сергеј варошлија – Вистина.мк

„Скраја било“: Димитар Атанасовски со реакција на критиката од Сергеј Варошлија по танчарската изведба со Марјана на „Макфест 2023“ (фото)

Слаѓана Атанасова — Wed, 25 Oct 2023 10:35:33 +0000

На 38-то издание на фестивалот на забавни мелодии „Макфест 2023“ водители беа добро познатите за македонската јавност Марјана Станојковска и Димитар Атанасовски. Тие пред публиката својата макфестовска фестивалска вечер ја започнаа со хип-хоп танц.... Како некогаш... Во „Танцот на ѕвездите“. Арно ама, со тоа го потикнаа „модниот ТВ гуру“ Сергеј Варошлија да ја коментира нивната изведба... И тоа со негативен коментар. Па така на кратките Инстаграм приказни, Димитар ја сподели критиката на Варошлија кој за изведбата на танцот на Димитар и Марјана им напиша: „ЈК и Терор Теса во обид, хахаха“ - тагнувајќи ги двајцата макфестовски водители. Потоа следуваше уште еден коментар со кој го кажа неговото мислење: „Не,тие несвесно вака се замислиле ... ама им испадна во реализација поинаку“ - не додржал да не се дообјасни Сергеј. На ова не остана имун ниту Димитар Атанасовски, кој веднаш му возврати, одговарајќи му со негов контра коментар, со кој се огради дека таа констатација баш и „не држи вода“. -„Скраја било да сме се замислиле како оваа пластичнава“ - беше неговата реакција со која потврди дека се оградува од сличноста, па макр и случајна со Карлеуша. По ова Варошлија на кратките приказни на Инстаграм кажа дека ова сепак е критика, а не хејт и потврди дека и со Димитар и со Марјана се во добри односи , па никого не налути со оваа негова реакција. Фото: Принтскрин/Инстаграм/Димитар А./С.Варошлија

Старите пајташи се’ уште се во блиски релации, па Сергеј Варошлија му даде поддршка на Боки13-ка: „Мачот требаше на време да заигра“! (ФОТО)

Антонио Димитриевски — Thu, 31 Mar 2022 08:40:55 +0000

Бојан Јовановски, познат како Боки 13 во пресрет на пресудата за делата кои му се товарат од страна обвинителството за таканаречениот случај „Меѓународен сојуз“, ја издржува својата казна за случајот „Рекет“ во затворот „Идризово“, но изнендувачки и повторно е активен на социјалните мрежи. Поточно, тој се врати на Инстаграм и тоа преку својот администратор на неговата страница, на која почна со серија обраќања во јавноста да ја раскажува својата страна на приказната. Неговата „вистина“ до душа, многу поразлична од онаа официјалната, ги содржи оние работи за кои Боки 13 ја отвори душата, анализирајќи каде згрешил, кому му прогледувал низ прсти, а не требало, кому слепо му верувал, кој се' му глумел близок пријател, а тоа не му бил, кои вистински го почитувале, а кои само го искористувале и „цицале“! Удри по некои најблиски довчерашни пријатели, соработници, партнери... кои откако го притворија, осудија и затворија, го избришле од листата на живите. Како и по оние, според него – најодвратните, што најполтронски му се лигушеле, а сега му се насладувале на неговата ситуација! Во второто продолжение од неговото писание, на удар се најдоа некои од најблиските негови соработници и челници во фамозната „1ТВ“, со кои Боки13 како што самиот напиша, ја сечел црвената лента на отоврањето на телевизијата, а подобро раката да си ја исечел! Но Бојан Јовановски во една од објавите не пропуштил и од се срце и душа да им се заблагодари и на оние малкумина кои ја покажале човечноста најмногу кога треба, кои останале луѓе и биле со него и во неговите најтешки моменти, кои се’ уште траат! Она што се знае од порано е дека македонскиот моден гуру Сргеј Варошлија и Боки 13-ка беа блиски пријатели, што би рекол народот, нераздвојни како „га. и гаќи“! Кога „газдата“ на „1ТВ“ „падна“, на модниот гуру „му пукна душата“. Го снема, се повлече, долго молчеше... Се појави година и нешто подоцна, откако нештата горе-долу слегнаа и веќе беа многу нешта познати. Ја продолжи својата модна мисија со истата емисија, само на друга фреквенција... Или поточно на Интернет. Она што е евидентно и забележливо во најновите објави на Боки 13, а и на самиот Сергеј е дека старите пајташи се' уште се во блиски релации! По се' изгледа дека Сергеј Варошлија останал еден од оние малкумина, како што самиот Јовановски вели, што можат да се избројат на прсти, што му останале вистински пријатели! Токму затоа Сергеј во своето Инстаграм стори му даде поддршка на Боки 13 за неговите најнови објави на Инстаграм, во кои тој ги прозива посочените личности, некогаш нему блиски, кои денес за него се користољубиви предавници. „Мачот требаше на време да заигра“! - напишал Сергеј Варошлија во Инстаграм стори видеото кое го споделил, јасно асоцирајќи што тоа требало неговиот компањон да стори, кога да пресече, кого се' „да исече“ пред да се случат сите афери. „Требаше“ - кусо му потврдил Боки 13 во својот одговор на истото видео ое и тој го споделил, согласувајќи се со проценката, откако си ја увидел грешката! Дали е во право или само „криво суди“, останува времето да покаже... Ако воопшто покаже, зашто евидентно е дека секој има „своја верзија“ на вистината! Фото: Инстаграм принтскрин/boki13official/

После оваа „модна анализа“ на фолкерката Марија Луиса на Сергеј нема да му биде баш океј: Дали на Варошлија, Марија дефинитивно „ќе му ја пукне душата?“ (ВИДЕО)“ (ВИДЕО)

Антонио Димитриевски — Thu, 13 Jan 2022 09:20:24 +0000

Сегеј Варошлија, македонскиот моден гуру, познат по своите емисии, телевизиски и интернет настапи, каде ги прави „салата“ познатите јавни фаци, ги „черечи“ помалку познатите, а безмилосно ги „касапи“ тоталните анонимуси... Се разбира, кога се нивниот имиџ, изглед, фризурата, шминката, модните комбинации, облеката, обувките, накитот и аксесоарите во прашање... Сергеј е тука вистински „џелат“ на модниот вкус и трендовите, кој ем ќе им ја стави јамката околу врат, а потоа ќе им го шутне столчето оставајќи ги без право на избор, така „обесени да висат“ во неговата рубрика „Модни катастрофи“! Како голем мераклија да ги „соголи од раменици до петици“ јавните фаци, не само што го анализира и коментира нивното модно промашување, туку неретко и го имитира нивното однесување. Кого „вистината го боцка, погаѓа и боли“… Е, тоа е веќе прашање на „лично доживување“ и лична перцепција на „модната концепција“ на македонскиот „фешн џелат“! Арно ама, нели „и над попот имам поп“, па така и над секој „џелат има џелат“, велат... Па, така и над овој нашиов, модниов. На македонската фолк пејачка Марија Луиса Тодоровска, наместо душата и „пукна филмот“, па реши самата да ја превземе модната (те)палка в раце. Така Марија Луиса на модниот гуру самата му направи „модна анализа“! По ова што му го приреди пејачката, на СерГеј баш и нема да му биде океј...?! Дали на Варошлија, Марија дефинитивно „ќе му ја пукне душата“...? Самите проценете, откако нејзината видео „модна анализа“ ќе ја погледнете и преслушате:

View this post on Instagram

A post shared by Marija Luisa (@luisa.todorovska)

Фото: Инстаграм принтскрин/luisa.todorovska/varoshlijasergej

Сегеј Варошлија одново тргна на познатите да им ја „пукне душата“: Во „Модна катастрофа“ овој пат под опсервација беше Јелена Спенџарска (ВИДЕО)

Антонио Димитриевски — Mon, 29 Nov 2021 10:27:23 +0000

Уште во првите денови од оваа 2021-ва година Вистина.ком.мк го најави неговото враќање на ТВ екраните, откако по падот на неговиот најдобар другар Боки 13-ка и целата 1 ТВ империја, Сегеј Варошлија како во земја да пропадна. До душа на ова му кумуваше и корона пандемијата, изолацијата, полицискиот час, рестрикциите и забрани на движење… но Варошлија сепак не се откажа од својата емисија. [embed]https://arhiva.vistina.com.mk/sergej-varoshlija-konechno-se-pojavi-vo-javnosta-modniot-guru-se-vrakja-na-tv-ekranite-foto/[/embed] Требаше да минат повеќе од десет месеци за ексцентричниот македонски „фешен гуру“ одново да почне да јава во ТВ етерот. Или поточно, овој пат низ Интернет просторот. Неговото „Студио мода“ наместо на некоја нова телевизија, нова ТВ фреквенција, однеодамна се појави во нова форма и со ново име на Интернет, на неговиот Јутјуб канал, чие емитување го презема интернет телевизијата, односно Jingle TV каналот. Сергеј Варошлија се врати во етерот, па модниот гуру по ТВ сушата на многумина одново ќе им ја „пукне душата“… Впрочем веќе почна, зашто концептот не е нималку променет, се’ уште е оној стариот познат, по неговиот веќе виден и проверен терк: Или си топ или си фејк! Во најновата епизода за она што е кич и демоде, а што по најнова мода, во како што самиот вели, најзабавната рубрика за неговата публика - „Модни катстрофи“, на тапет одново изгледот и имиџот една јавна личност, позната ТВ водителка. Сергеј Варошлија како голем ќефлија да ги „соголи од раменици до петици“ јавните фаци, овој пат не само што ја анализираше и коментираше туку и ја имитираше Јелена Спенџарска. Во која поза „фучи“, а која и е досадна, што тоа јавнала, а на што седнала, што и е дрпнато, а што добро, што е природно, а што фотошопирано... Сергеј „и го спакува“ онака смирено и префинето. Секоја фотографија и поза на Спенџарска зачинета со коментар и имитација на постоечката ситуација од „модниот експерт“. Онака како што само „великиот гуру на македонската мода“ знае и умее некого да пофали или исмее, да го воздигне или закопа... Е сега, друга работа кому по неговите коментари и имитации ќе му се радува, а кому ќе му пукне душата? Може кој што сака да мисли за него, но едно е сигурно: Сергеј Варошлија е одличен познавач на модата, модните трендови и збиднувања во светот, а од друга страна тоа умее на забавен, оригинален и себесвојствен начин да и го пренесе на публиката. Ако некого „вистината го боцка, погаѓа и боли“… Е, тоа е веќе прашање на „лично доживување“ и лична перцепција на нештата, во кои Сергеј не веруваме дека имал „нешто лично“ против оние чиј изглед и имиџ го коментира, иако рака на срце, понекогаш знае и да претера! Дали Сергеј беше „сурово реален“ или малку повеќе „отровен“ кон Јелена Спенџарска во оваа епизода од неговите „Модни „катастрофи“, за да немате сомнение, самите проценете откако ќе го погледнете видеото во продолжение:

Сергеј Варошлија се врати во етерот: Модниот гуру по ТВ сушата на многумина одново ќе им ја „пукне душата“ (ФОТО+ВИДЕО)

Антонио Димитриевски — Thu, 15 Jul 2021 07:25:05 +0000

Уште во првите денови од оваа 20210ва година Вистина.ком.мк го најави неговото враќање на ТВ екраните, откако по падот на неговиот најдобар другар Боки 13-ка и целата 1 ТВ империја, Сегеј Варошлија како во земја да пропадна. До душа на ова му кумуваше и корона пандемијата, изолацијата, полицискиот час, рестрикциите и забрани на движење…, но модниот гуру престана и да споделува свои фотографии и статуси на социјалните мрежи, неговите профили останаа речиси „замрзнати“… Се до неодамна. Сергеј Варошлија конечно се појави во јавноста: Модниот гуру се враќа на ТВ екраните? (ФОТО) – Вистина.мк (vistina.com.mk) А кога веќе се врати на социјалните мрежи како да беше јасно дека наскоро ќе се врати и во етерот. Се зборуваше за „преселба“ на неговото „Студио мода“ на една нова телевизија, нова ТВ фреквенција, до која сепак не дојде, зашто од големите „оф д рекорд најави“ ништо не се случи... Се до скоро, кога деновиве токму на социјалните мрежи осамнаа најавите, а потоа и тргна да се емитува неговото „модно студио“ одново. Неговата „фешн екселенција“, модниот гуру сега „жари и пали“ како во најдобрите денови, само на нова фреквенција... Или поточно на нова телевизија, но овој пат на Интернет. Имено, од скоро на скопската Jingle TV модното шоу со Сергеј одново се емитува! Сергеј Варошлија се врати во етерот, па модниот гуру по ТВ сушата на многумина одново ќе им ја „пукне душата“... Впрочем веќе почна, зашто концептот не е нималку променет, се' уште е оној стариот познат, по неговиот веќе виден и проверен терк: Или си топ или си фејк! Може кој што сака да мисли за него, но едно е сигурно: Сергеј Варошлија е одличен познавач на модата, модните трендови и збиднувања во светот, а од друга страна тоа умее на забавен, оригинален и себесвојствен начин да и го пренесе на телевизиската публика. Тоа што некого „вистината го погаѓа и боли“… е веќе прашање на „лично доживување“ и лична перцепција на нештата, во кои Сергеј не веруваме дека имал „нешто лично“ против оние чиј изглед и имиџ го коментира, иако рака на срце, понекогаш знае и да претера! Ако ви недостасуваше, еве ви го назад, со „штиклата“ и мечот... Кој ќе биде пофален, а кој набоден, тое е веќе прашање на процена во секоја нова ТВ епизода на „великиот гуру на македонската мода“... која отприлика изгледеа вака: Фото: Инстаграм и Фејсбук принтскрин/varoshlijasergej/@jingletv.mk TV Channel

Безвремена убавина: Маја Гроздановска – Панчева се препушти во рацете на Сергеј Варошлија, а резултатот воодушеви многумина (фото)

Слободанка Илиева — Fri, 21 May 2021 06:40:14 +0000

Таа важи за една од најубавите Македонки, а и една меѓу најзгодните пејачки на македонското естрадно небо. Маја Гроздановска –Панчева иако одамна не е активна со својта музичка кариера, никогаш не ја оставила музиката, настапите во Кафе 9-ка и секако во Македонската опера и балет. Музиката е нејзиниот живот, но со текот на годините се поретко ја гледаме и е присутна во медиумите, освен кога почесто има можаност да се појави заедно со нејзиниот сопруг, познатата фудбалска легенда Дарко Панчев. Овој месец мај, Маја ќе слави роденден и длабоко ќе навлезе во петтата животна деценија, но на таква жена, со таков изглед, тешко кој би и ги дал годините што ги има. Маја не така често е активна на социјалните мрежи, но понекогаш знае да се пофали со своите две прекрасни ќерки Надица и Марија. Овој пат вниманието го насочи на себе... Имено, Маја сподели фотографии каде е во друштво на стилистот и нејзин долгогодишен пријател Сергеј Варошлија во чии раце се препуштила за шминка и фризура.

View this post on Instagram

A post shared by Maja Grozdanovska Pancheva (@grozdanovskapancheva)

Нејзината кристална и безвремеснска убавина воодушеви многумина, па собра безброј ласкави коментари од следбениците и пријателите. Описот на фотографиите беше дека се подготвува за снимање, со што очигледно наскоро ќе ја видиме во некој видео формат. Поздрави имаше и за Сергеј кој откако заврши неговиот телевизиски ангажман поратко го има во јавност, но кога е неговата примарна работа во прашање, очигледно не се откажал бидејќи има доста дами кои безрезервно му веруваат на креативноста и вештините.

Сергеј Варошлија конечно се појави во јавноста: Модниот гуру се враќа на ТВ екраните? (ФОТО)

Антонио Димитриевски — Fri, 08 Jan 2021 08:34:46 +0000

Со „падот“ на Боки 13 и распадот на 1ТВ империјата, по аферата „Рекет“ која со месеци ја тресеше македонската и регионалната јавност, човекот кој ја имаше најгледаната неполитичка емисија на телевизијата, Сергеј Варошлија како да „пропадна во земја“. Разбирливо, не само што преку ноќ „исчезна“ од ТВ екраните, туку исчезна и од очите на јавноста. Престана да се појавува на вообичаените места, на што до душа му кумуваше и корона пандемијата, изолацијата, п0лицискиот час, рестрикциите и забрани на движење..., престана да споделува свои фотографии и статуси на социјалните мрежи, неговите профили останаа речиси „замрзнати“... https://arhiva.vistina.com.mk/radio-mileva/site-znaat-kade-e-boki-13-ama-znae-li-nekoj-kade-mu-e-najverniot-drugar-kade-ischezna-sergej-varoshlija-foto/ Многумина од чиста љубопитност се прашуваа каде тоа „испари“ модниот гуру, чија телевизиска вештина и умеење им недостасуваше, зашто може кој што сака да мисли за него, но едно е сигурно: Сергеј Варошлија е одличен познавач на модата, модните трендови и збиднувања во светот, а од друга страна тоа умее(ше) на забавен, оригинален и себесвојствен начин да и го пренесе на телевизиската публика. Тоа што некого „вистината го погаѓа и боли“... е веќе прашање на „лично доживување“ и лична перцепција на нештата, во кои Сергеј не веруваме дека имал „нешто лично“ против оние чиј изглед и имиџ го коментираше иако рака на срце, знаеше понекогаш и да претера! Како и да е, со гасењето на „1ТВ“ , „згасна“ и неговото модно ТВ шоу, заради што веројатно и нему ќе му „пукнеше душата“, но и на мнозинството ТВ гледачи, зашто, многумина потоа се согласија дека модниот гуру недостасува во ТВ етерот. За Боки 13 потоа, откако почна да се одмотува клопчето, стануваше помалку или повеќе познато, но од неговото најверно другарче, ниту трага ниту глас? Можеби само најблиските од „затворениот круг“ знаеја каде е Варошлија, дали осамен тагува или некаде скриен молчи во страв да не тропнат и на неговата врата? Теории на заговор по разни основи имало и секогаш ќе има, но едно е сигурно: Помина долго време откако пошироката јавност повторно не го здогледа ликот на модниот гуру. Овој пат одново на социјалните мрежи. Имено, Сергеј сподели неколку, најпрвин новогодишни фотографии од скопските улици, на кои се гледа дека модниот гуру е „жив и здрав“ и ништо не му недостасува... Не барем физички. Неколку дена подоцна уште една мини серија најнови, фотографии. Малку сам на масата, малку во женско друштво, покрај згодната русокоса пријателка Маја, позната македонска манекенка и модел, некогашна девојка на еден наш познат театарски режисер. Сепак во нивно друштво секако бил уште некој, зашто тој некој очигледно морал да ја направи фотографијата. Можеби претпоставувавте за кого се работи, а можеби и не? И ништо чудно и необично во сето ова, доколку враќањето во јавноста на Варошлија не се поклопува со приказните кои последниве месеци наголемо кружат по новинарско-естрадните кулоари и кругови, дека наскоро во етерот треба да тргне нова телевизија. И тоа ни помалку, ни повеќе од истото место каде што заврши „1 ТВ“ - студиото на „Томато продукција“!? Телевизијата е неофицијално е во сопственост на еден македонски бизнисмен кој се занимава со „Ај-ти“ бизнис и програмирање, а се говори дека нејзиното име ќе биде „М2 ТВ“! Покрај политичките програми на неа ќе има и емсиии и шоуа од забавен карактер, меѓу кои „се шпекулира“ дека ќе биде и постоечкото или шоу со нов формат на Сергеј Варошлија!? Значи ли тоа дека модниот гуру се враќа на ТВ екраните, а споделувањето на нови фотографии е само „загревање на јавноста“ за повторно навикнување на ликот на Варошлија? Ќе му „пукне ли некому душата“ и дали Сергеј навистина одново ќе има можност „да им ја пукне на другите“ со своите довитливи, остри и бритки, издржани и дрски коментари или ќе гледаме нешто сосема друго, некое поинакво издание на модниот гуру, останува да почекаме? А можеби сето тоа се само „празни музбети“ кои чаршијата ги плете во недостаток на забава и задкулисни естрадни „дешавки“? Сепак, не ја исклучувајте можноста да се запрашате дали се' уште важи онаа старата поговорка: „Каде што има чад, има ли и оган“? Останува да почекаме да видиме, дали набрзо ќе почне и... „да гори“!? Фото:Инстаграм принтскрин

Сите знаат каде е Боки 13, ама знае ли некој каде му е најверниот другар: Каде исчезна Сергеј Варошлија? (ФОТО)

Антонио Димитриевски — Sat, 12 Dec 2020 07:33:31 +0000

Се знаат оддамна, ама последниве година ипол -две, беа неразделни. Како грнче и капаче, како петок и сабота... Беа како како „г*з и гаќи“ што би рекол народот, како браќа... До душа „топли“ - тврдат некои, ама тоа е нивна лична работа. Аферата „Рекет“ што ја стресе земјава ги раздвои, а нивната дружба ја оневозможена на „неодредено“ време.

За Боки 13 сите знаат каде се наоѓа во моментов, но знае ли некој каде е неговиот моден ангел чувар, Сергеј Варошлија? Емисијата на „модниот гуру“ му заврши пред аферата „Рекет“ и да почне, па уште оттогаш не го гледаме на ТВ екраните. Потоа, видовме дека дружбата со Боки 13 тече по постираните фотографии и видеа од разни локации, воглавно по Грција и грчките плажи.

Но, откако Боки 13 „падна“, Сергеј исчезна! И тоа преку ноќ! До душа во моментот на лишување од слобода на „Тредичи“ на граничниот премин Богородица, Сергеј не бил со него во џипот, со кој Боки и двочлената женска придружба тргнале на грчкиот остров Миконос. Тоа ги подгрева теориите дека „другарчињата“ уште претходно ја „спукале“, како што тврдат поединци, иако оваа теза не е ниту докажана, ниту потврдена!

Други пак велат дека Сергеј толку се потресол и исплашил, што бил на работ „да му пукне душата“... Што по другарчето, што заради себе, па решил едноставно да исчезне на некое време од јавниот живот и тоа се' уште трае...

„1ТВ“ оддамна „испуши душа“, а телевизијата повеќе не е ниту во сопственост на старите сопственици или барем на оние, што така се преставуваа и „оди на добош“. Порталот на 1ТВ е се' уште активен, ама само фиктивно... И таму Сергеј оддамна го нема!

Како што преку ноќ го снема и од социјалните мрежи, па неговите профили на Фејсбук и Инстаграм останаа „замрзнати“ речиси без нови објави!

Нема нови постови, фотографии, коментари... Нема ништо освен временска празнина!

На местата каде што обично можел претходно да се забележи повеќе не се појавува, на јавни собири уште помалку, зашто сега и ги нема, па сето тоа наведува на уште една помисла: Каде е, дали и зошто воопшто се крие „модниот гуру“?

Има ли нешто што само Варошлија го знае или едноставно не можејќи да го поднесе „распадот на империјата“, самиот се повлече во илегала... За да „не му пукне душата“!

Форто: Инстаграм и Фејсбук принтскрин

Му пукна душата по Боки 13: Сергеј со утешителна роденденска порака – „Сè проаѓа“

Слободанка Илиева — Tue, 20 Aug 2019 07:15:27 +0000

Боки 13 вчера наполни 33 години, а роденденот наместо со луксузна забава како некогаш, го дочека во затвор. Неговиот пријател, модниот критичар Сергеј Варошлија кој остана без својата емисија „Мода“, а и без својот газда и другар, за првпат по аферата „Рекет“ и апсењето на Боки, се огласи на социјалните мрежи, а поводот беше роденденот и тоа колку му недостига.

Неговиот статус кој осамна на Инстаграм и Фејсбук беше преполн со излив на емоции, разочарување, тага... -Да сакаш на другар да му честиташ роденден, а тој да не може да ја прими искрената честитка... Можете да го нарекувате како сакате, со секакви надимаци и описни зборови, но за мене бил и ќе остане само едно име – Бојан, кое асоцира на другарство, пријателство, едно од оние ретките, едно од оние малкуте кои јас, и сите ние ги имаме во животот, едно од оние кои се бројат на една рака! Еден од ретките кои искрено се грижеше, бореше и интересираше за сите, а „сите“ наоколу ретко, а уште помалку искрено се грижеа или бореа за него, зошто повеќе ги интересираше што, како зошто... заслепени од тие „прашања“ не можеа да ја видат неговата суштина и човечност пред се! Но не за џабе викаат „човек на човек му е огледало!“ Среќен роденден драг мој Бојан! Како вика онаа народната „се проаѓа“ битно да си ми жив и здрав! П.с благодарам на малкуте пријатели што ми се јавија – пишаа во овој период, вие знаете кои сте! На овој пост нема да толерирам негативни коментари на мојот профил!, заврши Сергеј во своето обраќање. Сепак, коментарите кои Сергеј не ги посакуваше, беше невозможно да не се појават и да не му ја „пукнат душата“!

Јелена Спенџарска беше единствена која ги послуша модните совети на Варошлија, а сега донесе нова одлука за изгледот (фото)

Христина Ѓоргиевска — Fri, 09 Aug 2019 07:04:59 +0000

Јелена Спенџарска важи за една од најатрактивните водителки кај нас, а таа редовно води грижа за своето тело. Со балансирана исхрана и редовно физичка активност, Спенџарска го доведе своето тело до одлична линија. Кога станува збор за модните комбинации таа знае да направи и модна утка. Пред неколку месеци во емисијата „Мода“ со модниот критичар Сергеј Варошлија на „тапет“ се најде и Спенџарска, а тој и упати тогаш неколку критики на сметка на нејзиниот изглед, фризура, шминка...

View this post on Instagram

Getting away from the city is really therapeutic ☺️ . . . . . . #me #mood #igers #blue #sea #greece #plati #kos #summer #vacation #vacationmode #swimwear #oysho #ootd #bikini #siluette #sky #relax #enjoylife #enjoy #lifestyle #therapy #orange #colours #island #fit #fitspo

A post shared by JELENA SPENDZARSKA (@jelenaspendzarska) on Aug 6, 2019 at 11:46am PDT

„Ова не е добро. Ниту е добро, ниту е модно. Зошто мора да сте во некој чудна поза, како да ве лупнал воз, па да ве наместиле привремено за сликање и да сте укочени. Манекенка да будем со чудно накршен кук. Вака не позираат манекенките“ изјави Варошлија.

Модниот критичар и даде и неколку совети на Спенџарска во однос на фризурата. „Јас ќе предложам што да направиш со косата. Ова за тебе ќе биде одлично решение и немој да се вадиш на моментот дека имаш ниско чело и дека шишки нема да ти стојат и дека фризерки ти рекле дека нема да ти стои. Шишките мора да ти се исечени во линија каде што завршува веѓата, пеглана коса, никако локни“ посоветува модниот критичар. Тој истакна дека Спенџарска мора да има рамна коса и дека така подобро ќе и стои.

View this post on Instagram

Good morning !!! Didn’t mean to interrupt your scrolling, just wanted to say that you are beautiful!! ??? Let your soul glow!!!!! ________________________________________________________#me #happy #mood #hair #hairstyle #beret #happiness #ootd #goodmorning #look #style #streetstyle #trending #lifestyle #lifestyleblogger #life #look #igers #beautiful #hairsalon #morning #americanstyle #french #stradivarius #girls #hm #light

A post shared by JELENA SPENDZARSKA (@jelenaspendzarska) on Jan 10, 2019 at 2:40am PST

Меѓутоа, Спенџарска како добар ученик ги прифати критиките на Варошлија и ги послуша неговите совети, па токму тој ја пофали во едно од изданијата на неговата емисија потенцирајќи дека се поправила. Меѓутоа, деновиве Јелена се одлучи повторно да инвестира во својот изглед. Поточно, Спенџарска истакна дека донела одлука косата да ја пушти и повторно да биде долга. „И да ја соопштам мојата најнова одлука од пред 2-3 дена...одлучив повторно да ја пуштам косата“ напиша Спенџарска на „Инста стори“.

За оваа промена таа не побара помош ниту од модни стручни лица туку го побара мислењето на нејзините следбеници. Таа објави фотографија од својата долга и кратка коса, а во описот напиша праша „долга“ или „кратка коса“.