шкотска – Вистина.мк

Македонија против Португалија, Шкотска, Италија, Русија, Шведска или Велс во првиот бараж чекор на патот до Катар?

Антонио Димитриевски — Wed, 17 Nov 2021 10:21:38 +0000

Македонската фудбалска репрезентација ги дозна сите можни противници во плејофот за пласман на Светското првенство во Катар, откако синоќа се комплетираше европскиот дел од квалификациите. Македонија нема да биде носител на ждрепката што ќе се одржи на 26 ноември во Цирих, што значи дека и во полуфиналето ќе игра на гостински терен. Носители, а со тоа и можен прв противник на Македонија ќе бидат Португалија, Шкотска, Шведска, Италија, Русија и Велс, додека во подредена стартна позиција ќе бидат и Украина, Турција, Полска, како и Чешка и Австрија, кои обезбедија пласман во баражот преку Лигата на нации. Според новиот систем, плејофот ќе се состои од три групи со по четири селекции, при што полуфиналињата се закажани за 24/25 март, а финалињата за 28/29 март 2022. Од Европа, директен пласман на СП обезбедија само првопласираните селекции во квалификациските групи: Германија, Данска, Франција, Белгија, Хрватска, Шпанија, Србија, Англија, Швајцарија и Холандија. Извор: СпортМ

Трагично место полно со болни спомени: Принцот Вилијам се сеќава на моментот кога му соопштиле за смртта на мајка му

Слободанка Илиева — Wed, 26 May 2021 09:04:47 +0000

При неговата посета на Националното собрание на Шкотска, принцот Вилијам изјави дека од ова место враќа убави и болни спомени. Имено, тој открил дека бил токму таму кога дознал за смртта на неговата мајка, принцезата Дијана. - Бев тука, во замокот Балморал, кога ми рекоа дека мајка ми ја нема. Во целосен шок, накратко најдов утеха во мисата одржана следното утро во мала црква во блиското село Крати. Во денови исполнети со тешки, мрачни моменти, се обидував да се смирам гледајќи ги неверојатните пејзажи на Шкотска. Тогаш знаев дека ќе бидам длабоко приврзан за оваа земја засекогаш. „Ми требаа дваесет години да ја прифатам нејзината смрт“, призна тој.

View this post on Instagram

A post shared by William, Duke of Cambridge 🇬🇧 (@princewilliamroyal)

Војводата од Кембриџ честопати помислуваше на својата мајка, за која членовите на неговото семејство знаеја. „На тато многу ми недостигаш“, неодамна и рече малата Шарлот на својата баба, за која знае само од приказните. „Тажен сум затоа што моите деца никогаш нема да ја сретнат“, рече принцот неодамна, кога емоциите целосно го совладаа додека стоеше пред олтарот и го изговори судбоносното да на Кејт Мидлтон.

Струшки вечери на поезијата: Керол Ен Дафи e годинешна добитничка на „Златен венец“

Антонио Димитриевски — Tue, 23 Mar 2021 11:42:51 +0000

Меѓународно чествување на Блаже Конески, по повод 100-годишнината од неговото раѓање, а во знакот на Светскиот ден на поезијата што Република Македонија го одбележа во УНЕСКО, денеска се одржа во Париз. По тој повод официјално беа објавени добитниците на „Златниот венец на Струшките вечери на поезијата” и на „Мостови на Струга”, информираат од Министерството за култура. Во текот на културниот настан, амбасадорката Чаушевска Димов официјално ги објави имињата на лауреатите на „Златниот венец на Струшките вечери на поезијата” и на наградата „Мостови на Струга“.

Оваа година, Златниот венец ‘и припадна на Керол Ен Дафи, родена во Глазгов во 1955 година, една од најзначајните современи поетеси во Велика Британија, авторка на педесетина книги и досегашна добитничка на значајни книжевни награди и високи одликувања, меѓу кои и почесните титули Дама-заповедник на Редот на Британската Империја (2015) и Поет-лауреат на Обединетото Кралство (2009-2019), информираат од Министерството за култура.

Наградата за дебитантска поетска книга доделена во соработка со УНЕСКО, „Мостови на Струга“, му припадна на Владан Кречковиќ, роден во Белград во 1988 година. Наградената книга „Париз,Тексас“, насловена според култниот филм на Вим Вендерс, на еден мошне суптилен и непретециозен начин говори за љубовната разделба без патетика и нуди поинаква перспектива на оваа вечна тема.

Настанот со кој Македонија го одбележа во УНЕСКО Светскиот ден на поезијата и 100-годишнината од раѓањето на Конески го збогати настапот на Дуото СолиПсе, односно македонската флеитистка Елена Стојческа и францускиот гитарист Ромен Петио, со интерпретација на две дела од народниот македонски музички опус – Зајди зајди и Гајдарско оро – во аранжман на Мирослав Тадиќ, велат од Министерството за култура

Почина Шон Конери: Замина најпознатиот Џејмс Бонд 007

Антонио Димитриевски — Sat, 31 Oct 2020 17:39:21 +0000

Денес животот го заврши еден од најпопуларните филмски ликови, актерот Шон Конери. Семејството на Конери потврди дека тој починал, но не даде причина за смртта. Сепак, Би Би Си објави дека тој починал навечер, во сон, додека бил на Бахамите. Сер Томас Шон Конери (роден 25 август 1930 – 31 октомври 2020), подобро познат како Шон Конери, е шкотски глумец. Работел различни работи и учестувал на натпревари во бодибилдинг пред да го направи своето деби во Лондон во хоророт на Јужен Пацифик (1951). По неколку мали улоги, филмската слава ја стекна како Џејмс Бонд во филмската верзија на Доктор Но на Ијан Флеминг (1962) и го играл тајниот агент 007 во шест други филмови (Од Русија со љубов, Goldfinger, Thunderball, Се живее само двапати, Дијамантите се вечни и Never Say Never Again). Одличен, карактерен глумец, како и повеќегодишен секс-симбол, играл во филмови како The Man Who Would Be King (1975), Името на розата (1986), Недопирливите (1987, Оскар), Индијана Џонс и крстоносните војни (1989) и The Russia House (1990). Добитник е на голем број филмски награди, меѓу кои и Оскар за најдобра споредна машка улога во „Недопирливите“ во 1988 година, две награди БАФТА и два Златни глобуси. Конери доби титула почесен витез од кралицата Елизабета во 2000 година. Но, тој е подеднакво сакан и почитуван од неговите колеги Шкоти. Поранешниот шкотски премиер Алекс Салмонд реагираше на смртта на Конери, опишувајќи го како „најголемиот Шкотланѓанец во светот, последен од вистинските холивудски sвезди, совршениот Бонд“. https://www.youtube.com/watch?v=i9EZPfxlOeE&feature=emb_logo