се породи – Вистина.мк

Во тајност се породи хрватската пејачка Лана Јурчевиќ: По сите премрежја и компликаци и мајката и бебето се добри (ФОТО)

Антонио Димитриевски — Wed, 29 Nov 2023 13:14:13 +0000

Хрватската пејачка Лана Јурчевиќ се породила во тајност, пренесуваат хрватските медиуми. Принова е родена во загрепската Петрова болница , а и Лана и бебето се добро, пишува „Story.hr“. Пејачката, да потсетиме, откри летово дека е бремена, а бременоста не и била лесен период. Лана објави дека е бремена на крајот на јули, а две недели подоцна ги откажа сите закажани концерти. На крајот на август, поради компликации, таа заврши во болница кога таа ја објави шокантната објава. „Признавам, ми требаа повеќе од 50 дена да соберам сила и храброст да го испуштам ова и да се отворам. Да, добив повеќе од 70 дози антибиотици, „милион“ инјекции во вените кои веќе немаа „сила“, крварење, компликации, многу неизвесност... но сето тоа ќе се заборави еден ден... се надевам - за некој повисок смисол“, напиша тогаш Лана, чии страдања завршија, а желбата да стане мајка и се оствари. Фото: Инстаграм/lalana

Пејачката доби нова улога: Се породи Тамара Милутиновиќ , а бебето доби прекрасно име од латинско потекло (фото)

Слаѓана Атанасова — Wed, 06 Sep 2023 07:12:12 +0000

Познатата пејачка Тамара Милутиновиќ на свет го донесе своето прво бебе. Поранешната учесничка на натпреварот „Ѕвездите на Гранд“, Тамара Милутиновиќ се породи, јавуваат тамошните медиуми. Тамара е во брак со швајцарскиот фудбалер со српско потекло Дарко Јевтиќ и роди девојче. Новопечената мајка и новороденчето се чувствуваат добро по породувањето, пренесува Блиц.рс Убавата пејачка пред неколку дена на својот Инстаграм профил ја сподели веста дека наскоро ќе се породи.

View this post on Instagram

A post shared by 𝚃𝚊𝚖𝚊𝚛𝚊 𝙹𝚎𝚟𝚝𝚒𝚌 (@tamaramilutinovic)

Воедно, Тамара откри какво име би и дале таа и нејзиниот сопруг Дарко на својата наследничка. Тоа е многу убаво име со латинско потекло. - И само така, дојдовме до крајот... Крајот, но и најубавиот почеток... Можеби нема повеќе да ги чувствувам најубавите „пеперутки“ во стомакот, но јас и тато ќе ги донесеме до тебе на дланка до крајот на нашиот живот. Емили, наше чудо – напишала убавата пејачка. Емили на латински значи „таа што се натпреварува“.

View this post on Instagram

A post shared by 𝚃𝚊𝚖𝚊𝚛𝚊 𝙹𝚎𝚟𝚝𝚒𝚌 (@tamaramilutinovic)

Интересно е тоа што токму на денот кога пејачката се омажи за Дарко, Тамара откри дека е трудна. Фото: Принтскрин/Инстаграм

Се породи Антониа Гиговска: „Фала ти господе за оваа среќа!“ (фото)

Слаѓана Атанасова — Fri, 14 Jul 2023 11:38:30 +0000

Пејачка Антониа Гиговска и музичарот Роберт Спасенцовски станаа родители за прв пат. Синоќешната тишина на профилот на социјалните мрежи кој остана без ниту едно ново „стори“ како да ја наговести денешната голема радост на естрадно - брачната двојка и новните семејства. Македонската пејачка Антониа Гиговска денеска на свет донесе машко бебе, а убавата вест веднаш ја сподели избраникот на Антониа, Роберт Спасенцовски кој со возбуда напиша: - Станав татко. Фала ти господе за оваа среќа. Под неговата објава се нижеа честитките од следбениците, пријателите и колегите кои беа во исчекување. Младата пејачка Антониа, во текот целата бременост беше активна трудница, а во јавноста го споделуваше секој момент од почетокот на бременоста. Породувањето се случи во една приватна болница во Скопје, а Антониа Гиговска уште неодамна откри дека очекува машко бебе. Честитки, да е жив и здрав! Фото: Принтскрин/Инстаграм/Фејзбук

Се породи познатата српска старлета Ана Кораќ, а на свет донесе момче (фото)

Слаѓана Атанасова — Tue, 28 Feb 2023 08:46:34 +0000

Старлетата Ана Кораќ се породи и роди момче, а на нејзината среќа и нема крај. Како што пишуваат медиумите, Корач се породила со царски рез во приватна клиника. Ана и нејзиниот син се сместени во посебен луксузен апартман, а персоналот се грижи за неа и за бебето. Инаку, Ана уживаше и се посвети на „блажената состојба“ цели девет месеци, а неодамна и јавно се огласи. - Да се биде во благословена состојба е најубавото нешто што една жена може да го почувствува! Наскоро ќе станам мајка и едвај чекам да го држам син ми во раце. Мојот живот целосно се промени. Посветена сум на семејството, а се е подготвено за доаѓањето на бебето – изјавила Ана. Таа пред неколку дена го врати и нејзиниот Инстаграм профил па напиша: - Отворив маркетинг компанија. Имам тим од луѓе со кои ќе правам сериозни кампањи во иднина. Сакам да се посветам на мојот син и на работата на која напорно работев сите овие месеци. Сакам да им се заблагодарам и на медиумите за разбирањето и почитувањето на мојата одлука да ја носам бременоста на мир – изјави Ана. Фото: Принтскрин/Инстаграм/Ана Кораќ

Викторија Јаначковиќ стана мајка: Некогашната мисица, модел, политичарка и стоматолог… на свет ја донесе малата Никита (ФОТО)

Антонио Димитриевски — Wed, 15 Feb 2023 10:31:28 +0000

Викторија Јаначковиќ, една нашите најпознати манекенки и некогашна миусица, која по излетот во светот на политиката и завршувањето на студиите по стоматологија се врати во модниот свет како едно од заштитните лица на модната куќа ЕЛ, на социјалните мрежи сите ги шокираше со веста дека деновиве станала мајка! Имено, на 26.01.2023 година Викторија на свет ќе донесе здраво и право девојче, кое го добило името Никита. „Многу ми е антипатично кога една јавна личност ќе почне да излегува од „фрижидер“ поради нејзината бременост. Во бременоста не бев воопшто поразлична од другите жени. Го прескокнав оној дегутантен дел сликање со гол стомак. Со самото тоа, ретко кој освен моите најблиски и неколку пријатели знаеа што се случува“ - ќе изјави гордата мајка во своето прво интервју по бременоста за „Слободен печат“. Инаку, како што љубопитните душегрижници веќе почнаа да прашуваат, таткото на детето не е и сопруг на Јаначковиќ, зашто како што самата вели, неам намера да се мажи за него, односно да стапи во брак по втор пат. Патем, таткото за нашата јавност е непознат, зашто е странец и не е државјанин на Македонија. Но тоа не значи дека таа и таткото на најзиното новородено дете не се во контакт, комуникација, добри релации и не се однесуваат како грижливи родители, без оглед што официјално не се врзани со никакво брачно парче хартија, односно не се венчани. Инаку, несудената забарка во август 2016 година го смени приватниот статус, па куста врска влезе во брак со Никола Тасески. Замина да живее во Англија и оттогаш како да ја снема, се до нејзиното враќање во јавноста една година подоцна, кога обзнани дека се развела и нејзиниот прв и засега последен брак, завршил! Што се однесува до стравот од бременоста и особено од породувањето заради поодминатата возраста во која Викторија за прв пат требаше да роди, во споменатото интервју самата ќе изјави: „Имав патолошки страв од самото породување, „се простував од него“ што е необјасниво, бидејќи како за мене така и за сите жени, но не можев никако да се справам со стравот. Деветте месеци ги поминав во движење и работа, и не придавав многу значение на тој процес и правев сѐ контра од она што докторите ми го кажуваа. За среќа, тоа немаше никакви реперкусии врз Никита. Жива, здрава и права се роди. Топло препорачувам на сите идни мајки, секако доколку немаат прблематична бременост, да не се лигават и да си го слушаат своето тело што им кажува“. За потсетување, Викторија Јаначковиќ на пошироката македонска јавност и стана позната во 1999 година кога беше придружничка на Мисот на Македонија. Се појавуваше на разни модни настани и едиторијали како манекенка и модел, а потоа дипломираше на Медицинскиот факултет на отсекот за стоматологија. Но, таа преку ноќ стоматолошката ординацијата реши да ја замени со канцеларијата, па откако влета во политиката, стана шефица на кабинетот на тогашниот заменик министер за култура – Драган Недељковиќ, во времето на владеењето на владата на премиерот Никола Груевски. Фото: Инстаграм принтскрин/viktorija.janackovic/привана архива

После три ќерки… Блејк Лајвли се породи во тајност, убавите вести ги сподели со една фотографија

Слободанка Илиева — Mon, 13 Feb 2023 12:26:07 +0000

Блејк Лајвли и Рајан Рејнолдс тајно станаа родители на нивното четврто дете. Убавата актерка вчера се огласи на Инстаграм за да сподели фотографија од „Супер Боул“ која откри дека повеќе нема труднички стомак. „Епски пост! Од сите причини!“, е еден од многуте коментари.

View this post on Instagram

A post shared by Blake Lively (@blakelively)

Дека Блејк и Рајан, кои се во брак од 2012 година, го чекаат четвртото дете, стана познато во септември минатата година. Оваа информација актерката ја откри на „Форбс Пауер“ Женскиот самит во Њујорк, каде што прошета на црвениот тепих во поодмината бременост. Инаку, двојката која се смета за најзаљубена во Холивуд има три ќерки: Џејмс, Инес и Бети. И покрај славата и парите, Блејк и Рајан се обидуваат да живеат како сите други во нормалниот свет. Немаат дадилка, а за да биде еден од нив секогаш со децата, никогаш не снимаат филмови во исто време. Веста за младенците стигна во моментот кога сопружниците прославуваа десет години хармоничен брак, во кој се впуштија набргу откако се запознаа на снимањето на филмот „Грин фенер“. Пред тоа, Рајан помина три години со Скарлет Јохансон. фото:Mike Coppola / Getty Images/Profimedia/Instagram

За некогашната македонска ТВ водителка и оваа Нова година е повеќе од среќна: Марија Главчева по втор пат стана мајка (ФОТО)

Антонио Димитриевски — Thu, 05 Jan 2023 09:58:15 +0000

Поранешната македонска ТВ водителка која последниве години живее надвор од Македонија, поточно во САД и годинава како и пред две години имаша повеќе од добра причина со огромна радост да влезе во Новата Година. Имено и во 2022-та новогодишните празници беа посебни за неа како и пред две години, кога Марија Главчева и нејзиниот избраник Ивица Попоски беа за прв пат во исчекување на нивната најголема животна радост. Тогаш, само неколку дена по највеселата и најлуда ноќ, атрактивната гевгеличанка на свет го донесе своето прво чедо, првата рожба и тоа прво – па машко, синчето Мартин. Две години подоцна, историјата или поточно животниот циклус како пресликан се повторува... Речиси во ист ден Марија се породи по втор пат и на свет донесе уште едно здраво машко чедо, кое овој пат го доби името Адриан. „Адриан сине, добре ни дојде во нашите животи. Мама, тато и братчето Мартин се најсреќни и благословени“ - кусо сподели некогашната водителка на својота Фејсбук страница, по што следуваше ерупција од воодушевувањам честитки, благослови... од нејзините роднини, пријатели, познаници..., на што Марија и нејзиниот сопруг Ивица на сите што им ја честитаа приновата во семејството, најискрено им се заблагодарија. Како и не би, кога можеше ли поубаво, порадосно и посреќно, Новата 2023-та за нив да започне? Нека е среќна и годината и приновата! Фото: Фејсбук принтскрин/Marija Glavcheva

Марија Егеља откри како ќе се вика нејзиниот син: Одбра старо име кое носи силно, симболично значење (фото)

Слаѓана Атанасова — Mon, 07 Nov 2022 09:42:04 +0000

Убавата водителка се породи вчера и на свет донесе здраво момче. Марија Егеља радосната вест ја сподели на својот Инстаграм профил. Сепак вчера немаше индикации како ќе се вика момчето. Сопругот на Марија, Александар Дабиќ, приреди голема прослава на која се собраа семејството и пријателите, а тој цела вечер уживаше со песните кои ги нарача за својата сакана. Тамошните медиуми објавија дека водителката го родила синот по природен пат и дека се поминало во најдобар ред. Според информациите, Марија и Александар решиле својот син да го именуваат Алекса. Ова прекрасно име е пократка варијанта на името Александар, Алексије. Името доаѓа од грчкото Александрос, што значи „заштитник на луѓето“. Тоа е името на познатиот македонски генерал и владетел Александар Македонски, кој го основал градот Александрија на брегот на Египет, познат по својот колосален светилник и најголемата библиотека од таа ера.

View this post on Instagram

A post shared by @marija.egelja

Убавата актерка се опоравува во породилиште уживајќи со својот син, а пред да се породи еднаш откри како се чувствувала за време на бременоста. - Јас сум разгалена и негувана трудница, но така беше и кога му бев девојка, свршеница, а сега сопруга, па ништо посебно не се сменило, освен што ми велат дека блескам - откри неодамна Марија. Фото: Принтскрин/Инстаграм

Петар Грашо стана татко – 14 години помладата сопруга, роди ќерка (фото)

Слаѓана Атанасова — Mon, 18 Jul 2022 10:02:31 +0000

Се породи Хана Хуљиќ Грашо, домот на Петар Грашо стана побогат за уште еден член, Хана и Петар Грашо станаа родители. Нивната врска стана јавна во октомври минатата година и оттогаш се топ тема во медиумите и јавноста. 45-годишниот пејач и неговата 14-години помлада избраничка соработуваат подолго време, а Грашо бил близок и со нејзините родители кои јасно ја поддржувале нивната врска. Брачната двојка претходно објави дека избрале име за девојчето и дека ќе се вика Алба. Јавноста дозна дека очекуваат бебе во средината на јануари, а парот за кратко време се венча во Сплит. Фото: Принтскрин/Мирослав Лелас/Ј.Бабиќ

Водителката се породи, таа и пејачот станаа родители: Ана Николовска и Стефан Величковски добија ќерка (ФОТО)

Антонио Димитриевски — Mon, 20 Jun 2022 06:57:53 +0000

Откако неодамна и официјално впловија во брачните води и потпишаа заклетва на вечна верност, пејачот Стефан Величковски и ТВ водителката Ана Николовска сега за прв пат се остварија и како родители. Имено, македонскиот учесник во „Ѕвездите на Гранд“ на својот фејсбук профил ја сподели радосната вест со јавноста дека „штркот долетал“ и во нивното семејно гнездо, кое сефа е е збогатено со принова. неговаат сопруга Ана, на свет донесе девојче, а гордиот татко не ги криеше среќата и воодушевувањето, признавајќи дека нивниот брачен сон станал реалност. „Ми се роди ќерка!!! од денес сум најсреќниот татко на светот. нашиот сон стана реалност Ана Николовска Величковска. Ве сакам премногу принцези мои“ - напиша музичарот во пораката со која го обзнани татковството, иако барем засега ниту тој ниту мајката јавно не го открија името кое ќе го носи малечката убавица. Уште за време на свадбената веселба во почетокот на март 2022 год. која ја правеа во еден скопски локал, само најблиските во семејствата и оние кои беа присутни на свадбената веселба знаеа дека невестата е бремена, преку неколку фоторафии и јавноста можеше да види колку и нараснало трудничкото стомаче на невестата и идна мајка. ТВ водителката својата бременост очигледно вешто ја криеше, иако понекогаш со своите другарки знаеше да се појави на некој од викенд настапите на нејзиниот сопруг. Како и да е, нека им е со среќа приновата на среќните и горди родители. Фото: Инстаграм принтскрин/Stefan Velickovski