сликар – Вистина.мк

Бојан Ковски: „Бодипејнтот нема живот, ако моделот не го износи како што треба џабе сум цртал“ (ВИДЕО)

Антонио Димитриевски — Tue, 16 Aug 2022 06:32:33 +0000

Бојан Ковски е сликар кој скоро седум години се занимава со бодипејнтинг. Поради случајна ситуација тој уметничкото платно го заменил со човечко тело. На самиот почеток немал професионални бои за бодипејнтинг, па цртал со акрил. Боја која тешко се вади бидејќи е наменета за платно и хартија. На почетокот кога почнувал со бодипејнтингот било комплицирано да најде модел, бидејќи луѓето не знаеле што работи. Но кога почнал попрофесонално да се занимава со перформанси и изложби, пронаоѓање на модел било многу полесно. Техниката ја усовршил, и има се повеќе модели кои сакаат да направат бодипејнт. Има модели кои ги црта за час и половина, но за целосен бодипејнтинг потребно му е повеќе време, пет до шест часа, во зависнот колку комплициран е самиот бодипејнтинг. „Секогаш има договор, дали сакаш, дали си заинтересиран, дали ќе се чувствуваш комотно во своето тело да излезеш само со бодипејнт на себе и тоа е најважниот момент кај моделот. Колку ќе се чувствува предизвикано за да изгледа најдобро во тоа што е насликано. Затоа што самиот бодипејнт во себе нема живот, моделот го дава животот и доколку моделот не го износи како што треба јас за џабе сум работел“, вели Бојан за Репортер. Најчесто девојки и момчиња му пишуваат приватна порака на Инстаграм, дека заинтересирани се за бодипејнтинг. „Тоа ми е мене многу интересно и многу повеќе сакам да работам со тие луѓе затоа што тоа се луѓе кои навистина сакаат да излезат во бодипејнт да напрват некоја фотогрфија, видео“, раскажува Бојан. Бојан досега работел за неколку спотови, во Македонија со неколку артисти како ДНК со кои работел на нивни два спота. Но и со балканската ѕвезда Дино Мерлин за потребите на видео запис. „Со Дино Мерлин беше многу спонтана сработката. Бев излезен на кафе и ми пристигна порака на Инстаграм од режисерката која беше на спотот, дали сум слободен во одреден период да одам да снимаме спот. Целиот договор траеше цели 15 минути. Беше среде пандемија и имаше полициски час и само се спакував и заминав за Црна Гора во Тиват, каде што се снимаше спотот. Потоа имавме уште една соработка со Дино Мерлин за новогодишниот концерт што беше 2020 година. Сега треба да снимаме нов спот, само чекаме да закажат датуми кога треба да одам“, раскажа Бојан. Додека црташе пред камерата, Бојан зборуваше дека во зависност од атмосферата во која што се работи и според тоа се бира бои со кои ќе работи. На поладна температура може да се работи со бои кои што се на водена база и тие многу лесно се симнуваат од телото. Но кога е потопло подобро е да се работи со бои кои што се на маслена база, кои се фиксираат и не се разлева бојата. „Бодипејнтот мене ми даде тотално различен поглед на целиот мој начин на работа, каде што јас веќе имам тродимензионална површина. Начинот на кој што јас работам го прилагодувам на тоа и како треба да изледа. Првиот бодипејнт што го правев беше инспирација од египетската култура и тоа беше прилично лесно за изработка“, изјави Ковски. Интересен момент во бодипејнтингот е како сликата ќе движи. „Тоа што ќе го насликаш, дури го сликаш моделот е застанат во одредена позиција со самото движење на моделот, цело време менува форми, значење, бојата се се меша. Тоа беше многу голем предизвик за мене да можеш да насликаш нешто кое во секоја можна позиција ќе биде точно насликано“, вели Бојан и додава сам на себе го пробал бодипејнтингот за потребите на операта „Queen of the Night“, откако танчер кој бил дел од перформансот се повредил. „Тоа ме научи како јас да бидам моделот или јас да се појавам пред луѓе. Еден од моите најголеми стравови е да излезам како перформер, бидејќи секогаш сум се криел зад објективот, зад платното, зад моделот“, раскажа Бојан. Од самите почетоци до сега, вели дека созреал како уметник. Сега е појак е во техника, знае што прави и посигурно ги прави работите. „Сега се бавам со масло на платно. Ја подготвувам изложбата овој период и гледам да немам толку ангажмани со бодипејтингот, затоа што ми дава момент на оздишка, за кога ќе се вратам, се вратам со полна енергија“, вели Ковски. Изложбата ќе има во октомври со дела масло на платно во Софија, работниот наслов засега е името „Патерн“ како што била неговата прва изложба. Погледнете го видеото со интервјуто:

Лидија Вукиќевиќ „смува“ 10 години помлад сликар од Италија, па проговори за нивниот однос: „Секојпат како да е првпат“

Христина Ѓоргиевска — Mon, 28 Jun 2021 09:46:55 +0000

Актерката Лидија Вукиќевиќ која важи за една од најзгодните жени на српската јавна сцена ужива во врска со 10 години помлад сликар од Италија. Таа сега проговори за нивниот емотивен однос и како нивната врска функционира на далечина. „Се гледаме привремено. Сакам врска на далечина, никогаш не може да досадат, секогаш ви е убаво, си недостигате еден на друг. Секој пат кога ќе се видиме како да е првпат. Кога сте нон стоп заедно многу работи се изладат, на површина излегува нешто што можеби не сте сакале. Навиката ја убива љубовта“, изјави Лидија и додаде: „Кога партнерот ќе ми стане како брат, време е за заминување. Бидејќи и двајцата сме уметници, одлично се разбираме. Не размислувам да се преселам во Италија. Со години живеев во Холандија и Турција и сфатив дека најмногу ја сакам Србија. Можам да патувам, но овде се враќам бидејќи тука најубаво се чувствувам“.

Северина повторно обвинета за кражба: Пејачката треба да плати оштета на сликар поради повреда на авторски права

Христина Ѓоргиевска — Fri, 22 Nov 2019 12:58:18 +0000

Хрватската пејачка Северина Којиќ на својот албум „Здраво, Маријо“ од 2008 година без дозвола ги користела мотивите на сликарот Мијо Ковачиќ и ќе мора да плати казна поради повреда на авторските права. Во Општинскиот граѓански суд во Загреб е донесена пресуда според која Северина, издавачката куќа „Dallas Recrods“ и фирмата „Motivo d.o.o“ треба на сликарот да исплатат оштета поради повреда на авторски права во износ од 26.089 куни или 2. 3000 евра. Станува збор за обвивката на албумот на Северина „Здраво Маријо“, на кој дел од сликарскиот опус на Мијо, мотивите од делата „Селски танц“ и „Главица од зелка“, се користат без одобрување на авторот. – Да ме прашаше Северина, ќе ѝ ги дадев правата за користење. Но, не ме праша. И тоа не е во ред. Еден мој пријател ми кажа уште тогаш и јас дури и бев вознемирен. Затоа што, преведено гледано, тоа е кражба. Јас во тоа вложив труд, а Северина е популарна ѕвезда. Но, јас не ја познавам неа за да можам да судам. Не ја слушам нејзината музика, не е по мој вкус – изјавил Ковачиќ за „Јутарњи лист“. „Нека им биде на душа, ако не препознаваат дека се виновни – додава тој. Мијо посочува дека не станува збор за парите, а тој треба да ги даде авторските права, како што вели, бесплатно. Само доволно било да го праша. – Треба да се јавите и да прашате. Луѓе сме. На крајот на краиштата, до мене лесно е да дојдеш. И во живо и телефонски – вели легендарниот сликар. За потсетување, поранешниот стилист на Северина исто така ги обивини нејзините соработници за кражба на идеи за костимите за големата турнеја.

Портрет на подарок: Ја наслика хрватската пејачка со гол „патлак“ (ВИДЕО)

Антонио Димитриевски — Tue, 20 Nov 2018 11:46:44 +0000

Во втората полуфинална емисија на хрватската верзија на светското шоу „Суперталент“, се појави како изненадување, но, само преку видеоекранот, голиот сликар од Канада, Брент Реј Фрејзер.

Тој го покажа портретот кој и го насликал на хрватската пејачка Маја Шупут и ги остави сите во студиото без текст. Фрејзер не можеше да дојде во студиото, но и испрати на Маја портрет како подарок и ја воодушеви, а потоа преку видео им се обрати на другите членови на жирито, кои беа вчудовидени.

Стриперот-уметник со своето прво појавување во оваа шоу програма привлече големо внимание, кога излезе на сцената целосно гол, а со себе носеше само платно, а кога се фати за работа, сите присутни во студиото како и ТВ гледачите останаа во шок. Поради невообичаената техника на сликање, потоа Фрејзер стана многу популарен. Тој тврди дека неговата техника е болна и не препорачува некој да ја користи својата „алатка“ како четка за сликање.

„Сликарскиот алат“ му е осигуран, но на вредност многу помала од онаа на нозете на Дејвид Бекам или задникот Џенифер Лопез. Погледнете ја реакцијата на жирито кога голиот сликар се појави на видеоекранот и го покажа она што го насликал со својот „патлак“: https://www.youtube.com/watch?v=ey9qqpbxVpQ