Славко Ристески – Вистина.мк

Дани Даниела и „Тик Ток“ имаат музички мелем за вашата – „Душа боемска“ (ВИДЕО)

Антонио Димитриевски — Mon, 18 Jul 2022 11:22:09 +0000

Младата битолска фолк пејачка Дани Даниела заедно со својата придружна група „Тик - Так“ деновиве промовираа нова песна и видеоспот. Песната е насловена „Душа боемска“, а за првпат Даниела се јавува и како текстописец на оваа песна, додека музиката и аражманот е на познатиот и докажан автор Славко Ристески. Спотот се снимаше во Прилеп, во него учествуваа околу триесетина статисти, а го изработе ИН Продукција. Премиерата на спотот беше на сателитската ИНТВ. Како звучи и изгледа музичкиот мелем на Дани Даниела и „Тик -Ток“ за вашата „Душа боемса“ проследете во продолжение:

“Ах мори Магде” е најновата песна на нашиот учесник во „Ѕвездите на Гранд“, младиот Александар Tемелков (ВИДЕО)

Антонио Димитриевски — Wed, 20 Oct 2021 13:19:35 +0000

Младиот македонски фолк пејач Александар Темелков, кого пошироката публика го запозна и по учеството во неколку регионални музички натпревари меѓу кои и „ѕвездите на Гранд“, полека но сигурно ја гради своја кариера. Тој веќе има неколку авторски песни позади себе и е блиску до реализација на својот прв албум. „Ах, мори Магде“ е неговата најнова песна за која стиховите ги напишала младата Ангела Стрезовска, а музиката и аражманот се на Славко Ристески. Песната е снимена во студиото „просаун продакшн“ во прилеп, а ртрубата во песната ја свири познатиот Филип Нуне. Александар под покровителство на „Ин продукција“ сними и видеозапис за оваа песна, која деновве го промовираше во етерпот и на Јутјуб каналот. Како звучи и изгледа „Ах мори Магде“ проследете во продолжение:

Дани Даниела и „Тик Так“ во фолк баладата – „Си дозволив“ (ВИДЕО)

Антонио Димитриевски — Fri, 21 May 2021 12:45:17 +0000

Младата и актрактивна фолкерка, битолчанката Дани Даниела која настапува заедно со групата „Тик Так“, во едно поинакво издание. Овој пат шармантната фолкерка изненади со фолк балада за која стиховите ги напишала самата, додека музиката на Игор Перканоски од групата „Тик Так“, а за аранжманот се погрижил Славко Ристески. Во песната кларинет свири Кире Иваноски, а придружните вокали ги пее Викторија Стојческа. Баладата насловена „Си дозволив“ е визуелизирана и со видеоспот кој го изработила екипата на ИН продукција. Како сето тоа звулчи и изгледа проследете во продолжение: https://www.youtube.com/watch?v=Sa81MDsSne0

Слаѓана Столеска со спот за печалбарската песна – „Пуста да е мајко туѓината“ (ВИДЕО)

Антонио Димитриевски — Thu, 13 Aug 2020 13:01:46 +0000

Слаѓана Столеска деновиве го промовираше спотот за нејзината најнова песна со наслов „Пуста да е мајко туѓината“ . Иако станува збор за песна со печалбарска тематика, таа овојпат одлучи да направи помодерен спот за кој снимањето се одвиваше на атрактивни локации низ Охрид, а во него се користени кадри и од окенскиот брег на далечната Австралија. Текстот и музиката за оваа песна се дело на Тони Иваноски некогашниот член на од групата „Биоритам“, а аранжманот е на Славко Ристески од студиото „Просаунд“ од Прилеп. „Поминавме одличен ден со екипата на ИН Продукција, снимавме на убави локации во Охрид и искрено се надевам дека гледачите и целокупната јавност, покрај песната, ќе уживаат и во прекрасното видео. Песната ја работеа вистински професионалци, а со оглед на тоа што е печалбарска, очекувам во неа да се пронајдат нашите Македонци кои живеат надвор од родната земја“ - порача пејачката. Во продолжение погледнете го видеото за „Пуста да е мајко туѓината“: https://www.youtube.com/watch?v=T_eGo1KvLtI&feature=emb_logo

Филип Кузманоски го мачат љубовни јадови – „Млад ќе си умрам“ (ВИДЕО)

Антонио Димитриевски — Tue, 07 Jul 2020 12:15:46 +0000

И покрај корона епидемијата која ја замрзна на подолг период работата на естрадата и целокупната пропратна ивент индустрија, сепак некои од пејачите и продукциите собраа сили токму во овој период да ги реализираат своите нови проекти. Исклучок од мнозинството што го потврдува ова правило се битолската „Плејбек продукција“ и младиот македонски фолк пејач од Ресен, Филип Кузманоски. Не плашејќи се од корона заразата тие ги здружија силите, па песната насловена „Млад ќе си умрам“ најдоа начин како да ја визуелизираат. Иако претежно ориентирани на реализација на фото и видеоматеријали за свадбени свечености други прослави, екипата на продукцијата изработува и видеоспотови, како што беше случајот со песната на младиот ресенчанец. Инаку, автор на музиката и стиховите на „Млад ќе си умрам“ е Борче Робановски, додека аранжманот го потпишува Славко Ристески, кој стои и зад аудио снимањето, миксот и мастерингот на песната која е снимена во студиото „Просаунд продукција“ во Прилеп. На хармоника во песната свири Војо Митревски. Видеото пак е снимано на локацијата на винаријата „Чифлик“, каде покрај пејачот Филип Кузманоски, во неговото видеопрвенче се појавуваат и повеќе статисти, а како режисер е потпишан Благој Мустриковски, додека зад камерата снимал Стефан Џокановски. Како сето тоа звучи и изгледа проследете во продолжение: https://www.youtube.com/watch?v=SU1Ahuis3Jo&feature=share&fbclid=IwAR2w8k8UV23bsRJVJhYYuyxa_BEj6HDDtB-kdV1wSkG9_sH3OrhnHv7vbHs

Даниела и „Тик так“ се на – „Нула“ (ВИДЕО)

Антонио Димитриевски — Mon, 02 Dec 2019 12:57:41 +0000

Даниела и Тик Так, деновиве во соработка со ИН pродукција го снимија првиот спот. Станува збор за нивната втора авторска песна која е насловена “Нула”. Снимањето поминало во доста интересна атмосфера, а се одвивало на повеќе локации во Прилеп. „Се снимаше на повеќе локации во Прилеп, и во оваа прилика им благодарам на сите угостителски локали и фирми што ни излегоа во пресрет. Се' ни беше на дофат, немавме многу раздвижување и мислам дека кога е се на едно место, се излегува како што треба“-истакна неодамна Даниела за естрадниот магазин „Естрада плус“. Музиката и аранжманот се авторско дело на Славко Ристески, текстот го напиша Љупчо Василев, а песната е снимена во студиото „Про Саунд“ од Прилеп. Даниела накратко ја раскажа приказната која се одвива во видеото. „Оваа песна е дефинитивно за девојките. Во приказнта се работи за љубовна двојка која претходно имаа одлична врска, биле многу заљубени. Но, по некое време се случува нешто и момчето ги губи чувствата,а девојката е скршена и останува сама. Се покорува и се обидува да го врати, на некој начин да ги врати чувствата што претходно ги имале и сите убави моменти, но за жал не успева и останува сама“- открива пејачката и се надева дека песната ќе допре до јавноста, особено до женската популација.

Благојче Стојаноски – Туше признава – “Ех, што љубам едно девојче” (ВИДЕО)

Антонио Димитриевски — Mon, 19 Aug 2019 12:07:52 +0000

Познатиот Благојче Стојаноски - Туше изминатиов период во соработка со ИН продукција снимаше два видео записи. Како што истакнува и самиот, снимањето поминало одлично но по малку и напорно бидејќи двата спота се снимале во еден ден.

Еден од видео записите е за неговата најнова песна “Ех, што љубам едно девојче”, додека пак вториот видео запис е за неговиот најголем хит “Зелени очи”, а обата се снимаа на неколку на локации во родниот преспански крај на Туше.

„По природа сум малку специфичен човек и овие места и локации ги најдов самиот, па во договор со Ване од ИН продукција, решивме дека местата се баш добри за снимање. Едноставно сакав ова нешто да биде поразлично. Мислам дека не згрешивме и се надевам дека гледачите ќе бидат преадоволни од тоа што ќе го видат“ - истакнува Туше.

Што се однесува до најновата песна на Туше, “Ех, што љубав едно девојче”, автор на текстот е самиот тој, додека пак музиката е дело на неговиот близок колега од Сиднеј, Роберт Митревски, додека пак зад аранжманот стои Славко Ристески од Прилеп.

Летниот период на Благојче беше и се' уште е исполнет со работна агенда, во која се вклучени бројни настапи низ целата земја, од кои најповеќе во охридскиот, преспанскиот и битолскиот крај.

Во меѓувреме, погледнете го видото сработено од Ин продукција за “Ех, што љубам едно девојче”. https://www.youtube.com/watch?time_continue=35&v=lpzJRmektIo