шеф марк – Вистина.мк

Официјално претставување и запознавање: Ова е новиот готвач во „Брза кујна“ кој го замени шеф Марк (фото)

Слободанка Илиева — Mon, 26 Sep 2022 08:37:41 +0000

Пред крајот на летото веќе започна снимањето на осмата сеозна на популарното кулинарско шоу „Брза кујна“ кое се емитува на телевизија Сител. На своите позиции се водителката Сања Савеска и во тимот на доматите веќе препознатливиот шеф Никола. Како што претходно беше објавено, шеф Марк повеќе нема а биде дел од шоуто и се насочува кон нови предизвици. На негово место веќе има нов шеф кој пак го прифати предизвикот да биде нов пред камерите и замена за Марк. Во редовниот и добро познат термин, секој работен ден во 17.00 часот на споменатата ТВ фреквенција, од оваа сезона на местото на Марк ќе биде шеф Бобан Симоновски кој ќе го предводи тимот на пиперките и со своите кулинарски вештини ќе му се спротистави на шеф Никола Мишковски од тимот на доматите. Асистентите кои ќе бидат дел од оваа сезона ќе имаат можност да готват со едни од најдобрите готвачи во Македонија и регионот. Вистински професионалци, со богато искуство и познавање во кулинарство. Шефовите, заедно со водителката Сања Савеска, секој работен ден ќе го направат уште позабавен и поинтересен, и ќе понудат многу нови и интересни рецепти кои ќе треба да ги подготват од само 6 намирници и тоа за само 20 минути. Инаку, шеф Бобан Симоновски веќе е искусен пред кемерите на „Брза кујна“ бидејќи во една од сезоните имаше епизоди кога се менуваа со шеф Никола и шеф Марк, а на нивно место беа Фиќо и Бобан. фото:Фејсбук/Брза Кујна

Повеќе на vistina.mk

Во популарното кулинарско ТВ шоу досега ги менуваа само водителките, сега заминува и еден од готвачите: Шеф Марк се одјави од „Брза кујна“ (ФОТО)

Антонио Димитриевски — Tue, 19 Jul 2022 06:31:37 +0000

Шеф Марк се одјави од популарното кулинарско шоу „Брза кујна.“ Марк де Јонг информира дека по поминати 7 сезони во шоуто подготвен е за нови предизвици. Преку социјалните мрежи тој се заблагодари за сета позитивна енергија и добрите желби кои ги добил. „Ми беше задоволство седум сезони да бидат дел од тимот на Брза кујна. 7 години, 1.400 емисии, 1.400 асистенти со кои заедно подготвувавме слатки изненадувања за гледачите пред малите екрани, но и за присутните во студиото. Поминавме убави моменти заедно, но по 7 години потребен ми е нов предизвик, нова авантура“ - напиша шеф Марк на Фејсбук. Дали само нов предизвик е причина за неговото заминување или има нешто друго во позадина што не с знае, засега не е познато, иако во претходната објава тој напиша дека „се надева оти е јасно зошто нема да биде дел од следната сезона на Брза кујна“. Како и да е, гледачите му посакаа среќа во новата авантура и му се заблагодарија за добрите идеи и рецепти за брзо приготвување предјадење, ручек и десерт кои за само 20 минути ги подготвуваше заедно со шеф Никола, кој засега останува во „Брза кујна“. Фото: Фејсбук принтскрин/Mark De Jong (Chef Mark)

Повеќе на vistina.mk

Сања Савевска со двојна новогодошни честитка: Водителката на „Брза кујна“ и колективно и самостојно ви посакува се’ најубаво (ФОТО)

Антонио Димитриевски — Fri, 31 Dec 2021 09:31:10 +0000

Од Новата Година не делат часови, се бројат минутите кога на полноќ ќе се поклопат стрелките на часовникот и сите ќе си посакаме поубава и посреќна иднина и исполнување на желбите, со новогодишна честитка до најблиските, најмилите, најсаканите, но и сите останати... Мигови кога љубовта најмногу се шири насекаде околу нас. Но пред да чукне тој час, збидејќи не можема на сите што сакаме во истиот миг да им честитаме, честитките исполнети со најубави желби се испраќаат многу порано,. Некогаш порано, во вид на пишани честитки по пошта, денес во време на напредокот на технологијата и нивната појава - преку социјалните мрежи. Честитаат сите и обичните луѓе и јавните личности и познатите и популарни лица и славните фаци...! И кога сме веќе кај популарноста, кулинарското шоу „Брза кујна“ со шеф Марк и шеф Никола е секако едно од најгледаните и најпопуларните емиси од ваков виид кај нас, а неговата последна водителка Сања Савевска се покажа како најшармантната во фелата за ваков тип програма. Токму таа, преку социјалните мрежи посака на сите свои блиски и драги лица, но и на сите останати даим испрати дури две новогодишни честитки. Една заедничка или колективна со нејзините кулинарски шефови Марк и Никола и една соло. „Празници се ближат, а ние супер празнично расположени. И бидејќи сме Брза кујна , ќе побрзаме тројцата заедно да ви посакаме среќни и весели празници. Под број 1 : Бидете ни живи и здрави ! Под број 2, а може и тоа да биде под број 1: Сакајте се мнооогу , ширете љубов и почитувајте ги луѓето околу вас. Под број 3 : Бидете успешни во се што работите. И никогаш не пропуштајте да го гледате најдоброто и незаменливо кулинарско шоу Брза Кујна , ние и понатаму ќе бидеме вашиот вистински избор за одлична забава и нови и брзи рецепти за вкусни јадења Ви благодариме што сте секој ден заедно со нас, и што веќе 7 сезони ја имаме вашата доверба и внимание“ - напишала водителката во групната честитка од „Брза кујна“. А онаа, нејзината честитка, е многу повеќе лична, поемотивна... но сепак универзална и се однесува на сите нас и нашите најблиски. „Само неколку мигови не делат до нова година и нова шанса за убави почетоци. Сигурно имате многу желби , помали и поголеми. Ќе ви посакам сите да ви се остварат , но за тоа ќе треба да го дадете максимумот од себеси,затоа што ништо само од себе не се случува, за се треба многу труд , а желба без труд е пуста желба, затоа засукајте ги ракавите и во 2022 храбро кон целта. Колку и да е тешко и мачно, никогаш не се откажувајте од своите соништа и желби. Животот е составен од солзи и насмевки , но вие смејте се,и тоа многу и секогаш. Заборавете се што ви згрешиле, заборавете колку ве повредиле, простете им на сите и простете си себеси затоа што сте им верувале. И не барајте многу, затоа што среќата е во малите нешта. Среќата е во новото утро , во топлите прегратки , во нежните зборови. Не барајте да ви се восхитуваат непознати лица за вас, гледајте тие најблиските до вас да се восхитуваат на напорот и времето кое го одвојувате за нив. Не трчајте по моќ , трчајте кон прегратките на најблиските, затоа што таму е сиот Ваш свет и се за што вреди да се живее ! Во добро здравје, со многу искрена љубов, живејте го секој миг“ - порачува водителката во својата сопствена новогодишна честитка во која има многу животна вистина! Среќна Нова 2022 година!

Повеќе на vistina.mk

За нив нема зима: Шеф Марк и сопругата на предновогодишен одмор на оваа егзотична дестинација (фото)

Христина Ѓоргиевска — Wed, 29 Dec 2021 08:27:20 +0000

Остануваат уште неколку дена до крајот на 2021 година и почетокот на 2022 година. Се чувствува новогодишната еуфорија, а познатите веќе ги покажаа новогодишните елки и новогодишниот амбиент во домот. Многумина предпразничниот период и зимските температури ги искористија да заминат некаде на зимување во некој зимски центар. Шеф Марк од „Брза кујна“ и неговата сопруга Василка за предновогодишен одмор одбраа дестинација од потоплите краишта. Имено, Марк и Василка заминаа на Малдивите. Готвачот на социјалните мрежи редовно објавува фотографии и покажа како ужива на одмор. Прво објави фотографија на која парот нурка под вода... Тука е и објавата на плажа на која популарната двојка прави срце со рацете.. Марк и Василка уживаа во празничното расположние и ги полнат батериите новата година да ја дочекаат со убава енергија. Тој објави и фотографија со Василка позираат на лулашки која се наоѓа во вода. Насмеани, расположени, одморени, двојката ужива во заедничкото време. За потсетување, кон крајот на јуни, Марк и Василка официјално запловија во брачните води. фото: фејсбук/марк де јонг

Повеќе на vistina.mk

Весело во студиото: Марк веќе неколку сезони готви во „Брза кујна“, а сега дојде моментот и кога запеа (видео)

Христина Ѓоргиевска — Tue, 07 Dec 2021 08:30:50 +0000

Секој работен ден имаме прилика да го гледаме кулинарското шоу „Брза кујна“ кое се емитува на Сител телевизија. Веќе неколку сезони, готвачите, шефовите Марк и Никола подготвуваат разни специјалитети од намерниците кои ќе ги донесат натпреварувачите. Тие имаат 20 минути да подготват јадења, а кога ќе го сервираат на масата изгледаат многу вкусно и оригинално. Шеф Марк веќе неколку години во кујната на „Брза кујна“ ја покажува својата дарба за готвење. Меѓутоа, говтвачот го покажа и својот талент за кој многумина не знаат ни дека го поседува. Имено, зад камеритте на кулинарското шоу, во месецот на празниците и желбите, пред нова година, шеф Марк запеа заедно со македонската поп, фолк и оперска пејачка со италијанско потекло Серафина Фантаузо. На фејсбук профилот на „Брза кујна“ осамна видео на кое готвачот и Серафина заедно пејат. -Во месецот на желбите , кога сите посакуваме многу радости и убави моменти за сите, кога срцата ни бараат уште повеќе љубов и топлина, тимот на Брза Кујна ќе се потруди да ви ја зголеми радоста и да ве расположи во очекување на новите почетоци кои ни пристигнуваат со Новата година. И по толку успешни сезони , дојде моментот кога и ШЕФ МАРК ЗАПЕА Можеби повеќе позади камерите, но сепак ни приреди вистинско уживање А ,Сања се тоа го снимаше за и вие да уживате. Покрај тоа што заедно пееаја, тие заедно и готвеа на оперски начин. За потсетување, од претходната сезона, водителката Александра Илиевска замина на породилно отсуство, а на нејзино место дојде Сања Савеска која се покажа како одличен домаќин во кулинарското шоу. фото: фејсбук/брза кујна/сител телевизија

Повеќе на vistina.mk

Започнаа снимањата на 7-та сезона на „Брза кујна“ , но со нови промени! (фото)

Христина Ѓоргиевска — Mon, 30 Aug 2021 07:28:26 +0000

Кулинарското шоу „Брза кујна“ имате прилика да го гледате секој работен ден на Сител телевизија. Незаменливте шеф Марк и шеф Никола секојдневно подготвуваат разни специјалитети од намирници кои ќе ги донесат натпреварувачите. Од претходната сезона, „Брза кујна“ доби и нова водителка, односно Александра Илиевска замина на породилно отсуство, а од претходната сезона на нејзино место е водителката Сања Савеска. Неодамна, започнаа и снимањата на 7-та сезона на кулинарското шоу и тоа повторно со промени. Имено, тимот не се менува, Сања, шеф Марк и шеф Никола остануваат да бидат дел од „Брза кујна“, но во нивното студио имаат промени. Како што се пофалија на социјалните мрежи, тие новата сезона ја започнуваат со нови кујни во кои шефовите ќе приготвуваат разни јадења, специјалитети, ручеци. -Започнуваат снимањата за новата 7-ма сезона, а оваа сезона имаме нови кујни и многу изненадувања за натпреварувачите и за гледачите. Нашиот тим е непроменет , и понатаму со вас незаменливите шеф Марк и шеф Никола и Сања како водителка и домаќинка на најгледаното кулинарско шоу Брза Кујна Ве очекуваме“, пишува на социјалните мрежи. Какви специјалитети ќе подготват Марк и Никола, останува да видиме.

Повеќе на vistina.mk

Спас од горештините: Шеф Марк и неговата тазе сопруга ги полнат батериите на меден месец

Христина Ѓоргиевска — Tue, 06 Jul 2021 07:33:30 +0000

Секој работен ден на Сител телевизија имаме прилика да го гледаме кулинарското шоу „Брза кујна“. Шеф Марк неодамна заплови во брачните води со сега веќе неговата сопруга Василка Димовска. Доколку многумина мислеа дека Марк и Васила се во брак, тоа не беше така. Тие нивната љубов ja oфицијализираа на 20 јуни 2021 со потпис во матично и официјално станаа сопруг и сопруга. Двојката организираа семејна свадба со најблиските роднини и пријатели, која ја одржаа на едно од најелитните скопски гастромномско-вински локалитети, Камник. Марк и Василка се заколнаа на вечна љубов, а со свадбените фотографии готвачот се пофали на својот Фејсбук профил. За храната и гастрономското уживање на овој важен ден за шеф Марк се погрижи неговиот колега – шеф Никола. Марк и Василка уживаат во првите брачни денови, иако тоа можеби многу не менува бидејќи тие веќе живејаа заедно. Парот по склопувањето на бракот сега ужива во нивниот меден месец. Со оглед на тоа дека е лето, а попуштија и корона протоколите, Марк и Васика споија убаво и корисно, па заминаа на меден месец во Грција. Тие го искористија слободното време, но и жешките температури да се разладат и да ги наполнат батериите. Имено, готвачот на Фејсбук објави заедничко селфи со тазе сопругата како уживаат во базен, а покрај објавата додаде „полнење батерии“, „меден месец“.... Се надеваме дека двојката ги наполниле батериите, но и поуживале заедно во друштво еден на друг и се разладиле од летните горештини.

Повеќе на vistina.mk

Се ожени шеф Марк од „Брза кујна“: Со зурли и тапани и бакшиш на чело, семејна свадбена веселба на Камник ( ФОТО+ВИДЕО)

Антонио Димитриевски — Mon, 21 Jun 2021 08:31:03 +0000

Готвачкото ТВ шоу „брза кујна“ за кратко време стана едно од најпопуларните телевизиски емисии од ваков формат. Натпреварувачите секојдневно се менуваат, водителките повремено, ама главните ѕвезди останаа исти: Шеф Никола и шеф Марк! Двајцата врвни готвачи и забавувачи се неизоставен дел врз чија кулинарска умешност, вештина и знаење, ама и смисол за хумор и забава се темели шоуто, па затоа без било кој од нив нема ни добра храна, ни добра забава! И додека шеф Никола Мишковски пред две години ова време вплови во брачните води правејќи едноставна забава за најблиските, за шеф Марк де Јонг сите „знаеја“ дека е во брак“ со неговата македонска избраничка Василка Димовска... Арно ама, работите стоеле малку поинаку! Имено, иако има возрасни деца - син и ќерка кои живеат во Белгија, популарниот готвач и неговата понежна половина всушност само живееле заедно во вонбрачна заедница...Или како што кај нас народски се вели, во „див брак“! Токму затоа, шеф Марк и неговата Василка, викендов, 20 јуни 20221 година, решија и официјално да стапат во брак... Да ја озаконат својата врска, која всушност беше еден вид брак, кој само не беше официјализиран на хартија! Ковид протоколите за свадби иако попуштија, сепак шеф Марк и Василка се решија за „скромна“ семејна свадбена веселба со најблиските роднини и пријатели, која ја одржаа на едно од најелитните скопски гастромномско-вински локалитети, Камник. А свадба не е свадба без младоженец и невеста, па затоа младоженците се потрудија да не го „пропуштат моментот“: Тој во свечен костум со китка на реверот, таа во бела невестинска венчаница со бидермаерот в рака... Младоженците пред матичарот се заколнаа на вечна љубов, па првите секунди од ветувањето и официјалниот брак, како што е редот, ги зачинија со сочен свадбен бакнеж! Гостите малубројни, ама сепак весели, а музиката - традиционална, изворна, македонска... Зурли и тапани им свиреа на младите! Шеф Марк можеби не ги научил до крај чекорите на орото, ама затоа добро ги научил македонските адети, па качен на тапанот, ниту тој, ниту сватовите не ги испратија со празни раце свирачите. Илјадарки и евра бакшиш се делеа, а Бога ми и лепеа на чело на музичарите, чии звуци на нивните иснструменти му ја разубавија свадбената веселба на познатиот готвач и неговата невеста! На свадбата покрај останатите гости биле присутни и децата на шеф Марк, ќерката и синот Микел ( Мики) кој сподели и видео од свадбата на татко му! Се' на се', ако во „Брза кујна“ за подготовка на врвен специјалитет на шеф Марк му се потребни едвај 20 минути, одлуката за брак по македонски рецепт, очигледно ја “крчкаше“ подолго време! Како и да е, нека им е со среќа брачниот живот... и официјално! Фото и видео: Фејсбук принтскрин/Fancy Flower Boutique/Mickael De Jongh

Повеќе на vistina.mk

Сите го знаеме шеф Марк од „Брза кујна“, а вака изгледа неговата ќерка (фото)

Христина Ѓоргиевска — Sat, 21 Nov 2020 08:28:09 +0000

Секој работен ден имаме прилика да го гледаме кулинарското шоу „Брза кујна“ каде што врвните готвачи подготвуваат најразни специјалитети. Марк де Јонг има македонско потекло, но со години живеел во Брисел каде по големиот земјотрес во Скопје се преселило и неговото семејство. Марк де Јонг пред неколку години се преселил во Македонија за да го исполни аманетот од баба му која пред да почине го замолила барем еднаш да дојде и да ја види земјата од која потекнува неговата мајка. „Дојдов во Македонија зашто на баба ми и ветив дека еден ден ќе се вратам тука. Мајка ми остави овде дел од животот и не сака да се врати, татко ми, кој беше Белгиец, е починат, а јас мојата огромна љубов за Македонија им ја должам на моите баба и дедо. Благодарение на нив, израснав со приказните за Македонија и со мирисот на македонската храна. Баба ми Магда готвеше македонска храна и целата куќа мирисаше на лук, особено кога ми правеше летна манџа со пиперки и домати. Тој мирис е незаборавен за мене, исто како и вкусот кој моите непца се уште го паметат. Токму тоа сакав да го почувствувам пак кога дојдов овде. Го исполнив аманетот на баба ми, и не само што дојдов да ја посетам Македонија, туку имам намера и да останам овде. Ова го одлучив кога дојдов тука втор пат, тогаш заедно со син ми Мајкл со кој направивме мала турнеја низ Македонија, таа моја навистина чудесна земја. Ме маѓепса мене, а мислам дека нешто слично се случи и со мојот син, кој наскоро ќе ми се придружи. Тој тргна по моите стапки и со готвењето и ја засака оваа земја и животот во неа па во текот на овие три години доаѓа многу често. И тој, како и ќерка ми, се многу горди поради тоа што за кратко време станав препознатлив за луѓето кои постојано ми приоѓаат секаде кадешто одам, на пазар, на улица, во ресторан„..., раскажува Марк за Сител. Марк е во брак со Василка со која има две деца, односно син и ќерка. Тие не живеат во Македонија, но ја користат секоја прилика кога ќе можат да ги посетат родителите и да поминат некое време заедно. Децата на Марк од „Брза кујна“ живеат во Белгија, а Марк во една прилика изјави дека во неговиот ресторан во Белгија на луѓето им кажувал колку е горд на неговото македонско потекло. https://arhiva.vistina.com.mk/radio-mileva/site-go-znaeme-shef-mark-od-brza-kujna-a-vaka-izgleda-negoviot-sin-foto/

Повеќе на vistina.mk

Марк од „Брза кујна“ славеше роденден, ќе погодите ли колку години наполни?

Христина Ѓоргиевска — Thu, 27 Aug 2020 06:58:44 +0000

Поради коронавирусот веќе неколку месеци се на пауза снимањата на „Брза кујна“, но тоа не ги спречува шефовите Марк и Никола да подготвуваат разни специјалити во нивните кујни. Шеф Марк често на социјалните мрежи знае да покажа што подготвил и уште еднаш да ги покаже своите кулинарски вештини. Меѓутоа, деновиве Марк имаше убав повод за славење, па бројни честитки пристигнаа на негова адреса. Имено, тој го прослави својот роденден, а на „Фесјбук“ сподели дел и од роденденската атмосфера... Но тука е и роденденската торта, како и свеќичките на неа кои откриваат дека Марк наполни 52 години. Според верувањата, пред да се дувнат свеќичките славеникот треба да си замисли желба, а дали ова правило го исполнил Марк не знаеме, но сигурно си поминал убаво и роденденски. Останува да почекаме шефовите од „Брза кујна“ со полна енергија да се вратат на ТВ екраните и повторно да подготвуваат разни јадења кои можеби и вас ќе ве инспирираат и ќе се најдат на вашата трпеза.

Повеќе на vistina.mk