Драган Вучиќ пред десеттина дена дознал дека е позитивен на коронавирусот, а позитивен бил и тестот на неговата сопруга Весна, која засега е без симптоми

Антонио Димитриевски — Mon, 04 May 2020 09:30:15 +0000

Ноќеска на инфективната клиника во Скопје починал познатиот пејач и водител Драган Вучиќ. Нему пред една недела тестовите му покажале дека е позитивен на коронавирусот, по што бил хоспитализиран во болница, а страшната вест за смртта на еден од најпопуларните македонски естрадни личности уторово ја потврдил и неговиот син за ММС.мк: „Вистина е, почина татко ми од тоа зло“ - низ солзи потврдил Мартин Вучиќ.

Во кусиот разговор тој кажал дека пред десеттина дена семејството дознало дека Драган бил позитивен, но дека наводно ништо не било страшно.

„Вчера и се јавиле на мајка ми дека се' е во ред, а утрово и се јавиле дека ноќеска татко ми починал. Не знам. Во шок сме“ - изјавил Мартинкој само додал: „Не можеме ни да го испратиме како што треба“. Од блиски на семејстото Вучиќ, порталот Магазин.мк дознава дека позитивна на вирусот е и е неговата сопруга Весна, која за сега нема никакви симптоми. Изминатиов викенд, „Женски магазин“ контактирал со неговиот син Мартин, кој потврдил дека татко му Драган е во болница, но не даде дозвола за објавување на веста. Неофицијално, се зборува дека состојбата на Драган Вучиќ кој наводно боледувал и од дијабет, вчеравечер ненадејно се влошила, по што се јавиле компликации кои завршиле трагично по животот на познатиот пејач и водител.

син мартин – Вистина.мк

Драган Вучиќ пред десеттина дена дознал дека е позитивен на коронавирусот, а позитивен бил и тестот на неговата сопруга Весна, која засега е без симптоми