слатко – Вистина.мк

Антониа Гиговска за мајчинството има само пофални зборови од кои ќе се стопите: “Конечно чувствувам најискрена љубов“ (фото)

Слаѓана Атанасова — Wed, 24 Jan 2024 11:27:22 +0000

Младата македонска пејачка Антониа Гиговска пред половина година за прв пат стана мајка и си ја продолжи семејната лоза. Таа не само што реши млада да го продолжи поколението туку и секојдневно покажува дека премногу ужува во таа улога. Уште штом ќе ги отвори очите најтоплата прегратка ја добива токму од бебето Киан за кое има време преку ден се додека не тргне на фотосесија, емисија или на настап со сопругот Роберт. А до тогаш го држи во раце и задоволно прави селфиња и кратки видео клипчиња со него за на своите следбеници да им покаже што значи да си дел од мајчинството. - Кога го имате ова ама баш ништо друго не ви е важно - тврди таа. Но бидејќи често нејзиниот профил на социјалната мрежа Инстарам го полни со интимни моменти со синчето нејзините обожаватели се заинтересираа како вистински се чувствува и ја прашаа дали сепак има некоја промена и плус обврски поради него? - Дали чувствуваш голема промена од кога стана мајка и имаш повеќе обврски? - ги интересираше нив. - Конечно чувствувам само искрена, најискрена љубов на свет која некој ми ја дава. А тоа е ова мало мое мече. Инаку веќе сме на мам, мам - им откри таа. Антониа неодамна откри и дека желбата и е по рожбата на машко, да добие и девојче, наследничка за која веќе ги смислила имињата за својата неродена ќерка. А ако биде и сака Бог, ќерката на Антониа би се викала: Ева, Анастасија, Кјара или Еларија, откри тогаш Антониа. Фото: printskrin/instagram/antoniagigovskaa

Слатко од бело грозје! Најубав вкус кој се памети

Слаѓана Атанасова — Fri, 25 Aug 2023 12:45:15 +0000

Слаткото од грозје се прави од мали плодови од посебен вид наречен султанија. Ова грозје нема семки и има многу нежна кора, така што плодот може убаво да се зготви без никаква обработка. Зрнестиот плод на лозјето е многу добра намирница, со голема хранлива и диететска вредност, а во народната медицина се користи илјадници години. Грозјето делува како природен диуретик, а исто така е и многу хранливо. Неговата сезона е веќе започната, има прифатлива цена, па немате причина да го избегнувате… Грозјето обично го јадеме сирово. Сепак, од него можете да направите сок, оцет, џем или слатко. Ова последното треба да го правите од ситно грозје од посебен вид наречен султанија. Ова грозје нема семки и има многу нежна кора, така што плодот може убаво да се готви без никаква обработка. Султанијата што сте ја избрале за десерт не смее да биде презрела, туку полузрела. Состојки: 1 кг грозје 1.250 гр шеќер Лимон вода Подготовка: Внимателно измијте го грозјето и извадете ги зрната од китката, едно по едно. Истурете шеќер во тенњерето за варење слатко, истурете чаша вода и сварете го сирупот како и за секое слатко. Кога сирупот ќе се свари, ставете го грозјето во него и продолжете со варење. Додадете го лимонот, излупен и исечен на прстени. Варете додека слаткото не се згусне да паѓа во големи капки од подигнатата лажица. Потоа тргнете го од шпоретот, внимателно отстранете ја пената и покријте го со влажна, чиста крпа. Оставете да отстои 12 часа, а потоа истурете во суви, чисти тегли. Извор: Курир.мк

„Тивки убијци“ на организмот – еве како да ја намалите желбата за нив

Слободанка Илиева — Mon, 06 Jun 2022 12:40:56 +0000

Често имаме неверојатно голема желба да се „засладиме“ после оброк. Освен што слатките ја отежнуваат борбата со вишокот килограми, лошо влијаат и на нашето здравје, па би било добро да ги намалиме на минимум. Имајте целосен, обилен појадок Оние кои го започнуваат денот со богат, здрав појадок богат со влакна и јаглехидрати како житарици и овошје и квалитетни протеини како месо, јајца и млечни производи, имаат стабилно ниво на шеќер во крвта. Инаку, луѓето кои појадуваат пообилно, имаат помала желба за храна навечер и подобро ја контролираат големината на порциите. Ужините треба да се состојат од јаглехидрати богати со влакна и протеини. Важно е да изберете квалитетна закуска. Влакната и протеините го забавуваат варењето, што значи дека се чувствувате сити порано и останувате сити подолго. Затоа, кога ќе ги споите двете, го стабилизирате нивото на шеќер во крвта и нивото на енергија. Комбинирајте сирење и овошје, или сушено месо и чинија со житарки, тост од цело зрно со путер од кикирики исто така е можно. Не се изгладнувајте Луѓето често мислат дека е добро да се прескокне оброкот и дека така ќе бидат поздрави, но тоа само ќе ја зголеми желбата за нездрави работи. Кога луѓето се гладни, тие обично не бараат брокула. Наместо тоа, тие бараат нешто слатко за да го подигнат нивото на шеќер во крвта на нормала. Падот на шеќер предизвикува замор, главоболки, па дури и може да почувствувате вртоглавица, морници или гадење. Почесто јадење и јадење јаглехидрати или протеини може да спречи нагло опаѓање на шеќерот во крвта и да помогне да се избегне желбата за слатки. За ужинка јадете суви сливи Ако сакате благо, обидете се да јадете некои природни слатки како сливи. Тие се природно слатки и полни со корисни хранливи материи кои помагаат за здравјето на коските. Едно истражување покажа дека луѓето кои јаделе сливи јаделе помалку калории подоцна во текот на денот од оние кои јаделе нешто друго. Практикувајте навики кои го стимулираат производството на серотонин Јадењето слатки може да ви даде чувство на моментално задоволство, но што ако постојат други начини да го постигнете тоа? Шеќерот може да го зголеми количеството на серотонин во мозокот. Бидејќи тоа е хормон кој прави да се чувствуваме добро, луѓето мислат дека копнеат за таа доза на серотонин кога копнеат за слатки. За среќа, шеќерот не е единствениот начин да се стимулира производството на серотонин, вежбањето и изложувањето на сонце може да поттикнат чувство на среќа и на тој начин да помогне да се избегне желбата за слатки. Добар сон Луѓето често се фокусираат на вежбање и здрава исхрана и забораваат дека добриот сон е исто толку важен. Ако не спиете помеѓу седум и осум часа навечер, тоа може да предизвика хормонален дисбаланс и да предизвика силна желба за слатки и други „брзи“ јаглехидрати. Затоа е важно добриот и квалитетен сон да ви биде приоритет. Јадете храна богата со магнезиум Понекогаш, кога сакате шеќер, вашето тело всушност се обидува да ви каже дека му недостасуваат витамини или минерали. Еден од несаканите ефекти од недостаток на магнезиум е желбата за шеќер. За да го избегнете ова, јадете авокадо, јаткасти плодови и друга храна богата со магнезиум. извор:точка.ком.мк

Слатко од зрели смокви

Христина Ѓоргиевска — Mon, 28 Sep 2020 13:00:38 +0000

Ова ми е омиленото слатко, штета што зрелите смокви ги има краток период, едноставно морав да ги искористам. Овој пат смоквите се од една прилепска смоква (добро е што ја открив ха ха), а по изглед се крушковидни како оние од Домашното слатко од крушковидни смокви на Катерина. - Смоквите ги ставив во сад со вода и сода бикарбона, да спомнам дека смоквите треба да се средно меки, ни многу тврди ни многу меки. - Потоа ги исплакнав и им ја излупив лушпата, а ќе потенцирам дека овој вид на смокви при лупењето не ми се распаѓаа. - Водата и шеќерот се ставаат на оган, да врие 7-8 минути и се ставаат смоквите. - Се вари на среден оган со повремено протресување, се собира пењата. - После 1 час и 30 минути се става лимонтусот и се вари уште 30 минути. - Се собира веднаш жешко во теглички бидејќи кога ќе излади, слаткото ќе желира. - Тегличките ги стегаме убаво, ги превртуваме наопаку и ги завиткуваме со некоја крпа, оставаме така додека да се изладат сосема. извор: мои рецепти

Ако постојано ви се јадат слатки нешта, еве како да го спречите тоа

Слободанка Илиева — Tue, 31 Mar 2020 12:30:28 +0000

Десертите се сладок грев на повеќето од нас и едвај можеме да им одолееме, но што да правиме кога ќе станеме зависни од шеќер и кога потребата од слатко станува постојана? Ако консумацијата на слатки станува секојдневна, можеби треба да започнете сериозна борба со слабеењето. Затоа ви подготвивме неколку совети кои ќе ви овозможат да го избегнете прекумерниот внес на шеќер. 1. Заобиколете ги колачињата без шеќер Ако сакате да изедете нешто слатко, дозволете си неколку бисквити, или ред чоколадо, бидејќи сè е добро, додека е умерено. Ова е многу подобро отколку да се изберат производи „без шеќер“, кои често има вештачки засладувачи и ароми кои се поштетни и предизвикуваат глад. 2. Најдете замена за белиот шеќер Кога ви треба шеќер, најдобро е да јадете овошје наместо слатки. Најдобрата замена за белиот шеќер е овошниот шеќер, кој ќе ве држи заситени подеднакво долго време. Плус, екстрактот од ванила и цимет се добра замена, а исто така, се и одлични засладувачи, па можете да ги користите за да го засладите кафето. 3. Обратете внимание на вашата исхрана Желбата за шеќер доаѓа кога вашата исхрана се заснова на едноставни јаглени хидрати и заситени маснотии. Решението е поголем дел од вашата исхрана да се заснова на растителни влакна и протеини, кои ќе ве одржат подолго време заситени, намалувајќи ја потребата од шеќер. Рецепт: Здрави бонбони со чиа семе и чоколадо Доколку немате инспирација да подготвите здрав десерт и сакате да пробате нешто иновативно и едноставно, ние го најдовме вистинскиот рецепт за вас. Потребни состојки: 3 лажички чиа семе 1/2 шолја вода 1/3 шолја кокосов шеќер 1 лажичка екстракт од ванила 1/4 лажичка масло од семе од грозје 3 лажички ладна вода 1/2 лажичка морска сол 110 г чоколадо за готвење, без шеќер 1/4 шолја какао 1 шолја пченично брашно Начин на подготовка: Измешајте ги чиа семките со 1/2 чаша вода и екстрактот од ванила. Загрејте ја рерната на 190 ᵒС и покријте ја тавата за печење со мрсна хартија. Во смесата измешајте ги шеќерот и маслото, па додадете 3 лажички вода и малку сол. Гответе ја смесата на средна температура. Мешајте 1 минута откако ќе зоврие. Тргнете го садот од топлина и додајте го чоколадото и какаото. Промешајте додека не се стопи чоколадото и ставете ја смесата во подготвената тава за печење. Печете го тестото 18 минути. Почекајте колачот да се излади, исечкајте го на ситни коцки, сервирајте и уживајте! извор:кафепауза.мк

Вкусно и здраво слатко задоволство што можете да го јадете без грижа на совест

Слободанка Илиева — Mon, 19 Aug 2019 13:50:59 +0000

Во потрага по здрав десерт наидовме на овој рецепт кој веруваме дека ќе ви се допадне. Подготовката е лесна и брза и не одзема многу време. Во продолжение прочитајте како да го подготвите ова слатко задоволство. Потребни состојки: 200 грама какао путер 2 лажици кокосово масло 150 грама какао во прав 3 лажици јаворов сируп 1 лажица лецитин Малку сол Потребни состојки за слојот од бело чоколадо: 100 грама какао путер 1 лажица кокосово масло 3 лажици јаворов сируп 1 лажица лецитин Начин на подготовка: Растопете ги путерот и маслото, па додајте ги сите останати состојки. Добиената смеса поделете ја на два дела и во едниот дел додајте неколку лажички кокосово или бадемово млеко. Измешајте убаво. За слојот од бело чоколадо растопете ги путерот и маслото, додајте ги преостанатите состојки и добро измешајте. Сега ќе имате три различни смеси кои треба да ги оставите да се изладат и малку да се зацврстат, а потоа во калапи за мафини ставете по една лажица од секоја мешавина и убаво измешајте. Оставете ги во замрзнувач околу 30 минути и после тоа можете да ги послужите. На здравје! извор:кафепауза.мк

Домашно слатко од кајсии- се прави сега, а се јаде цела година

Кристина Петрушевска — Fri, 22 Jun 2018 14:30:21 +0000

Слаткото од кајсии е едно од најубавите, а доколку одлучите да го направите, според количината на кајсиите одредете ја количината на шеќер и вода. За 1 килограм кајсии- 800 грама шеќер и 1 чаша вода. Кајсиите се лупат, им се вадат семките па се ставаат во варова вода да отстојат 2 часа. Потоа една по една убаво се мијат и се ставаат да се исцедат. Додека се цедат, од шеќерот и водата се вари шербет кој врие околу 15 минути, па исцедените кајсии се ставаат во шербетот и слаткото се вари на тивок оган додека шербетот не се згусни (околу 30- 40 минути, можеби и малку подолго). За да проверите дали шербетот е густ, извадете малку во тацна и оставете да се излади. Потоа проценете за густината. Додека слаткото се вари, повремено со лажица собирајте ја пената. Откако ќе се свари, тенџерето се покрива со влажна крпа (убаво исцедена) и се остава да се излади. Слаткото се собира ладно во ладни тегли. На здравје.

Ова никој не го очекуваше: Марија Шерифовиќ покажа како за неа изгледа вистински секс! (фото)

Христина Ѓоргиевска — Thu, 03 May 2018 07:49:50 +0000

Марија Шерифовиќ е активна на социјалните мрежи, па така секојдневно ги известува фановите за нејзините активности. Некогаш се работи за нејзиното куче, некогаш за нејзините настапи, за некое патување... А овој пат таа одлучи да покаже дека има „секс“. Но, не во вистинска смисла на збороот. Шерифовиќ покажа дека има смисла за хумор, па се пошегува на своја сметка. Таа објави фотографија од колаче со јагоди, а во описот напиша „секс“.

Инаку, Марија на 24 мај ќе одржи концерт во „Штарк Арена“. фото: Инстаграм