шафран – Вистина.мк

Кремасто рижото миланезе: Брзо и вкусно јадење, идеално за лесен ручек

Слободанка Илиева — Mon, 20 Feb 2023 12:39:42 +0000

Рижото со шафран (Risotto alla Milanese) е веројатно еден од најпопуларните рецепти за рижото. Кремасто и вкусно, спаѓа во едно од традиционалните италијански јадења. Состојки: 600 мл пилешка супа 15 прамени шафран 4 лажици путер 2 супени лажици маслиново масло 2 чаши ориз половина чаша бело вино 1 кромид 50 гр пармезан сирење Подготовка: Додадете шафран во половина чаша топла супа и оставете го настрана. Остатокот од супата одржувајте ја топла на ниска температура. Во длабока тава пропржете го кромидот во две лажици путер и маслиново масло додека не стане проѕирен. Додадете го оризот во тавата и сè добро измешајте, а потоа истурете го виното и варете додека не испари целата течност. Додадете ја супата од шафран и сè варете околу две минути со постојано мешање. Постепено додајте го остатокот од супата и варете додека оризот не омекне, но внимавајте да не се превари, околу 15 минути. Тргнете ја тавата од оган, додајте ги преостанатите две лажици путер и пармезан и послужете додека е уште топло. извор:курир.мк

Моќен антидепресив од природата: Овој зачин секој треба да го има во својата кујна

Слободанка Илиева — Wed, 19 Feb 2020 13:00:49 +0000

Некогаш, во древните времиња шафранот се користел како лек против депресија и на многумина им помогнал да се справат со неа. Денес шафранот се употребува за медицински цели и за подобрување на циркулација, лечење срцеви болести и подобрување на работата на крвните садови, како превенција за подобрување на циркулацијата, лечење кожни болести.... Оваа древна лековита билка која важи за еден од најскапите зачини на светот уште ја нарекуваат и “кралица на зачините“. Цветот од шафранот има многу лековити антиоксиданси, пигменти и алкалоиди кои допринесуваат во неговата лековитост. Шафранот најчесто се користи за подготвување слатки и јадења од ориз. Во Италија со него го зачинуваат рижотото, а Шпанците го збогатуваат вкусот на нивната традиционална кујна. 100 грама шафран содржи: - 310 калории; - 5.85 масти; - 65.37 јаглени хидрати; - 80.80 витамин Ц; - 3.90 растителни влакна; - 11.10 железо; - 264 магнезиум. извор:точка.ком.мк

Шафран – „Знам дека ти се допаѓам” (ВИДЕО)

Антонио Димитриевски — Wed, 02 May 2018 11:10:33 +0000

„Шафран“ е името на новиот македонски електронски бенд, кој создава модерна електронска поп музика . Основачи се Тони Стефковски и Кирил Трајковски, а кои се обидуваат да го достигнат врвот на ваквиот тип на музика која се изведува во клубовите ширум земјата и светот. Почетокот на овој проект започна летото 2017 година кога е снимена првата песна на „Шафран“ со наслов „Знам дека ти се допаѓам”. За музиката и аранжманот е задолжен Тони Стевковски, а за текстот и изведбата актерот Кирил Трајковски - Максим. Придружните вокали ги пее Јанка Лефкова, снимател бил Димитар Маневски, додека мастероингот го направил Ричард Адисон. Визуелизацијата е на Иван Ѓорѓиевски, а песната е пуштена и се врти на радио станиците низ Македонија. https://www.youtube.com/watch?v=sJV-Jn_ddtU