„Скутина, фута, бовча, диљка“: Мултимедијална изложба на етнокореологот Бојан Петковски во Центарот за култура во Куманово

Антонио Димитриевски — Thu, 26 Jan 2023 13:33:11 +0000

Во Фоаjето на Центарот на култура „Трајко Прокопиев“ денеска во 13 часот ќе биде отворена мултимедијалната изложба „Скутина, фута, бовча, диљка“, на етнокореологот Бојан Петковски. Скутината е дел од традиционалната облека која е познат под различна локални имиња: фута, бовча, дипла, скутача, телена диљка, опрегач заен, опрегач преен, бокча, пештемал… Кон крајот на XIX век носијата била во својот полн сјај, а се карактеризирала со слоевитост во облековните елементи и накитот. Првата визуелна средба меѓу носијата и гледачот, секогаш го насочува своето внимание на скутината. Централно поставена, генерално во големи димензии, таа чинeла голем дел од целокупната слика на носијата. Покрај кај жените во сите етнички, возрасни и социјални категории, скутината е забележана и во голем дел на машката култура на облекување. Во скутините се напластени основните човекови потреби, но и низа скриени знаци.

Скутина – фута – бовча – диљка – Вистина.мк

„Скутина, фута, бовча, диљка“: Мултимедијална изложба на етнокореологот Бојан Петковски во Центарот за култура во Куманово