шпанци – Вистина.мк

Сѐ повеќе Шпанци го прифаќаат „концептот“ на отворени врски

Слободанка Илиева — Tue, 25 Apr 2023 12:50:10 +0000

Шпанците сѐ повеќе го прифаќаат „концептот“ на отворени врски, покажува ново истражување на шпанскиот Центар за социолошки истражувања – владина агенција којашто го следи јавното мислење за социолошките прашања. Речиси половина од испитаниците сметаат дека е нормално да се има неколку сексуални партнери во истовреме. Имено, околу 47 насто од нив се согласуваат дека едно лице може да има повеќе од една активна сексуална врска во истовреме. Ова е зголемување од 10 отсто во споредба со претходното истражување во октомври 2021 година. Анкетата, исто така, покажа оти над 41 отсто од Шпанците сметаат дека партнерите можат да имаат секс со други луѓе вон нивната врска, без да се впуштат во романтична врска со нив. И покрај сѐ ова, „земјата на Дон Хуан“ (или Дон Жуан), сè уште има силна верба во моќта на љубовта. Речиси 70 насто од испитаниците се согласуваат дека „вистинската љубов може да победи сè“, а 80 отсто рекле дека ако некој е вистински вљубен во својот партнер, тие ќе бидат заедно засекогаш. Дополнително, на огромно мнозинство Шпанци не им пречи ако нивниот партнер е помалку привлечен, помалку образован или заработува помалку од нив. извор: (МИА)

Анастасија и Гудељ во досега не видено издание: Пејачката покажа како го поминуваат времето во Шпанија (фото)

Слаѓана Атанасова — Tue, 25 Apr 2023 08:28:10 +0000

Пејачката Анастасија Ражнатовиќ веќе извесно време престојува во Шпанија со своето момче Немања Гудељ, од кого не се разделува. А овој пат таа ги воодушеви сите со нивните фотографии. Анастасија е многу активна на „Инстаграм“, често споделува фотографии од Шпанија, како од натпреварите на кои го следи своето момче, а и сака да објавува некои моменти од нивниот приватен живот. Пејачката сега ненадејно на нејзината приказна објави нивна заедничка фотографија од прослава во Севиља, каде и двајцата ги воодушевија сите со својот стилски изглед. Анастасија блескаше во црвен фустан, со огромен цвет во косата и црвена роза на усните, а многумина потсети на вистински Шпанец. Од друга страна, фудбалерот носеше свечено одело, но имаше шал на главата. Анастасија извесно време нема да доаѓа во Србија за полесно да дојде до документи во Шпанија, како што откри нејзината мајка Цеца Ражнатовиќ. - И таа е со нас цело време. Многу и е тешко и и е жал што не може да биде со нас. Веќе ви ги кажав причините, бидејќи чека документи, не може да ја напушти државата. Неколку пати се слушнавме со Немања и Анастасија, цело време бевме во контакт - изјави пејачката на прославата на раѓањето на синот на Вељко и Богдана, Крстан. Фото: Принтскрин/Инстаграм

Не се Италијанците ниту Шпанците: Дали знаете која европска нација има најмногу секс?

Христина Ѓоргиевска — Tue, 28 Jul 2020 12:30:02 +0000

Британците се европски народ кој има најмногу секс, дури 12 пати месечно. Верувале или не, по нив следат Германците со 11 пати секс месечно, а третото место го делат Холанѓаните и Белгијците кои имаат секс 9 пати месечно. Иако се сметаат за страсни, Италијанците се наоѓаат на дното на листата со 4 сексуални односи месечно. Полоши од нив се подеднакво “жешките” Шпанци и романтичните Французи. Податоците се објавени на страница посветена на обложување, по анкетата која била спроведена на 2729 возрасни корисници на страницата од 11 земји. “Оваа анкета го побива митот дека во медитеранските земји живеат страсни љубовници. Се чини дека Европската унија треба да се загрижи што со Брегзит ја губи најсексуалната земја на континентот”, изјавил гласноговорникот на страницата, Џон Пентин.

Целосната листа изгледа вака:

1. Британци – 12 пати месечно 2. Германци – 11 пати месечно 3. Холанѓани – 9 пати месечно 4. Белгијци – 9 пати месечно 5. Романци – 8 пати месечно 6. Португалци – 8 пати месечно 7. Австријци – 7 пати месечно 8. Словаци – 7 пати месечно 9. Италијанци – 4 пати месечно 10. Шпанци – 4 пати месечно 11. Французи – 2 пати месечно извор: точка.мк