Во новиот документарец Памела Андерсон открива: „Соседот ме силуваше на 12 годишна возраст, а дадилката ме злоставуваше!“ (видео)

Слободанка Илиева — Thu, 26 Jan 2023 10:40:37 +0000

Канадско-американската актерка и најпознатата Плејбој зајачица Памела Андерсон (55) откри дека се обидела да ја убие својата дадилка која наводно ја малтретирала кога била мала, пишува Њујорк пост. Споменатото обвинение Андерсон го упати во документарниот филм „Памела, љубовна приказна“, кој ќе започне да се емитува на Нетфликс на 31 јануари. - Злоупотребата траеше три или четири години - рече Андерсон. - Секогаш ми велеше да не им кажувам на моите родители. Се обидов да го заштитам сопствениот брат од злоупотреба – додала познатата русокоса. - Се обидов да ја убијам. Се обидов да ја прободам во срцето со молив во форма на лижавче – призна Андерсон. Актерката позната по улогата во глобално популарната серија „Чувари на плажа“ изјавила дека откако не успеала да ја убие, на дадилката и рекла дека сака да умре. - И кажав дека сакам да умре и следниот ден загина во сообраќајна несреќа. Мислев дека ја убив со мојот магичен ум и не можев да кажам никому. Бев сигурна дека го направив тоа, дека го посакував и дека таа умре. Со тоа живеев кога бев помлада – изјави Андерсон. Таа во филмот потврдила и дека нејзиниот 25-годишен сосед ја силувал кога имала 12 години. - Со мојата пријателка отидовме во станот на еден пријател. Таа отиде во собата горе со момчето што ѝ се допаѓа. Играв друштвена игра со неговиот пријател додека ја чекав - изјави Андерсон, а потоа додаде: - Ми кажа дека изгледам како да ми треба масажа. Имаше 25 години. Имав 12 години. Ме силуваше. Се чувствував како да е моја вина“, изјави Андерсон. Актерката никому не кажувала за тоа со години бидејќи се чувствувала како да нема кому да се обрати за помош. Да потсетиме, Памела еднаш откри дека циклусот на злоставување не застанал тука, туку дека нејзиното тогашно момче заедно со неговите 6 пријатели ја силувале кога имала 14 години. - Моето момче тогаш мислеше дека би било интересно да ме силува со шест пријатели. Не сакав да живеам, сакав да исчезнам од лицето на земјата – изјавила актерката. Андерсон изјави и дека познатата серија „Пем и Томи“, која неодамна беше снимена, и задава кошмари и дека никогаш нема да ја гледа. Таа исто така додала дека никогаш не го гледала интимното видео што го снимила со нејзиниот поранешен сопруг Томи Ли во 1995 година, а кое наводно им било украдено и објавено во јавноста. фото:Јутјуб принтскрин/Netflix

Тајчи: „Како тинејџерка бев силувана“

Антонио Димитриевски — Tue, 26 Jan 2021 09:24:45 +0000

Една од најголемите поп-икони во 90-тите години, Татјана Матејаш, позната како Тајчи, која по распадот на бивша Југославија со години живее во САД, во една прилика изјави дека и самата била жртва на сексуално злоставување. Како што вели, кога била тинејџерка, била силувана, но не сакала да каже никому за тоа. „Сè уште бев во тинејџерски години, тоа беше пред да станам славна, ме силуваа и верував дека тоа е моја вина. Затоа не сакав да кажам никому. Ние мора да создадеме средина во која жена или маж нема да веруваат дека се виновни кога ќе им се случи такво нешто“ - призна Тајчи своевремено за медиумите. Таа вели дека била на психотерапија со години и и требало многу време да зборува отворено за тоа. „Со години на психотерапија, длабока потсвест, ми требаше долго време да се отворам и да го залечам тоа“ - рече таа. „Како мајка на три сина и креативен претприемач, секој ден се справувам со голем стрес. Во текот на мојот живот, се занимавав со навистина големи работи: ги изгубив сопругот и татко ми од рак, се борев со депресија и анксиозност со години, како тинејџер поминав низ трауматско искуство поврзано со сексуално насилство и се борев да сакам се и поврати ја самодовербата. - рече Тајчи.

силивана – Вистина.мк

Во новиот документарец Памела Андерсон открива: „Соседот ме силуваше на 12 годишна возраст, а дадилката ме злоставуваше!“ (видео)

Тајчи: „Како тинејџерка бев силувана“