скршено срце – Вистина.мк

Кога тагата убива: Синдром на скршено срце

Слаѓана Атанасова — Mon, 27 Nov 2023 13:30:04 +0000

Таа е предизвикана од екстремно стресни ситуации како што е смртта на брачниот другар, а се препознава по исклучително силна, ненадејна болка во градите. Новото истражување на Американското здружение за срце сведочи колку е тоа фатално. Тоа беше објавено од CNN бидејќи покажа дека синдромот на скршено срце е поврзан и со рак. Една студија покажа дека еден од шест луѓе со синдром на скршено срце развил рак. Утврдено е дека тие имаат поголема веројатност да умрат во рок од пет години по дијагнозата, во споредба со луѓето кои немале синдром на скршено срце. Истражувачите признаваат дека врската помеѓу синдромот на скршено срце и ракот не е целосно истражена. Студијата започнала со испитување на податоците на повеќе од 1.600 пациенти со синдром на скршено срце, а завршила со докажување на постоење на врска помеѓу оваа состојба и ракот. За луѓето кои имаат или имале синдром на скршено срце, ова не мора да биде причина за аларм. Ова е предупредување дека треба поредовно да го проверуваат своето здравје, особено ако имаат некои симптоми и поплаки кои укажуваат на рак. Бидејќи истражувањата покажаа дека значителен број пациенти со синдром на скршено срце покажуваат склоност кон малигни заболувања или присуство на рак, советуваме да се внимава. Во моментов се разгледува дали историјата на малигнитет го зголемува ризикот од синдром на скршено срце. Извор: Попара

Пет нешта кои ве очекуваат откако ќе ви биде скршено срцето

Слободанка Илиева — Thu, 05 Oct 2023 12:30:07 +0000

Иако некои врски завршуваат со само неколку зборови, чувството после раскинувањето може да го опише само оној кому навистина му било скршено срцето. Но, тоа може да ви донесе лекции кои ќе ви бидат корисни во текот на животот: 1. Не постои магичен начин веднаш да престанете да сакате некого Дури и ако направиле нешто страшно, нешто што ве прави сигурни дека никогаш повеќе нема да сакате да ги видите, ќе се изненадите кога ќе дознаете дека љубовта што сте ја имале нема тукутака да исчезне. Отпрвин силно ќе го чувствувате нејзиното присуство, а потоа љубовта ќе постане шепот во позадина. 2. Ќе се потсетувате секојдневно Ќе се потсетувате на личноста секој ден. Ќе ја слушнете вашата заедничка песна и повторно ќе ја почувствувате таа болка. Ќе поминете покрај местото каде што сте имале прв состанок или ќе го слушнете нејзиното име и тоа ќе биде уште еден потсетник за тоа што сте изгубиле. 3. Вашите вистински пријатели ќе бидат тука за вас Кога ќе ви го скршат срцето, целиот свет ќе ви се преврте наопаку. Работите што порано ви беа забавни веќе нема да ви бидат важни. Вие само ќе сакате да го поминете вашето време обидувајќи се да ги излечите вашите рани. Вистинските пријатели ќе бидат со вас во тешките времиња да ви помогнат и утешат. 4. Физичкиот резултат од кршењето на срцето е реален и боли речиси исто колку и вашите емоции Физичките симптоми по раскинувањето се многу реални. Ќе ве болат градите, ќе се чувствувате исцрпени, со главоболка од плачење, а можеби дури и ќе чувствувате општа болка од глава до пети. Во овој период, важно е да се грижите за вашето физичко тело како што е важно да се грижите за емоциите. 5. Вашето срце полека ќе заздрави Најголемата лекција од сите, онаа што ќе остане со вас со месеци, години, децении, е неверојатната моќ што ја имате кога станува збор за заздравување на оваа рана. Иако на почетокот ќе ви се чини невозможно, сепак наскоро повторно ќе почнете да се чувствувате себеси. Ќе ги преживеете и овие моменти бидејќи сте силни! извор:курир.мк

Дали сте слушнале за СИНДРОМ на сршено срце? Навистина постои, а еве кои се симптомите

Христина Ѓоргиевска — Wed, 24 Nov 2021 13:30:19 +0000

Имајте на ум дека секогаш кога ќе ја изговорите реченицата “Ми го скрши срцето” Да ни дал некој по едно евро секој пат кога сме слушнале, или изговориле дека срцето ни е сркшено. Да беше така, дефинитивно ќе бевме побогати, Вака можеби не сме најбогати, кога се во прашање парите, но сме кога се по прашање новите сознанија.Ова конкретно има врска со скршеното срце, односно синдромот на скршеното срце. верувале, или не, тој синдром, навистина потои. Ако некогаш сте изгубиле некој, тогаш знаете дека не е во прашање само емоционалната болка. Имено, таа болка многумина ја опишуваат силно стегање во градите и изненадно губење на воздух, додека некои дури споредуваат со срцев удар. Ако не сте романтични по природа и крајот на филмот “The Notebook” сте го сметале премногу драматичен и нереален, ова би можело да ве предомисли. Имено, за медицинската струка не е новост дека емоционалната болка може да постане вистинска, физичка болка. Скршено срце е вистински медицински синдорм, а се јавува со стрес предизвикан од кардиомиопатија. Се работи за слабеење на левата срцева комора, која е задолжена за пумпање на крвта, а може да биде предизвикано од стрес поради смрт на блиска личност, па дури и раскинување. Синдромот прв пат е опишан во Јапонија, а се вика Такотсубо кардиомиопатија бидејќи обликот на левата подуена комора ги потсетувал на јапонскиот замок за октоподи кој се вика Такотсубо. Иако има слични симптоми на срцев удар, скршеното срце не е толку сериозен проблем. Кај кардиомиопатијата нема кардиоваскуларни примероци, но болката ја притиска левата комора на срцето. Сепак може да се појават исти срцеви биомаркери или протеини како и кај срцевиот удар. Синдромот на скршено срце е најчест кај жените во менопауза., па научниците предпоставуваатдека може да биде порзан со намалениот естроген. На повеќето Такотсубо кардиопатијата е дијагностицирана после смрт на сакана личнот, раскинување или тешка несреќа. извор: Попара.мк

10 знаци што покажуваат дека мажот има скршено срце

Христина Ѓоргиевска — Wed, 12 Feb 2020 13:20:07 +0000

Пред да станете нечија утеха, па дури и да завршите со скршено срце, препознајте ги знаците што покажуваат дека мажот има скршено срце поради неговата претходна врска. Иако ви кажал дека успеал да ја преболи поранешната девојка, тој сè уште се занимава со љубовни грижи. Овие 10 знаци појаснуваат дека неговото срце е сè уште скршено и дека треба да бидете претпазливи пред да излезете со него.

1. Зборува за својата поранешна девојка како да е повреден

Сите луѓе зборуваат за поранешните партнери и тоа е нормално сè додека не е многу често. Но, кога вашиот нов партнер постојано зборува за неговата бивша, тогаш треба да бидете внимателни.

2. Се двоуми кога станува збор за врска

Изгледа дека е заинтересиран за вас, но е крајно нејасен кога разговара за иднината. Тој не може да одлучи што сака: дали да се оддалечи од вас или да ви пристапи. Тоа двоумење може да биде знак дека тој сè уште е скршен.

3. Дава лоши коментари за љубовта

Кога зборува за љубовта, тој звучи како незрел тинејџер што никогаш нема да верува во среќен крај. Но, тој е таков затоа што сè уште страда по личноста што му ги срушила соништата.

4. Се однесува како мистериозен човек

Ако вашиот потенцијален партнер е помистериозен од Рубикова коцка, тоа е уште еден знак дека сè уште тагува по поранешната девојка.

5. Некогаш е емоционално расположен, а некогаш емоционално недостапен

Понекогаш тој е отворен за сè и комуницира отворено и слободно со вас. Следниот пат е сомнителен, зафатен или неактивен. Тоа значи дека го измачува внатрешен конфликт.

6. Има проблем со довербата

Ви верува до одреден степен, но ве испрашува, а потоа се извинува за тоа. Тој се чувствува лошо што се сомнева во вас, но не може да ви верува целосно. Тоа е уште еден знак дека неговото срце е скршено и дека се бори да ја избегне болката.

7. Неговите лоши приказни се вртат околу неговата поранешна девојка

Дали секоја тажна приказна започнува со неговата поранешна девојка? Дали ви ги раскажува тие приказни за време на расправијата со вас? Дали ги повторува истите приказни кога сте во друштво? Ако е така, свртете се и бегајте.

8. Ве споредува со поранешната девојка

Дали постојано ве споредува со бившата девојка во однос на карактеристиките и на изгледот? Тоа не само што е многу лошо за вашата врска, туку е лошо и за вашата самодоверба.

9. Ви кажува дека веќе не сака сериозни врски

Ваквите изјави се негативни и нереални. Освен тоа, не треба да се впуштате во таква врска ако тој има такви размислувања за љубовта.

10. Тој има ужасна слика за себе

Ако зборува за себе на многу негативен начин, ако изгледа вознемирено, ако многу често се прашува зошто воопшто го сакате и ако ретко кажува нешто позитивно за себе, тоа значи дека тој има недостаток на самодоверба.

Хороскопски знаци кои секогаш завршуваат со скршено срце

Ивана Стојанова — Mon, 08 Oct 2018 15:27:39 +0000

Да оставиш или да бидеш оставен. Ваквите ситуации се неизбежни, а хороскопот овој пат ви открива кои знаци најчесто се оставани. Близнаци Друштвени, обожуваат запознавање на нови луѓе и се склони кон авантури. Лесно го привлекуваат партнерот, но проблем е да го задржат. Со оглед на тоа дека секогаш се во потрага по нови возбудување, Близнаците често изгледаат неодговорно и нестабилно, поради што партнерот ги остава. Рак Луѓето родени во овој хороскопски знак многу брзо се заљубуваат, а целиот нивен живот е сведен на емоции. Се доживуваат многу интензивно, поради што лесно може да повредите. Поради ова Раковите често остануваат без партнер. Девица Добро организираните Девици многу често посветуваат внимание на детали и не отстапуваат од планираната рутина. Делуваат како досадни личности. Поради овие свои манири речиси секогаш се „материјал“ за оставање.