селин дион – Вистина.мк

Сестрата на Селин Дион ја опиша состојбата на пејачката која има ретка болест: „Нема контрола на мускулите“

Слободанка Илиева — Tue, 19 Dec 2023 12:35:27 +0000

Постарата сестра на Селин Дион објави дека состојбата на пејачката, која страда од ретко невролошко пореметување познато како синдром на вкочанетост на мускулите, се влошила во последните неколку недели. „Таа работи напорно, но нема контрола над своите мускули“, изјавила Клодет Дион за канадскиот „7 Jours“, пренесува „Independent“. „Отсекогаш била толку дисциплинирана. Секогаш работеше напорно“, додала сестрата на пејачката.

View this post on Instagram

A post shared by Céline Dion (@celinedion)

Минатиот декември, Селин ја објави својата дијагноза и ја откажа планираната турнеја. "Жал ми е што Ве изневерив. Не е фер што ги одложив настапите и иако ми го скрши срцето, најдобро е да откажам се’ додека не бидам подготвена да се вратам на сцената", изјавила пејачката. Сепак, Клодет не можеше да потврди дека Селин целосно ќе се врати на турнејата. „Точно е дека нејзиниот сон и цел е да се врати на сцената, но не знам до кој степен“, рекла сестрата на пејачката и додала дека дури и научниците не знаат многу за овој синдром. И покрај тоа, вели тој, не губат надеж. фото: Instagram printskrin/ celinedion

Промената е веднаш воочлива: Селин Дион за првпат пред јавност откако откри дека има сериозно заболување (фото)

Слободанка Илиева — Fri, 03 Nov 2023 10:47:12 +0000

Популарната пејачка Селин Дион се соочува со сериозни здравствени проблеми, поради што мораше да ги откаже сите работни обврски. Селин Дион јавно откри дека ѝ е дијагностициран синдром на вкочанета личност (SPS), а во мај минатата година им се обрати на своите фанови и објави дека има големи шанси никогаш повеќе да не настапи. Поради оваа ретка болест, таа страда од силни болки и грчеви, што резултираше со откажување на турнејата. По откажувањето на турнејата, Селин Дион речиси и не се појавуваше во јавноста.

View this post on Instagram

A post shared by chantalmachabee (@chantalmachabee)

Меѓутоа, сега се објавени нејзини фотографии од хокеј натпревар во Лас Вегас, каде пејачката навивала за родниот Монтреал. „Одлична посетеност на нашиот натпревар во Вегас вчера. Ти благодариме Селин Дион за твојата великодушност. Целиот тим е многу среќен што те запозна тебе и твоето семејство“, соопшти канадскиот тим заедно со фотографии со пејачката.

View this post on Instagram

A post shared by Céline Dion (@celinedion)

Судејќи по фотографиите, Селин Дион била добро расположена, а фановите се надеваат дека овие фотографии се показател дека пејачката успешно закрепнува. фото:Инстаграм принтскрин/Селин Дион

Кога се запознале, таа имала 12, а тој 38: Селин Дион никогаш не бакнала друг маж, а љубовта ја криеле со години (фото)

Слаѓана Атанасова — Wed, 23 Aug 2023 08:24:21 +0000

Сопругот на пејачката Селин Дион почина пред неколку години, а пејачката се заколна дека никогаш нема да сака некој друг. Рене Анџелил, сопругот на светски познатата Селин Дион, почина во 2016 година во нивниот дом во Лас Вегас. Двајцата имаа несекојдневна приказна, а нивната врска беше исполнета со безусловна љубов, почит и меѓусебна поддршка. Сепак, често беа критикувани во јавноста поради начинот на кој се запознаваа. Имено, нејзината мајка му го испратила спотот на Селин на музичкиот продуцент и менаџер Рене, кој подоцна изјавил дека уште тогаш го видел нејзиниот голем потенцијал за музика. Набргу по оваа судбоносна снимка, Рене ја поканил на аудиција во Квебек. „Почнав да пеам, а тој почна да плаче. Во тој момент знаев дека си ја завршив работата“, открила Селин која со присуство на мајка си и новиот менаџер заминала на турнеја низ Европа, Јапонија и Канада. Како што процвета нејзината професионална кариера, така и во неа се појави ново чувство. Сепак, Селин инсистираше на тоа дека мора да биде полнолетна за да влезе во емотивна врска со менаџерот. Така било, двајцата „официјално“ почнале да излегуваат кога Селин наполнила 19 години, а нивната љубовна приказна наводно започнала кога таа имала 18 години. Рене бил дваесет и шест години постар од Селин, а нивната врска ја криеле од очите на јавноста додека не се венчале. „Луѓето нека кажат што сакаат за нас. Се сакаме и ќе се сакаме засекогаш“, изјави пејачката на свадбената церемонија. Во 1990-тите, Рене почна да се соочува со сериозни здравствени проблеми (му беше дијагностициран рак на грлото), а Селин тогаш одлучи да направи пауза од кариерата. Рене ја доби битката со ракот, а по неговото простување, парот ги обновил своите завети за да го одбележи неговото закрепнување. Наскоро, легендарната пејачка започна петгодишно музичко шоу во Лас Вегас, а нејзините успеси само продолжија. По долг период на среќа се вратија здравствените проблеми. Во 2014 година, Рене повторно се разболел од рак на грлото, а Селин решила да одмори една година од своите настапи. Меѓутоа, сопругот ја убедил да се врати и, како што еднаш рече пејачката, достоинствено да си ја заврши работата. Битката со ракот земаше замав и Рене почина на 14 јануари 2016 година на 74-годишна возраст. Фото: Принтскрин/ЕПА-ЕФЕ/Профимедиа

Поради здравствената состојба популарната пејачка оди во пензија: Селин Дион повеќе нема да застане пред публиката (фото)

Слаѓана Атанасова — Tue, 22 Aug 2023 10:35:25 +0000

Светски популарната пејачка, Селин Дион, која во декември 2022 година во шокантно соопштение до јавноста откри дека и е дијагностициран „синдром на вкочанета личност“ (СПС), најверојатно никогаш повеќе нема да застане пред публика и да пее, пренесува „Мирор“. Иако се бори како лавица, нејзиното семејство, но и на лекарите им е сè потешко да најдат лек кој би ѝ го олеснил страдањето. Поради оваа причина, се шири гласината дека поради сето она што ја снашло, таа ќе мора да стави крај на својата брилијантна и долга кариера. Претходно таа ги откажа сите настапи, што подеднакво ги загрижи нејзините фанови. Бидејќи се знае колку ужива во дружењето со јавноста, се верува дека нема да и биде лесно денеска или утре да каже дека на сето тоа навистина му дојде крајот. Инаку, тврди изворот, таа моментално деновите ги поминува во неподносливи болки, грчеви и движењето го сведе на тотален минимум. -Никој не ја фотографирал јавно… цели 600 дена. И знаете зошто. Многу е тешко да се движите, а при некои силни тонови може да се грчи, понекогаш дури и да падне. Таа се подгрбави, а кога ќе се појави грч, болката во мускулите е неподнослива – шокирал изворот, раскажувајќи за „The National Enquirer“. Посочил дека особено се загрижил бидејќи состојбата на пејачката со текот на времето се влошува. Фото: Принтскрин/Јутјуб/Танјуг Ап

Селин Дион којзнае по кој пат ја прогласија за мртва, а сега се огласи и сестрата на познатата пејачка (фото)

Слободанка Илиева — Tue, 01 Aug 2023 06:57:09 +0000

Селин Дион долго време го загрижува светот. Таа неколку пати ја одложуваше турнејата „Храброст“, прво поради пандемијата, потоа поради здравствени проблеми, а во мај дефинитивно ги откажа сите концерти. Засега нема да има нови настапи, но сепак ја видовме во епизодна улога во романтичниот филм „Love Again“. Вчера, сепак, се појави вест дека Селин Дион починала. „ТикТок“ и „Твитер“ беа преполни со ударни вести за познатата канадска пејачка, која долго време се справува со ретка болест позната како синдром на вкочанета личност. Не постои лек за состојбата која ги претвора луѓето во живи статуи и таа може да се ублажи само со редовна терапија. Иако грчевите го погодуваат секој аспект од нејзиниот живот, вклучително и работата, Селин не се откажува и му веруваше на тимот од врвни лекари. Меѓутоа, одвреме-навреме на интернет се појавуваат фотографии од тоа како е морничаво слаба, со прашање дали е воопшто жива. Имаше безброј непроверени информации дека е „критично“ и слично, но изминатиов викенд споменатите платформи пламнаа од вести кои, за среќа, се лажни. Од домот на Селин Дион нема нови информации, а последната објава на Инстаграм, на крајот на јуни, беше поврзана со музиката од филмот и најавата за летен одмор. Неодамна нејзината сестра Клодет даде малку подетален увид во ситуацијата за еден весник од Монтреал. Таа откри дека музичката дива се лекува во Денвер и добро ја поднесува терапијата и верува дека брзо ќе се врати на она што најмногу го сака - настапите во живо и новите интеракции со публиката. Една од најпопуларните пејачки на сите времиња храбро ги поднесува ударите кои животот безмилосно и ги зададе последните години. Го изгуби саканиот сопруг Рене Ангелил, постариот брат, мајката, се бори со тешка болест, но не се откажува и не се откажува. фото:Getty Images/Instagram printskrin/Tik Tok

Има ретка болест: Селин Дион ја откажа турнејата- „Жал ми е што разочарав!“

Слободанка Илиева — Mon, 29 May 2023 09:59:16 +0000

Пејачката Селин Дион објави дека ги откажува сите закажани концерти од нејзината светска турнеја Courage, кои требаше да се одржат во 2023 и 2024 година. Причината за откажување на турнејата се должи на нејзината здравствена состојба. Пејачката поради диајгностицираната ретка болест мора да замине на лекување. Селин работи напорно за да се опорави, но во моментот не може успешно да се подготви и да настапи на преостанатиот дел од турнејата, која требаше да се одржи од 26 август 2023 година во Амстердам до 4 октомври 2023 година во Хелсинки и од март 6 во Прага до 22 април 2024 година во Лондон. Таа требаше да настапи и во Загребската Арена во март 2024 година. „Жал ми е што повторно ве разочарувам. Навистина се трудам да си ја вратам силата, но турнејата е исцрпувачка дури и кога уметникот е целосно фит. Не е фер кон вас да продолжите да одложувате концерти, па најдобро е да откажете сè сега додека повторно не бидам целосно подготвена да застанам на сцената иако тоа ми го крши срцето. Сакам сите да знаете дека не се откажувам. И едвај чекам да те видам повторно“, вели Селин. фото:Инстаграм пинтскрин

Открени досега непознати детали: Селин Дион не сакала да ја отпее песната за “Титаник“ која ја направи славна, а еве и зошто…

Слободанка Илиева — Tue, 20 Sep 2022 06:21:41 +0000

Пејачката Селион Дион ја отпеа песната „My Heart Will Go On“, која му даде огромен печат на филмот „Титаник“. Селин доби бројни награди после изведувањето, а иако беше позната и пред оваа песна, таа ја вивна меѓу ѕвездите. Наградена е со Оскар за најдобра оригинална песна, доби Златен глобус, Греми во 3 различни категории, како и Сателит награда. Она што е интересно, а и малку познато е дека Селин првично не сакала да ја сними песната. „Не се чувствувам добро! Имам болки во стомакот...“, велела пејачката тогаш, за да го избегне снимањето на овој хит.

View this post on Instagram

A post shared by Céline Dion (@celinedion)

Песната од филмот е снимена „од прв обид“, а подоцна таа демо снимка била пуштена како сингл. За сето тоа е заслужен покојниот сопруг на пејачката, Рене Анжелил, кој успеал да ја убеди да ја сними демо верзијата. Песната е многу емотивна, па воопшто не е чудно што е чест избор кога станува збор за прв свадбен танц. фото:Јутјуб принтскрин

Адел во својот дом чува плукната мастика од оваа славна пејачка и тоа врамена во слика! (ВИДЕО)

Антонио Димитриевски — Fri, 22 Oct 2021 12:02:57 +0000

Адел толку ја сака Селин Дион, што поседува парче нејзина искористена гума за џвакање што ја чува врамена на ѕид, пренесува „Indeks.hr“ Во текот на интервјуто за Vogue со 73 прашања објавено на „Youtube“, 33 годишната пејачка призна дека највредно нешто што поседува е токму таа врамена слика со гума за џвакање. „Џејмс Корден, кој ми е пријател, а ја прави емисијата Карпул Караоке, знаеше колку ја обожавам Селин. Кога му беше гостинка во емисијата, ја натерал да ја плукне изџваканата гума за џвакање во парче хартија и ми ја врами. И тоа е највредното нешто што го поседувам“ – изјави Адел смеејќи се. Подоцна кажа дека и песната на Селин Дион, „Мy Heart Will Go On“ е песна која ја има израдувано најмногу во животот. Во 2018, Адел го посети концертот на Селин Дион во Лас Вегас, откако Дион закрепнувала од тежок грип со кој се бореше со месеци. „Не можев да ги одржам сите концерти, но бев воодушевена што Адел дојде на еден од нив… Толку ја сакам“ – напиша Селин на нивната заедничка фотографија.

View this post on Instagram

A post shared by Céline Dion (@celinedion)

Адел позира со Селин со маица со нејзиниот лик и изјави „Каква кралица! Каков настап, апсолутен врв во мојот живот. Фала на вниманието што им го пружаш на своите фанови со твојот луд хумор“.

Непозната девојка запеа на улица среде Њујорк пред Селин Сион, а еве ја и нејзината реакција (видео)

Слободанка Илиева — Fri, 06 Mar 2020 10:53:20 +0000

Славната пејачка Селин Дион ја дочекало изненадување кога си заминувала од хотел во Њујорк. Поточно, една девојка по име Фрејда Соломон пеела пред музичка везда додека таа била во автомобилот. Селин му рекла на возачот да го запре автомобилот и да ја слуша младата дама како пее. Откако Фрејда ја испеа песната, Дион шармантно и одговорила. Поточно, Селин се поздравила со Фрејда и ја пофалила.

Lucky fan gets to sing to Celine Dion as she leaves her hotel.
Source: @musicbyfreida #nairatimes #singing #celinedion pic.twitter.com/xwLKeo5tDG — nairatimes (@thenairatimes) March 4, 2020

„Прекрасна сте“, и возвратила младата девојка . Видеото стана вирално, и се рашири низ Интернет. Погледнете го тој момент:

Here’s the full version of me singing to @celinedion ?? pic.twitter.com/cG1YKIIpv4
— Freida Solomon (@FreidaSolomon9) March 5, 2020

Селин Дион покажа како изгледаат нејзините близнаци (фото)

Христина Ѓоргиевска — Sat, 26 Oct 2019 09:28:19 +0000

Талентираната дива со вокални способности, Селин Дион многу ретко односно речиси никогаш не споделува приватни моменти бидејќи не сака да го експонира своето семејство. Меѓутоа, Селин направи исклучок поради една специјална прилика – деветиот роденден на нејзините деца. Селин се пофали се своите близнаци Нелсон и Еди, а во описот на фотографијата напиша: „Дупла насмевка, дупла радост, дупла љубов. Среќен роденден Нелсон и Еди. Многу сум горда на своите момчиња. Ве сака мама“ напиша пејачката.

Погледајте ову објаву у апликацији Instagram

Des rires en double et deux fois plus d'amour. Bon 9e anniversaire, Nelson et Eddy ! Je suis tellement fière de mes garçons… – Je vous adore, Maman xx... . Double the laughter and double the love. Happy 9th Birthday, Nelson and Eddy! I’m so very proud of my boys. I love you! - Mom xx…. ?: Olivier Samson Arcand

Објава коју дели Céline Dion (@celinedion) дана 23. Окт 2019. у 10:30 PDT

За потсетување, Селин освен близнаците го има и синот Рене Чарлс, а своите три деца ги доби со сопругот Рене Анжелил кој пред три години ја изгуби битката со тешката болест.