На социјалните мрежи, предизвик до предизвик… само внимавајте да не ги измешате: „Како кучката моја, нигде нема друга…“ (ФОТО)

Антонио Димитриевски — Sat, 28 Mar 2020 08:54:44 +0000

Корона вирусот и неговото експресно ширење не затвори сите дома... И додека светот бара начини како да се справи со пандемијата од чумата на 21-от век, ние бараме начини како да си го олесниме животот во изолација. Да ни биде што педноставен, попопријатен, поподнослив, позабавен... И да не се интернетот и социјалните мрежи, веројатно до сега наместо корона, ќе имаше „жртви од друг вид“... Вака, како-така, полесно се турка денот, а Бога ми и ноќта... Една од главните забави на социјалните мрежи станаа поставувањето предизвици. Отвори Фејсбук, Твитер Инстаграм и има што да видиш... Предизвик до предизвик... Од споделување фотографии кога сме биле деца или многу млади, преку невестински фотографии од свадба, фотографии од матура, фотографии во бикини, фотографии од која каква домаќиннка е и што умее да зготви... Ама буквално, предизвик до предизвик. Најновите два, од пред ден -два. Првиот, фотографија од својот пес, домашно милениче, галениче, љубимец... Како сакате, важно да е моето куче. Вториот фотографија од самата себеси, ама претставена како моќна и силна жена пред завесата... не буквално, онаа што ти виси дома на корнизот пред прозорците, туку фигуративно, пред завесата од бариери, забрани, завесата на женска потчинетост и дискриминација... И едниот и другиот, како по правило го прифаќаат и познатите личност, јавните фаци, естрадни ѕвезди... Пејачки, актерки, новинарки, водителки и водители, режисери, кореографи... Ги има од сите јавни еснафи. И лавината тргнува... „Фрчат“ фотографии по Фејсбук и Инстаграм... Кученца, пци и кучки- колку сакаш. Социјалните мрежи - поплавени од домашните миленици... и нивните сопственици! Од друга страна, „друго цунами“ ги зафаќа социјалните медиуми, како што ги нарекуваат, иако не се. Ама затоа се полнат со најдобрите женски фотографии - од себе си! Силните и моќни жени,односно сите кои себе си се сметаат за такви застанати пред „завесата на новиот предизвик“! И во целата таа поплава на „предизвици“, на силни пци, моќни кучки и слатки мили жени... или ќе да беше обратно, внимавајте и Вам да не ви се случи, да го помешате предизвикот. Како што еден корисник на Фејсбук напишал: „Како 'кучката' моја, нигде нема друга...“ - па ставил фотографија од... жена му, која од разбирливи причини ја заменивме... со друга!

Што бараат силните и независни жени од својот партнер?

Христина Ѓоргиевска — Wed, 11 Dec 2019 13:35:01 +0000

Силните и независни жени на прво место ги ставаат своите вредности и квалитети, па во склад со своjoт карактер, очекуваат и определени квалитети од својот партнер. Кога конечно ќе дозволат некој да влезе во нивниот живот, сакаат да знаат дека конечно го пронашле својот партнер, кој може да им парира во сè Според нив, идеалниот маж треба да ги поседува следните квалитети.

Пристојност

Таа е дама и покрај себе сака да има џентлмен кој ќе ѝ го разубавува денот. Нежноста, внимателноста и пристојноста се сето она што го очекува од партнерот.

Почит

Жените сакаат нивниот партнер да ги почитува, затоа што се свесни дека го заслужуваат тоа. Почитувањето треба да биде основа на секој меѓучовечки однос.

Самостојност

Силните жени држат до себе, до своето време и потреби, а истото го очекуваат и од партнерот. Тие сакаат силен и самостоен маж кој може да им парира во сè и нема да се изгуби во сенката на својата партнерка.

Искреност

Жената којашто знае што сака во животот, знае колку е важна вистината и како да се држи до неа. Таа од својот партнер бара отворен и искрен однос и не би сакала да има маж кој нема храброст да го каже она што сака и чувствува.

Добра смисла за хумор

Независните жени одлично знаат што значи да се биде под стрес, па затоа бараат некој кој ќе ги насмее и покрај кој ќе заборават на сите грижи и проблеми.

Компромис

Независната жена е свесна дека сите сме различни, но за да опстои врската, неопходно е и двајцата партнери да покажат разбирање и да прават компромис во секојдневните ситуации. извор: кајгана

силни – Вистина.мк