Томи Тасев и Симеон Коруноски заедно во – „One Look, оne ѕmile“ (ВИДЕО)

Антонио Димитриевски — Thu, 02 May 2019 10:46:42 +0000

По одличното минатогодишно деби „Broken“, струмичкиот продуцент Томи Тасев, продолжува со исто темпо и со новиот потенцијален хит насловен „One Look, One Smile“, за кој ги здружи силите со својот кичевски колега Симеон Коруноски. Музичарите се потпишуваат и како автори на песната, односно продукцијата и стиховите се на Тасев, музиката им е заедничка со Симеон, а за аранжманот им помогна Иле Спасев.

Сето тоа визуелно го дополни Ѓорѓи Вацев, а во видеото снимено на повеќе локации, вклучувајќи го и култниот „Порта џез“ во Битола, покрај Томи и Симеон се појавуваат уште и Тамара Томашевиќ и Васко Ѓоргиев, како иХристијан Ѓаковски, Борис Наков, Игор Георгиевски, Филип Каранфиловски, Филип Николоски, Тале Пасовски и Кристијан Божиновски.

За Коруноски ова е прва песна после минатогодишниот летен хит и прва авторска песна „Каде сме“, која стигна непосредно по соработката со битолскиот продуцент Кортекс за одличната „Don't You Know“, па се надеваме дека наскоро ќе нè почести барем со уште едно авторско дело.

Како звучи и изгледа оваа струмичко-кичевска соработка дознајте во продолжение: https://www.youtube.com/watch?v=oCLlnsg50P8

Кортекс и Симеон Коруноски здружрени во – „Don’t You Know“ (ЛИРИК ВИДЕО)

Антонио Димитриевски — Fri, 08 Jun 2018 11:11:33 +0000

Битолскиот диџеј и продуцент Константин Марковски - Кортекс ги здружи силите со својот кичевски колега Симеон Коруноски за потенцијалниот хит насловен „Don’t You Know“, кој воедно е и прва, а се надеваме не и последна соработка за 17-годишните музичари.

Идејата, мелодијата и аранжманот на песната се дело на Кортекс, додека вокалот и текстот се на Симеон Коруноски, а проектот студиски е потпомогнат од македонскиот продуцент Дарко Димитров.

Со на моменти прогонувачката мелодија на Кортекс и трепеливиот вокал на Коруноски, кој одлично ја доловува емоцијата на стиховите, оваа соработка е вистински погодок за младите музичари.

Сето тоа спакувано во лирик видеото со текстуалната визуализација на Дарко Лековски и продукцијата „Дримкаст“ ве очекува во продолжение: https://www.youtube.com/watch?time_continue=2&v=wQXvZsLsaUA

симеон коруноски – Вистина.мк

Томи Тасев и Симеон Коруноски заедно во – „One Look, оne ѕmile“ (ВИДЕО)

Кортекс и Симеон Коруноски здружрени во – „Don’t You Know“ (ЛИРИК ВИДЕО)