Ова се деталите за соругот на Сузана Манчиќ: Угледен господин и успешен грчки бизнисмен кој е речиси четврт век со водителката

Антонио Димитриевски — Wed, 19 Apr 2023 12:13:17 +0000

Сузана Манчиќ и Симеон Оцомокос се заедно речиси 25 години. Тие се венчаа во јули 2018 година во бајковито место во Грција, од каде што е и тој, а животот популарната водителка одлично го балансира меѓу Белград и Атина. Далечината, очигледно, никогаш не била проблем за нив. Симеон се заљубил во Сузана неколку години по пропаѓањето на неговиот прв брак, од кој има две ќерки. Тој е почитуван бизнисмен и многу вешто одржува рамнотежа помеѓу приватниот и професионалниот сегмент од животот. Студирал право и економија на Универзитетот во Атина. Неговата работна биографија е богата: Бил комерцијален експерт во Американската амбасада во Атина, извршен директор на Американско-грчката стопанска комора, како и генерален секретар на деловни совети меѓу Грција и неколку други земји. Во 1997 година, тој ја основа SGT, компанија за корпоративни комуникации, во Атина, а три години подоцна беше отворена филијала во Белград - Tsomokos Group International (TGI). Како што пишува во портфолиото на групацијата, висококвалитетни комуникациски услуги се нудат на домашни и странски клиенти кои имаат намера да се натпреваруваат на регионалниот и меѓународниот пазар. Сопругот на Сузана Манчиќ е на чело на овој успешен тим, а како што можеме да видиме по речиси четврт век му цветаат рози и на љубовното поле кое го дели со Сузана. Фото: Инстаграм принтскрин/suzanamancicofficial

симеон оцомокос – Вистина.мк

Ова се деталите за соругот на Сузана Манчиќ: Угледен господин и успешен грчки бизнисмен кој е речиси четврт век со водителката