синче – Вистина.мк

Антониа Гиговска покажа ретка глетка со синчето: Киан потпорасна, а мама се топи во неговата прегратка (фото)

Слободанка Илиева — Tue, 27 Feb 2024 08:11:21 +0000

Младата македонска поп пејачка Антониа Гиговска пред половина година за првпат стана мајка и си ја продолжи семејната лоза. Таа не само што реши млада да го продолжи поколението, туку и секојдневно покажува дека и тоа како ужива во благословот од Бога. Уште штом ќе ги отвори очите најтоплата прегратка ја добива токму од бебето Киан за кое има време преку ден, особено деновите пред викенд додека не тргне на настап заедно со сопругот Роберт кој сири и е одговорен за бендот. – Конечно чувствувам само искрена, најискрена љубов на свет која некој ми ја дава. А тоа е ова мало мое мече. Инаку веќе сме на мам, мам – им откри таа. Антониа за разика од мајките кои почесто сакаат да објавуваат фотографии со своите малечки, за неа тоа не е случај, туку ретка глетка од социјалните мрежи. Сепак, понекогаш сака да зборува и да го покаже Киан кој сега има седум ипол месеци, но се уште не решила да го покаже неговото лиценце за кое откри дека личи на тато. Таа неодамна кажа и дека желбата по рожбата на машко е да добие и девојче. фото: Instagram printscreen/ antoniagigovskaa

Голем ден за целото семејство: Крштевка за синчето на Тамара, а за светиот чин се споија сите (фото)

Слободанка Илиева — Thu, 19 Oct 2023 07:39:25 +0000

За пејачката Тамара Тодевска и нејзините најблиски вчера беше голем ден, најмалиот од семејството, синчето Дарен ја прими христијанската религија. Дарен вчера беше крстен во цркварта Св. Јован Крстител, возбудлив ден за светиот чин кој си собра сите. Кумот веќе познато е ракометарот Дејан Манасков кој ја имаше честа да биде оној кој ќе му ја пренесе таа религиска врска. Дарен во месец декември ќе наполни пет години, па веќе потпораснат овој момент за него беше интересен, а не за плачење како кај бебињата. За крштевањето се погоди во Скопје да биде и тета Тијана која периодов е во Македонија поради снимањата на новата сезона на „Преспав“. Тамара во една прилика изјави дека иако се раздели со сопругот, кога децата се во прашање, тие немаат проблем да бидат на исто место и време и да направат се’ што е за доброто на децата. По објавените фотографии се редеа и честитките за Дарен кој е неодолив мал шармер. Наздравје крштевка!

Ежење од среќа и убаво на душа: Сара Мејс и Димитар пред нова етапа во која главна улога има синчето Кирил (видео)

Слободанка Илиева — Wed, 04 Oct 2023 07:16:17 +0000

Второродената љубов на Сара Мејс и Димитар Атанасовски, бебенцето Кирил ги направи првите чекрчиња. Рака за рака со тато Диме, малиот Кирил за првпат во градинка влезе на свои нозе, секако со помош на гордиот татко кој пресреќен рано утринава ја сподели среќната вест. Колачиња за проодување во форма на стапалца имаше за сите дечиња во градинката каде Кирил е на чување додека мама и тато работат. Помина еден месец по роденденот на малиот наследник, а тој веќе стигна пред нова етапа од развојот. Родителите пред нов предизвик со малиот, но веќе изскусни од дада Илина, сега полесно и тие ќе чекорат во новите истражувачки подвизи на наследникот. Сега синчето кое ги направи среќни и горди после дада Илина, е потпораснато, во нова фаза од растењето и со неколку запчиња кои го прават неодолив. Со малиот шармер мама и тато кој сигурно веќе ги кажува и првите зборови, овие бесценети моменти едниоставно се празник за душа. Лесни чекорчиња! фото:Инстаграм принтскрин

Кристина Димитри го испрати синчето прваче: „Со среќа нека ти е првиот училишен ден, мое се’ “ (ФОТО)

Антонио Димитриевски — Tue, 05 Sep 2023 08:08:54 +0000

Македонската мисица и пејачка Кристина Димитри најмногу е поврзана со нејзиниот син кој го има од сега веќе бившиот брак со македонскиот Х-фактор победник, пејачот Даниел Кајмаковски. Нејзиниот синче остана да живее со неа по разводот од поранешниот сопруг пред пет години, па откако кон крајот на февруари годинава го прослави 6- тиот роденден, малиот Давид сега тргна и на училиште. Грижливата мама Кристина не пропушти првиот училишен ден да не го овековечи, па ги сподели и чувставата, емоциите и доживувањето, како и училишната атмосфера на првиот школски ден. При тоа не заборави да ги спомене и да им се заблагодари на членовите на нејзиното најтесно семсјство, без чија помош и поддршка тешко дека би можела се' да постигне и да биде успешна на секое поле - и приватно и професионално. Најпрвин се дотера себе си, па го дотера и подготви за првиот училишен час и своето прваче, а моментот го овековечи со неколку фотографии покрај кои Кристина сподели: „Со среќа нека ти првиот училишен ден, мое се' “! Во училиштето најпрвин запознавање со учителката најсакана и секако со другарчињата... Оне најновите, со кои ќе ги делат и првите наставни програми, училишните клупи, часови и денови... Потоа две фотографии и една посвета на единствената машка фигура во семејниот дом - нејзиниот брат, вујко на малото прваче, кој сега е и негов брат, заштитник, еден вид „втор татко“, кој внучето го научил многу работи или... можеби и се', како што вели и самата Кристина. Една фотографија од првиот училишен ден на малиот Давид пред влезот на училиштето и со неговата млада баба... Неговата омилена личност, или „втора мама“, која од првиот ден па се' до сега е со него и покрај него. Разбирливо тука се уште некои од членовите на семејството, како на пример тетката на првачето, која се најде исто така на листата на најблиските на кои атрактивната тетовка им е бескрајно благодарна за се' што направиле за неа и нејзиното „се' “. А, нејзиното синче Давид отсега е прваче и „големо момче“ кое ќе брза секој работен за ден да не задоцни на час на повик на училишното ѕвонче. Нека е со среќа! Фото: Инстаграм/kristina.dimitry

Мама Антониа будно бдее додека синчето мирно спие, а таткото…? Таткото „уморен од новиот живот“ ги дели слатките сништа со синот (ФОТО)

Антонио Димитриевски — Fri, 21 Jul 2023 09:14:10 +0000

Во најголемите летни жештини Антониа Гиговска ги минува првите мајчински денови. Пејачката сето свое внимание гио има концертрирано на нејзиното штотоку родено синче, па така сега во домот се' се врти околу малечкиот Киан. Мајката иако млада и неискусна, и тоа како ревносно си ги брка работите, давајќи му ја сета мајчинска љубов и топлина на како што го нарече, малечкото „глувче“ заради кое вреди да се живее и животот има смисла и иднина. Бебето како и секое бебе, најчесто спие, цица и „ги полни пелените“. Кога е буден тука е нежната мајчинска прегратка, толку нежна и слатка, што не може да ја замени ништо друго на светот. Арно ама, во целата таа „семејна хармонија“ некој ќе праша, а што е со таткото во семејната распределба на обврските? Каде е музичарот, кого после прославата и мекиците никаде го снема? Потоа не сподели ниту една фотографија со синчето на социјалните мрежи? Епа ако не сподели тој, сподели мајката, па Антониа постираше една фотографија на своите Инстаграм приказни која ја објасни целата ситуација. На неа малечкиот Киан мирно спие, а до него, спие и таткото Роберт. Дали „уморен од новиот живот“, од неспиење ноќе, ако бебето ги буди, што не би требало да му е проблем, зашто белким има навика од ноќните свирки да не легнува до доцна во ноќта или од нешто друго, важно... Мама Антониа будно бдее додека синчето мирно спие, а таткото...? Таткото „уморен од новиот живот“ ги дели слатките сништа со синот! Фото: Инстаграм/antoniagigovskaa

Сара Мејс покажа како го заспива синчето Кирил, од техниката таа е на седмо небо, а тој инстат потонат во сон (фото)

Слободанка Илиева — Mon, 27 Mar 2023 07:11:31 +0000

Пред осум месеци, пејачката и харфистка Сара Мејс по вторпат стана мајка и го искуси највозвишеното чувство за една жена. Тој ден беше пијана од љубов, а веројатно нема да отрезне цел живот, особено ниту малку додека малиот Кирил е во бебешка фаза. Сара Мејс постојано пред очите на следбениците на социјалните мрежи покажува како расте нејзниниот мал наследник, кој е едно ултра насмеано и весело бебе со кое мама гордо се фали. Секое бебе е различно од ден во ден, но мама Сара најчесто ни ги покажува фраерлуците на Кирил кој таа го нарекува бебе топинг. Овој пат, Сара сакаше на сите да им покаже зошто нејзиниот малечок е фраер од пелени. Па така, ако најголем дел од мајките се уморни од нишкање и пеење приспивни песнички, во случајов тоа може да биде сосема обратно, па мајката да заспие пред бебето од технииката кој ја има малиот кога се заедно со мама. -Е добро, како да не сум заљубена во детево? Како? Кога вака ми заспива...Ах, универзуми... За да заспие треба да сум го него, да ми се мушне, да ме гушне и да ме чешка позади врат... Дете топинг, пишува среќната мајка. Абе да и позавидш на уживањето и леснотијата со која заспива бебе. Дали е до детето или до мајката во случајов и не е така важно, освен тоа што е јаснпо дека хемијата мајка- дете е толку силна, незаменлива и магична! фото:Инстаграм принтскрин/Сара Мејс

Марија Петровска на „туширање со љубов“: На некогашната водителка на „Бекстејџ“ за нејзиното машко чедо на пат, другарките и приредија „Бебешки туш“ (ФОТО)

Антонио Димитриевски — Wed, 08 Mar 2023 09:00:39 +0000

Некогашната ТВ новинарка и водителката Марија Петровска, која со години беше „трејед марк“ на најгледаниот естраден ТВ магазин „Бекстејџ“, сега се занимава со маркетинг, адвертајзинг и ПР. Љубовта и животните околности ја однесоа во некогашна најсеверна ЈУ република - Словенија, каде речиси седум години живее со нејзиниот избраник, Михаел Сказа. По неколку години заедничко живеење, популарната Маца кон крајот на минатата година обзнани дека е бремена, а сега таа е во завршна фаза на бременоста и за некое време со нејзиниот партнер ќе се остварат во улогата на родители. По тој повод во католичкиот свет постои еден обичај кој кај нас не е премногу вообичаен, но таму често се практикува и е наречен „Бебешки туш“ (baby shower). Во суштина се работи за забава на која се носат и подготвуваат подароци за да се прослави породувањето, односно очекуваното раѓање на детето и трансформацијата на жената во мајка. Токму изминатиот викенд блиските пријателки на поранешната водителка на „Бекстејџ“ во Словенија и организираа „baby shower“ за бебето кое е на пат. За оваа прилика целиот амбиент до најситен детал бил декориран во светло сина боја во знак на бебето кое е од машки пол.

View this post on Instagram

A post shared by Marija | Visual Storyteller (@marija_petrovska)

Марија ги бори последните денови од бременоста и изгледа како прекрасна трудница и самата променета во син фустан со принт од цветен дезен. Пријателките ја опсипаа со многу љубов, внимание и секако многу подароци за своето машко чедо кое само што не пристигнало на овој свет.

View this post on Instagram

A post shared by Marija | Visual Storyteller (@marija_petrovska)

И додека полот на бебето е оддамна познат, Маца потенцијалното име на синот се' уште не го соопштила. Не барем јавно, освен, можеби на потесниот семеен круг и најблиските роднини. Освен, ако и самата таа и нејзиниот партнер Михаел се уште не одлучиле дефинитивно како ќе се вика нивното синче. Или можеби се чека кумот? „Што се однесува до името, сè уште не сме избрале. Имаме неколку фаворити, ама сè уште ништо конкретно“ - кажа Марија уште кога беше некаде на половина од бременоста. Конечено името е лична работа, она што е најважно е синчето да им е живо и здраво! Фото Инстаграм принтскрин/marija_petrovska

За некогашната македонска ТВ водителка и оваа Нова година е повеќе од среќна: Марија Главчева по втор пат стана мајка (ФОТО)

Антонио Димитриевски — Thu, 05 Jan 2023 09:58:15 +0000

Поранешната македонска ТВ водителка која последниве години живее надвор од Македонија, поточно во САД и годинава како и пред две години имаша повеќе од добра причина со огромна радост да влезе во Новата Година. Имено и во 2022-та новогодишните празници беа посебни за неа како и пред две години, кога Марија Главчева и нејзиниот избраник Ивица Попоски беа за прв пат во исчекување на нивната најголема животна радост. Тогаш, само неколку дена по највеселата и најлуда ноќ, атрактивната гевгеличанка на свет го донесе своето прво чедо, првата рожба и тоа прво – па машко, синчето Мартин. Две години подоцна, историјата или поточно животниот циклус како пресликан се повторува... Речиси во ист ден Марија се породи по втор пат и на свет донесе уште едно здраво машко чедо, кое овој пат го доби името Адриан. „Адриан сине, добре ни дојде во нашите животи. Мама, тато и братчето Мартин се најсреќни и благословени“ - кусо сподели некогашната водителка на својота Фејсбук страница, по што следуваше ерупција од воодушевувањам честитки, благослови... од нејзините роднини, пријатели, познаници..., на што Марија и нејзиниот сопруг Ивица на сите што им ја честитаа приновата во семејството, најискрено им се заблагодарија. Како и не би, кога можеше ли поубаво, порадосно и посреќно, Новата 2023-та за нив да започне? Нека е среќна и годината и приновата! Фото: Фејсбук принтскрин/Marija Glavcheva

„Го погребав својот син, имаше само три месеци“: Жељко Самарџиќ за првпат проговори за семејната тагедија

Слободанка Илиева — Fri, 25 Nov 2022 10:29:05 +0000

Жељко Самарџиќ денес има големо семејство, три ќерки, четири внуци и сопруга со која ја дели радоста и тагата повеќе од четири децении. Сепак, почетокот на градењето на тоа семејство започна со голема загуба, прераната смрт на синот, кој имал само три месеци. Пејачот за „Блиц“ во шокантна исповед зборува за погребот на бебето и открива како тој и Маја досега надминале се’. -Семејството на татко ми е од Никшиќ, таму го закопавме малиот Златко, тоа беше тага за сите нас. Кога и да дојде тој месец, јас и Маја, ја споделуваме таа тага и секогаш размислуваме колку голем ќе беше да останеше жив, но тоа е животот. Човек никогаш не знае што може да му се случи во животот. Одиш по улица, те удира автомобил, а не го очекуваше. Беше бебе, имаше три и пол месеци, му го дадов името Златко, по мојот кум кој многу го сакав - рече Жељко на почетокот и додаде: - Се сеќавам на тој период, мојата покојна баба првпат дојде да го види својот правнук, за неа беше голем шок кога се случи се. Во Црна Гора машката глава е голема работа. Никогаш нема да го заборавам. Сите фамилијарно отидовме од Мостар во Никшиќ да ги извршуваме тие ритуали, открива Самарџиќ. фото:Инстаграм принтскрин

Борко Ристовски славеше роденден, а најмилите вака му го честитаа: Мама им дојде на гости, синчето дуваше роденденски свеќички, а сопругата… Нина имаше посебна честитка откако останаа сами?! (ФОТО)

Антонио Димитриевски — Thu, 03 Nov 2022 11:00:53 +0000

Македонската ракометна легенда, голманот Борко Ристовски славеше роденден. „Министерот за одбрана“ како што го носи прекарот кој му остана, ја раситни 40-ката, навлегувајќи во петаттата деценија на животот. Годините се за тоа да се множат, а како што велат, што повеќе родендени, славиш, толку си нормално, подолговечен. Кога е во прашање „денот што го чекаме цела година“, кај Борко не се собра баш целата родбина, туку на роденденското славје во семејниот дом му беа само најмилите. На гости им дојде госпоѓа мама, која славеничката трпеза ја сподели со семајството. А на трпезата за секој роденден најважното е што друго, ако не роденденската торта. Само што овој пат покрај ѕидот украсен со балони, на неа беа свеќичките со бројката години што ги полни славеникот, како и оние другите - сите заедно запалени и подготвени за дување! Само што овој пат наместо славеникот, свеќичките ги дуваше наследикот. Борко ги пукна конфетите, па со сопругата Нина и синчето Душан, сите направија заедничко роденденско селфи. Честитка за раситнетата 40-ка сопругата му упати и преку социјалните мрежи, па на својот Инстаграм таа напиша: „Роденден на сопругот е нешто како Нова година. 40ка звучи и изгледа необично, ама ти си како виното. Ти посакувам остварување на желбите, по некоја и случајно, зошто низ годините увидов дека сам си остваруваш тоа што си замислуваш со верба во себе, со упорност и истрајност. Те сакаме многу“ - споделила Нина на својот Инстаграм профил. Но тоа е само онаа јавната и официјална честитка. Онаа вистинската веројатно следувала подоцна, кога гостите си заминале, а малиот си легнал да спие... Или барем така тоа изгледало во желбите и имагинацијата на сопругата на славеникот, која истите ги соделила на своите Инстаграм приказни. Само што „честитката од тој тип“ оддамна е споделена меѓу двајцата брачни партнери, зашто Нина е во подмината бременост и чека да се породи со нивното второ чедо. До тогаш, среќен роденден „министре за одбрана“!