Лидија Вукиќевиќ ја исфрлиле од снимање филм зашто одбила да се соблече гола: „Јас сум добро воспитана, но кога некој ќе се обиде да ме искористи, добива шлаканица“

Антонио Димитриевски — Tue, 02 Feb 2021 09:46:19 +0000

Поттикната од актуелниот скандал со младата глумица и професорот по глума, поврзан со моќни луѓе во светот на актерството кои ја искористија својата позиција за сексуално искористување заради лично задоволство, актерката Лидија Вукиќевиќ се присети на непристојните предлози и понуди што ги добила неколку пати во својата кариера. „Бев на снимање на филмот 'Брак на одредено време' и директорот на фотографијата ми рече дека во следната сцена треба да се соблечам гола. Му реков дека нема потреба од ваква сцена, а тој ми врати дека ние младите актерки не можеме да ги пласираме своите теории, на што одговорив дека нема да го сторам тоа по цена да го раскинам договорот“ - раскажа Лидија. „Сепак, бидејќи истиот човек беше директор на фотографија во серијата 'Вук Караџиќ', каде што требаше да ја играм големата љубов на Милош Обреновиќ, бев отстранета од тој проект. Јас исто така знаев како да му се спротивставам на човек кој даваше пари за снимање филмови, а беше 30 години постар од мене“ - вели актерката, па ја раскажа случката: „На Лепенски вир, каде што снимавме, тој почна да ми се додворува за време на вечерата, а јас му велам: 'Господине, нели ви е веќе време да си легнете?' Бата Живојиновиќ беше воодушевен. Ме сакаше заради тие работи. Имам домашно воспитание, но кога некој сака да ме користи, од мене добива шлаканица“ - додаде Вукиќевиќ. „Еден колега на снимање почна да ме штипка. Убаво го предупредувам, велам дека не сакам такви шеги, ама тој не разбира тоа, па откако го направи истото по трет пат, му плеснав шлаканица пред сите негови колеги. И тој после се налути“ - резимираше Лидија. Фото: Инстаграм принтскрин/vukiceviclidija

симната – Вистина.мк