се сврши – Вистина.мк

„Бриџит Џонс конечно најде љубов!“ – Холивудската убавица се сврши во шестата деценија (фото)

Слаѓана Атанасова — Thu, 20 Jul 2023 08:05:00 +0000

Актерката Рене Зелвегер (54), позната по улогата на Бриџит Џонс во филмот „Дневникот на Бриџит Џонс“, се сврши со британскиот водител Ант Астед, кој е 10 години помлад од неа. Имено, според локалните медиуми, 54-годишната актерка и водителот веќе планираат венчавка.

View this post on Instagram

A post shared by ant anstead (@ant_anstead)

- Рене и Анти планираат да се венчаат, а деталите ги чуваат во голема тајност. Тие не планираат грандиозна венчавка - изјавиле за „Сан“ извори блиски до парот и додале дека на церемонијата ќе присуствуваат само најблискиот круг на пријатели и семејството. Оваа вест пријатно ги изненади љубителите на овој иконски филм, а многу луѓе и ја соопштија. „Бриџит Џонс конечно ја најде љубовта“, гласи еден сочувствителен коментар. Фото: Принтскрин/TANJUG AP/RICHARD SHOTWELL/INVISIONAP

Се сврши и Стефан Лазаров: Најпознатиот македонски јутјубер ја побара раката на девојката на Камп Ноу (ВИДЕО)

Антонио Димитриевски — Mon, 19 Sep 2022 07:26:33 +0000

Некогаш млад, надежен фудбалер кој кариерата ја завршил пред и да ја почне заради тешка повреда, а потоа модел и ТВ водител и сега пејач и Јутјубер… „Мултиталентиран мултипрактик“, што би рекле некои, за ова младо момче. А по таквите како по правило се лепат најубавите девојки во градот, од кои некои му ги припишуваа... Дури и познатите ријалити старлети како Тара Симов на пример, која излезе дека му е само најдобра другарка, зашто Стефан Лазаров ја сака само Марта! Познатиот македонски јутубер викендов тоа на најдобар начин и го покажа, откако на многу интересна локација ја запроси својата девојка, иако ниту една, веројатно не сонува да биде запросена на фудбалски натпревар! Но, Лазаров не мислеше така. Како голем фан на фудбалскиот клуб Барселона која викендов играше првенствен натревар од Ла Лига против екипата на Елче на „Камп Ноу“, јутјуберот реши да ја почести и однесе својата Марта заедно да ја гледаат Барса во живо. Арно ама на Лазаров не му било само до Барселона и фудбалот, туку токму на Камп Ноу решил да го заврши ергенскиот живот и да ја запроси неговата долгогодишна девојка која е чест гостин и во неговите Јутјуб видеа кои се многу гледани. Стефан возбуден бидејќи за прв пат во животот го гледа својот омилен клуб во живо, ама уште повозбуден од чинот кој треба да следува, а таа тоа не го ни насетува. И тогаш во еден момент, како „гром од ведро небо“ за идната вереница, се случува она најсвеченото - моментот на запросувањето.

View this post on Instagram

A post shared by Stefan Lazarov (@_lazarovv)

Идната невеста „шокирана“, па потоа во прегратките на јутјуберот, а „среќниот шокирач“ насмеан и среќен откако таа кажа ДА, додека гледачите наоколу на трибината, со своите мобилни снима и со овации им аплаудира на вљубените свршеници, исто како кога Барса ќе даде гол! Како изгледала од почеток до крај целата „операција свршувачка со среќен крај“ кој е всушност само нов почеток на една приказна за поинаков, заеднички живот, погледнете од видеото кое самиот „свршеник“ Лазаров го спакувал и споделил на својот Јутјуб канал (Кликни ТУКА). И секако, честитки и од нас до Стефан и Марта!

Македонската ријалити ѕвезда се сврши: Елеонора Миљковиќ кажа – ДА! (ФОТО)

Антонио Димитриевски — Fri, 17 Jun 2022 07:32:45 +0000

Македонската ријалити ѕвезда се сврши. Елеонора Миљковиќ беше запрoсена од своето момче Чедо, со кое се во долгогодишна љубовна врска. Чинот на запросувањето се случил вчера, четврток, 16 јуни 2002, во атарот на една позната, елитна скопска винарија, каде откако нејзиното момче по стариот добар обичај клекнаувајќи на колена и подарил скапоцен веренички прстен и ја побарал нејзината рака, македонската ријалити учесничка кажала - ДА! Скопската убавица претходно со ништо не најави дека е „на чекор“ од запловување во брачните води, што не ја исклучува можноста и самата навистина да била изненадена од запросувањето, иако многумина велат дека не е баш така. Гледајќи ги споделените фотографии и видеа на нејзините Инстаграм приказни, тврдат дека запросувањето изгледа како да било „однапред режирано“, со срце од рози на плочникот, огномет со поставени прскалки, црвени срце балони и подготвени фотообјективи за да го овековечат чинот. Како и да е бившата ријалити ѕвезда од „Задруга“ и едно време ТВ презентерка на временска прогноза на српската „ТВ Ред“, сексапилната инфлуенсерка и модел, Нора го кажа своето судбоносно - ДА. Скопската убавица веднаш се пофали со својот свршенички прстен, за кој се зборува дека е со дијамантски циркони. Големиот букет од (само идниот зет знае колку) црвени рози и свршеничката торта во облик на црвено срце на кое е испишано: “Таа кажа да“ , биле само дополнителен дел од вереничкиот декор на идната брачна двојка. Момчето во елегантно спортска бела комбинација, идната невеста на високи потпетици во долг, елегантен, црн летен фустан како црно-бела симболика на спротивностите кои како плус и и минус, како половите на магнетот силно се привлекуваат. Свршеничката веселба потоа продолжила во еден познат скопски ланч-ресторан и кафе-бар, каде вереничкиот декор го надополниле и балоните, меѓу кои доминира оној во форма на свршеничкиот прстен. За потоа славјето да заврши длабоко во ноќта во домашен амбиент кај идната невеста во дворот на семејната куќа со танци, песна и пијалак и... веренечки нежности. Дали веќе и кога е закажана и свадбената веселба, засега никој од двојката не открива. Како и да е некогашната „задругарка“, го направи првиот (пред)брачен чекор на патот наскоро да стане невеста, а со тоа и нечија сопруга! Нека е со среќа! Фото: Инстаграм принтскрин/__elle.m__

Романтично запросување на плажа: Кортни Кардашијан се сврши со тапанарот по неполна година врска

Христина Ѓоргиевска — Mon, 18 Oct 2021 09:04:28 +0000

За врската на Кортни Кардашијан и Тревис Баркер, тапанарот на групата „Blink 182“ се дозна во февруари оваа година, а сега музичарот ја запроси Кортни. Тапанарот Баркер клекнал пред хотелот „Роузвуд Мирамар бич“ опкружен со рози и свеќи, со што ја изненадил Кортни која со години во реалното шоу „Во чекор со Кардашијан“ зборуваше дека никогаш нема да се омажи. Тие со радосните вести се пофалија на социјалните мрежи. „Засекогаш, Тревис Баркер“, напиша 42 години реалити ѕвезда во описот на фотографија на која се бакнуваат на плажа. Веднаш следуваа честитки, а Ким Кардашијан објави фотографии од пресрќениот пар на кој се гледа и огромниот дијамантски прстен. Освен Ким, на нивната свршувачка присуствуваше и трета сестра Клои Кардашијан со нејзиниот партнер Тристан Томпсон. „Кортни беше многу возбудена кога ги виде Клои и Тристан. Тревис ја однесе на плажа каде што беше поставена декорацијата од црвени рози и свеќи, а изгледаше многу романтично. Видов насмевка на нејзиното лице, а таа со двете раце ги покри усните кога тој ја запроси.Семејството славеше заедно со нив, а потоа се вратија во хотел“ вели извор близок на парот. Двојката размислува за брак, а нивните семејства одлично се согласуваат. „Заљубени се до уши и никогаш немаат искусено таква љубов. Кортни е најсреќна на светот.Травис ја обожава и одлично се однесува со неа. Ова им е поразлична врска од претходините и тоа во позитивна смисла“, тврди изворот. фото: профимедиа/бацкгрид уса/ медиа мунчх/инстаграм/кортни кардашијан/твитер/ким кардашијан

Луна Ѓогани кажа – ДА: По сите скандали во „Задруга 3“, Марко ја запроси ќерката на Анабела (ВИДЕО)

Антонио Димитриевски — Mon, 07 Sep 2020 08:54:53 +0000

Луна Ѓогани и Марко Миљковиќ својата врска ја започнаа во реалното шоу „Задруга 3“, каде следуваа безброј расправии, конфликти, испади, скандали... Во нивната љубов никој не веруваше, но тие им ја затворија устата на злобниците и издржаа во љубовната врска до крај. Имаа многу турбуленции и падови, но се чини денес е нов почеток за нив. Разбирливо, зашто Марко ја запроси Луна, а таа кажа - ДА! По прославата, Марко се вклучи во живо на Инстаграм: „Благодарам, луѓе - се радуваше Миљковиќ, а Луна ги зеде со себе сите балони што ги доби. „Здраво, на сите! Еве јас и Марко ја завршивме оваа посебна вечер, јас сум топ. Малку се напив, но ова е моја ноќ. Свршен сум, не можам да верувам“ - рече пресреќната Луна, која сè уште не беше свесна за сè што и се случи. Како изгледаше одлично организираното запросување и реакцијата на Луна… можете да погледнете во ова видео: https://www.youtube.com/watch?v=qHQ1sIrUWmo&feature=emb_logo

Дунавка „леташе во облаци“ и кога дојде ред да се сврши: Функционерот ја запроси манекенката во авион! (ФОТО)

Антонио Димитриевски — Mon, 17 Aug 2020 13:25:45 +0000

Манекенката Дунавка Трифуновска ќе се мажи! Екс директорот на Агенцијата за спречување перење пари Ване Цветанов ја побарал раката во авион, на враќање од одморот од Турција, објави „ммс.мк“. „Јас проценив дека си жената на мојот живот, дали сакаш да го поминеш животот со мене“ и рекол Ване кога ја запросил.

Јас реков ДА и додадов: Овој прстен да ти биде последен, вели Дунавка.

Таа не сакаше да открие колку чини дијамантскиот прстен, а најави дека по ова следуваат плановите за свадба, која нема да биде вообичаена, туку во фази, открива манекенката. Нејзиниот свршеник вели дека најсилна врска меѓу нив е зрелоста, благодарение на искуството што го имаат во животот и во љубовта.

Зрелоста, тоа што и двајцата знаеме што сакаме. И искреноста. Досега сме искрени сосема и функционираме. Тоа се оние темели кои направија таа почетна хемија, која беше видлива, да прерасне во голема љубов. Бидејки едно е страст и хемија, друго е љубов и длабочина. Премногу бргу ги раздвиживме нештата за да ги најдеме фрекфенциите помеѓу нас. Многу важен беше нашиот поглед на светот и вредносниот систем кој ни е многу сличен, бидејки и двајцата , секој во својата област важиме за контравезни. Но, она кое што го перцепира јавноста за нас е многу различно од она што сме. Тоа не врза силно и овозможи една искрена и длабока љубов, откри Ване. https://arhiva.vistina.com.mk/radio-mileva/dunavka-aptekarka-si-najde-srodna-dusha-vo-vane-cvetanov-kontroverznata-manekenka-i-nadzorniot-revizor-se-vo-ljubov-foto/

Дунавка претходно го отвори срцето за поранешниот директор на финансовата полиција и в.д. претседател на Советот за унапредување и надзор на ревизијата во Македонија, Ване Цветанов! Тие двајцата однеодамна се во љубовна врска и уживаа во нивниот прв заднички одмор на море во Турција, што и едниот и другиот, јавно го обелоденија на социјалните мрежи, по што дојде запросувањето во авионот на 10.000 метри.

И пејачот се сврши: Маријан Стојаноски ја побара раката на својата избраничка Наташа (ФОТО)

Антонио Димитриевски — Mon, 16 Dec 2019 07:58:45 +0000

Маријан Стојаноски ја побара раката на својата избраничка Наташа Каранџуловска. Откако речиси целосно се повлече од естрадата, се пресели во Скопје и започна да работи како дел од хорот на операта во МОБ, пејачот како да исчезна и од јавноста. За него и неговите активности многу малку се слушаше, а за приватниот живот речиси воопшто. Него го знаеја само најблиските другари и пријатели околу него. Во јавноста се „шушкаше“ само дека пејачот е во неколкугодишна врска, дека има девојка која ја криеше како „змија нозете“. Наташа не е крушевчанка, живее во Скопје иако не е познато дали можеби има влашко потекло или влече крушевски корени. Затоа и веста дека пејачот се свршил веднаш се прошири на социјалните мрежи, како и фотографиите на кои свршеникот е облечен во елегантно бордо палто и црни пантолани, а свршеничката пак покрај „бушавиот розов фустан“ ја покажа свршеничкатаа торта, букетот цвеќе и секако свршеничкиот прстен со кој беше побарана за сопруга од пејачот! Маријан своевремено пееше: „Срце ќе ти украдам“ , па не и и го украде туку и го освои... Пееше и „Подарок“, а подарокот во вид на брачна понуда и веренички прстен стигна, веруваме на вистинската љубовна адреса за која пееше заедно со колешката Андријана Јаневска во дует, во „Љубов ти е адреса“... Сега му останува само до крај да остане „Ненаситен“ по неа, неговата избраничка и животна сопатничка Наташа. Инаку крушевчанецот Маријан Стојаноски се појави некако во исто време со Тоше Проески и не само што му беше сограѓанини школски другар, туку многумина стручњаци во тоа време на почетокот на нивните кариери сметаа дека Маријан дури има и и подобар глас, подлабок и помоќен, а е еднакво талентиран и квалитетен вокал како и Тоше, па затоа и на обајцата им предвидуваа блескава кариера! Редакцијата на Вистина.ком.мк на идните сопружници им посакува среќна веридба, наскоро среќен брак и многудетно семејство!

Рафаел Надал по 14 години врска ја запроси девојката која мрази слава (фото)

Слободанка Илиева — Thu, 31 Jan 2019 10:30:29 +0000

Рафаел Надал (32) ќе застане пред олтар! По 14 години врска тенисерот колена пред неговата девојка Мери Перело (32) и ја запроси. Луксузна свадба ќе се одржи на есен во Мајорка, а среќната двојка запросувањето го чуваше во тајност осум месеци, пишува „Hola“ Тие се заедно од 2005 година, но се запознале многу порано. Мери е дипломиран финансиски експерт и работи како проект-менаџер за хуманитарната организација на Надал.

За време на Австралија Опен, каде што Шпанецот беше поразен во финалето од Новак Ѓоковиќ, таа го бодреше својот свршеник од трибините. Сепак, тоа не е едена од познатите партнерки на спортистите кои се секогаш близу теренот. Пред неколку години, таа откри зошто не ја гледаме на натпреварите на Рафа. "Му треба простор кога игра и самата идеја секогаш да му бидам близу и постојано да го чекам, кога му треба нешто, ме исцрпува", рече таа додавајќи:

- Тоа ќе ме гушело, а потоа тој ќе мора да се грижи за мене ... Не. Ако го следам на сите турнири, мислам дека постои опасност дека нема да траеме долго заедно. Таа не е типична жена на спортист, дури и кога станува збор за социјални мрежи и нема официјален профил на некоја социјална мрежа.

"Тоа не е свет за мене, а Рафа не би избрал жена која сонува за таков живот", објасни во една прилика.

Кажа “да“: Уште една „Ѕвезда на Гранд“ го покажа свршувачкиот прстен

Христина Ѓоргиевска — Thu, 05 Jul 2018 11:54:42 +0000

Неодамна некогашната „Ѕвезда на Гранд“, Александра Пријовиќ се омажи со посинокот на Лепа Брена, Филип Живојиновиќ и заплива во брачните води. Брзо по нејзината свадба, уште неколку нејзини колеги и колешки си го дадоа зборот и го покажаа свршувачкиот прстен. По Марина Станковиќ и Стеван Анѓелковиќ, уште една „Ѕвезда на Гранд“ се сврши. Дечкото на Надица Адемов ја запроси пејачката, а таа на социјалните мрежи го покажа свршувачкиот прстен. „Да“, напиша Надица во описот на фотографијата, а изгледа дека нејзиниот дечко Ненад ја изненадил во Виена. Парот во интимна атмосфера ја прославил свршувачката.

DA! ?❤ @nnd.paunkovic

A post shared by Nadica Ademov Official (@ademovnadica) on Jul 4, 2018 at 11:37am PDT

Ќе заплива во брачните води: Се сврши Аријана Гранде по едномесечна врска!?

Христина Ѓоргиевска — Tue, 12 Jun 2018 09:46:34 +0000

Пејачката Аријана Гранде пред еден месец започна врск со актерот Пит Дејвидсон, а сега во медиумите се појавија гласини дека младиот пар ќе заплива во брачните води. Како што истакнуваат нивните пријатели, тие се забавуваат само неколку недели. Меѓутоа, тоа не е причина нивната врска да ја крунисат со брак. Пејачката на својот профил на Инстаграм сподели неколку интимимни фотографии од својата врска.

i thought u into my life ? woah ! look at my mind ?⚡?

A post shared by Ariana Grande (@arianagrande) on May 31, 2018 at 12:51pm PDT

Изворите откриваат дека тоа било љубов на прв поглед, интезивна и обострана. Младиот актер Пит не ги потврди гласините, но на социјалните мрежи се појави фотографија од пејачката која на раката има дијамантски прстен.

The ring omg. Congrats bb? sooo @arianagrande and @petedavidson if you guys ever think of having kids wanna adopt me? Thanks. I’ll get the papers set up. #arianagrande

A post shared by Ariana Grande ? (@arainaigrande) on Jun 11, 2018 at 11:40pm PDT