сливи – Вистина.мк

Есенска галета со круши и сливи

Христина Ѓоргиевска — Tue, 08 Oct 2019 13:30:55 +0000

Сочна и вкусна галета со сезонско овошје... Замесуваме тесто од наведените состојки. Путерот исечен на коцки треба да е многу ладен исто и водата. Го месиме тестото додека добиеме мазна топка. Тестото го сучиме во форма на круг, најдобро врз хартијата за печење. Тестото го мачкаме со мармалад (кај мене мешан мармалад), но внимаваме краевите од кругот да не бидат намачкани. Крушата и сливите ги миеме и ги сечеме на тенки парчиња, па ги распоредуваме врз мармаладот. Крушата нежно ја наросуваме со цимет. Слободните краеви од тестотот нежно ги притискаме и вртиме навнатре.Овој дел го премачкуваме со белка од јајце и го наросуваме со ливчиња од бадеми. Печеме на 200 степени околу 35-40 минути. Уживајте во вкусот.... извор: готви.мк

Витаминска бомба во мало пакување: Зошто мора да јадете сливи?

Христина Ѓоргиевска — Tue, 23 Jul 2019 13:30:00 +0000

Сливата е полно со витамини и минерали. Еве зошто треба сливите почесто да ги додавате во вашето мени. Сливата е кралица на доброто варење Богата е со прехранбени влакна кои ја поттикнуваат работата на цревата и чистењето на организмот и влијаат на запекот. Го регулира крвниот притисок Во 100 грама свежи сливи се наоѓаат околу 160 милиграми калиум. Овој минерал игра важна улога во регулирање на крвниот притисок. Ја подобрува работата на срцето Истражувањата покажале дека редовното консумирање на сливите благопријатно делува на срцето и крвниот систем. Го зајакнува имунитетот Сливата е преполна со витамин Ц кој го чува здравјето на целото тело и го зајакнува имунитетот на поединецот. Добра е за кожата Бетакаротинот и витаминот Е кои ги содржи сливата ја одржуваат еластичноста на кожата и го забрзуваат зараснувањето на раните. Сливата е чувар на коските Големата количина антиоксиданси и минерали се заслужни за зачувување на коскената маса и придонесуваат за општо здравје на коскениот систем. Сливата го поттикнува слабеењето Во 100 грама сливи се наоѓаат само 45 калории. Поради тоа консумирањето на ова овошје им се препорачува на лицата кои се обидуваат да ослабат и да одржат здрава телесна тежина. извор: Курир.мк

Што бараше Бали бег, па го преврте Истанбул, а одби милонска сума!? (ФОТО)

Антонио Димитриевски — Mon, 24 Dec 2018 10:59:54 +0000

Како што е познато, според некој непишан закон, бремената жена не го препознава природниот поредок на созревање на овошјето и зеленчукот, бидејќи тие обично сакаат да го јадат токму она на што сезоната му поминала. Сепак, во супермаркетите денес може да се најдат овошје и зеленчук и кога не им е времето, но се чини дека таков случај не е со сливата Ерика, во што и харизматичниот Бали-бег се убеди овие денови. Ерика е еден вид турска слива, која расне во источна и јужна Анадолија, и зрее од август до крајот на октомври. Затоа, тешко е истата да се најде во декември.

View this post on Instagram

A post shared by Fahriye&Burak Özçivit (@evcenist42) on Dec 23, 2018 at 2:41am PST

Но желбата на Фахрие за Бурак е заповед, па тој тргназа да ја исполни нејзината желба, да ги посетува мегамаркетите и пиљарите во петнаесетмилионскиот Истанбул. Таблоидите тврдат дека потрагата траела неколку часа, но на крајот сепак била успешна зашто Бали бег, сливите ги пронајде! Прекрасниот Бали-бег едноставно сонува за среќа и ништо не е тешко за него да направи за својот нероден син, за кого веќе го избрале своето име, но не сакаат да им го откријат на новинарите.

Но, кога на новиот џип на Фахрие, кој го добила од својот сопруг на подарок, се појавиле таблички со натпис Кар (снег), сите заклучиле дека тоа е името што го избрале за своето дете.

Идните родители деновиве ги отфрлаат понудите од арапските земји за да ја продадат првата фотографија на своето бебе за милион долари, штом тоа ќе се роди. Но тие не ги прифаќаат ваквите предлози, исто како што ги отфрлија сличните понуди и кога нивната венчавка беше во прашање.

Што ќе ви се случи ако јадете 12 сливи на ден?

Ивана Стојанова — Tue, 31 Jul 2018 13:02:00 +0000

Оваа кралица на мармаладите има уште една „кралска лента“: таа е прв избор кога страдате од констипација Сливите се задолжителен избор на секоја домаќинка која приготвува зимница, а освен што најчесто се користи за приготвување на мармалад и на оние познати кнедли со сливи, секако е пожелно да се јадат и свежи. Сливите содржат витамин Ц (5 до 8 мг на 100 грама, зависно од видот на сливите), витамин Б6, бакар, витамин Б2, витамин Б3, витамин К, магнезиум, железо, калциум и калиум (дури 240 мг на 100 грама сливи). Тие се богати и со влакна, 2 грама на 100 грама сливи, а покрај сето ова, има и многу малку калории. Претходните истражувања покажале дека сливите ги јакнат коските, го намалуваат ризикот од заболување од рак на дебело црево, но и дека консумацијата на 12 сливи со просечна големина, на ден, во текот на два месеци го намалува нивото на лошиот холестерол.

И тука не престануваат благодетите на оваа „кралица“. Едно истражување покажало дека со консумација на околу 12 суви сливи на ден, односно, 100 грама, за 3 месеци значително ќе се зголемат маркерите во крвта кои покажуваат зголемување на густината на коските. Дихидрокси-фенил и затин, една од состојките на сливите заради кои, помеѓу останатите, ова овошје има и лаксативен ефект. Му помагаат и сорбитолот и фенолите како и растителните влакна. 25 грама суви сливи, што во просек, е еквивалент на три плода, ќе ви обезбедат 5 проценти од потребното дневно внесување на влакна.