се кае – Вистина.мк

„Секој има право на свое мислење“: Ќерката на Џеј ги сподели впечатоците од филмот „Недела“ (фото)

Слаѓана Атанасова — Mon, 29 Jan 2024 08:16:06 +0000

Марија Рамадановски, ќерка на легендарниот пејач Џеј Рамадановски, ги сподели своите впечатоци од филмот „Недела“ кој се базира на животот на нејзиниот татко. Не поминаа ни две недели од премиерата на филмот „Недела“, а Марија Рамадановски сега ги сподели своите впечатоци од овој филм и рече дека има неколку замерки. - Филмот го видов на премиерата и можам да кажам дека сум задоволна од она што го видов. Во исто време, бев и среќна и тажна што гледав филм за него. Актерите беа одлични, би ги пофалила сите. Татко ми имаше многу турбулентен живот, па да траеше филмот пет часа, немаше да може да се отслика неговиот живот - изјави таа во емисијата „Премија викенд специјал“, додавајќи: - Мојот татко никогаш не се стремел да биде ѕвезда, легенда. Секогаш велеше дека тоа ти го дал Бог. Во филмот се гледа дека пее , но никој не можеше ниту да претпостави кој ќе стане подоцна. Со тоа се водам и јас во мојот живот. Сè е до судбината и до Бога. Како што е речено, така и ќе биде - вели Марија, а потоа продолжи: - Што се однесува до колегите на тато, секој има право на свое мислење, јас не би се мешала таму. Што се однесува до мојот впечаток, можеби недостасуваше повеќе музика, можеби имаше премногу од чичко ми Џамба, но тој мораше емотивно да се врзува за некого. Што се однесува до сцените, тие се реално прикажани. Не можам да кажам дека беше деградиран или лошо прикажан. Горда сум, задоволна и мислам дека сето ова го заслужи и дека би му било мило да има филм за него. Сега, од оваа перспектива, сфаќам дека требаше да поминам многу повеќе време со него и многу ми е жал поради тоа. Фото: printskrin/instgaram/marija_ramadanovski

Дарко Лазиќ ги призна грешките: „Господ ми даде втора шанса“ (фото)

Слаѓана Атанасова — Mon, 13 Nov 2023 11:41:08 +0000

Пејачот Дарко Лазиќ во емотивна исповед се отвори за своето семејство и истакна дека жали што во еден момент се разделил од родителите. Тој во претходните изјави во медиумите истакна дека жали и за сообраќајната несреќа која за малку ќе го чинеше живот. - Најмногу жалам што ја доживеав таа несреќа, морав уште малку да се грижам за себе. Направив голема штета на моето семејство и на луѓето кои ме сакаат, можев да умрам, да не постојам повеќе. Кога би можел да го вратам времето, единственото нешто што би го променил е да се сакам и почитувам малку повеќе себеси – рече тој и додаде: - Бев на работ на смртта, кога човек ќе се извлече од таа ситуација, тогаш сфаќа дека Господ не им дава на сите втора шанса. Потоа се прашуваш: 'Чекај малку мајсторе, уште колку, не си веќе сам на овој свет?!' Лазиќ признава дека во еден момент бил толку понесен од славата што се оддалечил од семејството и дека во тој период никој не можел да влијае на него. - Потекнувам од добро семејство и ги учам моите деца да бидат добри луѓе, некој може да каже дека сум ваков или онаков, но никој не може да каже дека сум лош човек. Имам мои „бубачки“, сите се занесуваат од славата, парите, општеството, ќе се трудам да не ги прават истите грешки како мене. Во тоа време немаше кој да ме поведе на вистинскиот пат, немаше кој да ми каже „Стоп, не треба да биде така“. Ме понесе популарноста, ќе кажам не знам по кој пат, се лаже секој што ќе каже дека е различно. , морав да успеам затоа што удрив со глава во ѕид, а можев и да ја загубам главата - призна Дарко. Фото: Принтскрин/Ата Имаџес/Часлав Вукојичиќ

Љуба Перучица откри кој евергрин посакувал да биде негов (фото)

Слаѓана Атанасова — Wed, 07 Dec 2022 10:22:34 +0000

Речиси и да нема пејач кој не би сакал да ја сними песната на некој свој колега, само поединци не сакаат да го признаат тоа. Сепак, Љуба Перучица отворено проговори на оваа тема и откри дека од срце би сакал песната „Ветрови ме ломе“ на легендарниот Џеј Рамадановски да биде негова. - Секако, има и такви песни кои јас лично сакам да ги пеам и кои би сакал да бидат мои, а една од нив е секако „Ветрови ме ломе“, од познатиот Џеј Рамадановски, рече Перучица. Перучица важи за човек на кој многу мажи му завидуваат не толку за кариерата туку за атрактивната сопруга која ја има покрај себе, Катарина Колозеус. Фото: Принтскрин/Инстаграм/ljubaperucica