шарена револуција – Вистина.мк

Таа „шарена“, тој патриот: Уште еден доказ дека Игор Џамбазов и Илина Арсова се идеален „спој од неспоиво“? (ФОТО)

Антонио Димитриевски — Tue, 24 Nov 2020 08:39:51 +0000

За нив двајца и нивната љубов речиси секојдневно се пишува... Врска со нејасна „разврска“ како ќе заврши? Засега ниту со втор брак на актерот, ниту секој по своето џаде... И можеби подобро, зашто по се' изгледа Илина и Игор вака најдобро функционираат. Иако тотално различни во нив има нешто што ги прави „исти“, па многумина се обидуваат да им ја најдат точката на спој, на заеднички интерес, да им го најдат нивното НЗС, што би рекле некои прецизно математички гледано. Зашто, колку и да се спротивни по карактерот, определбата, професијата, сферата на интерес... сепак, мора да има нешто што ги привлекува, некој магнетизам кој „плусот и минусот“ ги „лепи“ едно за друго. Некоја „тајна врска“ што ги врзува како „сидро кое лаѓата ја чува, да не биде на бурата плен...“, што би рекол поетот Горан Бреговиќ, чиј кандидат за пејач на неговиот бенд своевремено и Џамбазов претендираше да биде... Или барем таква медиумска прашина се крена, кога пејачите го напуштаа „Бијело дугме“... Нејсе, барајќи им ја заедничката „точка на топење“, понекогаш и не мора да загребете длабоко под површината за нештата да бидат појасни... Доволно е да се почека едно мало ветре да дувне и да ја разнесе наталожената прашина, за поедини детеали да излезат самите на површина... Доволни за да ја откријат целата слика. А, кога сме веќе кај сликањето и уметноста воопшто, природно би рекле таа треба да биде врзана и вткаена во ДНК-то на Џамбазов. И е, ама од уметнички пориви не е пелцувана ниту неговата понежна (или посилна?) половина, Илина мома. Јавно новоизложеното ликовно дело на социјалните мрежи на силната планинарка, најдобро ја потврдува претпоставката, дека во секој „плус има и нешто минус“ и обратно. Имено, Џамбазов на Инстаграм сподели едно од уметничките дела на Арсова, која можеби малкумина се запознати, меѓу сето останато има уметничка дарба за сликање. Во уметничките дострели не сме компетентни да навлегуваме, но она што е познато, а и се гледа дека таа главната инспирација ја црпи од планинарството, природата, екологијата и секако - животот... Оној, другиот, урбаниот, општествениот..! Впрочем тоа и саматата го тврди, а го потврдуваат и нејзините уметнички дела, од кои некои, веќе биле изложени на домашни и меѓународни изложби. Ова што како последно го споделил Џамбаз на социјалните мрежи е токму такво - од животот... не е од природата, туку од општеството... Ова нашето, македонското... И она што му се случуваше пред неколку години „со наводна причина“, а денес истото го чувствуваме како сериозна последица... Тогашните протести против т.н. „режим“ и „Шарената револуција“ како лајт мотив, како инспирација за толку посакуваната „слобода“ која не „зароби“ во кафез со невидливи решетки, со и тоа како видливи последици... Сите нас, меѓу кои и мнозинството од оние што тогаш протестираа... Освен оние, што од тоа дебело профитираа. И вака гледано на прва, некој ќе си рече ова нема логика: Игор Џамбазов - Република Македонија, кој и тоа како покажал и докажал дека е голем патриот и во песна и низ стихови и на дело... во иделна, „неспоива спојка“ со „шарената“ Илина Арсова?! Но, тоа само така изгледа... Сепак има едно нешто, една допирна дочка, една тангента која го допира кругот кој се затвора токму таму, во таа точка која е најсилна и како „суперлепак“ го држи да не се скине... затоа и така функционира... Силно! Можеби затоа токму тие двајца тука и ја нашле својата толку посакувана „СЛОБОДА“ во животот... Онаков, каков што посакуваат да го живеат. Секој од нив слободен, а сепак заедно! Како кругот и тангентата... Секој бренд за себе, а сепак споени во една точка што силно ги врзува... Мала будалеста работа, наречена... ЉУБОВ!

Македонскиот народ го возврати предизвикот: Карлеуша ги поддржуваше „шарените“ протести, а народот сега вака побара „правда“ за неа! (ФОТО)

Антонио Димитриевски — Thu, 24 Jan 2019 10:52:12 +0000

Секс скандалот со прељубата и порно фотографиите на Јелена Карлеуша и босанскиот фудбалер Огњен Врањеш не стивнува. Секој нов ден излегува по некоја нова пикентарија од прељубничката афера на српската „скандал дама“, од која и медиумите, и народот помалку се презаситија, па наместо сериозно да ги сфаќаат новите детали, почнаа да прават шеги на сметка на „порно дивата“ на социјалните мрежи. Но, ако малку го вратиме времето наназад, само за некоја година, во 2015-тата за време на таканаречената „шарена револуција“ и борба на поддржувачите на сегашната власт за пад на таканаречениот некогашен „режим“ на Груевски, можете да најдете дека српската „мала од скандала“ тогаш јавно, преку свои пораки на Фејсбук и Твитер ги поддржа бунтот и „шарените“ во име на целиот Македонски народ со зборовите:

„Поддршка на Македонскиот народ! Ви посакувам мирно и достоинствено да се изборите за подобро утре, браќа!“ - напиша Карлеуша, при тоа заборавајќи дека Македонскиот народ не се само „шарените“, невладините и сега владините... А, Македонскиот народ подобро утре доби „мало сутра“ со катадневна „Камасутра“ - политичка секако, а оние што божем го уриваа „режимот“, станаа „режим наместо режимот“... или како што денес ги нарекуваат „хунта“!

Арно ама, Македонсакиот народ не е со кратко паметење, па дојде време да го „прифати предизвикот“ на фолк пејачката од пред некоја година и да и возврати со фотографија за „поддршка“... Па истата и ја испрати, преку социјалните мрежи, нудејќи доказ за „правда“ за Карлеуша!

„Хуманитарна“ политика: Дани во нов дизајн од стара облека… од „Шарената револуција“!

Антонио Димитриевски — Thu, 01 Feb 2018 08:13:28 +0000

„Мрдни со прст“ ја покренаа својата нова хуманитарна акција „Сите стоплени во зима“, во чии рамки се одржа завршната вечер - големата хуманитарна модна ревија во МКЦ - Скопје. На неа 15 македонски модни дизајнери ги претставија своите модни креации направени од стара облека.

Во улога намодели и манекен(к)и пак, се појавија личностите од јавниот живот во македонија кои доброволно го прифатија предизвикот. Идејата - повеќе од добра: старата износена зимска облека која повеќе не ја носиме да им се најде на луѓето од ранливите категории на кои таа им е најпотребна! „Акција за нов живот“ - како што самите ја нарекоа организаторите.

За нов живот, како што замислуваа организаторите или за нова политичка кампања, која некој се обиде да ја протне или во најмала рака да не потсети на своето не така далечно, (не) славно „шарено минато“? Имено, меѓу сите „ѕвезди од модели“ кои ги претставуваа креациите се најде и македонската поп-рок пејачка Дани Димитровска. Креацијата ќе ја оценуваат модните критичари, ама она што на прва паѓа в очи на неа, дека наместо хуманитарната порака што треба да ја носи, таа како да ја носи онаа другата... политичката! Моделот кој го носеше пејачката веројатно ќе стопли некого во зима, ама очигледно некој со дизајнот, случајно или намерно се обидел да ги „стопли и срцата“ на своите политички истомисленици, подметнувајќи политика и политички симболи и асоцијации на една одреден општествена групација и сето тоа под плаштот на хуманоста и модата.

Зашто од креацијата во која беше променета рокерката, ако е веќе стара облека во прашање, јасно се гледа дека некој истата ја носел за време на големите протести од времето на политичката криза, односно сквернавењето и уништувањето на институциите и културните добра за време на таканаречената „Шарена револуција“! Или дизајнерот можеби самиот отпосле ја исшарал? Па дури и да не е сето тоа така, посочениот модел несомнено многу наликува и асоцира на тоа, па акцијата наместо хуманитарен, добива политички колорит!

Можеби ова некому му годи и му оди во полза, па задоволно ги трие рацете, ама колку за потсетување... Со „шарените“ и нивното „шарено дивеење“ не се согласуваше повеќе од половина држава, а предизвиканата штета се брои во стотици илјади евра!

Затоа и е неумесно, уште помалку етички и морално, а најмалку хумано, воопшто политиката и нејзините симболи да се мешаат во хуманитарни цели. Особено ако само некому му одат во прилог, а останатите ги навредуваат! Ама очигледно, тешко ни оди... Затоа веќе следниот пат, пред да мрднеш со прст, прво стави го прстот на чело и добро размисли: Што тоа правиш и кому му служиш?!