сител – Вистина.мк

Презентерот на временската прогноза на „Сител“, Спасе – Рола ја откри тајната на вечно младиот изглед на Бред Пит на Вимблдон: „К.. му е – двор му е“, јас да ви кажам! (ФОТО)

Антонио Димитриевски — Thu, 20 Jul 2023 07:06:46 +0000

На неодамношното тениско финале на Вимблдон, актерската ѕвезда Бред Пит беше уловен како седи во централната ложа за да ги гледа Новак Ѓоковиќ и Карлос Алкараз како играат во возбудлив меч од пет сета. Фотообјективите и камерите ги споделија кадрите од поранешниот сопруг на Анџелина Џоли, а во фокусот на коментарите и написите беше ставен неговиот младешки изглед. Актерот кој има речиси 60 години изгледа како да е дупло помлад. Неговиот „ forever young look“ ги зачуди сите. Мажите љубоморно вретеа со глава дека има тука нешто, дека нешто направил со себе со помош на естетската хирургија, а жените фасцинирани и опчинети, вљубено не го симнуваа погледот од „вечното момче“. Тоа беше така насекаде низ светот, па и кај нас. И додека социјалните мрежи и порталите не го симнуваа од насловниците, се најде човекот кој јавно ја откри тајната на вечно младиот изглед на Бред Пит на Вимблдон. Презентерот на временската прогноза на „Сител“, Спасе Јовановски, попознат по прекарот Спасе - „Рола до бола“ го демистифицираше „до коска“ изгледот на „младичот“ од Холивуд, објаснувајќи дека нема зошто да му се чуди цел свет дека изгледа како „вчера да излегол од пубертет“, а не како да утре да ќе чека да шета внучиња! Впрочем Спасе - Рола има своја теорија која донекаде и „држи вода“ иако никој со сигурност не може да тврди дека „фраерот од филмското платно“ не паравел „фејс лифтинг“, ако не повеќе, барем еднократно?! Ама затоа пак, нашиот временски презентер е убеден дека глумецот е „природен фраер“ или што би кажале „шизик натурале“ дури и на шест банки, па еве ја неговата теорија за тајната на еликсирот на вечната младост на Бред Пит. „Па наслови, па чудења па теории на заговор..."КАКО БРЕД ПИТ ИЗГЛЕДАЛ ОДЛИЧНО НА 60 години? А како да изгледа? Што мука има видено Бред Пит у животот свој, освен што го остаи Анџелина Џоли? - Да не мислел на неплатени сметки!? - Дали ќе стигне плата од први до први!? - Да не отплаќа кредит!? - Да не е у дугови!? - Да не нема пари за да им приушти на децата што сакаат! Не... К.р му е - двор му е, ја да ви кажам! Увек опкружен со убави жени, убава храна, вино, море, шетање, тинтрање... Едноставно, роден под среќна ѕвезда! Не моеш да го споредиш Бред Пит и Јовче од некое село, зашо не се „држи“! За што да се држи, за паризер и кришка вчерашен леб? Ајде ќе ве молам... Што? Благодарам!“ - споделил Спасе на својот Фејсбук... Чисто онака, на останатите да не им е мака... Барем за утеха на оние што наместо како Бред Пит, изгледаат како... кит! Фото: Твитер/Brad Pitt Online/Фејсбук/Rolla Do Bolla

Изменет амбиент, префинети детали и скап мебел: Ова е гардеробата на Лила во ТВ Сител (фото)

Слободанка Илиева — Sat, 11 Feb 2023 08:20:19 +0000

Кога сте јавна личност, неизбежно е вашиот гардеробер да е преполн со разни модни парчиња облека, некои кои одговараат за на сцената и пред камерите, а други пак за оној живот кога ќе се исклучат рефлекторите. Македонската водителка Лила Филиповска и пред и зад објективот на камерите секогаш изгледа средно, модерно и со стил, па речиси никогаш или барем ретко сме ја виделе во иста модна комбинација. Пред неколку години Вистина.ком.мк ја имаше привилегијата специјално да го сними гардероберот на Лила во телевзиаија Сител каде се подготвува за квиз шоуто „Се или нешто“. Оттогаш досега модната канцеларија на Лила претрпела промени, па сега изгледа поминималистички со префинети детали и скапа скофа. Она што може да се забележи е дека на дофат на рака на Лила мора да и бидат парфемот, лакот за нокти, кафето и клучевите. Секако, многу важна личност од целата подговка е стилистот, а таа улога ја има нејзината соработничка Лидија Перчинкова. Исто како и домашниот гардеробер, така и работниот, за Лила мора да биде беспрекорен затоа што тука едноставно се случува модна и сценска магија. фото:Инстаграм/Лила Филиповска

Режијата „му го смести“ на уредникот и водител на ТВ дневникот на Сител: Валентин Николовски сите го знаат како Тино, освен кога не е… Цаци! (ФОТО)

Антонио Димитриевски — Wed, 13 Apr 2022 08:16:21 +0000

Валентин Николовски, новинар, водител и уртедник на ТВ дневникот на најгледаната телевизија во македонија, ТВ Сител е ТВ лице кое сите добро го познаваат. И од ТВ екраните, а многумина и приватно, зашто Тино, како што сите го викаат е човек измислен за дружба. Спонтан, комуникативен, речиси секогаш расположен, неретко хуморен и забавен, Тино е и другар и колега каков што секој би посакал. Но, кога е телевизијата во прашање, особено ТВ дневникот на многумина не им е јасно, зошто водителите, односно ТВ лицата кои сите добро ги познаваме, секојдневно, со секое ново појавување самите одново се преставуваат, кога под нив режијата со кајрон го потпишува нивното име. Причини има повеќе, што заради професионалните стандарди, што од оние таканаречени - „за секој случај“! Дека е тоа така потврди една од оние ситуации кои „случајно“ се случуваат на секоја телевизија. Или таканаречени гафови, кои овој пат не беа дело на ТВ лицето, во случајов Валентин Николовскио, туку на режијата. Имено во еден од ТВ дневниците, Валентин Николовски беше потпишан како... Славица Арсова! Неговата колешка - уредничка од информативнмата редакција и исто така уредник и водител на Дневникот на ТВ Сител. Среќа што Тино како и секогаш прво се претстави, апотоа почна да ги води содржините во централниот информативен блок, зашто да беше поинаку... Кој знае дали некој ќе можеше да го „препознае“? Патем, среќа што Цаци, како што ја викаат Славица Арсова, веќе е мажена, а и нејзиниот сопруг и колега и нејзин и на Тино, новинарот Александар Спасовски добро си ја познава својата сопруга чија рака јавно ја побара пред неколку години, токму во еден од ТВ дневниците на Сител. Зашто ако Александар се водеше по кајронот од режијата... ќе беше „ баеги голема забуната“! Шегата настрана, грешките се составен дел од работата на телевизијата, па и на режијата. Затоа се тука и кога ќе се случат, да не насмеат и расположат. Единствено остана нејасно... Кој од режијата „му го смести“ на уредникот и водител на ТВ дневникот на Сител, Валентин Николовски, кого сите го знаат како Тино, освен кога не е... Цаци?! Фото: Фејсбук принтскрин/Принтскрин/ТВ Сител /

Вака изгледаше и се облекуваше најдобрата македонска ТВ водителка деновиве пред години: Дали Лила вакава отсекогаш била? (ФОТО)

Антонио Димитриевски — Sat, 04 Dec 2021 07:35:11 +0000

Лила Филиповска несомнено е најдобрата и најпопуларна македонска ТВ водителка. И тоа не само денес, туку со години наназад. Повеќе од две и пол децении денес атрактивната „прва дама на банкарот“ од популарното квиз-гејм шоу, „Се' или нешто“ е во фокусот на вниманието и популарноста, како на ТВ гледачите, така и на медиумите. Денес изграден бренд, ТВ лице со километража и несомнени квалитети, како ораторски, така и телесно-визуелни, Лила е на самиот врв не само како ТВ водител, туку и како медиумски лик воопшто, а во последно време и како многу моќен инфлуенсер со се поголемиот развиток и значење на социјалните мрежи. Секогаш средена, стокмена, дотерана, со модерен имиџ и аутфит што најдобро и прилега, совршена шминка, фризура кои го надополнуваат нејзиниот лик, комплетирајќи ја личноста како бренд број еден во своата професија. Иако на дамите не им се бројат ниту годините ниту им се коментира изгледот, сепак за јавните личности понекогаш можат да се напрват исклучоци, колку за да го потврдат правилото. Но прашањето е дали Лила отсекогаш вакава била? Или можеби не? Одговорот го даде самата или поточно самите ќе треба вие да го извлечете од она што всушност самата го сподели на своите профили на социјалните мрежи. Ретро спомен од нејзината младост и почетоците на нејзината кариера, видео со кое таа ги врати своите обожаватели и пријатели во далечната 1995 година, објавувајќи како изгледала и водела на едно од нејзините први појавувања на телевизија, како водител-почетник на тогашната „Зимско - рекреативна програма“ во рамките на редакцијата за „Училишна програма“ и „Секторот за обрзовна програма“ на МТВ.

View this post on Instagram

A post shared by Lila (@lilafilipovska)

„Оваа снимка ја гледам прв пат во животов и искрено не се ни сеќавам многу, но знам дека тоа се дефинитивно моите први водителски обиди во Македонската Телевизија 1995… Бoжеее каква фризура, каков аутфит. Ова мора да го видите“- напишала Лила во описот на видеото. А ние приказната ќе ја дополниме со уште неколку фотографии направени отприлика во периодот малку потоа, кога Лила од МТВ ја започнуваше својата ТВ кариера таму каде што е и денес - во ТВ Сител. Фотографиите се направни на една од тогаш многубројните манифестации и избори како: „12 Величествени на МТВ“, „ТВ Лице на годината на весникот Вечер“, „Глумците пејат“, „Мис на Македонија“, „Актер на годината“ на ревијата „Екран“... Старите добри времиња од 90-ите на минатиот век и „вечната“ водителска ведета, Лила Филиповска, без фотошоп, без филтери, филери, ботокси... - некогаш, за разлика од сега. Ако разлика воопшто и има?! Фото: Инстаграм принтскрин/lilafilipovska/приватна архива

Се породи Јована Аврамовска, водителката на „Фчерашни“ и екс портпарол на Министерството за финансии (ФОТО)

Антонио Димитриевски — Wed, 15 Sep 2021 08:10:05 +0000

ТВ водителката Јована Аврамовска се породи и за прв пат стана мајка. Таа и нејзиниот сопруг Предраг добија здраво машко дете, кому му го дадоа името Илин. Веста на социјалните мрежи ја објави самата Јована, споделувајќи фотографија од бебето и сопругот со кого пред да стапи во брак, биле во врска. Инаку, Јована Аврамовска јавноста ја запозна најпрвин како репортер, па водителка во утринската програма на ТВ Сител „Ја сакам Македонија“. Не мина долго време, а новинарката преку ноќ ја снема од ТВ екраните. Неофицијално – си заминала од телевизијата, (не)официјално, телевизијата „и се заблагодарила“ заради сопствено прегрупирање на кадрите во програмата по пат на „природна селекција!“ Јована како што се појави – така и исчезна, за понекое време одново да ја има на телевизија! Овој пат, како една од главните актерско-водителски ведети на проектот „Фчерашни новости“ , финансиран од Агенцијата на САД за меѓународен развој (УСАИД). Така симпатичната бивша новинарка стана и актерка, која „глумејќи“ ТВ водителка, заедно со останатите од екипата ја забавуваше нацијата која последна ги дознаваше „Фчерашните новости“! По доаѓањето на СДСМ на власт и востанувањето на тогаш нивната нова влада, Јована Аврамовска осамна на ново работно место... или функција, како сакате. Како нов портпарол на Министерството за финансии на тогашниот министер Драган Тевдовски. Така водителското столче од пред камерата на „Фчерашни“, Јована го замени со фотеља во кабинетот на министерот… или баерем некоја канцеларија до него! „Фчерашни“… за неа останаа да бидат „боља прошлост“, ама подоцна ќе се испостави и „лепша будуќност“! Се додека не се појави новата министерка Нина Ангеловска, алијас Нина – „Групер“, во чии раце беа предадени финансиите на државата! Тогаш новата министерка за финансии ја реконструираше до(Ф)черашната портпаролка, односно Нина – „Групер“ ја „прегрупира“ Јована Аврамовска назад… во „Фчерашњи“! Во меѓувреме, Јована стапи во брак со своето момче, нејзиниот сегашен сопруг Предраг и сега за прв пат се реализира и како мајка. Вистина.ком.мк на Јована и сопругот им ја честита приновата! Фото: Јутјуб/Социјални мрежи

Јована Стојменовиќ како Заев и Филипче: Водителката на адреналинска (аван)тура на четири тркала во природа (ФОТО)

Антонио Димитриевски — Thu, 10 Jun 2021 07:16:22 +0000

Јована Стојменовиќ е едно од лицата со кое се будат гледачите на ТВ Сител, гледајќи ја 15 години во утринската програма „Ја сакам Македонија“. Секогаш одмерена, убаво стокмена, насмеана, ТВ водителка која шармира со својата појава и говор, јазикот и дикцијата, говрејќи течно, разбирливо, правилно, македонски... Дали и колку ги следи останатите правила во животот, за Јована многу малку се знае, зашто водителкатаприватноста јакрие како „змија нозете“, со години наназад чувајќи ја настрана од јавноста. Она што е познато дека бивша манекенка и мисица, уредник на магазинот „Убавина и здравје“ и добра другарка на Лила Филиповска, за која велат дека своевремено и ја донела пред камерите во ТВ Сител. Како и тоа дека Јована се' уште е мома, иако исто како да не е, зашто е во долга, речиси маратонска врска, па заедничкиот живот со партнерот само формално не е официјализиран пред државата и Бога. Јована како и секој од нас има свои пасии, хобија, навики... а меѓу останатотот, очигледно и потреба за престој во природа, зачинет со доза на адреналин. Некои ваквата потреба сии ја задоволуваат со планинарење качувајќи се по карпи, други летајќи со палаглајдери, или нешто слично, а Јована... Таа покажа дека има исти пориви од тој тип како и Зоран Заев и Венко Филипче... Па водителката своето адреналинско празнење го доживеа на четири тркала во природа! Имено, Јована и дел од екипата од магазинот за кој работи и го уредува, како вистински трагачи по возбуди тргна во авантура, возејќи планинска тура на мотор со четири тркала или попознат како мото четирицикл. Токму како и премиерот и министерот за здравство. Искуството на водителката единствено и незаборавно... Така барем самата се пофали и го препорача, меѓудругото и за тимбилдинг, иако како што вели, тие не „билдале“, само се возеле... и уживале! „Качи се моме на коња...“ - се пееше во една стара македонска изворна песна, а денес остана само навиката и поривот... нешто да се јава! Времињата очигледно се променија, па и министрите и „невестите“ коњот го заменија со „многу коњи“ за јавање во природа што ги содржи современиот, модерен артикл, наречен мото - четирицикл! За тимбилдинг, себе билдинг или чисто адреналинско уживање за сите пари... Ако ги имаш... доволно!

View this post on Instagram

A post shared by Jovana Stojmenovic (@jovana_na_na_na)

Фото: Инстаграм принтскрин/jovana_na_na_na

Секое утро ја гледаме на ТВ екраните, а вака изгледаше пред 20 години: Ќе погодите ли која е оваа водителка?

Христина Ѓоргиевска — Fri, 10 May 2019 07:49:26 +0000

Кога сте дел од јавниот свет постојано сте под будното око на камерите, а пред нив за оние кои ве гледат и следат треба секогаш да сте средени, позитивни, уредени и подготвени да соработувате со другата страна. Посебно кога сте водител на некоја утринска емисија која се емитува од раните утрински часови, па во зори треба да го започнете денот и обврската да застанете пред камера. Водителката Елена Стојановска имаме прилика да ја гледаме како водител на утринската емисија „Ја сакам Македонија“.

Неодамна таа преку социјалните мрежи откри какво е чувството да се биде пред камери во 5 часот наутро. „На работа си од 5 сабајле и денот уште нема крај, среќа Верче Блажевска ме дотера, па сум си ок, го опиша Елена „селфито“ од работното биро“, напиша тогаш водителката.

Сите кои ја следат утринската емисија знаат како изгледа Елена сега пред камерите. Меѓутоа, водителката пребарувајќи по нејзината архива наиде на видео од нејзината кариера кое досега сме немале прилика да го видиме. „Точно пред 20 години ја водев музичката емисија 100%. Како лета времето“... напиша Ветерова во описот на видеото на кое ја води горенаведената емисија. Вака изгледаше Стојановска на телевизија пред 20 години.

View this post on Instagram

#babyme ??? Tocno pred 20 godini ja vodev muzickata emisija 100 % Kako leta vremeto ... Me doteruvase @stylingbycacipakovska ? #beautiful #memories #ificouldturnbacktime

A post shared by elena stojanovska- jankovska (@enna_inna) on May 7, 2019 at 1:49am PDT

Знаете ли кој и е омилен збор на водителката Елена Стојановска? (ФОТО)

Антонио Димитриевски — Wed, 05 Sep 2018 07:55:21 +0000

Со Викса (Виктор Петров) беа „совршена двојка“... Радиоводителска, се разбира. Најпрвин „Сити радио“, пото на „Радио Слободна Македонија“... Потоа секој по својот пат. Викса назад во „Сити“, а таа по годините минати во „Телма“, сега е во „Сител“., на утринската програма.

Елена Стојановска, од мало слатко девојченце во музичките емисии во кои ги водеше кон крајот на 90-ите до зрела жена и една од најгледаните и најбарани ТВ водителки кај нас. Утринската на „Сител“ - „Ја сакам Македонија“ без неа и уредникот и водител, колегата Александар Блажевски би била само „потрошено време“ на телевизија.

Но Елена не е само збролеста, разговорлива, шармантна и „речита“ на телевизија. нејзината убавина и изразениот сексапил малкумина го знаат приватно. Сепак, од она што може да се види и дознае од социјалните мрежи, шармантната ТВ водителка е подеднакво атрактивна и приватно.

Можеби ѓаволот носи Прада, ама не само тој. „Ѓаволестата“ водителка , подеднакво атрактиивно, привлечно и секси изгледа облечена во црн едноделен костим за капење токму од истиот бренд.

Како што нејзината убавина и сексапил доминираат во шумата од бамбусови трски. Зелената боја велат ги одмора очите, но она што е во преден план, во случајов сексапилната ги полни... будејќи ги сите сетила!

При тоа Елена Стојановска е и посветена и предана мајка на нејзината ќеркичка Илина која и е „се' во животот“! Тогаш логично времето поминато со неа е бесценето. А професија како што е новинарската не остава премногу простор и време, па затоа на Елена Стојановска омилен збор и е... „Распуст“. Точка!

(ФОТО) Анастасија Петреска во ултра кусо мини ги прекрсти нозете на утринска во Сител и инстантно ги расони гледачите!

Слободанка Илиева — Mon, 04 Dec 2017 09:19:10 +0000

Младата пејачка Анастасија Петреска е максимално посветена на кариерата и во ниеден момент не ги пропушта настапите во локалните ресторани и секако фолк фестивалите. Па така, неодамна како и поголемиот дел од нејзините колеги од народната сцена и таа се претстави на неодамна одржаниот фолк фест „Роса“ кој се одржа во МОБ.

Откако нејзиниот татко Наум отвори гостилница, Анастасија и нејзиното момче се почесто се гости, па покрај тоа што уживаат во вкусните јадења, знаат да запеат и по некоја песна.

Токму по повод настапот на „Роса фест“, Анастасија изминатиот викенд беше гостинка во утринската програма на телевизија Сител, каде беше во друштво на водителката Елена Стојановска. За така посабајлечки пред камери, Анастасија не ја заобиколи провокацијата и секси изгледот, па се одлучи за високи чизми над колена, ултра кусо фустанче на риги, надополнето со црвено сако.

Кога ги прекрсти нозете, а камерата се најде на точна позиција, Анастасија имаше што да покаже и уште еднаш потврди дека не за џабе го носи епитетот македонската Ким Кардашијан.