слаѓана милошевиќ – Вистина.мк

Српската рок икона доживеала тешка повреда: Слаѓана Милошевиќ се здобила со скршеници на двете раце (ФОТО)

Антонио Димитриевски — Thu, 29 Dec 2022 12:34:19 +0000

Александра Слаѓана Милошевиќ пред неколку недели доживеала тешка несреќа, кога паднала и ги скршила двете раце. Познатата поп-рок пејачка која важи за српска рок икона, додека ја напуштала зградата во која живее во Нов Белград, се сопнала од јажето на влезните скали и паднала. На рокерката веднаш и било јасно дека ги скршила двете раце. „Слаѓана, како и другите станари, не знаела дека еден нивни сосед врзал јаже кај влезните скали, па не внимавала кога поминувала. Меѓутоа, штом зачекорила, веднаш се сопнала и се спружила во влезот! Скалите се многу стрмни и насекаде има бетон, па не е чудно што се здобила со скршеница на двете раце“ - вели извор од соседството, додавајќи дека Милошевиќ морал да носи гипс неколку недели. „Закрепнувањето беше многу долго и болно, се уште не е сè завршено, но сега е подобро отколку што беше. Слаѓана храбро се справува со тоа и самата помина низ се'. Речиси седум недели носеше гипс, но неодамна лекарите и го симнаа и сега постепено може да се врати во нормален живот“ - изјавила соседката. Фото: Инстаграм принтскрин/a.sladjanamilosevic

Починатиот Сања Илиќ го напиша еден од најголемите ЈУ хитови, кој доживеа невидена неправда: На неговата „Принцеза“ некој однапред и кажа „Чао аморе“

Антонио Димитриевски — Mon, 08 Mar 2021 13:26:38 +0000

Српскиот музичар, фронтмен на групата „Балканика“, композитор и архитект, Александар Сања Илиќ, почина вчера, недела. 7 март 2021 год. од последиците од коронавирусот на 70-годишна возраст. Сања зад себе остави широк опус на композиции што ги создаде, но малкумина знаат дека тој учествувал во компонирањето на песната, која важи за еден од најголемите југословенски хитови, а ја пеат Слаѓана Милошевиќ и Дадо Топиќ, несудената евровизиска балада „некаде надвор од планетатата“ или попозната како - „Принцеза“. Имено, во 1984 година оваа песна речиси ќе ја претставуваше Југославија на Евровизија, но поради т.н. „Југословенски клуч“, не го освои првото место на „Југовизија“, иако песната стана еден од најголемите хитови на тогашна Југославија. Музиката ја компонираше Сања Илиќ, текстот го напиша Дадо Топиќ, аранжманот го направи Слободан Марковиќ, а ги отпеа придружните вокални линии и вокален продуцент на композицијата беше Слаѓана Милошевиќ. „Тогаш проработе таканаречената естрадно-политичка југословенска кујна. Сите центри гледаа кој има најдобра песна и потоа му ги ништеа бодовите. Победничката песна во тоа време не беше од Подгорица, туку од Загреб. Во тоа време Загреб и Подгорица му „симнуваа“ поени на Белград, па „Принцеза“ не беше ниту прва ниту втора, туку некаде шеста, а на Евровизија отидоа Владо Калембер и Изолда Баруџија со песната Чао аморе“ - раскажа своевремено, сега веќе покојниот Илиќ. Неколку недели по завршувањето на натпреварот, ПГП РТБ го издаде макси синглот „Принцеза“, кој беше најпродаван во Југославија таа година, а песната стана хит на годината. Оваа композиција најчесто беше избирана за најдобра балада на сите времиња на овие простори. Квалитетот на песната беше препознаен и од другите култури, така што „Принцеза“ има свои верзии на повеќе јазици, во повеќе земји низ светот. https://www.youtube.com/watch?v=-aSLpIV5uRM&t=169s

Уште една позната српска пејачка приведена заради кршење на полицискиот час: Бившото момче ја пријавило во полиција! (ФОТО)

Антонио Димитриевски — Mon, 27 Apr 2020 09:50:30 +0000

Познатата српска поп-рок пејачка од 80 и 90 години, Слаѓана Милошевиќ, наводно, била приведена од полицијата, па однесена во Судот за прекршоци во Сремска Митровица, каде и се судело по таканаречена кратка постапка, за повреда на донесените владини мерки за кршење на полицискиот час. По сослушувањето, Слаѓана Милошевиќ била ослободена, а пресудата ќе и биде изречена дополнително. Слаѓана, наводно, вчера била приведена затоа што пристигнала од Белград во Сремска Митровица за време на полицискиот час, кај нејзиниот поранешен емотивен партнер Игор С. Но за шокот да биде поголем, тој наводно не сакал воопшто да комуницира со неа и самиот ја пријавил во полицијата во Сремска Митровица.