[шакира – Вистина.мк

Шакира нема намера да се откаже од љубовта: Пејачката има ново момче?

Слаѓана Атанасова — Wed, 06 Mar 2024 10:50:02 +0000

Објавите на Шакира на социјалните мрежи се секогаш под лупа на јавноста, особено по раскинувањето со поранешниот фудбалер Пике Херардо. Помина повеќе од една година откако беше разочарана од емотивниот партнер, но изгледа дека колумбиската пејачка нема намера да се откаже од љубовта. Во текстовите објавени на нејзините социјални мрежи се навестува можна нова врска на Шакира: -Ветив дека никогаш повеќе нема да сакам, но изгледа дека си тука да ги залечиш раните што ги остави тој. Срцето ми беше заклучено со клучеви и катанец, но што да правам, премногу ми се допаѓаш – вели Шакира во својата нова песна. Сепак, за да дознаеме повеќе детали ќе треба да почекаме на 22 март, бидејќи тогаш ќе излезе нејзиниот нов албум. Фото: printskrin/instagram/shakira

Шакира доби статуа во родниот град: Статуата е висока 6,5 метри (фото)

Слаѓана Атанасова — Wed, 27 Dec 2023 13:10:31 +0000

Познатата колумбиска пејачка Шакира се пофали дека добила своја статуа во нејзиниот роден град Баранкила. „Ваков почит... Ова е премногу за моето мало срце“, напиша Шакира на објавата на Инстаграм. Нејзините родители го посетиле местото каде што се наоѓа статуата, а поводот бил уште поголем бидејќи мајката на Шакира, Нидија тој ден го прославувала својот роденден. - Среќна сум што можам да го споделам ова со моите родители и особено со мајка ми на нејзиниот роденден“, напиша пејачката. За време на откривањето на статуата, им се придружија градоначалникот и браќата и сестрите на Шакира.

View this post on Instagram

A post shared by Shakira (@shakira)

Статуата го прикажува препознатливиот стомачен танц на Шакира, во бикини и долго лелеаво здолниште. Пред статуата има и плоча со текст на шпански. Како што пишува, статуата е изработена од бронза и е висока шест и пол метри. На долниот раб на здолништето има набори кои ги симболизираат брановите на морето и реките. Статуата ја направи уметникот Вино Маркес со помош на студенти од уметничко училиште.

View this post on Instagram

A post shared by Shakira (@shakira)

„Срце што компонира, колкови што не лажат, неспоредлив талент, глас што ги движи масите и боси нозе што чекорат во корист на детството и хуманоста“, е реченицата што стои на врвот на плочата, пренесува Индекс. Фото: Printskrin/Instgaram/shakira

Шакира се спогоди со обвинителството и избегна тригодишна затворска казна (фото)

Слободанка Илиева — Tue, 21 Nov 2023 11:50:16 +0000

Пејачката Шакира се договори со обвинителите во понеделникот, избегнувајќи судење во Барселона под обвинение дека не платила 14,5 милиони евра данок на приход во Шпанија во периодот од 2012 до 2014 година. Како дел од спогодбата, таа го прифати обвинението и се согласила да плати 50 отсто од наводниот долг, што е околу 7,3 милиони евра. Се согласи и да плати парична казна од 438.000 евра за да избегне тригодишна затворска казна, рече судијата за време на сослушувањето. „Дали го прифаќате тоа и дали се согласувате со бараните казни?“, праша судијата Хозе Мануел дел Амо Санчез. „Да“, одговори Шакира, пренесуваат шпанските медиуми. „Спогодбата ја направив во интерес на моите деца. Не сакав тие да ја гледаат нивната мајка како си го жртвува здравјето во оваа борба“, изјави Шакира, која сега живее во Мајами. Облечена во розов костум, усогласен со розова чанта и очила за сонце, таа пристигна неколку минути пред 10 часот во придружба на своите адвокати, додека голем број медиуми чекаа пред судот во Барселона. Во четвртокот вечерта Шакира освои две музички награди Латино Греми во Севиља, град на југот на Шпанија. Претходно пејачката, позната по песната „Hips Don’t Lie“ (Колковите не лажат), најави борба против, како што рече, лажните обвинувања. Обвинителството побара затворска казна до осум години и враќање на даноците што тврди дека ги должи. Според обвинителството, Шакира поминува повеќе од половина од годината во Шпанија, па таму требало да плати данок. Исто така, се вели дека имотот во Барселона, кој го купила во мај 2012 година, служел како семеен дом. Во текот на годината, глобалната ѕвезда одржува бројни концерти низ светот, поминувајќи многу време во странство, а претходно во нејзината одбрана било наведено дека приходите ги заработува таму, како и многу светски уметници, а не во Барселона. Шакира живееше 11 години со поранешната фудбалска ѕвезда на Барселона и шпанската репрезентација Жерар Пике, а двојката има две деца. Пејачката, чие целосно име е Шакира Изабел Мебарак Рипол, по разделбата се пресели во Мајами. Шпанските даночни власти гонеа и други познати личности под обвинение за затајување данок, меѓу кои хрватскиот фудбалер на Реал Мадрид, Лука Модриќ, неговиот поранешен соиграч од Португалија, Кристијано Роналдо и најдобриот светски играч, Аргентинецот Лионел Меси, кој тогаш играше за Барселона. Обвинети за основање фиктивни компании во ткн „даночни раеви“ или земји со ниски даноци за да избегнат плаќање даноци во Шпанија, сите се изјаснија за виновни, го платија потребниот износ на даноците и платија казни. Поранешниот фудбалер на Реал Мадрид и сегашен тренер на Баер Леверкузен, Чаби Алонсо, пак, одби да се спогоди и на крајот на суд го доби спорот против шпанската даночна управа. Врховниот суд на Шпанија минатиот месец ја потврди ослободителната пресуда за него. фото:EPA/Getty Images

За Шакира почнува тешка судска битка: Обвинета e дека не платила 14,5 милиони евра данок

Слободанка Илиева — Mon, 20 Nov 2023 11:24:26 +0000

Шакира ќе оди на судење во Барселона под обвинение дека не платила 14,5 милиони евра шпански данок на доход во периодот од 2012 до 2014 година. Пејачката претходно најави дека ќе се бори против, како што рече, лажните обвинувања. Шакира тврди дека го платила она што даночната управа кажала дека го должи пред да ја поднесе тужбата и инсистира дека во тој период не живеела во Шпанија, бидејќи како што вели нејзината работа ја довела до „номадски живот“. Таа ја отфрли спогодбата на обвинителството за затворање на случајот и се очекува да сведочи во понеделник на првото од 12-те рочишта закажани до 14 декември. Обвинителството бара казна затвор до осум години за Шакира и враќање на даноците што таа наводно ги должи. Во обвинението се наведува дека Шакира престојувала во Шпанија повеќе од половина од секоја година за време на инкриминираниот период. Исто така, се нагласува дека имотот во Барселона, кој го купила во мај 2012 година, служел како нејзин семеен дом. Шакира живееше со поранешната фудбалска ѕвезда на Барселона и Шпанија, Жерар Пике години и парот има две деца. Пејачката, чие целосно име е Шакира Изабел Мебарак Рипол, по разделбата со поранешниот партнер се пресели во Мајами. На Шакира ќе и суди судијата Хозе Мануел дел Амо Санчез, а во текот на постапката ќе бидат слушнати повеќе од 100 сведоштва. Шпанските власти гонеа други познати личности за затајување данок, вклучувајќи фудбалери како Португалецот Кристијано Роналдо, Аргентинецот Лионел Меси и бразилско-шпанскиот играч Диего Коста. Во сите три случаи фудбалерите платиле големи казни. Сепак, шпанскиот Врховен суд минатиот месец ја потврди ослободителната пресуда за тренерот на Баер Леверкузен, Чаби Алонсо, кој исто така беше обвинет за затајување данок. Алонсо ја отфрли спогодбата и на крајот го доби судењето. фотоInstagram printscreen Shakira/nicolasgerardin

Шакира направи една поза од која инстантно стана мета на критики и потсмев (фото)

Слободанка Илиева — Fri, 17 Nov 2023 12:11:44 +0000

Колумбиската пејачка Шакира, по разводот со Жерар Пике, се посвети на својата музичка кариера и постигнува успех по успех. Годинава освои бројни награди, а сега покажа како се подготвува за Латино Греми наградите. Пејачката позираше во тесен, шарен комбинезон со танчерот Џереми Луго, кој и ја крена ногата високо над главата. „И така се протегаме до доделувањето на латино Греми“, напиша Шакира под објавата и ги покани следбениците да го следат споменатиот настан. Сепак, многумина ја исмејуваа пејачката што вака позира. „Она кога си сам и не сакаш ништо да кажеш, но ќе покажуваш јасни знаци“, „Ок, сега спушти ја ногата и завиткај ги панталоните“, „Што прави една изневерена жена“, „Сето ова е само за Пике да биде љубоморен. Сфаќаме“, следеа коментарите. Потсетуваме, Шакира и Пике раскинаа по 12 години врска во која добија два сина. Причина за нивната разделба е изневерувањето на Пике со младата асистентка Клара Чиа Марти. фото:Инстаграм принтскрин/Шакира

Шакира се уште му се одмаздува на Пике: Пејачката го понижи поранешниот на настап, а овој потег ќе го здоболи (фото)

Слободанка Илиева — Mon, 06 Nov 2023 11:14:16 +0000

Пејачката Шакира и фудбалерот Жерар Пике одлучија да се разделат минатата година по 12 години врска во која ги добија синовите Милан и Саша. Со текот на времето, се дозна дека главната причина за оваа одлука е неверството на Пике, а пејачката потоа се преселила во САД со своите синови. Шакира неодамна гостуваше на концертот на колумбискиот пејач Карлос Вивес, а по тој повод тие го изведоа својот дует „La Bicicleta“. Пејачката при изведувањето на оваа песна го сменила текстот за да не го спомене бившиот. Дел од текстот на оваа песна му оддава почит на паркот Тајрон лоциран во Санта Марта, родниот град на Вивес: „Ако еден ден го покажете Пике Тајрон, тогаш тој нема да сака да се врати во Барселона...“ Сепак, Шакира на концертот пеела: „Ако му го покажеш типот Тајрон еден ден, тој нема да сака да се врати во Барселона...“. Таа така на најдобар можен начин му се одмазди на бившиот. Таа му покажала дека веќе воопшто не е важен, пренесува Курир.рс фото:Profimedia

Шакира „гази“ се’ пред себе: Снимката од однесувањето на пејачката кога турка повозрасна жена стана вирална (видео)

Слободанка Илиева — Thu, 12 Oct 2023 12:29:00 +0000

На социјалните мрежи кружи снимка на која, без знаење на контекстот, може да се забележат неколку луѓе кои ја чекаат пејачката, а таа потоа се обидува да ги избегне. Неколку полицајци го опкружиле подрачјето за да се погрижат за безбедноста, но една постара жена успева да ѝ пријде поблиску на Шакира и ја снима со својот мобилен телефон. Тоа е моментот во кој се гледа како Шакира ја оттурнува од себе фаќајќи ја за раката, пред со насмевка да им пријде на другите обожаватели.

@miriamlasalvaje Que piensas ustedes la empuja o no? #shakira #asino #nosevale #video #viral #viralvideo #viraltiktok ♬ Shakira: Bzrp Music Sessions, Vol. 53 - Bizarrap & Shakira

Контроверзното видео кое кружи на ТикТок стана вирално и предизвика поделени реакции. Некои ја нарекуваат Колумбијката непристојна и бесчувстителна поради однесувањето, а на други не ѝ им било јасно зошто кон останатите се однесува љубезно додека ја оттурнала споменатата жена. фото:принтскрин Тик-Ток/Профимедиа

Шакира повторно на суд: Kолумбиската пејачка се соочува со сериозни обвинувања (фото)

Слаѓана Атанасова — Wed, 27 Sep 2023 07:34:44 +0000

Колумбиската пејачка Шакира се соочува со нови обвиненија. Шпанското обвинителство сега ја обвини за измама на државата од 6,7 милиони евра во 2018 година. Веќе се очекува да и се суди во Барселона во ноември поради случајот со неплаќање данок од 14,5 милиони евра за периодот од 2012 до 2014 година. Таа цело време ја негира вината, а во случај да биде осудена може да се соочи со 8 години затвор. Во новите обвиненија, обвинителот тврди дека пејачката не пријавила профит од 12,5 милиони долари во 2018 година како аванс за нејзината светска турнеја „Ел Дорадо“. Обвинителите тврдат дека таа престојувала во Шпанија и затоа била обврзана таму да плаќа даноци на нејзиниот приход, без оглед на тоа каде е заработен. Наместо тоа, таа, наводно, ги пренасочила парите кон „компании со седиште во земји со ниски даноци“. Шакира е обвинета и дека не платила 5,4 милиони евра данок на доход, а се проценува дека должи шест милиони откако ќе ги земе предвид пресметаните камати и доброволните плаќања. Таа е обвинета и за измама на државата од 773.600 евра данок на богатство, што резултирало со долг од 625.190 евра. Адвокатскиот тим на Шакира рече дека таа не добила никакво известување за новиот случај во Мајами, каде што сега е сместена. Фото: Принтскрин/Епа-Ефе

Болна исповед на Шакира: „Направив кобна грешка со него и тоа скапо ме чинеше“

Слободанка Илиева — Tue, 26 Sep 2023 10:09:06 +0000

Шакира мислеше дека таа и нејзиниот поранешен Жерар Пике ќе бидат среќни засекогаш заедно пред светот да почне да зборува за неверство. Пејачката на „Hips Don't Lie“ - која објави дека се разделува со фудбалерот во јуни 2022 година - искрено раскажа за раскинувањето на нивната 11-годишна врска за време на интервјуто за Билборд објавено во четвртокот. - Мојот приоритет беше домот, семејството. Верував во „додека смртта не не раздели“. Верував во тој сон, а тој сон го имав за себе, за моите деца, изјави таа за агенцијата. Шакира и Пике имаат два сина, Милан (10) и Саша (8). Колумбиската хитмејкерка додаде дека се надева дека ќе има вечна љубов слична на нејзините родители, кои се заедно 50 години. - Се сакаат како првиот ден, со љубов која е единствена и неповторлива. Значи знам дека е можно. И тоа отсекогаш ми бил пример. Тоа го сакав за себе и за моите деца, но тоа не се случи. Размислувајќи за нејзината поранешна романса со Пике, 46-годишната пејачка призна дека морала да ја запре својата музичка кариера додека живеела со поранешниот во Шпанија. - Работата е што му бев посветена. На семејството, на него. Ми беше многу тешко да ја продолжам мојата професионална кариера додека бев во Барселона, рече таа. - Не можев да ги оставам децата и да одам некаде да правам музика надвор од мојата куќа. Беше тешко да се задржи ритамот, додаде Шакира. Но, откако се врати во Мајами во мај, пејачката е во студио и снима нова музика и планира да оди на турнеја во 2024 година. Вниманието на медиумите падна на децата. Што се однесува до нејзините две деца, добитничката на Греми откри дека тие напредувале далеку од центарот на вниманието откако неодамна се преселиле во САД. - Медиумската ситуација им беше тешка во Барселона. Имавме папараци на нашиот праг секој ден. Тие се тука како и сите нормални деца кои уживаат да бидат нормални, што треба да биде училиштето: безбедно засолниште каде што можат да бидат самите. Шакира и Пике (36) ја потврдија разделбата во заедничка изјава минатата година. „Page Six“ подоцна објави дека музичката суперѕвезда била „уништена“ од наводното неверство на фудбалерот со неговата сега веќе девојка, Клара Чиа Марти. Шакира наводно открила дека нејзиниот поранешен имала афера кога сфатила дека нејзиниот џем го нема од нивниот фрижидер. Слободната Шакира оттогаш поттикна гласини за врска со други познати спортисти поради новата врска на Пике со 24-годишната манекенка. Во јули, таа беше забележана како ужива на вечера со играчот на Мајами Хит, Џими Батлер во Лондон. Пејачката претходно беше поврзувана со Формула 1 возачот Луис Хамилтон, откако беа видени како поминуваат време заедно во Мајами и Барселона. фото:Tanjug/AP/Profimedia/Instagram printskrin

Шакира на мирува: По разделбата со Пике ја поврзуваа со Хамилтон, но таа го улови бившиот на Џеј Ло (фото)

Слободанка Илиева — Mon, 14 Aug 2023 11:30:59 +0000

Пејачката Шакира е главна тема на таблоидите последните неколку недели. Прво се пишуваше дека е во врска со Формула 1 возачот Луис Хамилтон, а сега фрли око на раперот. Шакира и Дрејк се фотографирани како заминуваат од приватна забава заедно во Лос Анџелес околу 4:30 часот наутро. Извори од местото на настанот наведуваат дека тие флертувале и дека канадскиот рапер е новото момче на пејачката. А каде е Луис Хамилтон во целата приказна? Шакира и еден од најдобрите возачи во историјата на Формула 1 летово беа фотографирани како поминуваат време на јахта, а беа заедно за време на Големата награда на Британија. Меѓутоа, медиумите сега пренесуваат дека меѓу нив не се случува ништо повеќе од „убаво пријателство“. Да потсетиме, Шакира минатата година објави дека се разведува од Жерар Пике, а парот моментално се бори за старателството над синовите Милан и Саша. фото:Профимедиа