Концертна промоција на новиот албум „Homage To A Dreamer“ на „Гоце Стевковски септет“

Антонио Димитриевски — Thu, 01 Nov 2018 12:10:22 +0000

На 8 ноември (четврток), во салата на Македонската филхармонија, со почеток во 20 часот е закажана концертната промоција на новиот албум „Homage To A Dreamer“ на „Гоце Стевковски септет“. Септетот е составен од извонредни музички уметници, а ќе настапи со изведба на новите теми од вториот албум што влезе во тесниот круг на десетте најдобри на музичката мрежа „Спотифај“.

Составот го сочинуваат: Тодор Бакрџиев на труба, Кирил Кузманов на саксофон, Сашко Николовски на тромбон, Филип Динев на гитара, Гордан Спасовски на пијано, Кирил Туфекчиевски на контрабас и Гоце Стевковски на тапани, а на концертот како гости ќе настапат Димитар Божиков на гитара и Филип Димишковски на клавијатури.

Критиката веќе го оцени албумот „Homage To A Dreamer“ како извонредно издание што ги рефлектира талентот и инвентивноста на Гоце Стевковски, кој зад себе има импресивна биографија во која се запишани соработки со повеќе музички ансамбли и артисти, како и музичката индивидуалност и маестралната изведба на сите членови на септетот. Албумот е снимен во 2017 година во Македонската опера и балет, автор на композициите е Гоце Стевковски, а издавач е „Скопскиот џез-фестивал“. https://www.youtube.com/watch?v=A__WakRtwiY&fbclid=IwAR192KbOXoa5N1TBL3MyI9msrHkTLghyd6W6M2f-B3ow-z82k7Up2M1DXjk

Panda 5 е новиот бенд на Тони Китановски, а „Big City Scare“ насловот на нивниот албум

Антонио Димитриевски — Tue, 16 Oct 2018 12:33:10 +0000

„Big City Scare“е насловот на албумот на „Панда 5“ (Panda 5), новиот состав наТони Китановски, соопшти Скопскиот џез-фестивал. Бендот е во состав на Тони Китановски – гитара, Кирил Кузманов – алт-саксофон, Трајче Велков – труба, Кирил Туфекџиевски – контрабас и Виктор Филиповски – тапани. „Big City Scare“ содржи 7 композиции. Снимен е, миксан и продуциран од страна наАлен Хаџи-Стефанов. Дизајнот на обвивката е на Иван Петрушевски. Премиерната концертна изведба на албумот ќе се случи в недела (21.10.), во рамките на 37-то издание на „Скопје џез фестивал 2018“. Инаку, „Big City Scare“ е 42-ро издание на издавачката куќа „SJF Records“.

СЏФ – Вистина.мк

Концертна промоција на новиот албум „Homage To A Dreamer“ на „Гоце Стевковски септет“

Panda 5 е новиот бенд на Тони Китановски, а „Big City Scare“ насловот на нивниот албум