Перо – „Камиказа“ има вистинско семејно богатство: Три генерации на едно место, повеќе од причина за славје и еден тон радост (ФОТО)

Антонио Димитриевски — Mon, 26 Oct 2020 08:08:55 +0000

Петар Георгиевски - Камиказа, жива легенда... во секој поглед. Од урбана скопска фаца, актерски лик, дел од македонската музичка историја, а последниве години и од спортската, поточно маратноската атлетска фела. Од времето кога го добил прекарот, преку „Трст виа Скопје“, продукцијата на МРТ и театарот на легендарниот Љубиша Ристиќ во Суботица, рок ен рол сцената и „Меморија“, „КЛС“ и ивент индустријата, па се' до тркачките маратони... Сегде битен човек, важeн штраф, замаец, движечка оска што ги задвижува нештата, кои резултираат со остварувања и резултати. Професионално, но и приватно, како посветен сопруг на неговата животна сопатничка, актерката Даница Георгиевска, среќен татко на две веќе возрасни деца - Христна и Христијан, однеодамна и свекор, белким наскоро, дај Боже и дедо Перо... Но, сите тие професионални достигнувања и остварувања, сета таа семејна хармонија не ќе беше можна и остварлива, да не биле неговите родители, кои и денес се „старите“ или поточно, основните столбови на семејството Георгиевски. Семејно богатство, со кое ретко кој може да се пофали дека се' уште го има. Чичко Ристо, таткото на Перо славеше роденден, 93-тиот... Повеќе од повод и добра причина, три генерации на семејството да се соберат на едно место... За славје на „денот што го чекаме цела година“ на некогашниот просветен работник и долгогодишен директор на едно скопско основно училиште и за еден тон радост на целото семејство, кое се собра за да му го честита роденденот. Сопругата Христина, со која се близу 70 години заедно, ќерката Мира, синот Перо со снаата Даница, внукот Христијан со сопругата... Недостасуваше само „оправдано отсутната“ внука Христина. „Богатство... Денес, татко ми наполни 93 години, а со мајка ми се близу 70 заедно. Исклучително горд на тоа што на скоро 60 години, се' уште сум дете за тато и и мама. Во услови на пандемија, само скромен семеен албум, малку пита, торта и радост еден тон. Да даде Господ уште долго време да се радуваме на нивната љубов. И да, за историја не ми требаат разно-разни комисии. Имам жива македонска енциклопедија со бистар ум како на момче“ - напиша Перо во славеничкиот статус на својот Фејсбук профил покрај споделените семејни фотографии на трите генерации од нивното семејство на прославата на татковиот роденден... ...Со пита, торта, еден тон радост и безброј сеќавања и убави спомени на годините... Дај Боже, нека се множат!

Беше главен заводник во „Семејно богатство“, а вака денес изгледа познатиот Кокан

Христина Ѓоргиевска — Tue, 12 Feb 2019 12:00:09 +0000

Актерот Александар Дуниќ стана популарен со улогите во серијата „Среќни луѓе“, „Пристигнуваат долари“, но жените најмногу го препознаваат по улогата на Кокан во „Семејно богатство“. Кокан заедно со Биса беа задоложени за највеселите моменти на ТВ екраните. Тој беше пациент на кој жената му фрли киселина во очите поради љубовница, а Биса беше медицинска сестра која сакаше вистинска љубов. Дуниќ завршил Академија за глума во Нови Сад, а стана популарен во 1993 година со улогата на доктор Горан во серијата „Среќни луѓе“. https://youtu.be/KX3frb101UA Актерот се посветил на театарот и привремени телевизиски улоги, а тој е еден од актерите кој немал филмска улога. Тој е во брак со новинарката и актерката Драгана Литричин со која го има синот Душан.

Душан и понатаму е активен во театар и живее живот кој нема никва поврзаност со медиумите.

семејно богатство – Вистина.мк

Перо – „Камиказа“ има вистинско семејно богатство: Три генерации на едно место, повеќе од причина за славје и еден тон радост (ФОТО)

Беше главен заводник во „Семејно богатство“, а вака денес изгледа познатиот Кокан