сланина – Вистина.мк

Јајца полнети со сланина: Се јадат за 15 минути, а рецептата е стара со векови

Слаѓана Атанасова — Thu, 06 Apr 2023 11:13:32 +0000

Полнетите јајца се користеле како мезе во стариот Рим, а поради зачинетиот вкус ги нарекувале и ѓаволски. Тие биле незаменливи на секоја гозба, а подоцна се правеле експерименти со храната, па се менувале и вкусовите. Се полнат со жолчки и состојки по избор, а смесата ќе биде поубава ако на неа додадете јогурт или мајонез. Наш предлог денес се и полнети јајца украсени со сланина, кои даваат посебен шмек, а се одличен предлог за појадок после Велигден кога имате многу јајца. Состојки: 8 јајца 1/4 чаша мајонез 1/2 лажичка Дижон сенф 1/4 лажичка лук во прав 1/4 лажичка слатка пиперка 1 кисела краставица 4 парчиња сланина Подготовка: Сварете ги јајцата и извадете ја лушпата, па пресечете ги на половина и извадете ја жолчката. Изгмечете ја жолчката со вилушка, па додајте мајонез, сенф, лук во прав, сол, бибер, слатката пиперка и ситно сечканата кисела краставица. Добро измешајте, па наполнете ја белката. Украсете со ситно сечкана сланина која претходно сте ја испржиле. Извор: Курир.мк

Брз и сочен ручек од соништата: Фантастична мусака со сланина (видео)

Слободанка Илиева — Fri, 28 Oct 2022 12:50:49 +0000

Со мусака никогаш не можете да погрешите. Доколку ви недостасува идеја за утрешниот ручек, ви предлагаме сочна мусака со сланина. Вкусот е едноставно неодолив, а кога ќе ја извадите од рерна ќе ја исчистите тавата во рок од 10 минути. Пробајте и уверете се сами! Состојки: 300 гр мелено месо 50 гр сува сланина 1 главица кромид 4 чешниња лук 600 гр компири црвен пипер мелен бибер, масло, сол 3 јајца 200 гр кисела павлака 200 мл млеко Подготовка: Кромидот и сланината исечкајте ги на коцки и пропржете ги. Додадете го месото и пржете го 15 минути. Додадете пиперка, бибер, лук и зачини или сол. Намастете ја тавата, па половина од компирите исечени на кругови наредете ги на неа. Ставете го месото и покријте го со остатокот од компирите. Јајцата се матат со павлаката, се додава млекото и се прелива. По желба одозгора може да се додадат рендан кашкавал или листови сланина. Се пече на 200 степени околу 50 минути додека не порумени. Служете топло. Погледнете го упатството за подготовка чекор-по-чекор: извор:popara.mk

Брзо и вкусно: Пилешки ролни со сланина

Слаѓана Атанасова — Mon, 26 Sep 2022 12:28:10 +0000

Ако немате време за комплицирани јадења, подгответе брзи и вкусни пилешки ролни со сланина. Состојки: 1 кг. пилешки стек тенки листови сланина 100 гр. кашкавал 5 кисели краставички босилек кари зачин сол, бибер зејтин Подготовка: Стекот исечете го на шницли, исчукајте го со чук за месо. На алуминиумска фолија ставете малку зејтин, сол и бибер и наредете три парчиња сланина, ставете над нив парче стек и зачинете со кари и босилек. Додадете лист кашкавал и ситно сецкани кисели краставички. Свиткајте во ролат и замотајте во фолијата на која претходно имате ставено сол, бибер и зејтин. Во зовриена вода ставете ги фолиите со замотаните ролати околу 10 минути и извадете ги. Одвиткајте ги и ставете во рерна да поруменат. Извор: Курир.мк

Пикантен компир со сланина и јајца! Вечера за паметење!

Слаѓана Атанасова — Thu, 23 Jun 2022 12:45:18 +0000

Откако ќе подготвите компири на овој начин, веруваме дека често ќе се наоѓаат на вашата трпеза. Освен за вечера, можете да ја послужите и како главно јадење… Уживајте! Состојки: маслиново масло 1,5 кг млад компир две или три чешниња лук две суви лути пиперки 100 гр сланина четири јајца мајчина душица, босилек сол, бибер Подготовка: Младите компири убаво измијте ги, па варете десетина минути во посолена зовриена вода за малку да омекнат. Потоа исцедете ги и префрлете во тава. Додадете цели чешниња лук, исечкани лути пиперки и ситно сечкана сланина. Посолете, додадете бибер, мајчина душица и босилек, маслиново масло и печете во рерна на 200 степени 25 минути. Во меѓувреме испржете ги јајцата на око, па послужете ги со компирите.

Рецепт за топол сендвич кој ќе го обожавате: Неодолива комбинација на кашкавал и крцкава сланина

Riste Zdravkov — Wed, 25 Aug 2021 06:58:27 +0000

Овој топол сендвич сигурно ќе стане омилен оброк во вашата куќа Ако барате рецепт за брз појадок што ќе го обожаваат и вашите малечки, вие сте на вистинското место. Подготовката на овој сендвич не бара многу време, а како финален производ, ќе добиете вкусно јадење што ќе ве воодушеви. Со додатокот на кашкавал и сланина, овој сендвич станува вистинско уживање за гурманите. Во зависност од тоа за колку луѓе го подготвувате овој оброк, можете да ја зголемите храната. Состојки: 1 кришка леб Кашкавал Сланина 2 јајца 10 гр путер Половина лажичка магдонос Кечап Подготовка: Исечете ја кришката леб на два еднакви делови. Изматете ги јајцата во сад и додадете сол и магдонос. Загрејте тава, потоа ставете го путерот да се растопи. Истурете ги јајцата во тавата и веднаш ставете ги двете половини од лебот, кои ќе ги потопите во јајцата од двете страни и ќе ги оставите во тавата. Кога јајцата ќе поруменат, превртете ги на другата страна. Во друга тава ставете ги листовите сланина да се пропржат, а кога ќе станат крцкави тргнете ги од страна. Кога ќе биде готова и долната страна на јајцето, полека префрлете ги сите рабови навнатре со вилушка. Одозгора премачкајте го со кечап, па наредете ги кашкавалот и сланината. Свиткајте го сендвичот на средина и ставете го на чинија. Послужете го топлиот сендвич со вашата омилена салата.

Прекрасни њоки со печена брокула,сланина и пармезан

Слободанка Илиева — Fri, 18 Dec 2020 14:50:07 +0000

Ова јадење е одличен избор бидејќи во исто време е многу вкусно и полно со витамини и минерали. Потребно е помалку од еден час за подготовка, а сланината и пармезанот ќе му дадат посебна арома на јадењето Состојки: -поголема брокула -помал карфиол -70 гр путер -100 гр сланина -50 гр брашно -млеко – 2 кг пармезан -сол -пипер -морско оревче -400 гр њоки тесто од компир Подготовка: Исчистената и исечена брокула и карфиол ставете ја на парчиња и зовријте во зовриена солена вода. По неколку минути исцедете ја бланковената брокула и ставете малку од сосот бешамел во сад за печење. Посипете со сецкана сланина, наредете ги сварените њоки и прелијте со преостанатиот сос од бешамел. Печете во загреана рерна на 180 ° C, околу десет минути. Кога ќе пожолти, посипете со пармезан, прелијте со врел путер и послужете. извор:попара.мк

Крчка во рерна: Запечен компир со павлака и сланина

Христина Ѓоргиевска — Wed, 31 Jul 2019 12:45:39 +0000

Пробајте го овој фантастичен рецепт со компири со сланина и павлака кој е брз и едноставен. СОСТОЈКИ: 1 кг. компири 200 гр. сирење 2 канчиња кисели павлаки 50 гр. сланина сол, вегета и масло ПОДГОТОВКА: Се лупи и сече компирот на кришки и се вари во солена вода 7-10 миути. Се сече сланината на коцки и кратко се пропржува. Се спрема сос од сирењето изронето мешано со павлака и малку сол. Се става на плех со малку масло компир со вегета, па сланина, па пола сос. Се става пак ред компир со вегета и се става горе една шолја вода од таа во која се варел компирот. Се става останатиот сос и се става масло. Се пече на 180 степени на загреана рерна 30 минути извор: готви.мк