серена вилијамс – Вистина.мк

Серена Вилијамс е бремена: Славната тенисерка го очекува второто дете, а трудничкиот стомак го покажа на црвен килим (фото)

Слободанка Илиева — Tue, 02 May 2023 09:33:27 +0000

Поранешна тенисерка чекаше ексклузивно да му го покаже на светот трудничкото стомаче, појавувајќи се на црвениот тепих на Мет Гала. Во оваа прилика таа потврди дека е бремена по вторпат, на еден настан во Њујорк на новинарите им кажа дека на црвениот тепих всушност биле „тројца“. Серена позираше со сопругот Алексис Оханијан со кој веќе има петгодишна ќерка.

View this post on Instagram

A post shared by USA TODAY Sports (@usatodaysports)

- Бев толку возбудена кога Ана Винтур не покани тројцата на Мет Гала - рече таа и на посебен начин и порача на јавноста дека повторно е во друга состојба. Вилијамс е долгогодишна пријателка на Ана Винтур, главен уредник на Вог и копретседавач на Мет Гала. На листата на нејзини блиски и моќни пријателки се најде и Меган Маркл. Легендарниот шампион на белиот спорт за оваа пригода облече елегантен црн фустан со извезени апликации, додека во долниот дел распослан бел тул. Од накитот избрала низа бели монистра, кои ги носела на главата и околу вратот. Нејзиниот сопруг се одлучи за непогрешливиот црн смокинг, бела кошула и машна.

View this post on Instagram

A post shared by Serena Williams (@serenawilliams)

На фотографиите од Галата, која беше во чест на Карл Лагерфелд, можете да видите како Алексис (40), кој е претприемач и ко-основач на Редит, нежно ја држи раката на стомакот на 41-годишната Серена. фото:Профимедиа/Инстаграм

Беа блиски пријателки, а сега Серена Вилијамс за Меган Маркл вели: „Никогаш не сум слушнала за неа, не ја познавам“ (видео)

Слободанка Илиева — Thu, 23 Apr 2020 08:52:18 +0000

Една од најуспешните тенисерки Серена Вилијамс која наедно е една од најблиските пријателки на Меган Маркл како да го изгубила сеќавањето или барем така сака да мисли кога е во прашање Меган. Иако долги години се дружеа, Серена и сопругот беа и на кралската свадба, потоа на пред забавата за доаѓањето на кралското бебе Арчи, а пак Меган знаеше да ја гледа и бодри од трибините на тениските натпреври, пријателството изгледа пукнало. Серена за време на видео-повик со Наоми Кембел, кој се пренесувал во живо, рекла дека никогаш не слушнала за Меган Маркл. Наоми ја интересирало дали Серена е среќна што Меган со Хари и синот Арчи се пресели во Лос Анџелес, но не добила одговор. „Не знам за што зборуваш, не знам ништо за тоа“, рекла Серена, обидувајќи се што побргу да го заврши тој разговор. Кога Наоми продолжила да ја испрашува, Серена одговорила: „Никогаш не сум ја видела, никогаш не сум слушнала за неа, не ја познавам.“ Серена и нејзината сестра Венус учествувале во серијалот на Наоми, наречен „No Filter With Naomi“, кој го емитува на Јутјуб.

На Серена Вилијамс и се допаѓа да не и е пријатно: Ветерот и го крена фустанчето, а под него… „црно во бело“!

Антонио Димитриевски — Fri, 24 Jan 2020 11:26:59 +0000

Една од најдобрите тенисерки на светот, Серена Вилијамс, не дозволи ветровито време да и го одредува нејзиниот моден избори. Затоа доживеа мала незгода пред папараците кога краткиот фустан и се подотвори и и' ја откри долната облека. Црномурестата шампионка ги покажа белите гаќички! Тенисерката во Њујорк во средата излезе во светло сина комбинација која ја потсетува на кошула или наметка поради копчињата на предната страна. Но, додека одеше, ветрот и го крена фустанот и белите гаќички се појавија надвор.Секако, таа цело време ја чуваше чантата со левата рака, па се чинеше дека го држи и фустанот. Серена се чини дека тоа го направи намерно и точно таму каде што скаше и како што сакаше да се покаже. Маркетиншки трик со кој Серена Вилијамс покажа дека и се допаѓа да „не и е пријатно“! Фустанот со мали сино-бели ленти и мали печатени срценца го дизајнираше нејзиниот моден бренд и може да се најде на продажба за 100 долари. Серена својата линија за облека ја лансираше во мај 2018 година, а една од нејзините женски јакни носеше и Меган Маркл минатиот октомври на кралската турнеја низ Австралија. Извор: Јутарњи лист Фото: Profimedia, Backgrid USA

Без принцот Хари и синот: Меган Маркл се врати во Америка

Христина Ѓоргиевска — Sun, 08 Sep 2019 10:25:48 +0000

Војвотката од Сaсекс, Меган Маркл и принцот Хари пред неколку месеци станаа родители на нивниот син Арчи. Иако отогаш е повеќе посветена на својот син, Меган сега одлучила да замине во Њујорк за да ја подржи својата пријателка Серена Вилијамс во финалето на „US Open“. Наводно, принцот Хари и малиот Арчи не заминале со војвотката, а таа отпатувала со комерцијален лет.

Се претпоставува дека Меган се одлучила за ваков лет бидејќи не сака да крева тензии во јавноста. Меган до раните утрински часови го следела финалето на „US Open“, а сепак рано изутрина одлучила да се врати во Лондон.

Извор близок на семејството изјавил дека била возбудена што ќе патува и ќе ја подржи својата пријателка.

Серена Вилијамс застана во одбрана на Меган Маркл: „Ми е гајле за вашите коментари“

Христина Ѓоргиевска — Fri, 12 Jul 2019 11:00:46 +0000

Дел од братинската јавност често ја критикува Меган Маркл, сопругата на принцот Хари. Британскиот ТВ водител, Пирс Морган најжестоко ја искритикува истакнувјаќи дека престане да „цмиздари“. Некогашната американска актерка, која поради свадбата со британскиот принц ја прекина кариера, сака да гледа тенис, но најчесто поради нејзината пријателка Серена Вилијамс. На Британците им пречи тоа што Меган во тенискиот храм во кралската ложа се појави во фармерки.

А потоа им пречело тоа што на еден натпревљар на Серена Вилијамс побарала од организаторите да пренесе на публиката да не ја фотографираат бидејќи пристигнало приватно. Секако Серена, не се замара за коментарите кои биле упатени на нејзината пријателка. „Не ни знаев дека постојат негативни коментари за неа“ изјавила Сирена на новинарите и продолжила да зборува за својата пријателка: „Кога и да го видам нејзиното име во весниците, јас не читам. Таа е другарка како може само да се посака. Тука е кога е тешко и кога е добро. Тоа е се што ми треба од неа“ вели 37 – годишната тенисерка.

И се испушти: Серена Вилијамс несакајќи го откри полот на бебето на Меган Маркл и принцот Хари

Слободанка Илиева — Mon, 08 Apr 2019 08:54:34 +0000

Американската тенистерка Серена Вилијамс и долгогодишна пријателка на војвотката Меган Маркл, во своето последно интервју се сплетка, па како што пренесуваат странските медиуми, несакајќи го откри полот на бебето кое го чекаат Меган и Хари. -Мојата пријателка е бремена и е во фазон: „Ох, моето дете ќе го прави ова“, а јас само ја погледнав и и кажав „Не, таа нема да го прави тоа“ – објаснува Серена, зборувајќи за бебето во женски род.

Странските медиуми сега пишуваат дека Серена зборувала баш за Меган Маркл со која е пријателка уште од времето кога Меган беше во актерството, а со таа реченица откри дека кралската двојка чека женско бебе.

Серена Вилијамс до Меган Маркл: „Престани да бидеш толку љубезна“

Христина Ѓоргиевска — Wed, 19 Dec 2018 09:54:30 +0000

Една од најуспешните тенисерки Серена Вилијамс која воедно и е една од најблиските пријатели на Меган Маркл, има неколку совети како војвотката треба да се однесува во текот на бременоста. Во интервју кое го даде за „People“ откри дека иако Меган Маркл е дел од кралското семејство и понатаму е иста. „Меган престани да бидеш толку љубезна и драга. Зарем не те мачат хормоните, зошти си толку слатка? Но, таа отсекогаш беше таква“ изјави Сирена. Вилијам и нејзиниот сопруг минатата година го добија своето прво дете. https://youtu.be/iIDOlLLbJbk

Ќерката на Серена Вилијамс никогаш нема да слави роденден: Ова е причината…

Кристина Петрушевска — Wed, 05 Sep 2018 13:01:39 +0000

Серена Вилијамс и нејзиниот сопруг Алексис Оханјан покажаа колку се гордеат со својата ќерка Олимпија, иако нејзиниот прв роденден во саботата помина без прослава и торта. Не затоа што Серена моментално настапува на Ју-Ес опен, туку тоа е од верски причини. Американската тенисерка е припадник на Јеховини сведоци, а тие не одбележуваат родендени. „Една година денеска! Ти засекогаш ги смени нашите животи. Мојата принцеза која постојано сака да истражува“, напиша Оханјан на Инстаграм под фотографијата на малата Олимпија. „Олимпија нема да слави родендени. Ние сме Јеховини сведоци, па не го правиме тоа“, појасни Серена на една прес-конференција за време на Ју-Ес опен. Одговорајќи му на еден фан кој прокоментира дека е тажно што неговото дете не го прославува роденденот, Оханјан кажа: „Јас не сум припадник на Јеховини сведоци, но еве како јас гледам на тоа. Смислата на славењето родендени е да славиш живот со луѓето кои ги сакаш (и да јадеш торта). Ова дете е многу сакано и низ животот, ќе има можност многу пати да го слави животот со луѓето кои го сакаат, со многу забави и торти“.

Серена Вилијамс сподели дека ги пропушти првите чекори на ќеркичката, доби море утешни коментари

Горан Силјановски — Thu, 12 Jul 2018 09:30:20 +0000

Да се биде мајка и врвен спортист истовремено не е лесна работа. Напорните тренинзи бараат време поминато далеку од децата, а тоа значи и пропуштени важни моменти од нивниот развој. Серена Вилијамс, која ја освои титулата на Аврсталијан Опен во 8. недела од бременоста, пред неколку дена на Twitter сподели дека ги пропуштила првите чекори на ќеркичката за да тренира за Вимблдон. 36-годишната спортистка во постот напиша: „Таа ги направи првите чекори... Јас тренирав и ги пропуштив. Плачев“.

Но, интернет корисниците, особено оние кои и самите се родители, пронајдоа прекрасни зборови за да ја утешат славната спортистка и да ја направат горда на себе. Серена веќе се пласира во полуфиналето на големиот тениски турнир. Вака изгледа кога „светот“ ќе се обедини за да подобри нечие расположение. „Таа тренира за ти да ги видиш вистинските чекори“ – напиша Криси Тиген.

„Таа пропушти да те види како освојуваш 23 гренд-слем титули, но и покрај тоа ќе знае дека си најдобрата тенисерка на сите времиња. Не грижи се, ќе имаш илјадници магични моменти со неа!“

„Не се важи додека мама не го види. Ништо не се важи додека мама не го види.“ „Ја изгубив мајка ми пред еден месец. Никогаш не дознав дали таа ги виде моите први чекори, но она што го знам е дека тоа што беше мајка која работи ме направи силна, жилава и ми покажа како да бидам самостојна... Тие лекции ме водеа низ деновите. Не биди строга кон себе!“ „Таа ја има Серена Вилијамс за мајка, нема да биде ни малку лута. Престани, ти си Бог меѓу луѓето.“ „Прашање на време е кога ќе стане твој партнер во тренинзите.“ „Во ред е, таа само вежба. Таа сака да вежба додека ја нема мама за да може да ѝ приреди подобро шоу.“ „Исто. Се сеќавам на патувањата на мајка ми, количињата кои ми ги купуваше од аеродромот во Амстердам кога ќе ми ги пропуштеше родендените сè уште ми се омилените подароци. Никој од нас не се сеќава на моите први чекори, но лекциите кои ги научив од начинот на кој таа го живее животот се многу ценети.“ „Го пропуштив последниот ден во градинка на ќерка ми и нејзиниот прв настап на сцената, и двете поради работа. Ќе има уште многу можности да бидеш присутна и многу што ќе ги пропуштиш. Секојпат чувството е ужасно, но секој родител што работи го искусил тоа.“ „Мајка ми ги пропушти сите мои први нешта. Таа беше самохрана мајка која работеше две работи и се чувствуваше лошо поради тоа додека пред 2 години не ѝ кажав дека за мене не беше важно, бидејќи тоа значеше дека таа работеше напорно за да ми даде живот. Твојата ќерка ќе знае зошто и ќе те гледа како херој.“ Ова се само дел од илјадниците коментари на популарната социјална мрежа за најдобрата тенисерка во светот. Во коментарите, Вилијамс ги сподели фотографиите од првите чекори на Алексис Олимпија. Алексис Олимпија е првото дете на Серена и Алексис Оханијан, кои стапија во брак во ноември минатата година.

Серена Вилијамс блескаше на кралската свадба, но чорапите на нејзиниот сопруг станаа најголем хит

Моника Манасиевска — Tue, 22 May 2018 09:25:33 +0000

Ако некогаш сте се посомневале дека тенисерата Серена Вилијамс нема стил, тенисерската ѕвезда ќе ве разувери со комбинацијата која ја носеше на кралската свадба на Меган и Хари. Но, она што најмногу привлече внимание „патриотскиот дрес“ код, односно необичните чорапи на нејзиниот сопруг. Можеби познатиот бизнисмен сака да носи впечатливи чорапи, но на денот на кралската свадба можел да заборави на таа љубов.