скокање – Вистина.мк

Зошто скокањето со јаже е одлична работа за губење калории?

Христина Ѓоргиевска — Thu, 25 Mar 2021 13:45:02 +0000

Скокањето со јаже е вежба која има милиони придобивки, а како што веднаш забележуваме е подобрување на кондицијата. Фитнесот е многу важен елемент кој во голема мера ги одредува нашите резултати и начинот на изведување вежби, а скокањето со јаже се наметнува како одличен метод со кој ќе имате подобра издржливост и сила на телото за краток временски период. Покрај подобрувањето на кондицијата, оваа активност топи калории, а за да бидат видливи резултатите, потребно e тоа да го правите околу половина час секој ден. Секако, со текот на времето, додека ја подобрувате вашата кондиција, овој временски период нема да претставува никаков предизвик, но лесно ќе ја изведувате оваа забавна и динамична вежба. Исто така, скокањето со јаже во голема мера влијае на координацијата, ја намалува можноста за повреди на ногата и глуждот и ја намалува ефикасноста на дишењето. Начинот на дишење е многу важен кога вежбате затоа што не е добро да останете без здив, па скокањето со јаже е одлична алатка која нема да разочара ниту во таа област. Бидејќи пред нас доаѓаат повеќе и поубави денови, а јажето е мало и практично, ви предлагаме да одлучите да пешачите или да трчате брзо, а на крајот да го завршите тренингот со скокање со јаже на отворено и бидете сигурни дека првите резултати ќе дојдат многу брзо и ќе послужат како мотивација за понатаму. https://youtu.be/6wREO0mfsiE извор: кафепауза

Забавно слабеење: Скокајте со јаже

Горан Силјановски — Tue, 12 Jun 2018 11:01:25 +0000

Барате забавен начин за да бидете во форма? Тогаш земете го јажето и започнете да скокате.

ЗОШТО СКОКАЊЕ НА ЈАЖЕ?

Скокањето на јаже е интензивна кардио активност, која ќе ви помогне да ги обликувате сите мускули по телото, почнувајќи од рамената, преку задникот до нозете. Со 45 минутно скокање се согоруваат до 450 калории. Поради тоа со оваа физичка активност лесно и забавно можете да се ослободите од вишокот килограми. Друга предност на скокањето на јаже е тоа што не ви е потребна скапа опрема и можете да го практикувате каде и да посакате.

ШТО ВИ Е ПОТРЕБНО ЗА ДА ЗАПОЧНЕТЕ?

Со 45 минутно скокање на јаже се согоруваат до 450 калории.

Јаже. Скоро секој од нас има јаже во својот дом. Не е важно дали тоа е јажето што сте го користеле уште кога сте биле мали или сега сте купиле ново. Важно е да внимавате на должината на јажето. За да проверите дали тоа јаже е за вас, застанете на средината на јажето и фатете ги рачките со рацете. Тие треба да достигаат до под вашите рамена. Удобни патики. Со скокањето целиот товар паѓа на вашите стапала. Па затоа, пред да започнете, изберете убави патики кои ќе го намалуваат притисокот кој паѓа на вашите стапала. Спортски градник. Поради самиот факт што постојано ќе скокате, потребен ви е убав спортски градник, кој да им осигурува добра потпора на вашите гради. Помек под. Кога скокате со јаже, изберете помека подна површина. Можете да скокате во затворена просторија врз тепих или надвор на тревна површина.

ОСНОВНИ СКОКОВИ

Скокање во место. Чувајте ги главата и грбот исправени, додека скокате од една нога на друга, дозволувајќи му на јажето да поминува под вашите нозе. Носете ја вашата тежина од едната на другата нога со секое скокање. Правете го ова движење 70 пати во минута, така што секој пат кога ќе ја смените ногата ќе го сметате за едно скокање. Како што напредувате со вежбањето, можете да го зголемувате бројот на скокања во една минута. Напред-назад. Скокајте напред-назад, за да ги зацврстувате мускулите на нозете. Обидете се да правите 70 такви скокови во минута. Скокање со трчачки движења. Секогаш кога го прескокнувате јажето, свиткајте ги колената пред вас, како што тоа го правите додека трчате. Правете го ова движење околу 80 пати во минута.

ПОНАПРЕДНИ СКОКОВИ

Двојно прескокнување. Јажето треба да помине под вас два пати, на секој ваш скок. Обидете се да го направите тоа еднаш или неколку пати ако можете. Можете да правите 100 обични скокови и на секој десетти скок да го вметнете двојното прескокнување. Осумки. Рацете треба да ви бидат на висина на вашите колкови. Откако јажето ќе помине преку вашата глава, прекрстете ги рацете и скокнете во кругот што ќе го оформите со јажето. Скокањето на јаже е многу забавно. Експериментирајте со различни скокови и нема да забележите кога ќе поминат 45 минути, а вие ќе согорите до 450 калории и ќе се чувствувате полни со енергија.

Скокање јаже за топење масти

Љупчо Најчевски — Tue, 03 Apr 2018 13:37:37 +0000

Скокањето на јаже е една од најефикасните кадио вежби, забавна е, не е еднолична и ги активира сите мускули од вашето тело, почнувајќи од ремениците, задникот и нозете. Згора на тоа, со 45 минути скокање на јаже согорувате дури 450 калории! За максимален ефект и удобно вежбање потребни ќе ви бидат :

Јаже за скокање со соодветна должина
Удобни и цврсти спортски патики
Спортски градник
Помек под (или изомат)

Се снабдивте со соодветната опрема? Почнете! Скокови во место – Започете со правење на скокови со место. Со погледот следете ја траекторијата на јажето, главата и грбот држете ги исправени. За почеток направете 70 скокови во место со споени нозе (пожелно е да ги направите сите 70 во една минута, но доколку сте почетник дајте си време). Потоапрескокнувајте го јажете со едната па со другата нога наизменично, со тоа што едната нога ќе биде благо подигната од земја. Повторете го овој скок 70 пати со тоа што броите едно прескокнување откако ќе го направите и со двете нозе. Скокови со движења како да трчате – Секогаш кога го прескокнувате јажето свиткувајте ги и кревајте ги колената како кога трчате. Обидете се ова да го направите 80 пати во минута. Напред – назад скокови – Кога го прескокнувате јажето потскокнете и придвижете го телото нанапред или наназад, наизменично. Ваквите скокови ќе направат чудо за тонирањето на мускулите на нозете. Кога ќе ги совладате овие три основни, и кога ќе успеете да ја направите посакуваната бројка од истите во една минута, време е да се обидете и со напредните скокови. Такви се двојниот скок и осумки. Ова подразбира дека при правењето двоен скок јажето под вас треба да помине два пати. Доколку правите осумки, со држење на рацете во висина на колковите, непосредно пред да падне на земја треба да го прекрстите јажето во форма на бројот 8 и да го прескокнете.