скопски џез фестивал – Вистина.мк

Одржувањето доведено во прашање: 2021 година без „Скопски џез фестивал“?

Антонио Димитриевски — Mon, 08 Mar 2021 08:24:06 +0000

Ве информираме дека одржувањето на јубилејното 40-то издание на фестивалот (20-24 октомври) е доведено во прашање и дека се прекинати сите подготовки за него. Имено, со вчудоневиденост ги прочитавме јавно објавените резултати на Министерството за култура по Годишните конкурси за финансирање проекти од национален интерес во културата за 2021 година од областа на музичко-сценската дејност, со кои на 40. Скопски џез фестивал драматично му се скратуваат средствата (слично и за ОФФест, кој исто така годинава одбележува јубилеј - 20 години), враќајќи ги на ниво од втората половина на деведесеттите години. Сосема е неприфатливо одеднаш драстично поинаквото вреднување на Скопскиот џез фестивал во однос на вреднувањето што се правело изминатите години. Особено што секоја година напоменуваме дека и со тие средства што сме ги добивале од Министерството се соочуваме со сериозни финансиски тешкотии во реализација на манифестацијата. Со објавените средства не е можно да се обезбеди зачувување на форматот, квалитетот и исклучително високото меѓународно ниво на фестивалот. Едноставно, не сме подготвени да го враќаме фестивалот назад во далечното минато, практично стартувајќи го од почеток, урнисувајќи ја неговата макотрпно градена највисока меѓународна репутација и претворајќи го во нешто друго. Нашиот дефинитивен и познат став е дека во ваков случај е подобро да ставиме точка на фестивалот одошто да го сведеме на настан од претежно локален или регионален карактер. Притоа, на ум го имаме долгогодишниот континуиран квалитет на Скопскиот џез фестивал, вклучувајќи ја и минатата година, кога во услови на пандемија, тој беше еден од ретките меѓународни џез фестивали кои го сочуваа полниот формат, во Европа оценет како хајлајт. Само еден краток поглед кон објавената програма (за споменатата дејност) е доволен да се увиди дека причините за ваквото скратување не треба да се бараат во недостигот на средства на Министерството за култура. Истовремено, не сметаме дека предмет на наш интерес треба да биде фактот дека објавените конкурсни услови и критериуми беа најлошо срочените досега од Министерството за култура. Ниту, пак, многу оправданото сомневање за однапред негативен пристап кон нашите проекти од страна на надлежната комисија, со сознанието дека, и покрај ветувањето, таа не нè удостои со побараното 10-минутно дообјаснување на проектите, што е нејзина должност. Во крајна линија, според сегашниот (а и идниот) Закон за култура, комисијата има советодавна улога, а одлуките за Годишната програма ги донесува министерот. По објавувањето на резултатите ние испративме допис до Министерството. Но, откако ќе го добиеме решението, секако ќе вложиме приговор. Во секој случај, останува нашата обврска на ова исто место да ве известиме за натамошната судбина на фестивалот. Овојпат нема да се воздржиме од искажувањето на едно наше чувство. Небулозите, надвор од секаков здрав разум, со кои во подолг период се соочуваме во релациите со Министерството за култура, од кои мал дел се познати на јавноста, за Скопскиот џез фестивал се веќе неподносливи. Се повторува, сега на друг начин, она што се случи пред две години, кога Скопскиот џез фестивал беше избришан од програмата поради „немање документи во апликацијата“ за да истите потоа се „пронајдат“, со натамошно долго чекање да се исправи „грешката“.

Првиот човек на „Скопскиот џез фестивал“ – Оливер Белопета: „Најдобро би било да добиеме нова Универзална сала со стариот амфитеатрален облик со приближно истиот капацитет, на истата локација“

Антонио Димитриевски — Thu, 06 Aug 2020 09:36:27 +0000

Нов ден - нова реакција не само од народот на социјалните мрежи, туку и од многумина познати и признати културни дејци, творци и културни работници кои остро се спротиставуваат на скопските чиновници од градската власт предводена од СДСМ и градоначалникот на македонската престолнина, Петре Шилегов, за распишаниот конкурс за градење на парк со летна сцена на местото на „Универзална сала“ која во тој случај би морала да се урне. Една од најстарите културни манифестации, со традиција од безмалку 40 години и квалитет со каков што не может да се пофалат ниту многу поголеми градови, побогати држави и пореномирани институции е секако „Скопскиот џез фестивал“ ( SJF), кој со години се одржуваше токму во „Универзална сала“. На нејзината сцена во рамките на фестивалските денови настапиле дефинитивно најголемите светски имиња во оваа област. Плеада од најпознатите светски великани на џезот и блузот. Неговиот основач и човекот кој светската џез музика и нејзините великани со децении наназад ги носи во Скопје, Оливер Белопета со свој став за ступидната бесмисленост за уривање на „Универзална сала“, но и песимизам дека таа ќе биде реновирана и променета во ново руво на истото ова место каде што е сега, како и апсолутна недоверба во „евтините приказни“ на градскиот татко за изградба на некаков нов, далеку поскап „мултимедијален центар“ на нова локација: „Ова е мојата омилена фотографија од Скопскиот џез фестивал и Универзалната сала. Направена во 2006 година од Žiga Koritnik , непосредно пред настапот на Ornette Coleman. Поглед од зад сцената. Вообичаено џез фестивалот го посетуваа драги колеги од Европа и светот кои постојано говореа дека истите концерти во Скопје биле подобри отколку на нивните фестивали.Зошто? Најпрецизниот одговор постојано доаѓаше од самите музичари. “Бевме посебно инспирирани од амбиентот, велеа, од акустиката на салата и блискиот контакт со публиката“. Акустиката, со оние висечки “печурки“, мошне занимлива приказна од средината на седумдесетите години, е дело на австриски експерти. А “интимниот“ контакт помеѓу музичарите и публиката го обезбедува амфитеатралниот карактер на гледалиштето. Не случајно античките Грци граделе амфитеатри, подоцна ги правеле и Римјаните, но во целосна кружна форма и за друга намена. Скопје нема концертна сала (Универзална предолго се распаѓаше). МОБ и Филхармонија тоа не се, Тие, иако служат за се и сешто, имаат прецизна функционална намена. Скопје нема ниту вистинска летна сцена. Да, најдобро би било да добиеме нова Универзална сала, која проектно ќе води сметка за стариот амфитеатрален облик (и одвнатре и однадвор), со приближно истиот капацитет и на истата локација. Само, многугодишното искуство со сега воскреснатиот “случај Универзална“ барем мене ми укажува дека тоа нема никогаш да се случи. Како и некаков фантазиран, далеку поскап “Мултимедијален центар“ - напиша Белопета на Фејсбук.

38. „Скопски џез фестивал“ од 17 до 20 октомври

Антонио Димитриевски — Wed, 02 Oct 2019 12:10:56 +0000

Време е за џез! 38. Скопски џез фестивал годинава, со исклучително силна програма и специјален фокус - ECM Records, ќе ја одбележи 50-годишнината од постоењето на култната германска издавачка куќа. ПРОГРАМА / PROGRAMME: http://www.skopjejazzfest.com.mk/programme.asp БИЛЕТИ / TICKETS: http://www.skopjejazzfest.com.mk/tickets.asp 17 октомври / 17 October MOB, 20:00 DAVID TORN (USA) David Torn - electric guitar, live-looping, electronics http://www.skopjejazzfest.com.mk/torn.asp FRED FRITH TRIO (USA) Fred Frith - guitar, bass, voice Jason Hoopes - bass Jordan Glenn - drums http://www.skopjejazzfest.com.mk/fftrio.asp Цена на билет / Ticket price: 600 den. 18 октомври / 18 October MOB, 20:00 SOКRATIS SINOPOULOS QUARTET (Greece) Sokratis Sinopoulos - lyra Yann Keerim - piano Dimitrios Tsekouras - double bass Dimitrios Emmanouil - drums http://www.skopjejazzfest.com.mk/sokratis.asp ANOUAR BRAHEM QUARTET (Tunisia) "The Astounding Eyes of Rita" Anouar Brahem - oud Klaus Gesing - bass clarinet Björn Meyer - bass Khaled Yassine - percussion http://www.skopjejazzfest.com.mk/brahem.asp Цена на билет / Ticket price: 1000 den. Club Epicentar, 24:00 NICOLA CONTE (Italy)* Nicola Conte - dj set http://www.skopjejazzfest.com.mk/conte.asp Цена на билет / Ticket price: 400 den. 19 октомври / 19 October MOB, 20:00 JON BALKE BATAGRAF (Norway) Jon Balke - percussion and keyboards Emilie Stoesen Christensen - vocal Giorgio Li Calzi - trumpet Helge Norbakken - percussion Snorre Bjerck - percussion http://www.skopjejazzfest.com.mk/balke.asp ART ENSEMBLE OF CHICAGO (USA) - 50th Anniversary Roscoe Mitchell - alto sax, soprano sax, sopranino sax and flute Don Moye - drums, congas and bongos Hugh Ragin - trumpet, flugelhorn and piccolo trumpet Tomeka Reid - cello Brett Carson - piano Silvia Bolognesi - double bass Junius Paul - double bass and objects Dudu Kouaté - african percussion http://www.skopjejazzfest.com.mk/ensamble.asp Цена на билет / Ticket price: 800 den. MKC Dancing Hall, 24:00 DŽIJAN EMIN & THE MAGICAL ORCHESTRA (Macedonia) Влез слободен / Free entrance 20 октомври / 20 October MKC Kino Frosina, 18:00 JOELLE LEANDRE (France) Joelle Leandre - double bass http://www.skopjejazzfest.com.mk/leandre.asp Цена на билет / Ticket price: 300 den. MOB, 20:00 TORD GUSTAVSEN TRIO (Norway) Tord Gustavsen - piano Gjermund Silset - double bass Jarle Vesperstad - drums http://www.skopjejazzfest.com.mk/gustavsen.asp JAMES BRANDON LEWIS UNRULY QUINTET (USA) James Brandon Lewis - tenor saxophone Jaimie Branch - trumpet Ava Mendoza - guitar Luke Stewart - electric bass Warren “Trae” Crudup III - drums http://www.skopjejazzfest.com.mk/jamesBrandon.asp Цена на билет / Ticket price: 800 den. КОМПЛЕТ БИЛЕТИ / FESTIVAL SET: 2800 den. *со исклучок на билетот за Nicola Conte (dj set) *excluding the ticket for Nicola Conte (dj set) PROGRAMME PLUS: 15.10 Награда „Златен орикс“ за најдобар млад џез музичар во 2019 "Golden Oryx" award for best young jazz musician in 2019 16.10 @ MKC Kino Frosina 20:00 | SOUNDS AND SILENCE: TRAVELS WITH MANFRED EICHER - documentary film screening http://www.skopjejazzfest.com.mk/soundSilence.asp 22:00 | NEXT TO SILENCE (Macedonia) http://www.skopjejazzfest.com.mk/nextSilence.asp Влез слободен / Free entrance 17.10 @ MKC Kino Frosina 14:00 | CLOUD ARRANGERS by Žiga Koritnik - photography book presentation http://www.skopjejazzfest.com.mk/ziga.asp Влез слободен / Free entrance