сашо тасевски – Вистина.мк

Сашо Тасевски – директор со најкус рок на траење, глумец со најдолг јазик и ерекција на промаја: “За 24 часа имав 7 пати секс!“ (ВИДЕО)

Антонио Димитриевски — Fri, 10 May 2019 07:45:07 +0000

Актерот и поранешен прв човек на Драмски театар, Сашо Тасевски, во јавноста е познат по тоа што беше директор со најкус рок на траење, но затоа пак е актер со „најдолг јазик“, а и „без влакна на јазикот“.

Далеку од тоа дека не знае културно да се однесува и сака некого да навреди... Тој е само проклето искрен, непосреден и отворен. Токму таков беше и во интервјуто за естрадниот ТВ магазин „Бекстејџ“, каде Тасевски отворено одговараше на прашањата за љубовта, сексот, геј филмовите, за прошка по неверство... За најлошите македонски комичари и актери воопшто, на кои од јавните личности „се пали“, а кои му се антипатични...

За чудо, новинарот Васко Ефтов не го спомна?! Ниту СДСМ, ниту „Некст Тајм“ или колегата Висар Вишка... Со кои „водеше војна во четири очи“ или преку изјави, коментари, преписки, Фејсбук статуси... по кои јавноста подобро го запозна и тоа не само како актер!

Нејсе, можеби неговите зборови понекогаш ќе ви делуваат чудно, можеби некого ќе погодат, повеќето ќе ги насмеат, на сеирџиите ќе им ја наполнат душичката, на злобниците суетата... Но сите заедно ќе ги „купи“ со својата луцидна оригиналност и несекојдневна отвореност во слободата на говорот.

По принципот: “Што на ум - тоа на друм“, Сашо Тасевски си кажа буквално се' што му лежи на душа. Или барем за она што го прашаа, канејќи ги сите на неговиот најнов стендап спектакл „Северно од Македонија“ во Штип, чија премиера во Прилеп закажана за 31 март 2019, директорката на Домот на културата правејќи класична саботажа му ја откажа во „5 до 12“!

Ваше е само уште еднаш да го прегледате разговорот во видеото во продолжение и да се уверите дека сето ова на Вистина.ком.мк е... вистина: https://www.youtube.com/watch?v=i8WhAx3fwgs

Сашо Тасевски емотивно за Билјана Беличанец: Ми рече „стави ме и во шивална, само да бидам овде…“

Христина Ѓоргиевска — Sun, 07 Apr 2019 09:29:24 +0000

„Билјана Беличанец влезе во канцеларијата. Два месеци откако ме назначија за директор. Седна како на жар карши мене, зад клуб-масата. Да ѝ пратам порака дека е добредојдена и влегува дома, станав од директорската фотеља и седнав кај клуб масата. Ја понудив кафе, одби. Дојдов само нешто да ти кажам, рече. Те разбирам ако ме држиш на страна, ако не добивам улоги, зашто бев функционер кај оние, само дозволи ми да бидам овде, да го дишам театарскиот воздух. Стави ме и во шивална, ќе шијам, само да сум тука. Беше сериозна, а јас се насмеав. Реков: Билјана ти си една од најдобрите глумици во Македонија на сите времиња. Треба да играш и сакам да играш, ама не со игла и конци, туку на сцена. Таму би била од најголема помош. Имаш сојузник во мене. Сепак не заигра, иако требаше да игра главна ролја во една претстава, тоа се изјалови од други причини. Нејсе, затоа со ќеф прифати да биде дел од уметничкиот совет, кога ја поканив, откако ме предупреди дека може да си имам проблеми што е она во него. Баш ме заболе и реков. Се сеќаваш што ти кажав во канцеларија ко дојде? Се насмеа. Е па уште го мислам тоа и реков. И секогаш ќе го мислам. Го мислам еве и сега. Најдобра“, напиша Тасевски на својот Фејсбук профил.

(ВИДЕО) Пред 17 години: Сопругата на Сашко Коцев како Линда Евангелиста во спотот на Сашо Спасовски за „Животе сладок си“

Слободанка Илиева — Tue, 17 Apr 2018 07:47:20 +0000

фото:sineplexx.mk Сигурно се сеќавате на македонскиот поп-пејач Сашо Спасовски и неговата „Животе сладок си“ од далечната 2001 година. Можеби помладите генерации тешко ќе се сетат на ова време кога македонската музика се продуцираше и слушаше многу повеќе, а задолжително се снимаа и видео спотови. На тоа убаво време се присети и сопругата на нашиот познат актер Сашко Коцев, Смилјана, која тогаш очигледно имала желба да се појавува пред камери, па освен сопругот и таа да може да се пофали со своја улога - на спот.

Имено, убавата Смилјана се појавува меѓу една од девојките во спотот на Сашо. Откако ја промени профилната фотографија на Фејсбук со таква од од спотот на „Животе сладок си“, повеќето пријатели и следбеници и поласкаа дека изгледа како светскиот модел Линда Евангелиста, други се присетија на тоа време, а пак трети се пошегуваа дека и тогаш за неа важело тоа „од кал да е, Сашо да е!“ Погледнете: https://www.youtube.com/watch?v=FiL_hx0j6HI