Штрудла со јаболка: Најлесниот рецепт за колач кој мириса на нашето детство

Слободанка Илиева — Thu, 21 Sep 2023 13:00:01 +0000

Еден од најпопуларните десерти, кој можете да го најдете во различни верзии од север до југ на Европа, е штрудлата со јаболка. Ова е рецепт за вкусна виенска штрудла од јаболка, која може да се послужи и со сладолед од ванила. Состојки: пакување кори за пита (лиснатото тесто можете да го направите и сами) 1 кг кисели јаболки 10 дкг шеќер 5 дкг путер цимет малку рум или млеко за да се натопи сувото грозје суво грозје сладолед од ванила Подготовка: Намачкајте ги корите со растопен путер и врз нив ставете ги јаболката кои претходно сте ги излупиле и исечкале на коцки од 1 сантиметар. Посипете ги со шеќер, цимет и суво грозје кое претходно сте го натопиле во рум или млеко. Расукајте го тестото и ставете ја штрудлата во подмачкана тава. Со чепкалка малку прободете го врвот за да не се распука. Се пече во загреана рерна на 180 степени околу половина час до 40 минути, додека тестото не добие златна кора. Оставете малку да се излади, исечете ја на кришки, посипете со шеќер во прав и послужете со сладолед од ванила. ПЛУС СОВЕТ: Доколку не сакате цимет и суво грозје, слободно исфрлете ги од подготовката. По желба додадете уште еден зачин што ви се допаѓа или збогатете ја штрудлата со малку сечкани ореви, бадеми или други јаткасти плодови. извор:попара.мк

Видео рецепт: Штрудла од тиква совршена за есенските денови

Моника Манасиевска — Thu, 22 Nov 2018 14:15:21 +0000

Едноставен рецепт за пита со тиква која се топи во уста. СОСТОЈКИ: 500 гр. тенки кори за пита 1 кг, рендана тиква 4 јајца 200 гр. шеќер 2 дл. масло 1,5 дл. млеко ½ кеси прашок за пециво 1 ванилин шеќер малку рендана кора од лимон 1 кесе цимет 4 лажици брашно ПОДГОТОВКА: Тиквата преполовете ја, извадете ги семките и излупете ја. Исечкајте ја на помали парчиња за полесно да ја изрендате. Измешајте ја со 100 гр шеќер и цимет па оставете да стои додека го приготвувате намазот. Разматете ги јајцата со шеќер и ванила. Измешајте брашно, млеко, масло, прашок за печиво и изрендана кора од лимон. Раширете една кора, премачкајте ја со три лажици намаз, ставете друга кора, повторно намаз па трета кора. На неа наредете рендана тиква, свиткајте лесно и наредете на намастена тепсија. Така правете до крај. За крај оставете 3 лажици намаз, во него можете да ставите малку сок кој ќе остане од ренданата тиква. Премачкајте ја питата, избоцкајте ја со чепкалка па оставете да стои половина час. Печете во загреана рерна на 220 степени околу 25-30 минути. Печена оставете да се излади. Посипете ја со шеќер во прав. [embed]https://www.youtube.com/watch?v=cv7e65f-Be0[/embed]

штрудла – Вистина.мк

Штрудла со јаболка: Најлесниот рецепт за колач кој мириса на нашето детство

Видео рецепт: Штрудла од тиква совршена за есенските денови