Познатата пејачка „исшлакана“ пред ноќниот клуб во кој требала да настапи: Сенидах добила шлаканици од лице што добро го познава!

Антонио Димитриевски — Thu, 29 Feb 2024 12:42:49 +0000

Сенида Хајдарпашиќ, попозната како Сенидах, добила шлаканици пред познат ноќен клуб во Австрија, каде што требала да настапи! Добро информиран извор од местото на настанот, кој исто така бил присутен на инцидентот, словенечката ѕвезда со босанско потекло пред да излезе на сцената била изнесена надвор за да разговара со луѓето кои ја чекале да ги реши проблемите што ги имале претходно. - Сенида дојде на време и замина зад сцената, во бекстејџот. Немаше индикации дека таа вечер ќе има инцидент или некаков скандал. Можеби половина час пред да почне да пее, на влезот од клубот застанал луксузен автомобил со босански регистерски таблички. Еден човек од тој автомобил отишол до влезот од зад сцената и ја повикал веднаш да излезе. Таа го направила тоа и им рекла на другите дека ќе се врати брзо, штом ќе заврши со разговорот. Кога излегла, тој човек и удрил шлаканица. Сенида била толку збунета што не можела ни да реагира. Почнал да и вика дека се прави многу паметна и дека многу добро знаела дека и е забрането да пее. Таа се обидувала да му објасни нешто, но не можела да најде зборови. Тој ѝ удрил навистина силни шлаканици и тоа два-три пати. Ликот и рекол дека ова и е последно предупредување и дека веднаш треба да оди да им каже на сопствениците на клубот, кои се од некогашните екс ЈУ краишта, дека таа вечер нема да може да пее и дека не се чувствува добро. Така и направила, а потоа се исплашила и заминала со „тепачот“ со автомобилот“ - истакнал тогаш очевидецот соговорник, а потоа објаснил дека по неколку дена пејачката стапила во контакт со луѓето од клубот и го вратила капарот. Но еве зошто се појавил проблемот: Без знаење на тие луѓе, Сенида сама го организирала тој настап во Австрија. Дознале за тоа и веднаш направиле хаос. Австрија е полна со луѓе од регионот, сите се поврзани и ретко што може да се сокрие. Многумина од нив живеат во оваа земја и потребна е само покана некој да дојде и да го реши проблемот на свој начин. Бидејќи однапред земала дел од парите, по неколку дена ги вратила парите и уште еднаш се извинила што им направила непријатност на гостите кои дошле да ја слушаат вечерта. Таа ветила дека во првата прилика повторно ќе дојде во тој клуб штом ја среди ситуацијата. Таа вечер наместо неа, диџејот пуштил музика, а на разочараната публика ѝ кажале дека на Сенида одеднаш и се слошило и не можела да се појави на сцената“ - заклучил соговорникот. Да потсетиме, своевремено се пишуваше дека Сенида добивала закани кога решила да го смени тимот на соработници, меѓу кои биле Буба Корели и Јала Брат, кои ги поврзауваа со таканаречената естрадна мафија. Фото: Инстаграм/senida_h

Јала Брат и Буба Корели, Сенида и Цоби и Реља Поповиќ во скопскиот летен клуб Централ Парк

Слободанка Илиева — Wed, 14 Aug 2019 08:46:17 +0000

Најпопуларните музички имиња од регионалната сцена, во периодот кој што следува, ќе ја забавуваат традиционално многубројната публика во најдобриот летен клуб во Скопје, Централ Парк. По одличниот старт на лето 2019, со Наташа Беквалац, Џенан Лончаревиќ, МЦ Стојан, Амар Гиле, Пеџа Меденица и многу други, менаџментот на Централ Парк и во месец август, продолжува со одлична летна програма. На 17 август во сабота, на сцената во Централ Парк ќе се појави незаменливиот двоец Јала Брат и Буба Корели. „Она е", „Беби", „Клинка", „Мила"...се само дел од хитовите кои што во живо ќе ги изведат овие во моментов најпопуларни музичари во регионот. На 24 август пак, во Централ парк свој концерт, закажаа и убедливо најслушаните регионални ѕвезди на YouTube. Цоби и Сенида, девојката која што за многу кратко време успеа да се искачи на врвот на регионалните топ листи. Со 34 милиони прегледи на YouTube, без сомневање „Мишичи" на Сенида ќе биде најатрактивниот хит кој што ќе го очекува скопската публика. Ова е прв македонски настап на Цоби и Сенида, и токму поради атрактивноста, менаџментот најави дека влезниците за овој концерт, веќе се пуштени во продажба.

Пред самиот крај на летото, односно на 31 август, сезоната во Централ Парк полека ќе ја затвара миленикот на белградската женска популација, Реља Поповиќ. „Ова беше и сеуште е една од најдобрите летни сезони на клубот Централ Парк. И покрај енормно високите температури, публиката не пропушташе можност да се дружи со едни од најатрактивните музички имиња во регионот. Стандардно покрај нив, свој простор на нашата сцена имаа и нашите изведувачи како Џони Лајф, Жаре Бербер, Либеро бенд, Слаткар, Два бона и други. Имињата кои што ги најавуваме за крај на оваа летна сезона, се доказ дека и во периодот кој што следува, планираме сериозно да работиме на ноќниот живот во Скопје" – велат од менаџментот на Централ Парк.

Влезниците за концертите на Јала Брат, Буба Корели, Цоби, Сенида и Реља Поповиќ, можете да ги обезбедите во клубот Централ Парк, во кафе бар Манго во Кисела Вода и кафулето Ревија во Лептокарија.

Сенида – Вистина.мк

Познатата пејачка „исшлакана“ пред ноќниот клуб во кој требала да настапи: Сенидах добила шлаканици од лице што добро го познава!

Јала Брат и Буба Корели, Сенида и Цоби и Реља Поповиќ во скопскиот летен клуб Централ Парк