музичко видео „Невера“, каде пејачката е облечена од раменици до петици во апсолутно истата модна комбинација како и неколку недели претходно, нејзината колешка Антониа Гиговска?! Комбинезон од црна провидна тантела, кој е искомбиниран со асиметрично, свилено, мини парче со отворен преклоп до препони, украсено со брош над колкот. Во него Антониа најпрвин се фотографирала, па подоцна и пеела на еден-два свои настапи... За подоцна истото да го облече и во него да се фотографира и Тијана. А подоцна во истиот комбинезон да се појави и во најновиот свој спот! А истото тоа модне парче сосе сите детали и модни аксесоари, како своја креција го потпишува кумановската модна дизајнерка, Ива Спасовска! Случајно или намерно, желба на едната да го носи истото што и другата или некој пробал модно „да им го смести“ на двете „естрадни невести“? После се' - е сосема сеедно! Важно да е добро испрано откако го носела едната, пред да го облече другата! А, кога веќе не се до крај уникатни и свои, вие само можете да избирате и да одлучите на која од двете пејачки, креацијата подобро и стои?! Фото: Инстаграм/ivaspasovskaatelier/antoniagigovskaa/tijana.perikj/

Драгана Јовановска блесна на „Макфест 2023“, ги собра симпатиите на публиката, сними спот на Малдиви и сето тоа не е – „Случајно“? (ВИДЕО)

Антонио Димитриевски — Thu, 26 Oct 2023 11:27:23 +0000

Младата пејачка Драгана Јовановска дебитираше на последното 38-мо издание на музичкиот фестивал „Макфест 2023“. Таа пееше на првата фестивалска вечер, наменета за нови таленти, од каде само пет изведувачи според бројот на гласовите од жири комисијата имаа можност да настапат и на втората, односно ревијалната вечер. Драгана беше избрана според гласовите на жири комисијата и публиката во салата да биде една од петте изведувачи кои настапија и во вечерта со етаблираните музички имиња од Македонија. Младата Драгана уште во првата вечер ги освои симпатиите на публиката со нејзината песна „Случајно“, на која како автор на музиката заеднички се потпишува со продуцентот Иле Спасев, додека таа сама го напиша текстот. „Што да кажам, јас сум презадоволна од моето претставување на „Макфест 2023“. Беше одлично, супер организација, многу убави песни, дружење со младите и повозрасните колеги. Сигурна сум дека ќе учествувам и наредните години на фестивалот“ - изјави новата македонска музичка надеж на која музилката и е во гените, зашто потекнува од музичко семејство. Нејзини родители се познатата естрадно музичка двојка од Куманово, фолк пејачката Тања Јовановска - Трајкова и нејзиниот сопруг, музичарот Младен. Инаку за потребите на новата песна, Драгана пред еден месец сними и видеоспот и тоа не било каде, туку на една од најпосакуваните светски дестинации за одмор - волшебните Малдиви. „Малдиви беше мојот одмор од соништата, но си реков кога веќе сум таму, пред да заминам организиравме екипа од таму за да го снимиме видеоспотот. Се надевам ќе им се допадне на публиката и ќе ужива во него и во песната“ - вели Јовановска. Инаку Драгана нема да застане тука или пак да прави пауза, таа со својот тим од соработници веќе некое време работат и на други песни, па поради тоа блиска иднина очекувајте уште многу музика од неа... Дотогаш, проследете го и уживајте во видеото за нејзиното макфестовско музичко остварување - „Случајно“.

Српската мисица насмеана од уши до уши, покажа двоглав орел, јавноста експлодираше: „Квалитетите на еден изрод“! (ФОТО)

Антонио Димитриевски — Wed, 27 Oct 2021 10:49:29 +0000

На социјалните мрежи, осамнаа шокантни фотографии од српската мис Интерконтинентал, Валентина Петровиќ, која се сликала заедно со Мис на Албанија, Црна Гора и Косово, каде сите четири девојки покажуваат албански двоглав орел. Не е ни чудо за првите две - едната е од Албанија, а другата е Албанка од Космет. Трета е Црногорката Уна Мугоша. Имено, на страницата на Инстаграм „Bunt.sveSrbija“ беа објавени две фотографии на кои се гледа како српска мисица прави двоглав орел со рацете - потег со кој Србите со години ги провоцираат фудбалерите како Џердан Шаќири и Гранит Џака, но и пејачките ѕвезди како Рита Ора и Дуа Липа кои влечат албански корени во своите потекла. „Девојката од крајната лева страна, Валентина Петровиќ. Претставничката на Србија? Не, претставничка на безумие“- стои во описот на фотографијата, додека на самата слика пак пишува: „Ова е чист пример на непочитување на својот народ, традицијата, верата, моралот. Квалитетите на еден изрод“ - на кој е додаден емотикон кој симболизира повраќање. Да потсетиме, мисиците се фотографирани во Шарм ел Шеик каде се одржува изборот за Мис Интерконтинентал, од кој по спорната фотографија, осамна уште една слична, овој пат оф хотелската соба. „И ова ли е случајно и од незнаење“? - стои во постот покрајнеа на споменатата Инстаграм страница. Инаку, симболот на двоглавиот орел е провокацијата за Србите, но не само за нив, туку и за некои од нивните соседи меѓу кои и Македонија, со идејата за формирање на т.н. Голема Албанија. Фото: Инстаграм принтскрин/bunt.svesrbija

Сандра – Африка ги покажа градите без цензура во „Хеј срце“… а над срцето материјал за „полни раце“ (ФОТО+ВИДЕО)

Антонио Димитриевски — Mon, 14 Jun 2021 10:12:59 +0000

Пејачката Сандра - Африка отсекогаш важела за една од најсексапилните на естрадната сцена и никогаш не се двоумела да ги покаже своите атрибути, секогаш кога треба и има зошто. Во нејзиното најново видео, Африка отиде чекор подалеку. Имено, пејачката покажа повеќе од дозволеното во еден од стајлинзите, нешто што никој не го очекуваше, аверојатно ниту самата таа, зашто понекогаш работите непланирано „излегуваат“ од контрола, а кадрите му бегаат дури и на острото око на режисерот. Имено, многумина се навикнати Сандра да го покажува најбујниот дел од своето тело - извајаниот задник, но овој пат, во израз дојде нејзиното деколте... или поточно, она што немирно лежеше внатре! Сандра носи тексас градник во некои од „спорните кадри“, а брадавиците на немирните гради на пејачката може да се видат неколку пати додека таа танцува. Во еден момент дури и целата града испадна од лежипштето на топот на Сандра, па осамна без цензура во најновата видео топлес авантура . Останува прашањето дали овие кадри во спотот останаа по грешка, или пејачката остана задоволно „под мустаќ да се смешка“, откако во видеото решила да ја испровоцира јавноста повеќе од дозволеното? https://www.youtube.com/watch?v=f-ozORkEmKk

Јоце Панов имаше настап во Ниш, а оваа позната дама му дојде на свирка: Случајност или… „ново дете“ во старите естрадни прегратки? (ФОТО)

Антонио Димитриевски — Fri, 27 Dec 2019 09:42:47 +0000

За Јоце Панов 2019 беше успешна година... И професионално и приватно. Јоце покрај кариерата дома, веќе неколку години е присутен и на регионалната естрада, каде во јуни го претстави својот нов сингл насловен „Ноќас купујем илузије“, кој беше наменет за успех токму надвор од границите на Македонија. Автори на песната се проверените хрватски музички мајстори, композиторот Миро Буљан и текстописецот Ненад Нинчевиќ, луѓето кои ги напишаа некои од најголемите хитови на нашиот Тоше Проески! https://arhiva.vistina.com.mk/promoter/joce-panov-prodolzuva-da-go-osvojuva-regionot-so-no-as-kupujem-iluzije-video/ Приватно, пред неполн месец распеаниот штипјанец за прв пат стана татко, ооткако неговата сопруга на свет го донесе нивното синче кое го доби името Лука. https://arhiva.vistina.com.mk/radio-mileva/joce-panov-stana-tatko-za-prvpat-foto/ Обидот да прави регионална кариера подразбира и настапи надвор од Македонија, па така Јоце неодамна имаше свирка во еден клуб во Ниш. А таму, случајно или намерно, на неговиот настап се појави таа... Лилјана Петровиќ, некогашната менаџерка на Тоше, која сега таму живее и се занимава со одгледување и преработка на лаванда! Што се разговарало на средбата - само тие двајца знаат, ама доказ дека се виделе е заедничката фотографија која веднаш ги подгреа шпекулациите дека нешто се „крчка“ меѓу нив двајца, а Лилјана му се враќа на естрадниот бизнис, по големата трагедија со загубата на Тоше! Впрочем, можеби не случајно истите автори како Миро Буљан прават на Јоце песни, нели? Дали е така или таа вечер средбата на нашиот пејач и некогашата менаџерка на Тоше беше случајна и само пријателска, а „народот купува илузии“, или Љиља ќе има „ново дете“ во старите естрадни прегратки, останува набргу времето да покаже!