штетно – Вистина.мк

Доктор предупредува: Оваа храна предизвикува повеќе смртни случаи отколку пушењето цигари

Слободанка Илиева — Thu, 26 Oct 2023 11:46:08 +0000

Без оглед на тоа дали станува збор за чоколадо или солен чипс, секој од нас понекогаш сака да јаде таква храна. Меѓутоа, ултрапреработената храна не е ограничена само на работите кои ги јадеме повремено. Таа вклучува и виршли, леб, јогурт со овошни вкусови, дури и супи од ќесички. „Таа храна е поврзана со повеќе смртни случаи во светот отколку пушењето цигари“, предупредил д-р Кис Ван Тулекен во поткастот „Diary OF A CEO“. „Јадев типична западна храна и ужасно се здебелив. Влегов во затворен круг на прејадувањето, тегобите и несоницата. Да продолжев така, би ја дуплирал својата телесна тежина“, додал тој. Докторот истакнува дека ултрапреработените намирници се нездрави, но и дека создаваат зависност исто како пушењето цигари. „Зголеменото консумирање на ултрапреработена храна е поврзано со кардиоваскуларните болести, канцерот, високиот крвен притисок, болести на црниот дроб, воспаленија на цревата, депресија, зголемени масти во крвта, синдром на иритабилни црева и деменција“, предупредил докторот. Што е најлошо, луѓето со ниски месечни примања се принудени да јадат ултрапреработена храна поради тоа што е поевтина. „Кога би се ослободиле од сиромаштијата, би се ослободиле од околу 60 отсто од проблемите на болестите поврзани со исхраната“, порачал д-р Ван Тулекен. извор:точка.ком.мк

Бидете внимателни: Млекото е здраво, но во комбинација со овие намирници може може да стане штетно за вас

Слаѓана Атанасова — Tue, 04 Apr 2023 10:12:14 +0000

Млекото е здрав, но многу комплексен пијалок кој не треба да се конзумира со одредени производи бидејќи во комбинација со одредени намирници може да предизвика повеќе штета отколку корист. Кафе Дали пиете кафе за да се разбудите и да се освежите? Ако е така, откажете се од капучино и кафе со млеко бидејќи протеините го неутрализираат кофеинот. Затоа, ставете си еспресо наутро, а додадете млеко само доколку сакате да се задоволите со омилениот вкус. Чај Млекото исто така го намалува оживувачкото дејство на чајот, како и неговата антиоксидантна функција, така што добивате помала корист отколку што би можеле. Пецива Пециво со млеко е омилен појадок за многумина. Сепак, пекарските производи содржат фитати – супстанции кои ја попречуваат апсорпцијата на калциум. Затоа, ако ги комбинирате со млеко, нема да ја добиете оваа корисна материја. Зеленчук Еден од двајца возрасни страда од благ степен на дефицит на лактоза – недостаток на ензимот потребен за разградување на млечниот шеќер. Обично тоа не се манифестира на кој било начин, но ако пиете млеко со храна која предизвикува гасови, тогаш не може да се избегне надуеност и дијареа. Затоа, ако јадете свеж зеленчук, никогаш не го комбинирајте со млеко. извор: Курир.мк

Многумина ја прават оваа грешка со облеката, а не се ни свесни колку е тоа штетно

Слаѓана Атанасова — Fri, 16 Sep 2022 13:00:56 +0000

Многумина во текот на есента и зимата облеката ја сушат во домот. Но, сушењето на облеката во затворен простор ја зголемува количината на влага во воздухот за 30 проценти. Со тоа се создаваат идеални услови за развој на габи, особено на габата „Aspergillus fumigatus“, која многу лесно се вдишува и на тој начин се внесува во организмот. Оваа габа обично не е опасна за здравите луѓе, но кај оние со слаб имунитет може да предизвика воспаление на белите дробови. Освен тоа, за здравјето на сите нас не е добро да се вдишува влагата во која се наоѓаат хемикалии од детергенти и омекнувачи, кои во мали количини и по перењето остануваат на облеката. Најдобриот и најздрав начин за сушење на облеката е надвор на отворено, особено во пролетните и летните месеци, бидејќи меѓу останатото, ултравиолетовите зраци ги убиваат микробите и бактериите. Сушењето на облеката надвор се препорачува и во зима и покрај ниските температури, а добро решение е и машината за сушење алишта. Извор:Курир.мк

Климатизерот навистина може да биде штетен по вашето здравје

Слободанка Илиева — Thu, 16 Jun 2022 12:15:11 +0000

Треба да го одржувате на вистински начин Многумина ќе се согласат дека ништо не може да ја разлади просторијата, како што може клима уредот, кој голем број луѓе го имаат во својот дом. Сепак, не е тајна дека вашиот најдобар летен сојузник не е особено добар за вашето здравје, ако се користи премногу и ако за него не се води доволно грижа. Во климатизираните простории, воздухот обично не е доволно влажен, што негативно влијае на слузокожата на респираторниот тракт. Ова може да доведе до сушење на кожата и мукозните мембрани, што дополнително може да предизвика воспаление на горниот респираторен тракт. Ова воспаление обично се манифестира со кашлање, анксиозност, чешање и иритација на грлото. Во својата посилна форма, ова воспаление може да доведе до интензивно кашлање, отежнато дишење и општа непријатност во органите за дишење, а кај астматичарите дури и до задушување. Климата е исто така една од главните причини за легионерска болест. Оваа болест е предизвикана од бактеријата Легионела, која преживува и се развива на температура меѓу 30 и 37 степени. Со вдишување воздух, оваа бактерија стигнува до човечките бели дробови. Кога некое лице ќе се зарази со легионела, се јавуваат симптоми како малаксаност, треска, болки во мускулите и кашлица. Малку поголем ризик од зараза имаат луѓето кои генерално се борат со респираторни проблеми, хронично болните, лицата со слаб имунитет, постарите лица и децата. За среќа, оваа бактерија може успешно да се победи со антибиотици, иако третманот е обично долг. Доколку не се примени терапијата може да биде фатална; стапката на смртност од оваа болест е доста висока и е помеѓу 15 и 25 проценти. Иако ова може да звучи застрашувачки, експертите сметаат дека нема место за паника и дека соодветното и редовно одржување на клима уредите е сосема доволна превенција. Потребно е еднаш годишно да се направи темелен сербвис на климата, а доколку се користи и за греење во текот на зимата, два пати. Не заборавајте дека е неопходно температурата во просторијата да биде оптимална и да не биде премногу ниска. Големата разлика помеѓу температурата надвор и внатре и шокот на кој е изложен организмот при движење од еден простор во друг, може да предизвика термички шок и слабеење на имунитетот и способноста на телото да се брани од штетните вируси и бактерии. извор:попара.мк

Секогаш вредно потсетување: Храна која треба да ја избегнувате!

Билјана Цветковска — Fri, 08 Nov 2019 14:00:29 +0000

Се повеќе во денешно време луѓето, а посебно жените почнуваат да водат здрав живот и да внимаваат на својата исхрана. Но, покрај тоа што внимавате на храната која прави да ви биде тешко или пак лесно ве дебелее, треба да посветите и внимавате на храната која ви влијае на убавината и здравјето. Кога станува збор за убавината, свежиот изглед, но и добриот вид, има храна која прави вашите очи да се блескаво сјајни и здрави, како и храна заради која ќе се будите со отечени очи. Во прилог ви кажуваме која храна е пожено да ја избегнувате за да се разбудите свежи и убави.

Пченичен леб- честото консумирање на бел леб го зголемува крвниот притисок и предизвикува проблеми со видот, како и отекување на целото лице.
Колбаси - содржат многу холестерол, а честото консумирање предизвикува очен притисок, а содржат и многу сол, заради што доаѓа до отоци.
Тестенини - содржат голема количина на јаглехидрати, што може да ја влоши состојбата на макулата, како и да предизвика отоци на лицето.
Големи количини на сол
Многу вештачки шеќери
Fast food
Пржено

Зошто не треба да трчате со мобилниот во рака?

Христина Ѓоргиевска — Thu, 10 Oct 2019 11:45:03 +0000

Решивте да го зголемите нивото на физичка активност и да го доведете телото во топ форма. Трчањето е одличен избор на активност. Денеска се достапни најразлични апликации што го мерат нивото на физичка активност, колку сте истрчале, со какво темпо, колку калории сте потрошиле... и сето тоа е достапно на вашиот смартфон. Исто така, многу луѓе сакаат да се забавуваат со музика додека трчаат и составуваат свои плејлисти за мотивација. Без разлика дали менувате песна на плејлиста или проверувате колку калории имате потрошено, тоа значи дека мобилниот ви е во рака додека трчате. Оваа навика може да се одрази негативно на вашите фитнес резултати, но и на телото. Просечниот смартфон тежи од 140 до 200 грама. Иако можеби тоа не ви се чини како многу, и најмала нерамнотежа во распределбата на тежината додека трчате може да има влијание, особено ако притоа и ја стискате дланката за да го држите уредот во рака. Кога трчате, целта е да одржите доследен ритам. Еднаквата распределба на тежината и замавнувањето со рацете овозможуваат рамномерно трчање. Кога имате нешто во рака, тоа предизвикува асиметрија во држењето на телото, а со тоа и на движењето при трчање. Телото ќе се обидува цело време да ја надомести тежината на спротивната страна од онаа каде натежнува телефонот, што дополнително ги оптоварува мускулите. Тоа може да доведе до напрегање и повреди, особено на рамената, колковите и колената. Исто така, ако го држите телефонот во рака, ви го одзема вниманието и фокусот од трчањето, а исто така го згоелмувате ризикот да ви падне и да се оштети, што ќе ви предизвика само дополнителен стрес и трошоци. Решение? Пред сѐ, посветете се на трчањето. Тоа не е време да проверувате нотификации или да зборувате на телефон. Составете плејлиста која ви одговара на стилот и темпото на трчање и во која нема да мора да „скокате“ песни. Оставете сѐ што можете дома или во автомобилот пред да почнете со трчање. Инвестирајте во несесер-торбичка за на појас ако мора да носите клучеви или пари со вас. За да може да слушате музика и да ги следите инструкциите на апликацијата за трчање, за смартфонот набавете футрола што се става на надлактицата, како и квалитетни слушалки за трчање кои нема да ви паѓаат и да ви го одземаат вниманието. извор: кајгана

Пет работи кои се штетни колку и пушењето, а ги правиме секојдневно

Слободанка Илиева — Wed, 08 Nov 2017 13:51:13 +0000

Свеста околу штетноста на пушењето е глобално проширена, но модерното време го карактеризираат и низа на фактори кои пушењето полека но сигурно го поместуваат од врвот на листата на смртоносни навики, предупердуваат американски научниуци. Еве неколку работи кои се наоѓаат на таа листа: Осаменоста Новите истражувања покажуваат дека социјалната изолација е еднакво штетна по вашето здравје како и останатите работи на врвот на „смртоносниот попис“, пренесува Independent. Социјалните мрежи и се пореткото дружење во реалноста со пријателите и колегите довеле до тоа осаменоста да забележи пропорции на епидемија. Научниците велат дека учинокот на осаменоста врз намалувањето на животниот век е исто како да пушите по 15 цигари дневно. Седечкиот начин на живот Седечкиот начин на живот во текот на целиот ден го зголемува ризикот од заболувања од повеќе врсти на рак. Секои дополнителни два часа седење го зголемуваат ризикот од добивање на рак на дебелото црево и на белите дробови, без разлика на тоа дали поединецот вежба во текот на денот. Дури и со редовно вежбање, седењето подолго од осум часа на ден го зголемува ризикот од различни здравствени проблеми. Недостаток на сон Американските научници забележале дека 50 до 70 милиони жители на САД страдаат од пореметување во спиењето. Недоволната количина на сон го зголемува ризикот од мозочен и срцев удар во еднаква мерка како и секојдневното пушење. Солариум Иако користењето на солариум ви се чини како варијанта за сончење над која имаме контрола, тоа може да биде опасно по здравјето исто како и пушењето. Дерматолозите уште до 2014 година докажале дека претераното користење на солариум предизвикува повеќе случаи на рак на кожата отколку што пушењето предизвикува рак на белите дробови. Нездрава исхрана Слатката и преработената храна богата со масни киселини влијае на развојот на потенцијално смртоносните болести како и пушењето. Во 2016 година, научници кои се занимаваат со смртни случаи како последица од лоша исхрана, заклучиле дека стапката на смртност ги надминала оние што умираат од алкохол, цигари и дрога. извор:кајгана.мк