скриена порака – Вистина.мк

Од горда ќерка до распеана фолкерка: Тамара се распејуваше со народњаци, па „случајно“ или „проверено“ испрати скриена порака до одредени бивши фаци?

Антонио Димитриевски — Mon, 27 Nov 2023 09:37:24 +0000

Тамара Тодевска имаше исполнета агенда минатата недела. И приватно и професионално. Најпрвин уште еднаш покажа колку е горда ќерка на својот татко, професорот во пензија Велко Тодевски, чија монографија за виртуозот на контрабас во вид на одбрана на дипломски испит на една студентска беше промовирана деновиве. Тамара разбирливо ја сподели огромната радост со својот татко и неговите студенти. „За мојот татко Велко и неговата музичка извонредност се пишувало и зборувало многу. Но, денеска по којзнае кој пат сум горда ќерка. Беше задоволство да се присуствува на одбраната на дипломскиот испит на Нора Бајрами, која подготви монографија за виртуозот на контрабасот - Велко Тодевски. Денеска му дојдоа сите негови студенти, заедно свиреа и се потсетија на деновите минати на Факултетот за музички уметности. Тоа е најдобра потврда за неговата големина, почит и успешна педагошка дејност. Уште долго да те имаме и да нѐ правиш горди сите. Бескрајно те сакаме“ - сподели тамара покрај фотографиите на својот Инстаграм. Викендот пак, резервиран работно. Во еден од најпознатите скопски ноќни клубови пејачката имаше настап. Во музичката “станица“ невидена турканица да се дојде до билет повеќе и фати подобра позиција за да се проследи настапот на пејачката. Сосема очекувано кога е во прашање Тамара во чиии изведби уште еднаш скопската публика максимално уживаше. Тамара одново како Торнадо и Нијагара покажа дека суверено хара на сцената, на која оддува и однесе се' пред себе, оставајќи ги присутните во транс на својот концертен перформанс. Арно ама уште пред шоуто и да започне, пред пејачката да истрча на сцената, жената имаше свој „предконцертен настап“... И тоа во гримиорната, односно салонот на својот фризер. И додека вештите раце ја дотеруваа, Тамара тргна да се распејува... А кога Тамара ќе запее, па макар и на фризер, тоа звучи беспрекорно. Проверено! Е, сега друга работа е што сакаше пејачката да каже со песната? Тамара се распејуваше со познати народњаци, па „случајно“ или „проверено“ испрати скриена порака до одредени „бивши фаци“? Фото: Инстаграм/tamaratodevska

Стефан Лазаров се исплаши и нему да не му го избришат јутјуб каналот, па огладне на нервна база или само сакаше да и испрати порака на свршницата: „Ти кажувам мамо, гледај и учи (идна) жено?“ (ФОТО)

Антонио Димитриевски — Thu, 29 Sep 2022 09:11:15 +0000

Најпознатиот македонски јутјубер Стефан Лазаров неодамна на необичен и оригинален начин ја побара раката на својата девојка Марта, откако ја одведе во Шпанија, заедно да ја гледаат неговата Барселона на стадионот Камп Ноу. Мисијата навидум невозможна, му успеа, а идната невеста „шокирана“ бргу падна во прегратките на јутјуберот. На „среќниот шокирач“ му падна камен од срцето, па остана насмеан и среќен откако таа кажа ДА да го следи натпреварот, додека гледачите наоколу на трибината, со своите мобилни снима и со овации им аплаудира на вљубените свршеници, исто како кога Барса ќе даде гол! И бидна што бидна еуфоријата помина, а Лазаров се врати дома, на своите секојдневни обврски и животни задоволства. Бидејќи јутјубот му е се' во животот кога е во прашање она со што се занимава, па и понешто од тоа заработува, утрината се разбуди во паника да не му се случи и нему она што му се случи на најпознатиот српски, а веројатно и регионален јутјубер, Бака Прасе, чиј јутјуб канал со над 2 милиони прегледи преку ноќ беше избришан... Едноставно го снема. Лазаров на својот Инстаграм сподели порака во која стравува дека вакво нешто може да почне и кај нас да се случува. Но, иако е најпознатиот кај нас, Јутјубот не е единствената преокупација на скорешниот свршеник, па откако ги извергла сите ддневни активности Лазаров реш малку да му се посвети и на гејмингот. И додека се подготвуваше да се вклучи онлајн во нему омилената игрица, следуваше гласен повик до мамичка: „Мајкооооо.... дај две тостчиња донеси и чаша кокс (кола), ако може“? Па откако некако се нагодија со госпоѓа мама која упорно му тврдеше дека: „Слугинката заминала и завршило работното време“... сепак попушти пред сентименталните молби и заради мајчинска љубов сепак го услужи своето разгалено синче, кое културно и се заблагодари. Единствено отворено остана прашањето: „Дали тоа Стефан Лазаров се исплаши и нему да не му го избришат јутјуб каналот па на нервна база огладне, или само сакаше да и испрати скриена порака на свршницата: „Ти кажувам мамо, гледај и учи (идна) жено?“ Фото: Инстаграм принтскрин/_lazarovv

Кога Северина ќе го јавне, надалеку чади… (ФОТО)

Антонио Димитриевски — Wed, 02 Jun 2021 09:38:12 +0000

Северина неодамна отпатува за далечните Малдиви, па со своите следбеници на социјалната мрежа Инстаграм сподели како го поминува времето таму. Пејачката случајно или намерно токму во овој период реши да замине на одмор, па ги спакува куферите и одлета. Во последната објава на својот профил на Инстаграм, Северина покажа колку ужива во убавините на Малдивите, а во покажаното уживаат и нејзините обожаватели и ледбеници на социјалните мрежи. Имено, додека сите изнајмуваат „Рент а кар“, Севе изнајмила еколошки превоз на две тркала. Во едноделен црвен костим за капење, пејачката го јавнала велосипедот, па правец на плажа. А кога Северина ќе го јавне, познато е дека надалеку чади... Дури до Сплит и сплитските марини, каде токму додека е таа на Малдиви, изгореа неколку јахти, меѓу кои и онаа на нејзиниот бивш сопруг Милан Поповиќ, која пожарот целосно ја пеплоса. И додека фортографијата на Севе како го јава велоспидот на песокот, едни ги „пали“ заради глетката, други „се палат“ на пораката што пејачката како што велат, „меѓу редови“ ја испраќа во јавноста по повод изгорената јахта на бившиот маж. „Не знам јас ништо, јас сум тука со велосипед“- напиша Северина во свој стил на постот со кој ги „запали“ своите обожаватели. Некои визуелно, некои вербално! Фото: Инстаграм принскрин/severina

Ирена Спасовска сака „сега и одма“, па упати скриена порака: „Јас немам време, за има време…“ (ФОТО)

Антонио Димитриевски — Tue, 10 Dec 2019 09:47:12 +0000

Откако сврте нова страница и во приватниот и во професионалниот живот Ирена Спасовска постојано го истакнува својот сексапил, па покрај нејзините телесни атрибути кои се почесто ги има во прв план, македонската фолкерка не ретко знае да покаже каде и како ужива... Единствено, се' уште останува тајна - со кого!? Патувања на егзотични дестинации, престој во луксузни хотели, храна и пијалоци во одбрани ресторани, фитнес, спа, сауни, базени... Тоа е новата Ирена, која наметнувајќи имиџ од фолк сирена до фолк бабамразица, несомнено се труди и тоа и успева, за новото издание нејзината публика да има редовно сознание. И додека во ова време минатата година Ирена се претстави како секси бабамразица, годинава покрај редовните новогодишни снимања за едикоја си телевизија, фолкерката имаше поинаква визија, па најави серија кавери во нејзина изведба. https://arhiva.vistina.com.mk/radio-mileva/irena-spasovska-kako-seksi-baba-mrazica-go-cheka-svojot-nov-dedo-mraz-foto/ Кариерата несомнено и оди во нагорна линија, она што и се случува во приватниот живот по двата развода (едниот на хартија, другиот - неофицијален), останува мистерија. Како што е мистерија и нејзината последна порака, јавно споделена на нејзиниот Инстаграм за сите да ја видат... Или барем да ја види оној на кој му е наменета: „Јас немам време за има време... Повеќе сакам сега и одма“! - напишала пејачката! Отворена понуда, непристоен предлог и само обичен животен став - само таа си знае! И евентуално уште некој... Ама како и да е, Ирена си го кажа своето, за да не биде после јас не знаев, зашто ти не ми кажа...! Останува само прашањето, за што тоа фолкерката има толку голема потреба од „сега и одма“, што толку и се брза?

Анастасија и испрати „скриена порака“ на Луна: Ќерката на Цеца вака реши да „расчисти“ со оние кои повеќе не ги смета за пријател(к)и (ФОТО)

Антонио Димитриевски — Sat, 31 Aug 2019 08:44:00 +0000

Анастасија Ражнатовиќ со нова порака им се обрати на своите фанови на Инстаграм, па ги разбранува социјалните мрежи со она што го напиша. Имено, во своите „приказни“ на Инстаграм профилот, пејачката реши да се „справи“ со оние кои повеќе не ги смета за пријател(к)и, затоа што и е преку глава да ги слуша приказните што повторно се испреплетуваат во јавноста.

„Судете ми по тоа кои луѓе ги избегнувам“ - напишала Анастасија на англиски јазик. Многумина се убедени дека оваа објава и е посветена на Луна Ѓогани, со која ќерката на Цеца некогаш се дружеше, а сега двете се лути ривалки и воопшто не комуницираат. „Војната на двете млади ѕвезди“ во последно време се повеќе се провлекува како по медиумите, така и на социјалните мрежи!

Некој ја изневери Лила па му праќа скриена порака или водителката се враќа на старата песна? (ФОТО+ВИДЕО)

Антонио Димитриевски — Thu, 29 Aug 2019 08:15:09 +0000

Од Лила човек може се' да очекува... Знае да изненади како ниту една друга! И кога таман сите ќе помислат, аха, ете... значи тоа било тоа, излегува дека нема врска! Или барем нема докази!

Така и овој пат... Кога сите ја очекуваат новата сезона на „Се' или нешто“, додека тераат репризите на претходната, Лила со новиот пост споделен во вид на старо видео на нејзиниот Инстаграм, ги шокираше, или во најмала рака ги збуни своите верни обожаватели!

Имено Лила, која никогаш не сакала да ја форсира пејачката страна од почетокот на нејзината кариера, па дури и ја криела, сега наголемо постираше една од нејзините стари песни. Насловот до душа малку индикативен за овие чудни времиња... Затоа и „Ти верував до крај“ ги подели мислењата.

Едни велат дека е во прашање скриена порака до некого, кој дебело ја изневерил водителката... До крај! Затоа и решила да се наврати на старата песна за да му испрати нова порака... „Гледам како една ѕвезда паѓа...“ А вие, ајде погодете ако е така, кому му е упатена „шифрираната“ порака? Едно е сигурно. Ако е така, тоа мора да е некој нејзин „многу близок“... Барем до скоро!

Ако пак, не е тоа во прашање, тогаш мора да е најава за враќање во иднината на „старата песна“ - вела други, мислејќи на пејачката професија на Лила, од почетоците на кариерата. Дали тоа значи дека водителката подготвува нова песна и се враќа на естрадата?

До душа, иако еден од коментарите покрај видеото кое Лила го споделила гласи: „За водител можеби ти нема рамна, ама за пејачка не те бива“, кога ќе види и слушне човек кој се' пропеа, Лила во однос на многумина од нив е „пејачиште“. Особено со денешнава технологија...

Ама дали е и тоа воопшто во прашање или се работи за нешто трето, Лила должи одговор! Дали пејачката кариера на водителката одново ќе важи или на Лила и е преку глава од „неверни“ мажи? За оние кои знаат - мало потсетување, за останатите - изненадување: Вака пее Лила!

Му прати скриена порака: Емина Јаховиќ го повика Мустафа Сандал да се смират?

Антонио Димитриевски — Mon, 19 Feb 2018 11:55:52 +0000

Поп пејачката Емина Јаховиќ откако призна дека пред неколку дена се развела од турската музичка ѕвезда Мустафа Сандал, сега како да се кае и ја преиспитува својата одлука?!

Имено, таа на нејзиниот профил на Insagram, додека чекаше да се исчисти сообраќајната гужва постираше нешто што може да личи на скриена порака до сега веќе бившот сопруг. Во тој момент нејзината песна „Крава“ одела на радио, па на видеото нејзините следбеници можеа да ги слушнат стиховите од истата: „Мир, мир, мир, никој не е виновен“.

Дали со ова видео таа му праќа „мали мировни сигнали“ на поранешниот сопруг или тоа е само чиста случајност, ќе покаже времето.