се простуваат – Вистина.мк

Злосторство и казна: Народот ја бара правдата во свои раце, социјалните мрежи експлодираа, македонските јавни личности сочувствуват со болката и се простуваат од малата Вања

Антонио Димитриевски — Mon, 04 Dec 2023 09:04:31 +0000

Монструми, убијци, крвници, психопати... Има ли зборови што не беа кажани и напишани на социјалните мрежи по страшната и тажна вест која пристигна дека малата Вања е убиена. Јавноста згрозена и шокирана од монструозниот чин на свирепо убиство на невино дете заради некакво си користољубие?! Зарем има такви пари, заради кои може да се одземе нечиј живот, особено на младо дете кое никому ништо ниту згрешило ниту има било каква вина или поврзаност со нечии гнасни и монструозни планови и умисли? Народот е на работ на трпението кое полека го губи, зашто кога неправдата станува закон, правдата станува обврска која народот ја презема во свои раце... Токму затоа и илјадниците повици и барања за враќање на смртната казна, па дури и за јавна егзекуција на крвниците кои по вакво злосторство заслужуваат и многу повеќе од тоа, заслужуваат - линч! А оние кои сознанието за злосторот го криеле цела седмица заради сопстевните интереси ако е тоа навистина така, заради своите фотелји и кариери, не заслужуваат повеќе ниту една минута да владеат! Заслужуваат и морална и политичка одговорност огледана во нивна моментална оставка! Психопатите со окрвавени раце секако ќе бидат изнесени пред лицето на правдата, само прашање е дали овој пат соодветна правда ќе има? И која е таа казна која може да замени еден вака насилно одземен невин детски живот? „Заб за заб, око за око“ - вели старата поговорка која не случајно е измислена и кажана. Ако треба да посегнеш по нечиј детски живот заради користољубие, сигурно не заслужуваш да живееш, зашто љубов во таквите никогаш и немало, а корист од нив повеќе нема ниту ни да има. Најпеколна сепак ќе им биде казната од Бога, со која до крајот на животот треба да живеат носејќи ја малата Вања на душа... Ако воопшто душа имаат ваквите безбожни ѕверови? Зашто да имаа и трошка од истата таа душа не би ни помислиле, а камоли осмислиле и реализирале ваква свирепа егзекуција , вакво крваво ѕверство на малолетно дете без никаков повод и причина! Затоа ако веќе злосторот е монстриуозен и казната треба да биде еквивалентна... А постапката, брза и безмилосна! Онаа судската, секако, кога веќе законот не дозволува поинаку! И додека јавноста се уште не може да се соземе од гнасното злосторство, македонските јавни личности, естрадни уметници, ТВ водители, модели, спортисти, актери... сочувствуват со болката на мајката и блиското семејство и се простуваат од малата Вања преку своите профили на социјалните мрежи. И кај нив, како и кај сите нас, емоциите се измешани. Тага, болка, жал, неверување, гнев, бес, желба за правда, за одмазда кон бездушните крвници... Емоции кои се огледаат во споделените постови на нивните Фејсбук и Инстаграм профили... Ова е само едно мало парче од нивниот „ѕид на плачот“, но и од нашиот „ѕид на срамот“... На сите нас како народ што дозволивме да завршиме како „забегано општество“ во кое психопати и убијци, монструми и крвници слободно се шетаат со окрвавени раце, а некои од нив да бидат во одреден период и инволвирани длабоко во власта. Почивај во мир Вања, нека ти е светол патот мал ангелу и прости ни, ако можеш... Ако прошка воопшто и заслуживме! Фото: Социјални мрежи/Facebook/ Instagram/

Семејството и пријателите се простуваат од Масимо Савиќ, пред пејачот денес да биде погребан: „Засекогаш ќе остане тој глас“ (ФОТО)

Антонио Димитриевски — Tue, 03 Jan 2023 12:22:01 +0000

Голем број роднини и пријателите денеска се на гробиштата во Задар за да му оддадат последна почит на пејачот Масимо Савиќ кој почина на 23 декември. Савиќ ќе биде погребан денеска, а меѓу пријателите и соработниците кои дојдоа се Тончи Хуљиќ со сопругата, Џибони, Нено Белан и многу други. -Задар загуби премногу, а Хрватска многу, кусо изјавил Џибони. -Тој навистина посебно ја преживуваше уметноста и сериозно го сфаќаше тоа што го работи. Секогаш останува тој глас. И тоа ќе остане специфично, изјавил Тончи Хуљиќ. Сопругата Ени и ќерката Мирна беа придружувани од вереникот на Мирна, Игор Павловиќ со кој требаше да се венчаат за Нова година, а Масимо да им пее на пославата. Венчавката беше одложена. -Денес ние тројца требаше вака да стоиме прегрнати, но пред матичарот. Тато планираше да не’ изненади со песна. Ќе го поминам остатокот од животот обидувајќи се да и простам на вселената за обаа болка, напиша таа во саботата.

НБА кошаркарските ѕвезди со проштални пораки се збогуваат со легендата: „Хероите доаѓаат и си заминуваат, но легендите живеат вечно“ (ФОТО)

Антонио Димитриевски — Sun, 26 Jan 2020 20:45:34 +0000

Жалната вест која го шокираше светот, за жал е потврдена. Американската кошаркарска легенда Коби Брајант го загуби животот на 41 годишна возраст. Загина во хеликоптерска несреќа на местото Калабасас, Калифорнија, нешто околу 13:00 часот по американско време. НБА кошаркарските ѕвезди со проштални пораки се збогуваат со легендата... Некогашните и сегашни активни НБА ѕвезди, со неверување ја примија веста за големата загуба. Ова се се само дел од првите испратени проштални пораки до кошаркарскиот великан Коби, од некои од неговите познати колеги.