сируп – Вистина.мк

Направете го овој лек против кашлица, можат да го пијат и децата

Слободанка Илиева — Wed, 05 Oct 2022 11:37:38 +0000

Во есенскиот и зимскиот период од кашлицата, грипот и настинките никој не е поштеден. Наместо бројните сирупи и пастили од аптека, ви го препорачуваме овој едноставен домашен лек против кашлање, без нуспојави, кој е идеален и за најмладите членови на семејството. Потребни состојки: -Мед -Црна ротквица Подготовка: 1. Издлабете ја внатрешноста на црната ротквица така што од неа ќе направите чаша. 2. Издлабениот дел наполнете го со мед (водете сметка дека и ротквицата ќе пушти сок, па затоа не ја полнете со мед до самиот врв). 3. Ставете ја ротквицата во доволно широка чинија која ќе служи како држач. 4. Оставете ја да отстои преку ноќ на собна температура. 5. Добиениот сируп наутро ставете го во сад со капаче. Бидејќи медот збогатен со соковите од ротквицата нема нуспојави, можете да го консумирате по желба, на секој час, по „нападот“ на кашлицата и нормално пред спиење за да го смирите грлото. Овој сируп е погоден и за децата на најмала возраст. извор:курир.мк

Баклава со плазма, ореви и бело чоколадо натопена во сочен сируп (РЕЦЕПТ)

Riste Zdravkov — Fri, 27 Aug 2021 07:49:03 +0000

Со овој рецепт баклавата ќе биде готова за помалку од еден час. Баклава е десерт што обично се подготвува за прослави како што се слви и празници, но сега не треба да чекате посебна прилика за да ја направите. Затоа, подгответе уникатна баклава што досега не сте ја пробале. Прочитајте го рецептот подолу. СОСТОЈКИ: пакување на готови кори 2 јајца 200 гр мелена плазма 100 гр мелени ореви 100 гр бело чоколадо 50 мл маслиново масло 300 гр шеќер 100 мл вода 1/2 лимон 1 ванилин шеќер ПОДГОТОВКА: Истурете вода во тенџере и додадете шеќер. Исечете го лимонот и оставете го да зоврие околу 5 минути. Изладете. Измешајте ја плазмата со оревите, потоа додадете изматени јајца и растопено чоколадо. Раширете ја кората, посипете малку масло и размачкајте. Ставете го полнењето на дното низ ширината и завиткајте го во ролни. Се редат во намастена тава. Премачкајте со масло, исечете ги на помали ролни. Печете на 200 степени околу 40 минути. Прелијте ја печената баклава да впие од сирупот. Послужете ладно и засладете.

Сируп од ѓумбир за силен имунитет: Еве како да направите напиток кој го хидрира и зајакнува организмот

Слободанка Илиева — Mon, 07 Dec 2020 12:45:23 +0000

Ѓумбирот отсекогаш бил познат како исклучително здрава билка која му дава енергија на организмот, но и служи како најдобро средство за зајакнување на имунитетот. Направете сами сируп кој ќе го растворите со вода пред да го послужите и освежете се со здрав, домашен пијалок. Состојки: - 400 гр. ѓумбир - 1 кг. шеќер - 1,5 кг. лимон - 2 дл. вода Подготовка: Излупете го коренот од ѓумбирот и изрендајте, додадете шеќер, истурете вода и добро измешајте. Потоа исцедете го лимонот, измешајте, истурете во 3-4 шишиња и чувајте го во фрижидер. Ако додадете малку мраз и листови од нане, тоа ќе ви стане омилен здрав пијалок, кој постојано ќе го препорачувате. извор:точка.ком.мк

Прави чуда: Сируп од млади ореви и мед

Слободанка Илиева — Tue, 26 May 2020 12:50:54 +0000

Оваа моќна комбинација го враќа физичкиот и енергетскиот баланс, ја зголемува хормоналната активност, работи одлично за сите проблеми со тироидната жлезда, помага во обновувањето на клетките и ги неутрализира ефектите на токсините. Младите зелени ореви (Juglandis Immature fructus) имаат многу витамин Ц, јод и многу други витамини, а нивниот сируп со мед честопати им се дава на болните и слабите, болни деца и анемични луѓе, пишува „Атма“. Младите зелени ореви измешани со медот имаат позитивен ефект во случај на анемија, и помагаат во чистење на црниот дроб, желудникот и крвта. Тие се исто така одлични за проблеми со тироидната жлезда, за болести на грлото и респираторниот тракт, особено за бронхитис, го зголемуваат имунитетот, помагаат при проблеми предизвикани од менопауза, дебелина и хронични заболувања на респираторниот систем. Состојки: 40 млади зелени ореви во кора 1 кг квалитетен мед Подготовка: Измијте ги младите ореви, исушете ги, а потоа исечете ги на четвртини и ставете ги во тегла, а потоа истурете го медот. При сечење, најдобро е да користите ракавици бидејќи прстите ќе ви бидат црни. Затворете ја теглата цврсто и оставете да отстои на сонцето еден месец. Повремено тресете. Кога оревите стојат во теглата, тие го ослободуваат својот медицински сок во медот, медот се разредува на тој начин и добива темна боја. Извадете ги оревите, а овој сируп е она што го пиете. Чувајте на ладно, темно место. Конзумација: Земете една лажичка на ден, по можност наутро на празен стомак. извор:попара.мк

Ја убива кашлицата: Магичен сируп од само 2 состојки од вашата кујна

Слободанка Илиева — Tue, 23 Oct 2018 07:18:29 +0000

Есента е време кога вирусите тргнуваат во акција, па голем број луѓе имаат респираторни проблеми. Некои од нив можете да ги решите и без посета на лекар, а еве како можете да се решите од упорната и досадна кашлица со помош на намирници кои ги имате во кујна.

СОСТОЈКИ:

1 кесичка негро бонбони
100 мл млеко

НАЧИН НА ПОДГОТОВКА:

Во помало тенџере на тивок оган ставете ги бонбоните да се растопат. Кога ќе станат течни додајте млеко и мешајте убаво да се соедини. Откако ќе се направи убава маса исклучете и течноста префрлете ја во помала тегла.
Неколку пати во текот на денот земајте по една мала лажичка од овој сируп. После два до три дена кашлицата ќе се смири.

Напомена: Природните рецепти не се замена за традиционалната медицина, ниту за лекарствата препишани од доктор. Природните рецепти служат само како додатоци во исхраната и превенција. Не ги употребувајте доколку сте преосетливи на некоја од природните намирници. извор:готви.мк

Сируп кој е појак од пеницилин: Ги убива сите бактерии и вируси во вашето тело!

Наташа Тасевска — Thu, 21 Jun 2018 12:35:55 +0000

Ако сакате да направите вкусна и здрава ораховача, ви го претставуваме совршениот рецепт кој е стар 90 години. Во народната медицина се користи веќе стотина години како лек за гастроинтестинални проблеми и за штитната жлезда. Лековитиот ликер од ореви, популарната ораовача ќе ви помогне при заболувања на стомакот и на штитната жлезда. Зелените плодови на оревот се берат од 15 до 30 јуни, зависно од климата. Овој природен рецепт е идеален за зајакнување на имунитетот, особено во текот на зимските месеци, а исто така помага при гадење и анемија. Младите ореви, додека се уште зелени, се богати со витамин Ц и токму затоа се добри за штитните жлезди.

За овој рецепт потребно ви е: - 18 млади зелени ореви, - 1 кг шеќер (или уште подобро мед), - 2 литри домашна ракија, - 2 домашни лумони, - 1 портокал, - 2 каранфилчиња, - 2 - 4 листа пелин, - 1 стапче цимет, - 1 махуна ванила, - 5 зрна кафе, - 1 ванилин шеќер, - 1 литар бело вино Припрема:

Измијте ги оревите, исечете ги на половина или дури на четири дела;
Лимонот и портокалот измијте ги и исечете ги на кришки, па додајте ги во лонецот;
Во голем лонец или пластична канта наредете ред ореви, па посипете ги со пола шеќер;
Додајте ги лимонот, портокалот, каранфилчето, пелинот, циметот, ванилата, зрнцата кафе и остатокот од оревите и шеќерот;
На крај, сето тоа прелијте го со ракија и добро промешајте и ставете го капакот.
Садот држете го на сонце 40 дена, но секој ден мешајте по малку, за подобро да се поврзат состојките;
по 40 дена, мешавината процедете ја со газа и додадете литар вино и ванилин шеќер.
Добиениот ликер сипете го во стаклени шишиња и чувајте ги на темно и ладно место.

Овој домашен сируп ја спречува и најупорната кашлица

Слободанка Илиева — Tue, 06 Mar 2018 09:05:13 +0000

Сирупот од ловоров лист е природно средство за смирување на надразнетото грло бидејќи има антивоспалително и антисептично дејство, а освен тоа ги прочистува дишните патишта и го зајакнува имунитетот. Наместо да ја посетите најблиската аптека за да купите пастили или сируп за својата упорна кашлица и болно грло, многу е подобро да припремите многу едноставен и природен сируп кој ќе ги елиминира сите ваши тегоби. Ловоровиот лист често се користи во кујната како додаток во јадењата, давајќи им посебна арома, а етеричното масло од ловор е одлично за инхалација и дезинфекција на просторот, посебно во сезоната на настинки и грип.

За припрема на овој сируп ви се потребни само три состојки, а тоа се: ловоров лист, лимон и кафеав шеќер или мед. Состојки за сируп: • 6 парчиња сушен ловоров лист • 1 лимон • 3-4 лажички кафеав шеќер или мед

Припрема: • Во сад, зовријте 2,5 децилитри вода. • Во водата додадете ги листовите од ловор и поклопете го садот. Оставете да врие од 5 до 10 минути. • Извадете ги листовите, а течноста префрлете ја во друг сад. • Во садот додадете го шеќерот и сок од еден лимон и добро промешајте. Начин на употреба: Консумирајте една лажичка сируп три пати на ден. извор:точка.мк