сеќавање – Вистина.мк

„Господинот ја бакна госпожата“: Сара Мејс и Димитар Атанасовски пред 10 години – моментот кога паднал и првиот љубовен валцер (видео)

Слаѓана Атанасова — Thu, 22 Feb 2024 11:44:42 +0000

Кога времето ќе помине и ќе останат спомените луѓето ги фаќа носталгија, па обожаваат да се присетат на минатото кое го поминале и оставило некаква трага во нивниот животот. Токму тоа и се случи сега и на македонската пејачка и харфистка Сара Мејс која се присети на еден важен момент со повод од пред 10 години, кога на еден настан, со сегашниот сопруг Димитар Атанасовски за прв пат се бакнале. Таа почна да раскажува од почеток, па се' до тоа како дошло до бакнежот. - Имаше едно време едно прекрасно шоу што се викаше „Танц со ѕвездите“. Мој партнер беше Мишо Спасовски, а оваа емисија ја снимивме пред точно 10 години од денес. Но, истата таа вечер, уште еден валцер изиграа Димитар Атанасовски и Јована Василевска. - продолжи таа. - Малку подоцна таа вечер, господинов од крај - Димитар Атансовски ја бакна госпожата до него“ - обелодени таа. Па така за овој убав и посебен повод со спомени, Сара на нејзиниот сопруг му ја честиташе годишнината од нивната љубовна приказна. Страста и емоциите кај нив сега се на високо ниво, а Сара Мејс со ова сеќавање ги разнежни и следбениците на социјалните мрежи. Фото: printskrin/instagram/sara_mace

Најдобриот пријател на покојниот Џеј Рамадановски ја открива големата вистина за пејачот: „Се’ правеше против себе“

Слободанка Илиева — Thu, 11 Jan 2024 10:55:26 +0000

Еден од најдобрите пријатели на Џеј беше Миодраг Миќа Совтиќ, кој помина низ бројни животни ситуации со покојниот пејач. Заедно пораснаа на Дорчол, за кој секогаш со гордост и насмевка зборуваа. - Ние што пораснавме овде, што сме родени овде, мислиме дека тоа е привилегија. Дорчол е специфичен сам по себе, луѓето се специфични. Овде се познаваме со генерации, кој е роден овде, знаеме кој е кој, имаме нормален однос, па сето тоа создава слика за тој регион. Остануваме дека тоа е наше маало и мислам дека тоа не прави посебни во споредба со другите делови на градот. Да речеме, тогаш тој што се шишал на глава, што бил тетовиран, излегол од затвор, а денес сите се шишани и тетовирани, па не знаеш дали се музичари, фудбалери или криминалци - истакна Миќа, а потоа се присети на неговото познанство со покојниот Џеј.

View this post on Instagram

A post shared by Dzej Ramadanovski (@dzej_ramadanovski)

- Па, се запознавме кога бевме деца во околината, одевме во истото основно училиште. Малку сум постар од него, а таму низ некое дружење... Кога се појавуваше во маало, секогаш пленеше, кога ќе го видеш веднаш ќе го гушнеш. Секогаш носеше лептир машна. Одеше од агол до агол, а во секој агол имаше концерт. Сите го сакаа, сите му викаа „ајде, ајде“, па и тогаш беше славен. Завршивме на дружење, а мојот прв контакт со него беше во училишниот двор, поради некоја тепачка, го бранев, па се зближивме и почнавме да се дружиме подоцна. Околу четврто-петто одделение отишол во Воспитно-поправниот дом, но не затоа што правел проблеми, туку затоа што бил оставен на улица. Разведени родители, живеел кај баба и дедо, така била тогаш социјалната служба, штом не одиш на училиште, веднаш те носат во дом. Тој порасна во тој дом. Некогаш овде имаше маса за билјард, па гледавме во прозорците кога овие мангупи завршуваа да влезат, затоа што не ни дозволуваа да влеземе кога тие беа таму. Џеј секогаш беше тука со нас, но и тие го сакаа. Често им пееше, кога немаше инструмент, тропаше по олуците, а тие му купуваа чоколади „Животинско царство“ - истакна тој.

View this post on Instagram

A post shared by Dzej Ramadanovski (@dzej_ramadanovski)

Бидејќи тој најдобро го познава Рамадановски, открил дека Џеј е најдобар за другите, а најчесто лош за себе. - Работеше против себе. За други беше... Секогаш имаше 20-30 луѓе околу него, беше еден од најголемите господа што ги познавав, нон- стоп е, ручеци, вечери, зимски одмори... Знаеше да изнајми хотел и да ги покани сите свои пријатели и другари, кого ќе сретне го покани со себе. Низ негови раце поминале милиони, а на крајот завршил во изнајмен стан, буквално плаќајќи кирија. Тоа е неговата приказна, таков беше - изјавил Миодраг во емисијата „Амиџи шоу“, пренесе Курир.рс. фото:Instagram printscreen/ dzej_ramadanovski

Пријател откри детали за смртта на Џеј Рамадановски: „Легна да поспие и така го најдоа“

Слободанка Илиева — Wed, 06 Dec 2023 12:23:19 +0000

Пред точно три години почина легендарниот пејач Џеј Рамадановски, а неговиот пријател Зоран Јагодиќ Руле своевремено го опиша последниот ден на славниот естраден уметник. Имено, како што истакна Зоран, тоа утро личело на секое друго и никој не можел ни да помисли дека токму на тој ден, 6 декември 2020 година, недела, Џеј, кој го сакаа сите генерации и чии песни се слават, ќе не остави. - Тоа утро Џеј се разбудил околу 10 часот, со него во станот биле неговата пријателка Андријана и куќната помошничка Дара. Андријана отишла во продавница околу 14 часот, а Џеј ја замолил Дара да му ја проветри собата додека дреме, за да ручаат. Потоа го најдоа таков... - рече Руле. Пејачот зад себе остави бројни хитови кои и ден денес се пеат.

View this post on Instagram

A post shared by Dzej Ramadanovski (@dzej_ramadanovski)

Важеше за еден од најпопуларните естрадни уметници, а збогувањето со него траеше со денови. Неговата сакана му посвети мурал и посебна вечер на која присуствуваа пријателите, семејството и сите верни обожаватели. Да потсетиме, по средбата со Марина Туцаковиќ, тој реши да го направи првиот сериозен чекор во пуштањето музика. Со песната „Да ти ги избришам солзите“ учествува на фестивалот МЕСАМ во 1987 година и го освои второто место. Во текот на 1990-тите, беше популарен низ поранешна Југославија, а особено во Србија, Македонија, Хрватска и Босна и Херцеговина. Додека беше на врвот на својата популарност, тој патуваше во странство (во Германија, Шведска, Канада, САД...) Џеј, исто така, се појави во филмот од 1989 година „хајде да се волимо 2“, каде што изведе една од неговите популарни песни во тоа време, "Слажеш ли се ти".

View this post on Instagram

A post shared by Dzej Ramadanovski (@dzej_ramadanovski)

На Гранд фестивалот во 2008 година го освои второто место со песната „Имати па немати“. Во текот на својата богата кариера, Џеј соработувал со многу луѓе од музичкиот свет. Неговите најголеми хитови се напишани и продуцирани од; Марина Туцаковиќ и Александар Фута Радуловиќ, Драган Брајовиќ Браја, Катарина Јованиќ Каќа, Пеца Милиновиќ, Злаја Тимотиќ, Весна Петковиќ, Зоран Тутуновиќ, Енџи Мавриќ, Сава Бојиќ, Златко Јапаќоќ... фото: Instagram printscreen/ dzej_ramadanovski

Спомен стар цели 34 години: Ова мaлечко детенце денес е македонска гордост – погодувате ли кој е? (фото)

Слободанка Илиева — Sat, 21 Oct 2023 07:45:04 +0000

Ова детенце денес е летечкиот Македонец, трикратен европски шампион и еден од нашите амбасадори по кои Македонија е добро позната. За него редовно се пишува во медиумите, особено неодамна кога пo третпат овои уште една европска титла. Станува збор за нашиот најуспешен автомобилист на сите времиња, Игор Стефановски-Иџе. Тој е активен на социјалните мрежи, а овој пат сподели спомен стар 34 години и покажа какво детенце бил. Иџе е роден и израснат на Водно, а токму покрај неговата куќа поминувала и сѐ уште поминува најпопуларната автомобилска тркачка патека во Македонија, која според многумина е и колевката на автомобилизмот кај нас. – Мојата желба беше да бидам тркач и ништо друго. Љубовта кон трките е сѐ што паметам од детството, од аспект на активности што би сакал да ги правам. Буквално откако помнам, само тоа ме интересираше и ништо друго. Како деца правевме трки со велосипеди бидејќи бевме деца од Водно и немавме со што друго да се занимаваме. Имав идоли од Формула 1. Аиртон Сена ми беше еден идол од тоа време, па Шумахер, Дејмон Хил. Знам дека постојано се менуваа, но секојпат моите детски идоли потекнуваа од светот на автомобилизмот, вели Иџе во една прилика за Деца.мк Како наследници за она во што денес тој е најдобар ги има синот и внукот кои исто така од рана возраст покажуваат интерес за автомобилизмот и трките како својот татко и чичко. За потсетување, по многуте победи кои претходеа на шампионатот и бодовната предност, хрватскиот град Бузет беше местото со патеката од каде Иџе ја освоит третата шампионска титула и уште еднаш да ја направи горда Македонија. фото:Фејсбук Игор Стефановски- Иџе/Fotomodlic

Лила во потрага по изгубените спомени – кој го има ова ретро видео нека и се јави (видео)

Слаѓана Атанасова — Fri, 01 Sep 2023 08:26:36 +0000

Без сомнеж Лила Филиповска е најпопуларната водителка, а сега и инфлуенсерка, гледано според посетеноста на нејзините профили на социјалните мрежи. Таа по борбата со ракот и сите лоши моменти кои што ги помина, важи за дама која е задоволна од животот. Неспорен факт е дека лошиот период е веќе зад неа, а сега она што ја прави најсреќна се патувањата. - Знаете дека години наназад патувањето е мојата терапија. Ништо не може да ме израдува повеќе од пакување на куферите . Најубавиот поглед ми е погледот на облаците, омилениот глас ми е гласот на пилотот кога ќе каже дека сме стигнале на посакуваната дестинација, а најомилените приказни за мене се помеѓу страниците на мојот пасош. Следуваат уште многу приказни за раскажување само бог да дава здравје“, напиша еднаш Лила. Секогаш кога ќе се спомне нејзиното име на сите им е јасно дека станува збор за водителка и препознатливо ТВ лице. Но, таа оддамна, во младоста проба да заплови и во музичките води. Па, самата понекогаш знае да се потсети на тие убави спомени на нејзините почетоци, како изгледала некогаш како што беше случај и сега. Имено, Лила на Инстаграм се потсети на периодот пред две децении кога се обидуваше да биде пејачка. - Кој се сеќава на моето музичко деби пред 20 години?! Песната е автобиографска, текстот е мој, а музиката и аранжманот на мојот пријател Роберт Саздов“, стоеше под видеото кое го објави на нејзиниот Инстаграм профил. Филиповска го бараше целиот настап или спотот за песната „Ти верувам до крај“, па побара да и остави порака доколку има некој таков. Очигледно не го најде па, се потсети на нејзиниот настап од ТВ и го сподели краткото видео со следбениците кои потврдија во коментарите дека навистина се сеќаваат и растеле со нејзината песна.

View this post on Instagram

A post shared by Lila (@lilafilipovska)

Прејачката изгледа целосно непрепознатливо, со целосно друг стајлинг кој тогаш беше хит во тоа време, а енергијата и харизмата останале сосема исти. Фото: Принтскрин/Инстаграм/Лила Филиповска

„Ми го даде целиот хонорар и една песна“: Мина Костиќ обелодени која пејачка и помогнала на почетокот на кариерата (фото)

Слаѓана Атанасова — Tue, 08 Aug 2023 07:28:57 +0000

Мина Костиќ, кариерата ја градеше постепено, а почна да пее многу пред да стане позната. Така, во една прилика животот ја навел да ја запознае Весна Змијанац, која со својот гест ја оставилa без зборови. -Пеев во Швајцарија од 1997 до 2000 година. Имаше бомбардирање во Србија и сите пејачи дојдоа таму да настапуваат во познатата дискотека. Весна тогаш гостуваше и јас почнав да пеам и таа седна, ме праша „Од каде сум“, реков „Од Белград“ и таа ми го даде целиот хонорар и ми даде една песна „Грешниче“ која заврши на мојот албум, изјави Мина пред неколку години во една емисија. Со неа беше и Весна, која се присети на тој момент. - Слетав во Цирих и никој не дојде да ме земе. Требаше да одам во хотел, не прашувај што се случи, хаос. Знаев дека пее во таа дискотека, им реков да ми го дадат хонорарот од датумот кога треба да работам и ѝ го дадов на Мина. Таа пее – убива. Заработував доста, рече Весна. Фото: Принтскрин/Антонио Ахел/Ата Имаџес/Драган Кадиќ

Сеќавање на Влатко Илиевски: Беа неразделни, а таа не го заборава иако годините летнаа (фото)

Слободанка Илиева — Thu, 06 Jul 2023 08:08:51 +0000

Денеска се одбележуваат пет години од смртта на македонскиот поп пејач и актер Влатко Илиевски (33). Илиевски на 6 јули во 2018 година во вечерните часови беше пронајден мртов во својот автомобил „Тојота“. Пред пет години на само пет дена откако го прослави својот роденден, Влатко од своите 33 дишеше кратко. Тој и Марјана Станојковска беа неразделни пријатели, а своевремено беа и водителски пар на „Бекстејџ“. Таа беше тешко погодена од загубата, а за неговиот роденден секоја година не пропушта да објави ншто за својот драг Влатче, како и сега за неговите 38 кои ќе ги наполнеше. -Влатче,засекогаш ќе останеш во нашите сеќавања- стои коментар за црно белата фотографија. Влатко Илиевски својата кариера ја започна во почетокот на 2000-те и се стекнa со голема популарност ширум македонската публика. Изведуваше музички композиции со поп и рок елементи. Во 2011 година Влатко Илиевски ја претставуваше Македонија на Евровизија во Германија со песната „Русинка“. Пред да ја почне својата соло кариера, тој беше дел од музичката група „Морал“. Завршил на Факултетот за драмски уметности во Скопје, а дипломираше со претставата „Гнев“ на Стивен Кинг. Со неговата 12 годишна возраст тој започнал да свири на гитара во локалните скопски бендови. Првите посериозни почетоци му биле со групата „Made in Macedonia“ во 2000 година кога освоиле две нагрди. Во 2000 година, македонскиот рок бенд „Морал“ му понудил на Влатко Илиевски да се приклучи на бендот. Во 2001 година тие ги снимиле своите први песни, а во 2003 година го завршиле својот албум „Кога патувам“. Албумот бил составен од песните: „Панично те сакам“, „Скопје“, „Ти си“, „Ова е Македонија“ и „А ти ме убиваш“. Во 2005 година „Морал“ биле предгрупа на концертот на „Дип Прпл“ (Deep Purple) во Скопје. Влатко Илиевски беше роден на 2 јули 1985 година во Скопје. Минатата година, 2022, на неговиот роденден беше објавен негов албум „Последно танго“, составен од необјавени песни. На албумот имаше 14 песни, кои авторски ги потпишуваат Кристијан Габроски, Владимир Дојчиновски, Ристо Самарџиев, Дарко Тасев, Весна Малинова…, како и легендарниот лидер на „Дивље јагоде“ – Зеле Липовача. фото: Фејсбук/Влатко Илиевски

Јашар Ахмедовски за последната средба со Ипче: „Времето ја намалува болката, но не ја одзема“ (фото)

Слаѓана Атанасова — Tue, 16 May 2023 07:00:23 +0000

Легендата на југословенската сцена Јашар Ахмедовски е незаменлив дел од секоја прослава со своите бројни хитови. Неговите песни имаат и друга нота, за изгубени љубови, нема човек кој страсно не ја ценел секоја реплика што ќе ја изговори во неговите песни. Исто така, неговиот брат Ипче остана запаметен како легенда и за одредени познавачи го имаше најточниот и најубавиот глас што може да се запамети од овие простори. Ова се дел од хитовите кои ги одбележаа кариерите на Ипчет и Јашар: „Една жена за долго паметење“, „Омажи ме за нејзината убавина“, „Плачи, ќе ти биде полесно“, „Еј ноќ, сестра ми“, „Се сакавме само едно лето“, „Ти беше девојка на моја возраст“. Јашар гостуваше на ТВ Курир во емисијата „Сценирање“ па го спомна својот брат и се присети на последниот момент со него. - Времето не ја одзема болката, но ја намалува. Ако таквата болка траеше постојано, човек не би можел да живее. Вечна болка е секако. Таа вечер требаше да го сретнам во кафуле. Сепак, задоцнив, бев со композиторот кој ме задржа. Ипче потоа излезе од кафулето и таму беше. Ја слушнав веста утрото. Од тој ден животот е сосема поинаков - рече Ахмедовски, а потоа се осврна на ликот на Ипчет: - Тој е сосема поинаков, тотално спротивен од мене. Беше целосно опуштен, а јас се грижев за се. Со сите се дружеше, човек од прв пат што го гледа оди да го гушне. И сега младата публика како да го познава и на душа и на карактер. Беше многу обичен, темпераментен, сладок, необичен пејач. Што сѐ правеше со гласот и околу високите ноти, а не правеше никакви гримаси. Фото: Принтскрин/Инстаграм/Курир.тв

Камерниот оркестар на Битола со ексклузивни концерти го оживува сеќавањето на македонската фолк легенда Јонче Христовски (Фото)

Антонио Димитриевски — Fri, 24 Mar 2023 13:31:19 +0000

„Камерниот оркестар на Битола“ на 4-ти април во Битола во Центарот за култура, а ден потоа, на 5-ти април во Скопје во Македонската опера и балет, ќе оддржи концерт посветен на Јонче Христовски, каде познати имиња од македонската музичка сцена ќе ги отпеат најпознатите и најубави песни од оваа наша позната музичка легенда. Виолета Томовска, Ристо Самарџиев, Ленче и Горан Кукиќ, Елена Андоновска, Душко Георгиевски, Петар Младеновски од “Суперхикс”, Агни Авшар… се дел од оние музички имиња кои појавувајќи се на сцената ќе отпеат и донесат дел од музичките незаборавни песни на нашиот Јонче, кој создаде голем број на познати македонски хитови, кои се пееле, се пејат и ќе се пејат уште многу, многу години. Секако, сите овие музички имиња ќе бидат придружени од Камерниот оркестар на Битола. Не заборавајте! 04.04.2023 – Центар за култура – Битола 05.04.2023 – Македонска Опера и Балет – Скопје Почеток: 20:00 часот

Игор Џамбазов со емотивна прошетка по сеќавањата на денот кога татко му – маестро Александар Џамбазов почина: „Медиокритетите и понатаму ни диригираат по сопствени партитури, а ние божем одбиваме да свириме фалш“

Антонио Димитриевски — Wed, 25 Jan 2023 10:52:26 +0000

Македонскиот мултиталент, актер, водител, пејач, писател, шоумен... и што ти уште не, Игор Џамбазов, имаше причина за двојна тага. Онаа љубовната, која никако не минува откако неговата љубена Илина Арсова замина за Америка и ова другата, природна за секој кој изгубил некој свој најблизок... Во случајов, Игор својот татко, маестро Александар Џамбазов, на чија годишнина од неговото заминување во вечноста, тој со емотивна прошетка по сеќавањата се потсети на него и денот кога тој почина. Игор како што го дал Бог, во свој стил, јавно на социјалните мрежи му се обрати на својот татко на денот на годишнината од неговото заминување, со монолог кој колку да е невообичаен за вакви прилики, сепак сурово реален. Во зборовите во кои има многу вистина, Игор со две - три реченици ја опиша годината која помина без неговиот татко, кому му го порача она што за овие 365 дена без него го виде, слушна, доживеа и почувствува: „Помина една година. Цела година. За миг. За час. Помина побргу од која било детска песничка што си ја напишал. Сигурен сум дека си добар таму горе. И нека не ти е мака што не си овде долу, со нас. Да ти кажам искрено стари, ништо не си пропуштил. Медиокритетите и понатаму ни диригираат по сопствени партитури, а ние божем одбиваме да свириме фалш. Она што вредеше во годинава што летна се љубовта и почитта од луѓето за тебе, изразена во малку солзи и уште повеќе насмевки. Нема да ти посакам да бидеш добар, оти таму кај што си, не може да ти е лошо. Чувај ми место до клавирот...“ - му напиша синот на својот покоен татко во пораката која кој знае... Можеби на некој волшебен начин и ќе отпатува таму некаде горе... до вечноста. Фото: Инстаграм принтскрин/igordzambazov